precedente successiva

⌂

Chronica conventus Sancti Marci de Florentia OP
parte III: filii conventus: vestizione e professione, ff. 91r-144v (1435-1612)

■  Firenze, Bibl. Laurenziana, S. Marco 370  ■
 

 

 

|96r|

229. Frater Philippus Francisci Lapaccinus Florentinus, eiusdem in saeculo nominis, in manibus prelibati prioris fratris Hieronymi Ferrariensis publice ac de more solemniter est professus die 3a augusti 1493, completorio exacto.

230. Frater Antonius Petri de Sancto Quintino Florentinus, accepit habitum simul quando frater Philippus, scilicet die 20 iulii 1492; sed infirmitate impeditus, distulit solemnem professionem, in manibus ut supra ad xxxum augusti 1493.

231. Frater Benedictus Bernardi Mazinghus, civis florentinus, eiusdem antea nominis, in manibus fratris Hieronymi memorati publice solemniterque de more professus est die xa februarii 1493, circa horam noctis primam. Qui habitum accepit die 4 februarii 1492.

nel marg. sin., d'incerta lettura: hic abiit ad conventuales.

232. Frater Petrus Antonius ser Leonardi de Colle Florentinus, eiusdem in saeculo nominis, et duplici caritate germanus fratris Iohannis Marię supra memorati; solemniter de more professus est in manibus prefati, 31 maii 1494, hora prima. Qui habitum accepit die 24 maii 1493.

233. Frater Iohannes Zenobii de Florentia, conversus, habitum ab eodem recepit 19 mensis septembris 1494; sed viij mense ab incohato probationis annuo tempore presenti vita functis [sic, = functus?], in manibus Creatoris professus est.

234. Frater Bonaiutus Thomę Florentinus, eiusdem nominis in saeculo, sacerdos, qui accepit habitum die 15 octobris 1494;

235. Frater Zenobius Masii de Sancto Cassiano, pro Christi amore relicta uxore, et illa relicto viro soror in Sancta Lucia, et hic in hoc conventu conversus;

236. Frater Benedictus de Claro de Fesulis, conversus:

hi tres simul solemniter sunt professi in manibus prefati, die xvj octobris 1495, circa primam noctis horam.

237. Frater Augustinus Andreę, antea Pacinus, de Prato;

238. Frater Paulus Zenobii bibliopolae de Florentia:

hi duo iuvenes simul in manibus prefati professi sunt publice et solemniter vij novembris 1495. Qui eodem die fuerunt recepti 1494.

Nota hic fratrem Hieronymum Savonarolam, priorem huius conventus predictum eligentibus vocalibus huius et fesulani conventus et confirmante rev.mo ordinis magistro, vicarium generalem Congregationis sub titulo Sancti Marci de Florentia institutum fuisse anno Domini Mcccclxxxxvto, mense maio. Qui cum prior etiam remansisset et vicarius ad insequentem annum, fratres tunc interea professi sub eius prioratus tempore haberi debent.

239. Frater Thomas, antea Balthassar, ser Hieronymi de Meis Florentinus;

240. Frater Philippus Laurentii Stroza, civis florentinus, eiusdem nominis [add. in marg. sin.: hic ad conventuales abiit, postea archiepiscopus surrentinus]:

hi duo simul in manibus reverendi vicarii generalis prefati, solemniter et publice de more nostrarum constitutionum professi sunt xxviij novembris 1495, die sabbato, circa horam noctis primam.

add. marg. d.: Frater Thomas ser Hieronymi accepit habitum die 21(?) novembris 14<94>; frater Philippus die 28 novembris 1494.

241. Frater Nicolaus Seraticus Leonardi de Mediolano, vir litteris romanis apprime disertus, professus est in manibus reverendi vicarii generalis prefati, xva februarii 1495, publice solemniter. Hic acceperat habitum die 8 februarii 1494.

242. Frater Sanctes Iohannis Pauli Oricellarius, civis et patritius florentinus, Pandulphus antea vocatus. Annorum natus duorum(?) de sexaginta, existens unus de decem viris libertatis et pacis R. P. [= rei publicae] florentinae, pater pauperum, defensor ac tutor pupillorum et viduarum, maximę opinionis vir, ut mensuram consertam, coagitatam ac superabundantem reciperet. Mundum - cui superficietenus ante servierat - spernens, habitum huius sanctę religionis in hoc conventu recepit a prefato reverendo vicario generali, in cuius manibus - antea exactum probationis tempus - ex dispensatione apostolica professus est 17 aprilis 1496. [Add.:] Accepit enim habitum die 2 iunii 1495.

■  A.F. Verde - E. Giaconi, Epistolario di fra Santi Rucellai, MD 34 (2003).

■ Facciata di SMNovella (tra 1458 e 1470), su disegno di Leon Battista di Lorenzo degli Alberti, per munificenza di Giovanni di Paolo dei Rucellai. Iscrizione nel frontone del timpano: IOHA(N)NES ORICELLARIUS PAV(LI) F(ILIUS) AN(NO) SAL(VTIS) MCCCCLXX . = Giovanni di Paolo di messer Paolo dei Rucellai, n. 1403, 1428 sp. Iacopa di messer Palla di Nofri Strozzi, † 1481, autore (1457 ss) dello Zibaldone (ed. A. Perosa, London 1960: BiblDom XI.58).  Fra Santi è figlio di Giovanni di Paolo dei Rucellai.

|96v|

243. Frater Iohannes Iacobi de Viculo Mugielli, eiusdem antea nominis (add. marg. sin.: Accepit habitum die primo maii 1495);

244. Frater Bartholomeus Antonii de Monte Rappoli, conversus, ruffus:

hi duo simul die prima maii 1496, post nonam, in manibus reverendi vicarii generalis fratris Hieronymi professi sunt.

245. Frater Franciscus Maria Christophori, hispanus, ex hebreis, in saeculo Abraam nomine, genere et religione iudeus. Cuius patre ad fidem converso Valentię Aragonię; mater, viro relicto, cum hoc et altero nato, Pisas Ehrurię veniens, habitavit ibi per aliquot annos. In transitu autem per eam urbem Caroli viij, Francorum regis, anno Mccccxciiijto, iuvenis hic Florentiam veniens, audivit predicantem fratrem Hieronymum Ferrariensem, adiutusque divino munere, que concionabatur intelligens et sibi consona persuadens, relicto iudaismo, fidem Christi confessus est. Fuit ergo in hoc conventu cathecuminus per dies xlta, in vigilia autem Pentecostes, sacro fonte renatus, ipso die ordinis habitum quo recepit, quem revoluto anno, solemniter professus est in manibus reverendi vicarii generalis prefati, xa iunii 1496.

 add. marg. sin.: Hic abiit ad hispanos conventuales, sive ad se ipsum. e poco sotto: Accepit habitum die 6 iunii 1495.

246. Frater Benedictus Pauli, antea Bettuccio, miniatore, de Florentia;

247. Frater Innocentius, antea Baldinus, barbier(us?), conversus:

hi duo simul  in manibus eiudem solemniter sunt professi xiij novembris 1496. Acceperunt habitum die 7 novembris 1491.

248. Frater Ambrosius Andreę della Robbia de Florentia;

■  cf. «Dominican history newsletter» 18-19 (2009-2010) p. 9, n° 14; 151 n° 815-16.

249. Frater Zenobius Acciaiolus Raphaelis, civis florentinus, licteris latinis ac graecis eruditissimus;

249bis. Frater Lucianus Iohannis, antea Gualterius, Biliottus Florentinus;

250. Frater Raphael Iohannis Cappuciarii, clericus florentinus:

hi quattuor una die et hora, videlicet xiija decembris 1496, hora noctis prima, in manibus prelibati fratris Hieronymi rev.di vicarii generalis, presente priore conventus fratre Francisco Salviato, solemniter de more professi sunt, habitis vocum suffragiis.

add. marg. sin.: Acceperunt habitum frater Ambrosius die 8 decembris 1495, alii vero tres die 13 decembris 1495.

Nota fratrem Hieronymum, huius conventus prioratu defunctum, mense maio Mcccclxxxxvjto, atque in priorem suffectum probum virum fratrem Franciscum Salviatum, remanente tamen eodem fratre Hieronymo in generalis vicariatus offitio continuoque in hoc conventu commorante, fratres pene omnes - qui tempore huius prioris profiteri contigit - in manibus dicti reverendi vicarii professi sunt:

251. Frater Marcus Pauli Thomę del Magreza, in manibus reverendi vicarii generalis antedicti, exacto probationis annuo tempore, habitis vocum suffragiis oportunis, solemniter professus est xxiiija decembris 1496, in vigilia videlicet natalis Domini quando Christi nativitas solemniter pronuntianda est. Qui acceperat habitum die 21 decembris 1495.

Qua etiam nocte die hora, receptus fuit Iohannes Spina, civis florentinus, inter nostros fratres ad perpetuo inhabitandum, et una nobiscum vivendum et moriendum, quoniam ipse sic Deo, beatę virgini matri Dei Marię et patriarchę nostro Dominico seipsum devoverat, in hac Congregatione nostra et conventu, ad omne fratrum obsequium utile et rationabile. Cui frater Hieronymus tunc dedit indumenta quedam nigra, saecularis tamen manenti, sancta benedictione signata, etc.

■ Iohannes Spina: non ricevuto come frater, neppure in fase probationis (o di noviziato); accolto piuttosto in qualità di ospite.

|97r|

252. Frater Franciscus Iacobi de Lucardo, eiusdem antea nominis, capellanus cathedralis ecclesię florentinę rectorque ecclesię Sancti Geminiani ad p??ium que dicitur canonica;

253. Frater Thadeus Antonii Zacharię de Florentia, Biviglianus ante vocatus;

254. Frater Albertus Antonii de Piscia, eiusdem in saeculo nominis:

hi tres in manibus reverendi vicarii prefati, solemniter de more professi sunt eadem die 2a februarii 1496, post completorium.

255. Frater Valentinus Foresis Foresius Florentinus, Foreses ante vocatus;

256. Frater Marianus Petri, conversus, ante Mariotto, barbiere [add. in marg. sin.: hi duo acceperunt habitum die 15 februarii 1495];

257. Frater Alexander Petri Stroza, civis et clericus florentinus [add. in marg. sin.: hic vero die 23 februarii]:

hi tres in manibus supradicti reverendi vicarii  solemniter de more professi sunt eadem die, 23 februarii 1496, hora noctis prima.

add. in marg. d.: Frater Marianus hic creatus est plumbator in curia a Leone decimo, et habitum cisterciensium conversorum assumpsit. Obiit die < . . > octobris 1531 Rome.

■ Cf. A. ASSONITIS, Art and Savonarolan Reform at San Silvestro a Monte Cavallo in Rome (1507-1540), AFP 73 (2003) 215 ss, su fra Mariano Fetti.

258. Frater Angelus Iohannis Perinus, civis florentinus, eiusdem antea nominis;

259. Frater Cyprianus, antea Paulus, Petri de Ponte ad Sevem, clericus cathedralis ecclesiae florentinę;

260. Frater Mauritius, in saeculo Carolus, Thomę Thosingus, civis florentinus;

261. Frater Petrus Paulus magistri Augustini de Urbino, non mutato nomine, physicus egregius et in urbe Florentia arte medicinę et morum integritate cunctis acceptissimus, annorum natus xliiij religionem ingressus est;

262. Frater Cornelius Antonii florentinus, antea Franciscus, barbitonsor, conversus (Hic abiit ad umbrosianos):

hi quinque simul, videlicet die ultimo martii 1497, hora prima noctis, elapso anno singulorum probationis integro et vocum suffragiis habitis, de more constitutionum nostrarum in capitulo solemniter professi sunt in manibus reverendi patris fratris Hieronymi Ferrariensis, vicarii generalis.

add. in marg. d.: Ex his quinque, quatuor acceperunt habitum die 29 martii 1496 simul. Sed solus frater Petrus Paulus die 1 aprilis 1496.

263. Frater Barnabas Cantis, antea Bernardus Cantis, civis florentinus;

264. Frater Marcus Antonii, antea Petrus, Gondius, civis florentinus;

265. Frater Remigius Leonardi de Nasis, antea Antonius, civis Florentinus;

266. Frater Constantius Lucę de Burgho ad Sanctum Sepulchrum, antea Iohannes;

267. Frater Bernardus Symonis Nerius, eiusdem nominis, civis florentinus;

268. Frater Seraphinus, antea Marianus, Pauli Bellandinus Florentinus;

269. Frater Cherubinus, antea Marianus, Nicolai Primerani Florentinus:
hi septem una die, 9a aprilis 1497, circa horam noctis primam insequentis diei, exacto singulorum anno probationis et vocali assensu habito, in capitulo solemniter professi sunt in manibus reverendi vicarii generalis fratris Hieronymi saepedicti.

add. in marg. d.: Ex his septem, quinque primi acceperunt habitum die 6 aprilis 1496; alii vero duo, scilicet frater  Seraphinus et frater Cherubinus die 9 aprilis 1496.

270. Frater Daniel Antonii, antea Franciscus vocatus, de Florentia;

271. Frater Leonardus Sylvestri, Iacobus antea, de Florentia;

272. Frater Anselmus Leonardi Bartholus, civis florentinus, antea Iulianus;

273. Frater Archangelus, antea Andreas, Bartholomei, clericus in cathedrali ecclesia florentina:
hi quattuor simul sanctum religionis habitum sumpserunt die xxvija aprilis Mcccclxxxxvjto, exactoque integro probationis anno, habito vocum assensu - ut moris est - in capitulo coram fratribus, solemniter sunt professi in manibus reverendi patris fratris Hieronymi Ferrariensis vicarii generalis, xxviiija aprilis Mcccclxxxxvij, hora noctis prima circiter.

274. Frater Bonifatius Landini, antea Daniel, de Florentia, in seculo clericus et prior parrochialis, musicus harmonisissimus;

275. Frater Basilius Antonii de Burgho, civis florentinus, antea Paulus:

hi duo eadem die, prima maii 1497, circa horam primam sequentis diei, habito assensu vocum, in manibus reverendi vicarii ut supra, solemniter professi sunt.

add. in marg. d.: hi duo acceperunt habitum anno precedenti, eodem die primo maii.

276. Frater Leonardus Petri de Colle, non mutato nomine, iuris pontificii scholaris;

277. Frater Malatesta Sacramorus de Arimino, pontificii iuris peritus, cathedralis ecclesię florentinę canonicus, vir reputatissimus, annum agens xlmum:

hi duo simul xij maii 1497, circa horam primam noctis, solemniter professi sunt in manibus reverendi vicarii prelibati.

add. in marg. sin., frater Malatesta: huius filiatio translata est a conventu Sancti Marci congregationis Thuscię ad conventum ariminensem congregationis Lombardię, in capitulo generali Rome celebrato 1508.

add. in marg. d.: Accepit habitum frater Leonardus die 6 mai 1496, et frater Malatesta 11 maii 1496.

→|97v|

precedente successiva