| ⌂ |
Cronica conventus Sancti Dominici
■ pars
III: fratres recepti ad habitum et professionem, ff. 97r-123v (1405-1650) |
||
|
|
|
||
| ⌂ |
Cronica conventus Sancti Dominici
■ pars
III: fratres recepti ad habitum et professionem, ff. 97r-123v (1405-1650) |
||
|
|
|
||
|f. 119v|
302. Frater Tommas Ioannis Sergrifi [= ser Grifi?] Florentinus, in seculo Benedictus vocatus, clericorum habitum accepit a patre fratre Laurentio Mini die vigesima sexta februarii 1604, cum ageret quartum decimum annum ẹtatis suẹ. Et professionem solemnem emisit die septima martii 1606 in manibus magistri fratris Dominici Landi, tunc provincialis romani, quamvis die quartadecima februarii proxime elapsi tacitam professionem incurrisset sub eodem reverendissimo patre Ordinis generali magistro Hieronimo Xaviere.
303. Frater Dominicus Simonis Petri del Garbo Florentinus, in seculo Andreas vocatus, cum esset annorum septemdecimum, clericorum habitum accepit die quinta aprilis 1605 a patre fratre Laurentio Mini, huius cẹnobii priore. Et revoluto anno, solemnem professionem emisit in manibus patris magistri fratris Dominici Landi, tunc provincialis romani, sub eodem magistro Ordinis generali patre fratre Hyeronimo Xaviere.
304. Frater Buonaventura Alessandri Lottini de Barberino Mugelli, in seculo Petrus vocatus, conversorum habitum accepit die quartadecima iulii 1606 a patre fratre Cherubino Baroncini, huius cẹnobii priore. Et revoluto anno, solemnem professionem emisit in manibus eiusdem prioris, sub eodem generali Ordinis magistro patre fratre Hyeronimo Xaviere.
305. Frater Hiacinthus Gentilius suam professionem solemnem emiserat die vigesima nona septembris 1603, sed per errorem. Id quod computatum est postea: non enim erat ẹtatis tunc idoneẹ ad profitendum. Idcirco die vigesima maii iterum professionem emisit solemnem 1608 in manibus fratris Cherubini Baroncini, huius cẹnobii priore, sub generali Ordinis magistro Hyeronimo Xaviere.
|f. 120r|
306. Frater Ioseph Vincentii Barzanti Florentinus, in seculo Cosmas vocatus, cum esset annorum circiter quatuordecim, clericorum habitum accepit die decima ianuarii 1604 a patre fratre Laurentio Mini, huius cẹnobii priore. Et die nona iunii 1608 solemnem professionem emisit in manibus patris fratris Cherubini Baroncini, huius cẹnobii prioris [priore scr.], sub generali Ordinis magistro patre fratre Hyeronimo Xaviere.
307. Frater Nicolaus Petriantonii Berardi Florentinus, in seculo Laurentius vocatus, clericorum habitum accepit die trigesima prima maii 1605 a patre fratre Laurentio Mini, cum esset annorum tredecim. Et suam professionem solemnem emisit in manibus patris fratris Nicolai Pandolfini, huius cẹnobii priore, die decima nona februarii 1609.
308. Frater Hiacinthus Augustini Cignoni de Pontesacci, in seculo Baltasar vocatus, conversorum habitum accepit die trigesima novembris 1609 a patre fratre Nicolao Pandolfini, huius cẹnobii priore. Et revoluto anno, solemnem professionem emisit in manibus eiusdem prioris, sub generali Ordinis magistro reverendissimo patre fratre Augustino Galamino.
309. Frater Sanctes Baptistẹ Botti Florentinus, in seculo Marinus vocatus, cum esset annorum quatuordecim, clericorum habitum accepit die sexta aprilis 1610 a patre fratre Nicolao Pandolfini, huius cẹnobii priore. Et suam professionem emisit die vigesima prima octobris 1611 in manibus eiusdem prioris, sub generali Ordinis magistro patre fratre Augustino Galamino.
310. Frater Alessander Alessandri Mannini Florentinus, in seculo Franciscus vocatus, cum esset annorum decem et octo, clericorum habitum accepit die vigesima septima martii a patre fratre Nicolao Pandolfini. Et revoluto anno, solemnem professionem emisit in manibus magistri Dominici Landi, tunc provincialis romanus, sub eodem generali Ordinis magistro Augustino Galamino.
|f. 120v|
311. Frater Angelus Antonii de Cocchis de Florentia, Thomas in seculo nominatus, cum esset annorum quatuordecim non adhuc completorum, habitum clericorum accepit a reverendo patre priore fratre Niccolaio Pandolfinio huius conventus, die 30 novembris 1610, post primam cum dimidia noctis horam festi Sancti Andreẹ apostoli, magistro generali existente fratre Augustino Galamino Braxichellensi[1]. Et professus est die 24 maii, circa primam horam noctis, in manibus reverendi patris fratris Reginaldi Cecchinii, prioris huius conventus.
312. Frater Iacobus, in seculo Paulus, Laurentii Gulpii a Burgo Sancti Laurentii, cum in habitu Tertii ordinis in nostro conventu optime conversatus esset circa annum, die 21 novembris habitum conversorum accepit a reverendo patre fratre Nicolao Pandulfinio, huius conventus priore, circa 2am horam noctis, magistro generali existente illustrissimo fratre Augustino Galamino, cardinali[2]. Et sollemniter professus est die 14 settembris 1613, post 24am horam, in conventu Sancti Geminiani, in manibus reverendi patris fratris Antonini Granati de Floriano, prioris dicti conventus. Et spectat ad conventum hunc nostrum[3].
313. Frater Carolus, in seculo Bernardinus vocatus, filius Laurentii Tecchoni de Castello, in territorio parmensi natus, die 14 martii 1614 habitum conversorum recepit a reverendo patre fratre Reginaldo Cecchini, huius coenobii priore. Et revoluto anno, solemnem professionem emisit die 25 martii in die Annuntiationis, in manibus eiusdem prioris, sub reverendissimo patre fratre Serafino Sicco, magistro generali Ordinis nostri, cum esset ipse frater Carolus annorum 24 ẹtatis suẹ.
314. Frater Dominicus Nicolai Bargigli, in seculo Franciscus, cum esset annorum quindecim accepit habitum clericorum die 13 aprilis anno 1614 in hoc conventu, per manus admodum reverendi patris prioris fratris Reginaldi Cecchinii. Et completo tempore, existente generale [= generali] reverendissimo patre magistro Seraphino Sicco, in manu admodum reverendi patris fratris Petri Martyris Ceffinii emisit vota solennia.
|f. 121r|
Iesus Maria
315. Frater Carolus de Maccantis, olim Ioannes Batista, suscepit clericorum habitum die 3 augusti 1615 ab admodum reverendo patre fratre Petro Martyre Ceffino, tunc priore huius conventus. Et completo probationis tempore, sub eodem priore votis solemnibus se mancipavit, Seraphino Sicco generale [= generali], pro eodem conventu.
316. Frater Hyacintus Petri Ansaldi, antea eodem nomine gaudens, indutus fuit habitu clericorum ab admodum reverendo patre priore fratre Petro Martyre Ceffino. Et revoluto termino suae probationis, se votis abstrinxit eodem priore, gubernante Seraphino Sicco generale [= generali], pro eodem conventu, die vero 17 februarii anno 1615 suae professionis.
317. Frater Ioannes Batista Antei de Rossi Serezanensis, Georgius in seculo, postremo die ottobris obtinuit habitum clericorum ab admodum reverendo patre priore fratre Petro Martyre Ceffino. Et consumpto te<r>mino probationis, solemniter emisit vota, stante eodem priore pro nostro conventu, anno 1617, Seraphino Sicco generale [= generali].
318. Frater Seraphinus Dominici Castruccius sub prioratu admodum reverendi patris fratris Petri Martyris suscepit habitum religionis ut clericus, 16 decembris anno MDCXVI, Zenobius in seculo; et sub e<o>dem priore et reverendissimo patre generale [= generali] Seraphino Sicco, revoluto anno votis se ligavit. Qui anno MDCXXXXIL sub reverendo priore fratre Anselmo Sirigatto et reverendissimo patre generale Nicolao Rudulforum, cum pluries ob coruptos mores arcta retineretur custodia ne tabefactus coeteros inficeret et seculo pravum praeberet exemplum, ex decreto Urbani VIII et commissione ac mandato reverendissimi generalis, prẹvio processu incorrigibilis, cum habitu clerici secularis haud invitus e religione dimissus abscessit.
319. Frater Pius Friderici Lanfrancus, nobilis e civitate Pisarum, Virginius antea nuncupatus, accepit habitum clericorum die 2a iunii anno 1617 ab admodum reverendo patre priore fratre Petro Martyre Ceffino; atque completo tempore probationis sub eodem priore, reverendissimo generale patre magistro fratre Seraphino Sicco, votis solemni ritu se Deo dicavit.
320. Frater Cyprianus Cammilli a Magnale, olim Hyacintus, suscepit habitum religionis ut clericus de manu admodum reverendi patris prioris fratris Petri Martyris Ceffinii, XIII die octobris 1617. Et completo cursu eius probationis, sub eodem priore se votis ligavit, reverendissimo generale patre magistro Seraphino Sicco.
321. Frater Bernardus Altovitus, Zenobius olim, 13a decembris 1617 habitum religionis ut clericus cum suscepisset ab admodum reverendo patre priore fratre Petro Martyre Ceffino, completo anno seque votis Deo dicasset sub eodem priore Ceffino, reverendissimo patre magistro generale Seraphino Sicco, ut filius huius conventus, post aliquid temporis se ab hoc conventu abdicavit, conventum tudertinum amplectens. Postea vero declaratum fuit ipsum permansisse filium nostri conventus Fesularum, deficientibus conditionibus |f. 121v| requisitis abdicationis conventus Tuderti.
Iesus Maria 1617
322. Frater Antoninus Pandulfinus, olim Dominicus, ab admodum reverendo patre priore fratre Petro Martyre Ceffino habitu religionis indutus 13a decembris 1617, sub eodem votis solemniter se subdidit, reverendissimo magistro generale fratre Seraphino Sicco.
323. Frater Ioannes Batista Ioannis Mattei Lancis Romanus, Bernardinus olim, per manum admodum reverendi patris prioris fratris Timothei Rontini suscepto clericorum habitu die 2 iunii 1619, completo tempore debito sub eodem priore votis soleniter se sponte ligavit, reverendissimo magistro generale fratre Seraphino Sicco.
324. Frater Romulus de Bartolomeis, ante Iacobus, e villa Larciani, 25a martii 1630 suscepit habitum conversorum ab admodum reverendo patre priore fratre Petro Martyre Ceffino; completoque suae probationis termino, sub admodum reverendo patre priore fratre Hyacinto Nuti votis Deo se abstrinxit, reverendissimo magistro generale fratre Seraphino Sicco.
325. Frater Antoninus Sebastiani Tanis e civitate Florentiae, olim Franciscus Maria, indutus habitu clericorum fuit ab admodum reverendo patre priore fratre Hyacinto Nuti die prima ianuarii 1631; et die 28 augusti 1633 votis se addicavit in manibus admodum reverendi patris prioris fratris Sanctes Botti, reverendissimo magistro generale Nicolao Rudulfio.
326. Frater Victorius Ioannis Batista Riccius e civitate Florentiae, antea Franciscus, ab admodum reverendo patre priore fratre Hyacinto Nuti clericorum habitu indutus prima die ianuarii 1631; sub admodum reverendo patre priore Sancte Botti die 2 febbruarii 1634 votis se Deo dicavit, magistro reverendissimo generale fratre Nicolao Rudulforum[4].
327. Frater Timotheus Stefani Mendes, equitis Sancti Stefani, e civitate Florentiae, Camillus olim, habitum clericorum accepit ab admodum reverendo patre priore fratre Hyacinto Nuti; atque devoluto tempore debito, votis abstrictus sub prioratu admodum reverendi patris fratris Sanctes Botti fuit, reverendissimo magistro generale fratre Nicolo Rudulforum, 6 die decembris anno 1634.
328. Frater Anselmus Ioannis Mariae de Boninis Florentiae ortus, olim Ioannes Batista, anno 1631 die prima ianuarii habitum clericorum <accepit> ab admodum reverendo patre priore fratre Hyacinto Nuti; et sub prioratu admodum reverendi patris prioris fratris Sanctes Botti se votis abstrinxit die 28 martii 1636, reverendissimo patre magistro generale fratre Nicolao Rudulfio.
→|f. 122r| Iesus Maria 1632
[1] Braxichellensi = Brisighella (prov. Ravenna), alle pendici dell'Appennino tosco-romagnolo, a pochi km da Faenza.
[2] Agostino Galamini: maestro dell'ordine 1608-1612, nominato cardinale in agosto 1611.
[3] Et spectat ad conventum hunc nostrum: argomentando dallo statuto legale della filiazione conventuale, il cronista intende dire: "Fra Iacopo emise sì professione nel convento di San Gimignano, ma era e resta filius del nostro convento fiesolano, e pertanto se ne fa menzione nella nostra cronaca conventuale".
[4] Gennaio 2016. Scambio con Eugenio Menegon, Associate Professor of Chinese and World History, Department of History - Boston University, che mi aveva comunicato la notizia: «Sto preparando una voce biografica per il Dizionario Biografico degli Italiani. Si tratta della biografia del missionario domenicano (e di Propaganda Fide) in Cina Vittorio Ricci (ispanizzato in Victorio Riccio), 1621-1685, originario di Santa Maria a Cintoia a Firenze, membro della vostra Provincia Romana, e frate nei conventi di S. Domenico di Fiesole e della Minerva a Roma in gioventù...».
- Anche sotto la penna di questo cronista è ricorrente l'ablativo generale (anziché generali); e così lo sciolgo nei casi di abbreviazione.