i

|101v|

418. Frater Frater Leonardus Dionisii de Nasis, eodem nomine in seculo, accepit habitum clericorum die 7 decembris 1511, hora 24 diei, per manus fratris Sanctis de Lucha, tunc prioris; et sequenti anno 1512 die 10 decembris fecit professionem in manibus rev.di vicarii Congregationis nostre fratris Iacobi de Sicilia.

419. Frater Thomas Iacobi de Sancto Miniate, prius dictus Mathias, accepit habitum clericorum die 11 ianuarii 1511, hora noctis prima, per manus fratris Sanctis de Lucha, tunc prioris conventus; et sequenti anno, videlicet 1512, die 14 ianuarii, hora prima noctis, in manibus eiusdem prioris suam professionem fecit.

420. Frater Sylvester de Petriolo, conversus, translatus est a filiatione conventus Sancti Dominici de Fesus [= Fesulis?] ad filiationem conventus Sancti Marci de Florentia die 21 septembris 1513, authoritate rev.mi magistri ordinis fratris Thomme de Vio Caietani et de consensu patrum eiusdem conventus, ut patet in literis patentibus registratis fol. 52 secundi registri.

[giunta al marg. sin.] Hic abiit ad umbrosianos die 24 maii 1517, postea re<ver>sus est ad ordinem in Sancta Maria Novella.

421. Frater Augustinus Bartholomei de Feghino, dictus Iacobus (obiit in Urbeveteri);

422. Frater Angelus Angeli bibliopole, dictus Michael, de Florentia;

423. Frater Dominicus Philippi de Sacchiis(?), dictus Ioannes, de Florentia (ad conventuales abiit):

hi receperunt simul habitum 9 ianuarii 1512, hora prima noctis, a fratre Sancte de Luca priore. Professi sunt autem solemniter in manibus fratris Philippi Strozę die 14 ianuarii 1513, hora prima noctis.

424. Frater Franciscus de Castilione Arretino, eiusdem nominis, accepit habitum die 16 ianuarii 1512 ante vesperas, a fratre Sancte de Luca; professus est autem ianuarii 20, 1513, in manibus fratris Philippi Stroze prioris, ad vesperam.

[giunte al marg. sin.] Obiit Romę magister totius ordinis 1552.

Hic egregiis suarum virtutum meritis presertim doctrinę excellentia, cum haud digne esser prior provincialis nostre Romanę provincię assumptus est a sanctissimo domino Paulo iij° in procuratorem in curia pro toto ordine circa nnum 1542^m, die < .  . >,  mensis  < .  . >.

Dei de anno 1546 die 12 iunii, cum esset etiam totius ordinis vicarius ?? post mortem rev.mi magistri Alberti Casaus Hysoani, assumptus fuit Romę in magistrum totius ordinis...

425. Frater Petrus Bernardi de Nutis de Florentia, vocatus ser Petrus antea, recepit habitum die 8 aprilis 1513 a fratre Sancte de Luca priore; professus est autem 28 aprilis 1514 sub fratre Philippo Strozio priore.

426. Frater Iulianus Raphaelis Sevaioli de Florentia, eiusdem nominis; accepit habitum 18 aprilis 1513 sub solis occasum, sub fratre Sancte de Luca; professus est autem autem 28 aprilis 1514 sub fratre Philippo Strozio priore.

427. Frater Ioannes Caroli de Benino de Florentia, eiusdem nominis;

428. Frater Hieronymus domini Francisci de Gualtarottis, eiusdem nominis, de Florentia:

acceperunt habitum clericorum a fratre Philippo Strozio die ultimo maii 1513, hora 17^a. Professi sunt autem sub eodem, 2 iunii 1514.

429. Frater Ioannes de Campo Arbiano, sacerdos, in saeculo nomine ser Iacobus, accepit habitum a fratre Philippo Strozio, priore, 22 iunii 1513; professus est autem 30 iunii 1514, hora 24^a diei.

|102r|

430. Frater Ioannes Baptista Iuliani de Nerinis de Florentia, accepit habitum conversorum a fratre Philippo Strozio 15 augusti 1513; professus est autem sub eodem, die 24 augusti 1514, circa primam noctis horam.

431. Frater Ioannes Petri de Colle Vallis Elsae, eodem quo prius nomine. Cum recepisset habitum a fratre Philippo Strozio tunc priore, 17 ianuarii 1514, professus est sub fratre Hieronymo Rossio, priore, die 6 februarii 1515 more florentino, circa primam noctis horam, lacrymis et singultibus ita confluentibus ut vix posset professionis verba pronuntiare. Dominus illis adsit!

432. Frater Iohannes Dominicus Petri Macreria de Florentia, authoritate rev.mi magistri ordinis fratris Thommę de via Caietani die 6 februarii 1516 traslatus est a filiatione conventus Sanctę Marię Novellę ad filiationem conventus Sancti Marci de Florentia eiusdem ordinis. De patrum vero consensu ac maioris partis capituli  trab?? est huiusmodi filiatio die 8 maii 1516. Patentes litere registrate sunt fol. 58 secundi registri magistri rev.mi generalis nostri ordinis. [nel marg. d.:] Obiit Pisis peste.

433. Frater Alexander Alexandri de Carnesichiis  de Florentia, in saeculo vocatus Petrus;

434. Frater Bernardus Spinelli de Lucal??zis, eiusdem in saeculo nominis:

acceperunt habitum a rev.do vicario generali fratre Philippo Strozzio die 12 maii 1516, circa 21^am horam. Professi sunt autem solemniter in manibus rev.di vicarii fratris Hieronymi de Rossis de Pistorio, die 22 maii 1517, 22^a hora iam elapsa.

435. Frater Ambrosius de Senis, in seculo vocatus dominus Lancilottus de Politis, doctor utriusque iuris. Assumpsit habitum nostrę relligionis die 5^a aprilis 1517, circa horam xxiiij^am, a rev.do patre fratre Philippo Strozzio, tunc vicario generali nostrę Congregationis; et professus est die 9^a octobris eodem anno in manu ven.di prioris fratris Iacobi Siculi. Quam professionem fecit ex vi cuiusdam brevis apostolici quod est deposito ?? istius conventus; quam professionem fecit circa mediam horam noctis. [altra mano aggiunge:] Hic tandem, quum esset archiepiscopus compsanus, obiit Neapoli mense novembri 1553. De quo latius infra, pagina 245.

436. Frater Hieronymus Hieronymi de Fortinis Florentinus, prima die ianuarii 1516, circa dimidiam horam noctis, habitum suscepit a ven.do patre fratre Hieronymo de Rossis; qui revoluto anno, eodem die in manibus ven.di patris fratris Iacobi de Sicilia, tunc prioris dicti coventus, professionem fecit, ab omnibus vocalibus receptus, circa primam noctis horam.

437. Frater Philippus Baptista de Burgo Sancti Laurentii, eiusdem nominis in seculo, die 15 februarii, circa primam horam noctis, fuit receptus ad habitum clericorum nostri ordinis, anno videlicet 1516 secundum florentinos, |102v| secundum vero ecclesiam 1517. Et eodem anno revoluto, die 19 februarii 1517 more florentinorum, ecclesię vero 1518, professus est coram omnibus in manibus v(enerabilis) patris fratris Iacobi de Sicilia, priore tunc temporis existente huius conventus, horam circiter primam noctis. Rogatus suę renuntiationis fuit ser Albizus Francisci ser Albizi.

438. Frater Franciscus Iohannis de Dinis de Florentia, eiusdem nominis in seculo;

439. Frater Paulus ser Francisci de Burgo Sancti Laurentii, eiusdem nominis in seculo:

isti ambo die 18^a aprilis, circa horam 24^tam, anno Domini 1517, induti ad habitum clericorum; eodem anno revoluto, professi sunt in manibus v(enerabilis) patris fratris Iacobi Siculi, prioris ut supra, die 26 aprilis 1518, circa horam 24^tam. Et nota quod fuerunt professi taciti a decima octava die usque ad 26^am, instante capitulo nostrę Congregationis. Frater Paulus renuntiavit, rogatus ser Iulianus de Ripa.

440. Frater Vincentius Petri de Bettinis, Iohannes in seculo dictus, accepit habitum clericorum a rev.do patre fratre Philippo Strozzio, vicario generali existente, die 30 aprilis 1517; et eodem anno revoluto, fecit professionem die prima maii 1518, circa horam 20^am, in manibus v(enerabilis) patris fratris Iacobi Siculi, prioris dicti conventus.

441. Frater Iohannes Baptista ser Zacharię de Florentia, eiusdem nominis in seculo, et

442. Frater Iohannes Mariani de Castro Sanctę Crucis, prius Iohannes Baptista in seculo dictus:

hi ambo simul acceperunt habitum clericorum a venerabili patre fratre Iacobo Siculo, priore dicti conventus, die 19 iulii, circa horam 22^am, anno Domini 1517. Qui eodem anno revoluto, professi sunt in manibus supradicti prioris fratris Iacobi die 25^a iulii, circa horam 22^am, anno Domini 1518. Et nota quod fuerunt professi taciti a die quo fuerunt induti usque ad diem professionis; ser Philippus Cioni fuit rogatus.

443. Frater Paulus Pauli Soglani de Florentia, conversus, prius dictus Matheus, accepit habitum conversorum a venerabili patre fratre Iacobo Siculo die 7^a septembris 1517, circa dimidiam horam noctis. Et eodem anno revoluto, ab omnibus vocalibus receptus, professus est in manibus supradicti patris die 14^a septembris 1518, hora prima noctis vel circa; ser Nicolaus de Cattis fuit rogatus suę renuntiationis.

444. Frater Bartholomeus Pauli de Monte Marciano, tertii habitus, accepit habitum conversorum a ven.do patre fratre Iacobo Siculo die 29 septembris 1517; et fecit professionem die 15 octobris 1518 |103r| in manibus supradicti patris, qui tunc erat prior conventus Sancti Marci. Et nota quod fuit professus tacitus die 29 supradicti mensis septembris.

445. Frater Dominicus Nicolai de Florentia, Antonius in seculo dictus, die 30 octobris 1517 accepit habitum conversorum a ven.do patre fratre Iacobo Siculo. Qui eodem anno revoluto, die 4^ta novembris 1518 fecit professionem in manibus rev.di vicarii generalis videlicet fratris Matthei Marci. Notarius rogatus suę renuntiationis fuit ser Donatus ser Francisci de Monte Viridi.

446. Frater Thomas Iacobi de Benines de Florentia, Nerius in seculo dictus;

447. Frater Iacobus ser Andreę de Nachiantibus de Florentia, Iohannes Baptista dictus; [giunta in marg. d.:] hic frater Iacobus Naclantes factus < ? ? > episcopus clodiensis anno M.D.xliij°, Paulo iij° pontifice summo;

448. Frater Petrus Petri de Villanis de Prato, prius Leo in seculo dictus:

isti tres acceperunt habitum clericorum a ven.do patre fratre Iacobo Siculo, priore dicti conventus Sancti Marci, die 7^a martii 1517 more florentino. Qui tres, eodem anno revoluto, die xj^a martii 1518 - recepti in capitulo ab omnibus vocalibus - professi sunt in manibus rev.di vicarii generalis fratris Matthei Marci, coram omnibus. Rogatus renuntiationis primi, fuit ser Alphonsus Bonaccursius de Florentia; secundi vero, ser Iulianus de Ripa; tertii vero, ser Quiricus - cancellarius pratensis - de Prato.

449. Frater Mattheus Laurentii de Aretio, seu de Monte Topolo, eiusdem nominis in seculo, accepit habitum clericorum a venerabili patre fratre Iacobo Siculo, priore dicti conventus, die 28 martii 1518, circa horam 18^am; et evoluto anno videlicet 1519, die prima aprilis fecit professionem in manibus vicarii generalis videlicet Matthei Marci, circa horam primam noctis. Testamentum nullum fecit quia pauper, unde faceret non habuit.

450. Frater Dominicus Iohannis de Piscia, Ludovicus in seculo dictus, accepit habitum conversorum a venerando patre fratre Iacobo Siculo, priore huius conventus, die nona aprilis, circa horam 24^tam, anno Domini 1518. Qui, evoluto anno, fecit professionem die 18^a aprilis anno 1519, circa horam 19^am diei, in manibus rev.di patris fratris Matthei Marci, vicarii generalis Congregationis Sancti Marci. Nullum autem substituit heredem, quia pater eius et fratres non aderant.

451. Frater Bartholomeus Banchi de Albizis de Florentia, accepit habitum clericorum a venerabili patre |103v| fratre Iacobo Siculo, die prima maii 1518, circa horam 20^tam. Qui, evoluto anno, fecit professionem in manibus rev.di vicarii generalis fratris Matthei Marci, die 2^a maii 1519, circa horam 18^am.

452. Frater Dominicus Gulielmi de Nectolis;

453. Frater Mauritius Raineri de Thosinghis;

454. Frater Angelus Phylippi de Vinaccesis:

hii tres simul acceperunt habitum die 5^a agusti 1518, circa horam vigesimam secundam. Et sequenti anno, scilicet 1519, die 7^a augusti, circa horam decimam octavam, suam fecerunt professionem in manibus eiusdem prioris, a quo et habitum acceperunt, venerabilis scilicet fratris Iacobi Siculi, hui<u>s prioris conventus existentis. Et hiis tres renuntiaverunt prius bonis paternis; et primi, fuit rogatus ser Phylippus Cioni; secundi, ser Raphael Baldesi notarius in episcopatu; tertii, ser Mannus Raineri Iohannis Manni. Nomina eorum in seculo fuerunt ista: primi, Iohannes; secundi, Iulianus; tertii, Bartolomeus.

455. Frater Michael de Caccia fuit acceptatus in filium huius conventus.

456. Frater Donatus de Sancto Miniato, similiter, ut patet supra carte 32.

457. Frater Reginaldus magistri Iohannis, cerusico, de Florentia, Orlandus in sęculo. Accepit habitum clericorum a venerabili patre fratre Iacobo Syculo, priore existente nostri conventus, prima ianuarii 1518, circa horam vigesimam quartam, annum agens xv^m. Hic, anno revoluto, professus est de more solemniter nostram religionem vij^a ianuarii 1519, in manu venerabilis patris fratris Iacobi Siculi, prioris dicti conventus, circa primam horam noctis. Rogatus eius renuntie fuit ser Bartholomeus del Tavo?cino.

458. Frater Ignatius domini Iohannis de Ferraria, magister Thymoteus in seculo dictus, doctor in artibus et medicina. Accepit habitum clericorum a rev.do patre fratre Mattheo Marci, vicario generali nostrę Congregationis, die ij^a februarii, paulo ante vesperas, anno Domini 1518. Qui, anno revoluto, professus est ex more in manibus venerabilis patris fratris Iacobi Siculi, tunc prioris nostri conventus, 2 februarii 1519, circa dimidiam noctis horam. Rogatus eius renuntie ser Sanctes ser Gasparis dalla Pieve.

459. Frater Iulianus Francisci de Fabris de Londa Vallis Sevis, eiusdem nominis in seculo, accepit habitum clericorum a rev.do patre fratre Matheo Marci de Florentia, vicario generali Congregationis Tuscie, die 19 iunii 1519, circa horam 18. Qui, eodem anno revoluto, fecit professionem in man(ibu)s fratris Iacobi de Sicilia, prioris huius conventus, die 22 iunii 1520, circa horam primam noctis; ser ? ? ? fuit rogatus de eius renuntiatione.

→|104r|