|129v|

748. Frater Dominicus Ioannis de Landis, Marcusantonius antea appellatus, civis florentinus, annos natus quindecim, menses septem et dies octo, accepit <habitum> clericorum a rev.do patre fratre Philippo Brandolino die 3(?) aprilis 1580, rev.do patre fratre Sixto Lucensi, totius ordinis vicario existente. Professus est eadem die, revoluto anno, in manibus eiusdem rev.di prioris sub rev.mo patre fratre Paulo Constabili, generali ordinis. Hic prius a patre emancipatus, dimisit omnia matri et fratribus; rogato Alexamdro de Albizo.

749. Frater Cherubinus Marci de Baroncinis, annos quindecim natus, cum supradicto fratre Dominico accepit habitum clericorum, et etiam solemniter professus est. Renunciavit et ipse omnia sua matri et fratribus; rogato eodem Alexamdro.

750. Frater Hieronimus de Bonaccursiis, Bonaccursus in seculo appellatus, accepit habitum clericorum a rev.do patre fratre Philippo Brandolino, anno etatis suę tertiodecimo, die octava martii 1578. Professus est autem in die Sancti Ioannis Baptiste anno Domini 1582, cum primum ei per etatem licuit, in manibus rev.di patris fratris Thommę Cambii, tunc prioris. Renunciavit omnia que habebat Cosmę, germano suo; rogato Michaele Angelo Gregorio.

751. Frater Sebastianus Rampaccius a Monte Politiano, Iulianus in seculo dictus, annos natus sexdecim et menses quinque accepit habitum clericorum a rev.do patre fratre Philippo Brandolino, tunc priore, in die Sancti Vincentii confessoris, anno 1581. Et anno elapso, in festo Sancti Petri Martyris professionis votum emisit, nulla facta renunciatione.

752. Frater Petrus Ioannis de Landis, Antonius Maria in seculo vocatus, annos natus quattuordecim et menses quattuor, simul cum supradicto fratre Sebastiano habitum clericorum accepit. Professus est autem in festo Sancti Andreę apostoli, anno Domini 1582, in manibus rev.di patris fratris Thommę Cambii. Hic a patre emancipatus dimisit omnia matri et fratribus; rogato Alexamdro de Albizo.

753. Frater Vincentius Francisci de Puccionis a Vicchio, Iacobus antea nominatus, annos natus fere quattuordecim accepit habitum clericorum simul cum duobus supranominatis. Professus est autem sollemniter in manibus rev.di patris fratris Thomę Cambii anno Domini 1583, de mense maii, facta prius bonorum suorum renunciatione.

754. Frater Iacobus Francisci de Pistellis, Petrus Maria in seculo vocatus, anno etatis suę decimonono accepit habitum clericorum a rev.do patre fratre Thoma Cambii, tunc priore, anno 1581, die 22^a octobris; et anno elapso, in festo Omnium Sanctorum sollemniter professus est in manibus rev.di patris fratris Thadei Bartoli, prioris provincialis. Prius tamen emancipatus a patre, dimisit omnia germanis suis; rogato Paulo de Paulinis.

755. Nostrę canonicę religionis insignibus potitus est
frater Hyeronimus Verdellius, filius magistri Gullielmi hebrei, recepit habitum clericorum nostrę religionis a rev.do patre priore nostri conventus, fratre Ignatio Festino, cum esset annorum tredecim et sex mensium, die 21^a novembris 1584; sed quia non habebat legiptimam etatem, expoliatus fuit habitu ordinis, et iterum eo indutus fuit ab eodem rev.do patre priore, coram magistro novitiorum et novitiis, die undecima maii 1586. Et revoluto anno (sicut nobis notificatum est per fidem in scriptis missam a rev.do patre fratre Dominico Pratensi, electo priore querquensi et nondum confirmato) professus est in manibus rev.di patris fratris Angeli Cortesii, functionem(?) gerentis prioris pro conventu nostro Sancti Marci, die xii maii 1587 in conventu querquensi.

|130r|

756. Frater Ioannes a Burgo Sancti Laurentii, anno etatis suę 19° recepit habitum conversorum nostrę religionis a rev.do patre fratre Ignatio, priore nostri conventus, die 20^a martii 1585; et revoluto anno, servatis omnibus que servanda erant, in manibus eiusdem prioris professionem fecit, previis protestationibus et sue ipsius subscriptione, magistro Xisto Lucense [sic] generali, anno Domini 1588.

757. Frater Cosmas Balduinus, Appollonii filius, in seculo Curtius vocatus, anno etatis suę quintodecimo, in die octava aprilis 1585 recepit habitum clericorum a rev.do patre priore nostri conventus, fratre Ignatio Festino, eodem generale magistro Xisto Lucense. Et die 19 aprilis, anno Domini 1586, completo anno suę probationis, in manibus eiusdem prioris professus est nostram dominicanam religionem, previis tamen protestationibus et suę ipsius manus subcriptione.

758. Frater Cherubinus de Minucciano, in seculo Santinus dictus, etatis suę anno quintodecimo indutus est habitu clericorum die tertiadecima iulii 1587 a rev.do patre priore nostri conventus, fratre Thimoteo Riccio. Fecitque etiam professionem die decima septima iulii 1588, previis protestationibus coram testibus et suę ipsius manus subcriptione, in manibus rev.di patris fratris Taddei Bartoli, prioris nostri.

759. Frater Thomas Raffaelis de Pappagallis de Pistorio, in seculo Thomas vocatus, anno etatis suę quartodecimo recepit habitum clericorum de manibus rev.di patris prioris nostri, fratris Thimotei de Ricciis, die 30 iulii 1587; et expectata legiptima etate, ac previis protestationibus coram testibus professus est in manibus rev.di patris fratris Taddei de Bartolis, prioris nostri, die 19^a febbruarii [sic] anno Domini 1588 more florentinorum.

760. Frater Philippus Angelinus, in seculo Acchilles, annorum viginti duorum recepit habitum clericorum nostrę religionis de manibus rev.di patris fratris Thimotei de Ricciis, prioris nostri, die 29 mensis iulii 1587; et revoluto anno sue probationis, die 29 iulii 1588, servatis que servanda erant tunc temporis, professus est nostram religionem in manibus rev.di patris fratris Taddei de Bartholis, prioris nostri. Qui tamen, ob emanatum decretum pape Sixti quinti vetantis ne excedentes annum decimum septimum profeteri possent, neve vere professos esse aut vocari nisi a capitulo vel generali vel provinciali recipiantur. Iterum emisit votum et professus est 29 iulii, habita licentia a capitulo generali Rome celebrato anno Domini 1589, previis protestationibus coram testibus et suę ipsius manus subcriptione.

761. Frater Dominicus Petri de Bossis, de loco qui dicitur Petrina, diocesis comensis; etatis suę anno decimo septimo recepit habitum conversorum de manibus rev.di presidis nostri, fratris Taddei de Bartolis, die 27 octobris 1589; et obtenta licentia et previis protestationibus coram testibus solenniter professus est die prima novembris,  anno Domini M.D.Lxxxx^mo.

762. Frater Felix Antonii Dantis, Simon in seculo vocatus, etatis suę anno quintodecimo expleto, recepit habitum clericorum de manibus rev.di pręsidis nostri, fratris Taddei de Bartholis, die 22 iulii 1589; et obtenta licentia et previis protestationibus coram testibus, die 25 iulii solemniter professus, anno Domini M.D.Lxxxx^mo.

763. Frater Dominicus Bartholomei de Corsettis de Puppio, anno quartodecimo et novem mensibus expletis etatis suę, recepit habitum clericorum a rev.do patre priore nostro, fratre Taddeo de Bartolis, die 22^a iulii 1589; et expectata legiptima etate, et servatis servandis secundum legem et consuetudines nostras, solemniter professus est die prima novembris 1590.

764. Frater Thomas Ioannis de Caccinis Florentinus, in seculo Cosmas vocatus, etatis suę anno quintodecimo expleto, recepit habitum clericorum cum duobus superioribus a rev.do patre priore nostro, fratre Taddeo de Bartolis, die 22^a iulii anno Domini 1589; et completo anno suę probationis, ac servatis omnibus que servanda erant ex legibus et consuetudinibus nostris, die 25 iulii anno Domini 1590, solemme votum emisit libens, in manibus rev.di patris prioris nostri, fratris Philippi de Brandolinis. Hic legationem fecit de bonis suis, suis fratribus, quibusdam oneribus sibi reservatis infradurante sua vita et post suam mortem; de quibus ser Franciscus Albitius, notarius in archiepiscopatu florentino, rogatus fuerat ut conscriberet.

765. Frater Gregorius Antonii Ciardi de districtu Prati, etatis suę anno sexto decimo expleto, habita licentia a capitulo generali, die 27 octobris, anno Domini 1589, recepit habitum conversorum nostre religionis de manibus rev.di patris prioris nostri, fratris Taddei de Bartolis; et servatis omnibus que servanda erant ex legibus et consuetudinibus nostris ad rite profitendum, die 27 octobris 1590 solemne votum emisit.

766. Frater Philippus Iuliani de Murmurariis Florentinus, in seculo Zenobius, anno etatis suę tertio decimo  expleto, recepit habitum clericorum a rev.do patre fratre Taddeo Bartolo, priore nostri conventus, die prima maii 1590; et expectata legiptima etate, ac servatis servandis omnibus que erant ex lege et consuetudine nostra ad emittendum solenne votum, secunda die februarii 1592 more florentino professus est. Renuntiavitque omnia et matri et fratribus suis, rogante ser Francisco Albitio, notario in archiepiscopatu florentino.

767. Frater Ioannes Baptista Haben Hersoniti, maronitę de Monte Libano, anno etatis suę trigesimo, recepit habitum clericorum die 3^a iunii 1590 de manu rev.di patris fratris Taddei de Bartolis, prioris nostri, obtenta licentia a capitulo provinciali apud Tyfernum coacto; et servatis servandis ad emittendum solemne votum religionis nostre, sua sponte, die 24 maii 1591 se subscripsit velle professionem facere; quam et fecit, completo annno sue probationis, in manibus rev.di patris fratris Philippi Brandolini, prioris nostri, die 3a iunii 1591.

768. Frater Albertus domini Caroli Campani, in seculo Mutius vocatus, etatis suę anno sextodecimo expleto, habita licentia a capitulo provinciali recepit habitum clericorum nostre religionis de manibus rev.di patris prioris nostri, fratris Philippi Brandolini, die 16 dicembris [sic] 1590; et servatis quę servanda erant ex legibus et consuetudinibus nostris, emisit solemne votum nostrę religionis die sexta ianuarii, anno Domini 1591 more florentinorum, in manibus eiusdem rev.di patris prioris; facta renuntiatione bonorum suorum germanis suis.

769. Frater Vincentius Antonii, de districtu pratensi, ex habitu tertii ordinis nosti recepit habitum conversorum cum superiori, de manu eiusdem prioris, et eodem die et anno, etatis sue anno 25, sub eadem licentia; et servatis servandis ex legibus et consuetudinibus nostris, expleto probationis anno, sexto die ianuarii 1591 more florentinorum, solemni voto se religioni nostre addixit.

770. Frater Bartolomeus Ambrosii de Uzano, annorum viginti duorum, recepit habitum conversorum cum supradicto fratre Vincentio, eodem die et anno, a supradicto rev.do patre priore nostro; et sicut hic suprapositus ita iste(?), servatis servandis ex legibus et consuetudinibus nostris, emisit votum solemne nostre religionis die sexta ianuarii 1591 more patrię, in manibus eiusdem rev.di prioris nostri.

771. Frater Hyeronimus magistri Andree medici de Torsis, in seculo Cosmas vocatus, anno quinto decimo etatis sue expleto, recepit habitum clericorum de manu rev.di patris provincialis nostri, fratris Hyeronimi Soldani, die 6^a ianuarii 1591 more patrię; et revoluto anno atque expleto sue probationis, eodem die anni 1592, servatis servandis ad rite emittendum votum solenne, fecit professionem in manibus rev.di patris prioris nostri, fratris Philippi Brandolini; venundatis bonis que sibi obveniri potuissent patri suo ????.

|130v|

772. Frater Antoninus Bernardi Naldini, in seculo Gabbriel vocatus, etatis suę anno quartodecimo completo,  recepit habitum clericorum de manibus rev.di patris prioris nostri, fratris Philippi Brandolini, die 14 septembris 1592; et expectata legitpima etate ac completo probationis anno, servatisque servandis ex lege nostra et consuetudine ad solemne votum emittendum, solemni voto emissso, sese religioni nostrę astrinxit in manibus rev.di patris fratris Antonini Taddei, die 23 maii 1593.

773. Frater Thimoteus Stephani de Ciaiis, in seculo Rupertus vocatus, anno quintodecimo etatis sue completo, recepit habitum clericorum de manibus rev.di patris prioris nostri, fratris Philippi Brandolini, die 12 aprilis anni Domini 1592; et revoluto et expleto sue probationis <anno>, servatisque omnibus quę servanda erant ex lege et consuetudine nostra, die 29 aprilis solemne votum emisit, nulla facta renuntiatione.

774. Frater Ioannes Baptista Berti Ianuensis, in seculo Matteus, anno etatis sue vigesimo primo, recepit habitum conversorum de manibus rev.di patris prioris nostri, fratris Philippi Brandolini, die 22 iulii anno Domini 1592; et servatis omnibus quę servanda erant etc., et completo anno suę probationis, eodem die quo habitum induit, anno Domini 1593 solemne votum notrę religionis emisit.

775. Frater Nicholaus domini Hyeronimi de Micheloctiis, in seculo Antonius Franciscus vocatus, anno etatis suę quintodecimo, recepit habitum clericorum de manu rev.di patris prioris nostri, fratris Philippi Brandolini, die octava septembris 1592; et hic eodem die et mense, revoluto ac completo anno suę probationis, ac servatis omnibus que servanda erant ex lege et consuetudine nostra ad solemne votum emittendum, illud libentissime emisit, nulla facta legatione.

776. Frater Petrus Martir Dominici de Papinis, in seculo Vincentius nominatus, anno etatis suę 23° recepit habitum clericorum de manibus rev.di patris prioris nostri, fratris Philippi Brandolini, die 28° settembris 1592. Et revoluto ac expleto anno suę probationis, ac servatis servandis ex legibus et consuetudinibus nostris ad professionis votum rite emittendum, die eodem et mense, solemni voto emisso se religioni nostre dedicavit; legatione facta matri et sororibus, cum quibusdam clausulis, de quibus rogatus fuit ser Franciscus Albitius, notarius publicus in archiepiscopatu florentino.

777. Frater Vincentius Silvestri de Populeschis, in seculo Octavius nominatus, anno etatis suę 22° recepit habitum clericorum de manu rev.di patris prioris nostri, fratris Philippi Brandolini, die 28° settenbris anno Domini 1592°; et eadem die et mense, sed revoluto ac expleto anno sue probationis, ac servatis omnibus servandis ex legibus et consuetudine nostra ad emittendum solemne votum, solemne voto emisso se perpetuo nostre religioni addixit, nulla legatione facta.

778. Frater Franciscus Maria domini Caroli Campani, Virginius in seculo nominatus, anno etatis suę duodecimo recepit habitum clericorum die 25 martii 1593 de manibus rev.di patris prioris nostri, fratris Antonini de Taddeis; et expectata legiptima etate, et constituto ei anno probationis, ac servatis omnibus servandis ex lege et consuetudine nostra ad emittendum solenne votum, die 31^a octobris, anno Domini 1596, solemne voto emissso, religionem nostram toto animo complexus est, nulla renuntiatione facta.

779. Frater Ignatius Dominici Nentis, in seculo Vincentius vocatus, etatis suę anno 22° recepit habitum clericorum die 7^a martii 1593, de manibus rev.di patris prioris nostri, fratris Antonini de Taddeis; et servatis omnibus que servanda erant secundum leges nostras et consuetidines ad solemne votum rite emitttendum, expletoque anno suę probationis, eodem die et mense quo habitum recepit, solemne votum libentissime emisit anno Domini 1594 more florentinorum; legatione facta suorum bonorum patruo suo, quibusdam certisque conditionibus sibi reservatis, de quibus rogatus fuit ser Petrus Francisci de Albizis, notarius in archiepiscopatu florentino.

→780.