(...|131v|...)

811. Frater Matteus Antonii de Pillis de Valle Munionis, Franciscus in seculo vocatus, anno etatis sue 21° ex tertio habitu ordinis nostri recepit habitum conversorum die 29 settembris 1604, de manibus rev.di patris prioris nostri, fratris Bernardi de Alexandrinis; et completo anno suę probationis, ac servatis omnibus servandis de iure et consuetudine, solemne votum nostrę religionis emisit die 29 settembris 1605.

812. Frater Valentinus Bernardi de territorio Comi, in seculo Ioannes Antonius dictus, annorum viginti duorum, ex tertio habitu ordinis nostri indutus est habitu conversorum de manibus rev.di patris prioris nostri, fratris Bernardi de Alexandrinis, die 30 novembris 1604; et producto ei tempore probationis, tandem die 29 settembris anni Domini 1606, servatis omnibus servandis ad solemne votum emittendum, illud emisit prompte.

813. Frater Nicolaus Ludovici de Ciampolis, in seculo Salvator vocatus, annorum decem et septem expletorum, recepit habitum clericorum de manibus rev.di patris fratris Nicolai Sermartelli, vicarii provincialis, die 6^a maii 1605; et completo anno suę probationis, die nona maii 1606, servatis omnibus ex legibus et consuetudinibus nostris servanda, solemniter professus est.

814. Frater Hyeronimus Raffaelis de Soderinis, in seculo Petrus vocatus, anno etatis suę decimo septimo et mensibus quinque, recepit habitum clericorum die sexta decembris 1605 per manus rev.di patris magistri fratris Dominici de Landis, provincialis nostri; et completo anno suę probationis, hoc est sesto die decembris 1606, servatis omnibus de iure et consuetudine servandis, emisso voto solemni, nostram religonem libens professus est in manibus rev.di patris fratris Philippi Brandolini, prioris nostri.

815. Frater Thomas Raffaelis de Gherardis, in seculo Ioannes Baptista vocatus, anno etatis suę vigesimo tertio recepit habitum clericorum de manibus rev.di patris magistri Dominici de Landis, provincialis nostri, die 25^a martii 1606; et completo anno suę probationis, eodem die et mense anni Domini 1607, solemni voto emisso, sese nostre religioni perpetuo addixit, servatis omnibus que prius servanda erant ex legibus et consuetudinibus nostris ad legiptimam professionem emittendam, atque renuntiatione facta de suis iuribus, quibusdam sibi reservatis conditionibus pro nostri conventus utilitate.

816. Frater Ioamnes [sic] Baptista Cosme de Naldinis, in seculo Sforza vocatus, annorum viginti et septem mensisum, accepit habitum clericorum de manibus rev.di patris magistri fratris Dominici de Landis, provincialis nostre provincie, pro nostro conventu (sicut duobus superioribus tradiderat) die undecima mensis iunii, anno Domini 1606; et revoluto anno suę probationis, hoc est undecima die iunii anni Domini 1607, observatis omnibus iure observandis, per votum solemne prompte se religioni nostre perpetuo consecravit per manus rev.di patris  fratris Philippi de Brandolinis, prioris nostri, facta prius renuntiatione omnium bonorum suorum.

817. Frater Raffael Raphaelis Malegonnella Florentinus, in seculo Franciscus vocatus, annorum quindecim et semis, recepit habitum clericorum per manus rev.di patris prioris nostri, fratris Philippi de Brandolinis, die 7^a ianuarii 1606 more florentino, tempore magistri Hyeronimi Xavieri, generalis ordinis nostri. Et servatis omnibus iure servandis, revoluto anno, eodem die, anno scilicet Domini 1607 more florentino, in manibus eiusdem rev.di patris prioris professus est, renuntiatione facta omnium bonorum suorum matri et fratribus.

818. Frater Philippus Thomę del Buono Florentinus, in seculo Franciscus, annorum 17 et mensium trium, recepit habitum clericorum per manus rev.di patris fratris Philippi de Brandolinis qui supra, eodem die et anno cum superiori; et revoluto anno, servatis iure servandis, solemniter professus est eodem die et anno cum superiori, in manibus eiusdem prioris; de renuntiatione vero non fit mentio.

819. Frater Hyppolitus Maria Clementis de Chellis Florentinus, in seculo Franciscus vocatus, annorum 24^or expletorum recepit habitum clericorum die 14 augusti 1607, per manus eiusdem rev.di patris prioris nostri; et tempore eiusdem generalis qui supra, et servatis omnibus que iure servanda erant, die 24 augusti 1608, revoluto anno, solemniter professus est in manibus eiusdem rev.di patris prioris a quo habitum recepit; de renuntiatione vero nulla facta est mentio.

820. Frater Ioannes Baptista, in seculo eiusdem nominis, filius Ioannis de Servis, florentinus; annorum  decem et septem expletorum preterito anno 1607, accepit habitum clericorum ab admondum rev.do patre fratre Davide de Casolis, moderno tunc provinciali |132r| romano, die 27 ianuarii 1608 more florentino, sub rev.mo patre generali magistro Augustino Brexellensi; et revoluto anno suę probationis, eodem die et mense 1609 in manibus rev.di patris magistri Dominici de Landis, tunc prioris nostri conventus, solemniter professus est; renuntiatione facta de suis omnibus bonis nostro cenobio.

821. Frater Aloisius, in seculo eiusdem nominis, filius Aloisii de Uncianis florentini civis, annorum sexdecim expletorum, die vigesima sexta iulii 1608 accepit habitum clericorum eodem die, mense et anno cum superiori, per manus eiusdem rev.di patris provincialis romani, sub eodem rev.mo patre generali; et expleto anno sue probationis,  in manibus eiusdem rev.di patris prioris nostri conventus solemne votum nostre religionis emisit voluntarie, servatis consuetis protestationibus.

822. Frater Philippus Gerardi de Tanis Florentinus, in seculo nominatus Horatius, cum esset annorum decem et novem expletorum, indutus est habitu notrę religionis die trigesimo aprilis 1609 per manus rev.di prioris nostri, magistri Dominici Landi [magistro Dominico Landio cod.], tempore rev.mi patris generalis magistri fratris Augustini Galaminei Brixellensis. Expleto vero anno suę probationis, previis protestationibus iuridicis, voluntarie solemniterque professus est nostram religionem in manibus eiusdem  rev.di patris nostri prioris, magistri Dominici Landi, die trigesima aprilis 1610.

823. Frater Hyacintus Francisci Zanobini de Antilla, in seculo vocatus Ioannes Baptista, cum esset annorum viginti octo, die secunda iulii 1609 indutus est habitu conversorum notrę religionis per manus rev.di patris prioris nostri, magistri Dominici de Landis, et tempore rev.mi patris generalis ordinis nostri, magistri Augustini Brixellensis. Et expleto anno suę probationis, preeuntibus protestationibus iuridicis, solemniter et prompte professus est die 3^a augusti 1610 in manibus eiusdem prioris nostri.

824. Frater Dominicus, in seculo Iacobus, filius Pandulfi de Gallis, annorum quatuordecim expletorum recepit habitum clericorum notrę religionis per manus rev.di patris magistri fratris Dominici de Landis, prioris nostri conventus, die decima martii 1608 more florentinorum, et tempore rev.mi patris magistri Augustini Galamini Brixellensis, ordinis nostri generalis. Hic frater Dominicus, devolutis annis duobus suę probationis, voluntarie et solemniter, previis iuridicis protestationibus, professus est anno 1610, die vigesima quinta mensis decembris, in manibus eiusdem rev.di patris prioris provincialis, fratris Ambrosii Brandii, pro nostro cęnobio Sancti Marci.

825. Frater Petrus Cosmę de Castrucciis Florentinus, in seculo Rodulfus dictus, annorum quatuordecim cum dimidio expletorum, recepit habitum clericorum nostri ordinis per manus rev.di patris magistri Dominici de Landis, prioris nostri conventus, die vigesima nona augusti 1610, tempore generalis magistri ordinis nostri rev.di patris fratris Augustini Galamini Brexellensis. Et expleto legittimo tempore suę probationis, die vigesima 3^a februarii 1611, preeuntibus protestationibus iuridicis, prompte et solemniter emisit professionem nostrę religionis in manibus rev.di patris fratris Ignatii Nenctii, prioris nostri conventus; facta renunciatione suorum bonorum suis parentibus.

826. Frater Iulianus a·cCoita [Accoita cod.], in seculo Marcus vocatus, cum esset annorum viginti quinque in circa, accepit habitum conversorum nostrę religionis per manus rev.di patris magistri Dominici de Landis, prioris nostri conventus, die 25^a decembris 1610, tempore rev.mi patris generalis magistri Augustini Galamini Brexellensis. Et evoluto anno suę probationis, prompte et solemniter professus est nostram religionem die 26^a decembris 1611, in manibus eiusdem rev.di patris prioris nostri.

■ Coita, in dioc. d'Arezzo: RD Tuscia II, 123 §§ 2210-2211;  de Coita (n° 807).

827. Frater Maurus Arrighettus, filius utriusque iuris doctoris Iulii Ar(righetti), in seculo Philippus vocatus, cum esset annorum viginti duorum expletorum, accepit habitum clericorum die decima nona septembris 1611, per manus rev.di patris prioris nostri fratris Ignatii Nenctii, tempore ill.mi cardinalis Brexellensis, adhuc generalis ordinis nostri. Et expleto anno suę probationis, eiusdem mensis et diei anni Domini 1611, renuntiatis bonis suis omnibus patri et fratri ac matri, preterquam centum aureorum summam, solvendorum ab ipsis suis heredibus durante vita sua quot annis; rogante ser Frosino Milanesio, die 15^a septembris 1612.

■ Entrata poi ripetuta, 828bis, da altra mano.

828. Frater Ludovicus Pictius, in seculo Vincentius vocatus, decimo et octavo anno etatis suę expleto accepit habitum clericorum per manus rev.di patris prioris nostri, fratris Ignatii Nenctii, die prima novembris 1611, et tempore ill.mi cardinalis domini domini Augustini Galamini Brixellensis, adhuc generalis ordinis nostri; et previis protestationibus legittimis ac renuntiatis omnibus bonis suis fratribus suis, rogante ser Frosino Milanesio, elapso anno probationis, suę professionem nostrę religionis emisit in manibus eiusdem rev.di patris fratris Ignatii Ne<n>ctii, anno Domini 1612.

|132v|

829. Frater Albertus Gallius Pandulfi de Gallis Florentinus, Albertus in seculo vocatus, cum esset annorum quindecim expletorum accepit habitum clericorum nostrę religionis per manus rev.di patris fratris Ignatii Nenctii, die decima nona septembris 1611, tempore ill.mi cardinalis domini domini Augustini Galamini, adhuc generalis ordinis nostri. Et evoluto anno suę probationis, renuntiatis omnibus patri suo, previis protestationibus iuridicis, 1612 prompte et solemniter emisit votum et professionem nostrę religionis in manibus eiusdem rev.di patris fratris Ignatii Nenctii.

830. Frater Carolus Alexandri de Borghinis, Raphael in seculo vocatus, cum esset annorum decem et septem  accepit habitum clericorum nostrę religionis per manus rev.di patris prioris nostri conventus, fratris Ignatii Nenctii, die 6^a decembris 1611, tempore ill.mi cardinalis domini domini Augustini Galamini, adhuc generalis ordinis nostri. Et transacto anno legali, ac previis protestationibus iuridicis, professionem emisit eodem diet et mense in manibus eiusdem rev.di patris fratris Ignatii Nenctii 1612. Hic ante suam professionem, renuntiaverat omnibus bonis fideicommissis solummodo durante linea masculina patris sui, rogante hec ser Barnaba Bacellio die 3^a decembris 1612.

831. Frater Angelus Puccii de Diedis, in seculo Vincentius vocatus, etatis suę anno sexto decimo expleto, per manus rev.di patris fratris Ignatii Nenctii, recepit habitum clericorum cum aliis supra positis, eodem die mense et anno, et tempore eiusdem generalis. Sed in probationis suę anno, die vigesima quarta augusti, forti et repentina apoplexia mortuus inventus est, ut suo loco dicetur.

832. Frater Hyacintus Ioannis de Gherardinis Florentinus, in seculo Nerius vocatus, annorum quindecim expletorum, cum aliis supra positis recepit habitum nostrę religionis per manus eiusdem rev.di patris fratris Ignatii Nenctii, eodem die mense et anno, eodemque tempore ill.mi cardinalis adhuc generalis. Hic expleto anno legali suę probationis, premissis previis protestationibus iuridicis nostrę Congregationis, renunciatisque omnibus bonis suis patri et fratri usque ad extinctam lineam, voluntarie et solemniter professus est in manibus eiusdem rev.di patris fratris Ignatii, die 6^a decembris anno Domini 1612.

828bis. Frater Ludovicus domini Aloysii de Pictis, olim in seculo Vincentius vocatus, e<t> domine Magdalenę de Tuccis eius matris, recepit habitum clericorum ab admodum rev.do patre fratre Ignatio Nentio, die prima novenbris 1611, tempore ill.mi cardinalis Galamini, aduc generalis, et cum esset annorum 18 expletorum. Et revoluto anno legali suę probationis, professus est solemniter.

Nota supradictum fratrem Ludovicum esse notatum supra, in fine huius faciei.

833. Frater Andreas Alexandri de Corsinis, in seculo Ludovicus nuncupatus, annorum quindecim expletorum, accepit habitum clericorum ab admodum rev.do patre fratre Ignatio Nentio die 2 februarii 1611, tempore ill.mi domini cardinalis Galamini, aduc generalis. Et revoluto anno suę probationis, die 2 februarii 1612 solemniter professus est, facta prius renunciatione omnium bonorum.

[fine di parte III]

→ parte IV