Cronica Sancti Dominici, pars III, f. 110r: fratres recepti 1545-

⌂

Cronica conventus Sancti Dominici
de Fesulis OP

■ pars III: fratres recepti ad habitum et professionem, ff. 97r-123v (1405-1650) ■

200. Frater Seraphynus de Prato, Fabbritii de Banchellis, in seculo vocatus Oratius, accepit habitum clericorum in conventu Sancti Dominici de Foesulis a venerando patre fratre Nicolao de Aurifice de Florentia, priore tunc conventus, XXII die martii circa dimidiam noctis horam, MDXLV more florentino. Evoluto autem anno, solemnem fecit professionem pro eodem conventu in manibus supradicti patris fratris Nicolai prioris, in die Annunciationis beate Marie Virginis, existente reverendissimo vicario Ordinis reverendissimo magistro Francisco de Castilione.

201. Frater Dominicus Mariotti de Ambrosiis de Pistorio, annorum XV et VIII mensium, in seculo vocatus Marcus, accepit habitum clericorum in conventu Sancti Dominici de Foesulis a reverendo patre fratre Timotheo de Riccis de Florentia, priore eiusdem conventus, die et festo Sancti Michaelis mense septembris MDXLVII, circa III noctis horam; cum quo pariter accepit habitum^[1].

Prefatus autem frater Dominicus solemniter professus est die Beatorum Apostolorum Simonis et Iudẹ, circa primam horam noctis, in manibus reverendi prefati fratris Timothei prioris conventus Foesulani, existente reverendissimo magistro ordinis Prẹdicatorum magistro Francisco de Romeis de Castilione.

202. Frater Cosmus de Oricellariis, Bernardini, in seculo vocatus Alexander, accepit habitum clericorum in conventu Sancti Dominici de Foesulis a reverendo patre fratre Nicolao Michelozzio priori[sic] provincia<li>^[2], <fratre Timotheo> de Ricciis de Florentia existente tunc priore conventus predicti, MDXLVII in festo Sanctorum Apostolorum Simonis et Iudẹ post vesperas, annum agens XVII et quatuor menses. Idem prefatus frater Cosmus, evoluto anno, tacite professus est eodem die et eadem hora, prius receptus ab omnibus vocalibus; et solemnem fecit professionem in festo Sanctorum Apostolorum Simonis et Iudẹ circa horam primam noctis, in manibus patris Timothei et cum prefato Dominico.

203. Frater Damianus Bernardini de Oricellariis de Florentia, germanus prefati Cosmi, in seculo vocatus Ioannes Franciscus, accepit habitum clericorum simul cum predicto fratre Cosmo ab eode<m> priore et in eode<m> conventu, annum agens prope XV; professus est etiam et ipse tacite revoluto anno, eodem die et eadem hora, prius receptus ab omnibus vocalibus. Et solemnem fecit professionem cum prefatis duobus, videlicet fratre Dominico et fratre Cosmo, in manibus eiusdem prioris, existente reverendissimo magistro Ordinis eodem qui supra.

Errore scriptum est quod frater Cosmus et frater Damianus receperunt habitum a prefato fratre Timotheo, quia receperunt habitum a reverendo patre fratre Nicolao Michelotio provinciali tunc romano, existente priore qui supra, videlicet fratre Timotheo de Ricciis.

204. Frater Petrus Philippus Petri Philippi de Gianfigliazziis Florentinus, eodem nomine in sẹculo vocatus, accepit habitum sancte religionis a reverendo patre fratre Thimoteo Riccio de Florentia in conventu Sancti Dominici de Fẹsulis, existente priore eodem fratre Timotheo, anno Domini 1548, sexta decima die octobris, inter 16 et 17 horam. Revoluto autem anno, idem frater Petrus Philippus solemniter professus est in eodem conventu, in manibus eiusdem reverendi patris fratris Timothei die 20 octobris, in principio primẹ horẹ noctis. Per omnia benedictus Deus.

205. Frater Timotheus Bartholi ex castro Cornilii parmensis agri, prius Angelus Maria vocatus, completo anno XV ac mense octavo, accepit habitum clericalem anno 1548 in die Sancti Martini, transacta prima noctis hora, a reverendo patre fratre Timotheo Riccio Florentino, priore huius nostri fẹsulani conventus, a quo nomen hereditavit; in cuius manibus, anno revoluto, professus est sub reverendissimo nagistro generali Ordinis magistro Francisco Romeo.

206. Frater Paulus Pauli de Parchiccis, ex agro lucensi, accepit habitum conversorum annum agens vigesimum, vocabatur autem prius Paulinus. Revoluto anno, solemniter professus est in manibus supradicti fratris Timotei prioris, VIII die decembris, circa mediam horam noctis.

207. Frater Angelus Bernardi de Casulo, agri lunensis ac dominii florentini, qui prius dicebatur Ioannes Baptista, accepit habitum conversorum a venerando patre fratre Thimotheo Riccio seni, die 12 martii 1550. Et revoluto anno fuit professus tacitus; die vero 12 aprilis 1551 in manibus eiusdem prioris professus est.

208. Frater Alexius Alexandri de Fibialla agri lucensis, qui prius vocabatur Antonius, accepit habitum conversorum a venerando patre fratre Sancte Cino die 17 iulii 1552: et eodem [= revoluto?] anno 1553 et eodem die professus est in manibus predicti prioris.

209. Frater Santes Michaelis pictoris, qui prius dicebatur Iacobus, annum agens sextum decimum, accepit habitum clericorum a venerando patre fratre Sante Cino die 8 septembris 1553 post vesperas. Et sequenti anno professus est in manu predicti prioris, qui iam datus erat in priorem pistoriensem, die 8 septembris 1554.

210. Frater Vincentius Donati Castrutius de Florentia, annum agens 14, accepit habitum clericorum eodem die et hora, ab eodem patre fratre Sante, videlicet 8 septembris |f. 111r| 1553. Et sequenti anno professus est in manibus predicti prioris, cum frate Sante.

211. Frater Antoninus de Naxia, grẹcus, qui acceperat habitum clericorum a venerando patre fratre Benedicto de Filicaria vicario Peregrinantium inter Gentes apud Pera, die 12 ianuarii 1556 more ecclesiẹ receptus est in filium huius conventus; et die predicta professus est pro conventu fesulano in manibus reverendi patris fratris Angeli Diaceti provincialis romani.

212. Frater Iohannes Baptista, qui in seculo dicebatur Bartholomeus * * * de Burgho Sancti Laurentii, accepit habitum conversorum a venerando patre fratre Marco Casa die 27 octobris 1553. Et revoluto anno, 1554, die et hora predicta, professus est in manibus predicti prioris. Hic postea levitate mentis inductus, transiit ad scappuccinos[sic], deinde ad nos rediit et rursus a nobis ad scappuccinos reversus est; postea ab illis etiam aufugit. Deus illius misereatur. Tandem ad nos reversus, religiose admodum se habet^[3].

213. Frater Antonius Laurentii de Brotio, qui prius dicebatur Gabriel et esset terti<i>habitus, accepit habitum conversorum a reverendo patre priore fratre Hieronymo de Florentia die 28 augusti 1555; et sequenti anno et die predicta 1556, professus est in manibus venerandi patris fratris Timothei de Ricciis.

214. Frater Petrus Michaelis de Corsagna agri lucensis, qui prius dicebatur Iacobus, accepit habitum conversorum a venerando patre priore frate[sic] Hieronymo de Florentia die 15 septembris 1555; et revoluto anno, eodem die professus est 1556.

215. Frater Bartolomeus Antonii de Corsagna agri lucensis, qui prius dicebatur Blasius, accepit habitum conversorum a venerando patre frate Timotheo Riccio die 7 iulii 1556; et revoluto anno fuit professus tacitus, et postea die 17 octobris 1557 professus est in manibus predicti prioris.

216. Frater Franciscus Francisci de Sancta Maria in Balneo, qui dicebatur Guidus, annum agens 16 accepit habitum clericorum a venerando patre frate Timotheo Riccio die 27 februarii 1557 more florentino, post 24 horam; et revoluto anno, professus est per manus dicti patris prioris sub reverendissimo patre magistro Vincentio Iustiniano.

217. Frater Vincentius a Sancto Miniate al Tedesco, dictus in seculo Ioannes Francisci de Grifonis, annum agens XIX,

218. et frater Gerardus * * * de Rigogolis Florentinus, vocatus in seculo Ugolinus, annum agens XV,

219. et frater Andreas Ioannis Stupha, qui etiam in seculo dicebatur Andreas, annum agens XIII:

i tres acceperunt habitum clericorum a venerando patre frate Thimoteo Ricio die XXVI februarii MDLXI more florentino, hora vera XXIII.

(218.) Frater Gerardus prẹdictus de Rigogolis, revoluto anno, die XXVI februarii MDLXII professus est in conventu geminianensi ordinis Prẹdicatorum pro conventu fesulano, in manibus venerandi patris fratris Basilii a Burgo Divi Laurentii, prioris illius loci^[4].

220. Frater Vincentius Miniatensis professionem fecit in manibus reverendi patris fratris Matthei Strozzẹ, secundo provincialis, in conventu geminianensi, die vero Sancti Matthei, anno MDLXIII, pro conventu fesulano. Huic enim prolongata fuit professio usque ad eum diem, quia habebatur infermus.

221. Frater Andreas Stupha professus in conventu Sanctẹ Mariẹ ad Gradus anno MDLXIIII, die vero * * * , in manibus venerandi patris fratris Davidis de Ragiolo pro conventu fesulano. Huic professio prolongata fuit quia non habebat ẹtatem idoneam profitendi, iuxta Constitutiones nostras.

222. Frater Dyonisius Iohannis Batipstẹ a Luco agri mugellani, dictus in sẹculo Horatius, accepit habitum clericorum a venerando patre frate[sic] Thimoteo Riccio die IIII aprilis MDLXIII; hic vero agebat tunc annum XV. Prẹdictus frater Dyonisius revoluto anno, MDLXIIII die IIII aprilis, professionem fecit in conventu geminianensi in manibus venerandi patris fratris Basilii a Burgho Sancti Laurentii, ibi existentis prioris.

223. Frater Iulianus dictus in sẹculo Casulis, a Casulẹ agri lunensis, annum agens XX, accepit habitum conversorum in die 20 maii 1561 a reverendo patre fratre Timotheo Riccio. Qui revoluto anno, professus est in manibus prẹdicti prioris die 28 maii 1562, sub reverendissimo magistro Vincentio Iustiniano.

224. Frater Sebastianus Antonii de Fibialla, agri lucensis, accepit habitum clericorum a reverendo patre priore huius cẹnobii, fratre Thimotheo Riccio, die XX ianuarii 1565, annum agens XVI, menses decem et dies decem. Et anno revoluto, die eadem professus est solemniter in manibus venerabilis patris prioris huius conventus, fratris Seraphini Ractii de Marradio.

225. Frater Ioannes Bernardi de Cassignano Vallis Arni superioris, qui eodem in seculo nomine vocabatur, prius accepit habitum tertianorum in conventu Sanctẹ Mariẹ Novellẹ a reverendo patre fratre Matthẹo Strozza; deinde in comitem reverendi patris provincialis fratris Vincentii Herculani assumptus, ab eodem habitu conversorum in hoc cẹnobio donatus XXV martii MDLXVI, de mane ante officium. Et anno revoluto, tacite primum in ipso die Annunciationis professus est; solenniter vero - ob absentiam prioris fratris Seraphini Ractii qui illa qadragesima ad predicandum ierat - non nisi decima die aprilis 1567, regente Ordinem magistro Vincentio Iustiniano, in eiusdem manibus est professus. Quotum vero annum ageret ipsemet ignorabat; ultra tamen vigesimum vixerat.

226. Frater Ioannes Dominicus, dictus in seculo Bartolomeus Dominici, de Burgo Sancti Laurentii, accepit habitum clericorum die prima augusti 1567 in conventu Sancti Dominici de Fesulis, per manus patris fratris Seraphini de Marradio tunc prioris dicti conventus. Et revoluto anno, die prima augusti 1568 professus est per manus reverendi patris prioris fratris Bernardi Alexandrini dicti conventus, sub reverendissimo magistro Vincentio Iustiniano generali, iuxta ordinem sacri concilii tridentini sanctiones.

227. Frater Petrus Thome Menconi de Casoli, territorio fivizanensi, cum eodem nomine in seculo, recepit habitum clericorum die 10 ottobris 1568 per manus reverendi patris prioris fratris Bernardi Alexandrini. Et revoluto anno, fecit suam professionem per manus eiusdem reverendi patris prioris tunc temporis eiusdem conventus, sub reverendissimo generali magistro Vincentio Iustiniano, 1569, iuxta sanctiones sacri concilii tridentini.

228. Frater Ambrosius Santis, in seculo Ioannes Lucas, de Monte Ochiolo apud Sanctum Petrum in Balneo, accepit habitum clericorum a reverendo patre fratre Bernardo Alexandrino, priore conventus, die 24 aprilis 1569 post completorium, in hoc cenobio, cum ageret annum 14^m, menses quatuor et dies 7^m, existente reverendissimo patre magistro Vincentio Iustiniano generali. Idem frater Ambrosius post annum unum ac menses 7, dies 23 professus est per manus reverendi patris fratris Hieronymi de Soldanis die 8 septembris 1570.

229. Frater Seraphinus Andree de Bancis, dittus in seculo Simon, accepit habitum clericorum a reverendo patre fratre Bernardo Alexandrino, priore nostri conventus, cum ageret annum 14^m et die<s> duos, et hoc fuit die 19 septembris 1568 post vesperas, sub reverendissimo patre magistro Vincentio Iustiniano. Idem frater Seraphinus post duos annos et dies decem, videlicet 29 septembris 1570, in manibus fratris Hieronymi de Soldanis, prioris nostri conventus, professus est.

230. Frater Thomas Petri de Ioanellis de Teresio, in seculo Matheus, annum agens 18^m, accepit habitum clericorum a reverendo patre fratre Hieronymo Soldano, priore nostri conventus, die 13^a iunii 1572. Et revoluto anno, die 14^a iunii professus est solemniter secundum statuta sacri concilii tridentini in manibus reverendi patris fratris Philippi Brandolini, tunc prioris, sub reverendissimo generali patre fratre Seraphino Caballo Brixiensi.

231. Frater Alexander Angeli de Guidottis Lucensis, in seculo Pellegrinus dictus, cum esset annorum decem et otto et mensis unius, accepit habitum clericorum a reverendo patre fratre Hieronymo Soldano, priore huius conventus, die 25^aaugusti 1572. Et revoluto anno, sub reverendissimo generali patre fratre Serafino Caballo Brixiensi solemniter professus est in die Nativitatis Beatẹ Mariae Virginis in manibus reverendi patris fratris Philippi Brandolini, tunc prioris, iuxta sanctiones et instituta sacri concilii tridentini.

232. Frater Zenobius Marci de Landis Lucensis, in seculo Fabritius dictus, annum agens 17^m accepit habitum clericorum die 24 decembris 1572 a reverendo patre fratre Hieronymo Soldano, priore huius conventus. Et revoluto anno, professus est solemniter in die Epiphaniẹ in manibus reverendi patris fratris Philippi Brandolini, tunc prioris, sub reverendissimo generali patre fratre Seraphino Caballo Brixiensi.

[1] Segue depennato: Frater Antoninus Peregrini de Berretis de Castronovo Carfagnanẹ, in seculo vocatus Hieronimus, conversus, primus fuit tacitus professus eodem die et eadem hora. Revoluto anno, prius receptus a capitulo nemine discrepante, secundus autem, videlicet frater Antoninus, dum esset receptus a capitulo, etiam nemine discrepante, petiit suos paucos et pauperes pannos ut ad seculum rediret, instabilitate cerebri proculdubio motus.

[2] Nicolao Michelozzio priori[sic] provincia<li> aggiunto in soprarrigo, in sostituzione di ~~Timotheo~~ de Ricciis de Florentia (barrato solo ~~Timotheo~~). Errore poi riparato dalla giunta a fine pagina Errore scriptum est...

[3] In margine sinistro il segno * rinvia al medesimo segno collocato a fine dell'item Frater Vincentius Donati e prima di Frater Antoninus de Naxia a indicare la congrua collocazione cronologica nell’elenco.

[4] In marg. sin. altra mano scrive: Idem frater Gerardus in conventu fesulano et sub eodem ??? in manibus eiusdem fratris Thimotei de Ricciis emisit solemniter professionem sub eodem, die et anno(?).