Cronica Sancti Dominici, pars III, f. 113r: fratres recepti 1573-

⌂

Cronica conventus Sancti Dominici
de Fesulis OP

■ pars III: fratres recepti ad habitum et professionem, ff. 97r-123v (1405-1650) ■

233. Frater Constantinus Laurentii de Magnis Pistoriensis, in seculo Horatius, annum agens 19^m accepit habitum clericorum a reverendo patre fratre Hieronymo Soldano, tunc priore huius conventus, die prima februarii 1573. Et post annum, iuxta sacri concilii tridentini decreta solemniter professus est in die Purificationis beatẹ Mariẹ Virginis in manibus reverendi patris fratris Philippi Brandolini, tunc prioris, existente totius nostri Ordinis generali magistro |f. 113r| reverendissimo patre fratre Seraphino Caballo Brixiensi.

234. Frater Angelus Francisci a Legnaria, in seculo vocatus Angelus, cum esset annorum circa XL^a accepit habitum sancte religionis laicorum die 29 giunii, post vesperas, a reverendo patre fratre Philippo Brandolino anno 1575. Et transatto anno, fecit professionem hora et die eadem 1576, in manibus reverendi patris fratris Alexandri Rinuccini, prioris conventus, sub reverendissimo patre magistro Ordinis fratre Seraphino Caballo Brixiensi. Cum quo:

235. Frater Ioseph Ioannis a Mandriolo in agro casentinense[sic], qui fuit tertii habitus per 2 annos incirca et conversus per 6 menses incirca, cum esset annorum XX, accepit habitum conversorum secundo a reverendo patre priore fratre Philippo Brandolino. Et revoluto anno professus est in manibus reverendi patris fratris Alexandri Rinuccini, prioris huius conventus, sub reverendissimo patre magistro Ordinis fratre Seraphino Caballo Brixiensi. Qui in seculo vocabatur Simon. Die 29 giunii 1576.

236. Frater Raphael Gasparis de Lensis Pistoriensis accepit habitum clericorum die 14 novembris 1575, circa secundam horam noctis, et vocabatur in seculo Blasius, erat enim sacerdos, circa annorum XXVII incirca, a reverendo patre fratre Philippo Brandolino, tunc temporis priore. Et revoluto anno, professus est tacitus; et solemnem professionem fecit 4 die decembris 1576, in manibus reverendi patris prioris fratris Alexandri Rinuccinis, sub reverendissimo patre generali magistro Seraphino Caballo Brixiensi.

237. Frater Bernardinus Ioannis Marie, in seculo appellatus Donninus, accepit habitum clericorum a reverendo patre priore fratre Zenobio Buonaccursio die X iunii 1577, cum esset annorum 14 et mensium X. Et revoluto anno, professus in conventu perusino nomine huius conventus in manibus reverendi patris prioris fratris Antonini Brancuti, sub reverendissimo magistro generali magistro Seraphino Caballo Brisiensi, die * * * 1578.

238. Frater Sanctes, in seculo Angelus, de Florentia, accepit habitum clericorum a reverendo patre priori[sic] fratre Niccolao de Lorinis die 25 decembris 1580 sub reverendissimo patre fratre Paulo Constabili Ferrariensi, magistro ordinis Predicatorum. Et suo tempore professionem fecit sub reverendissimo magistro Sixto Lucensi, generali nostro.

Anno Domini 1582 reverendi patres Romanẹ provinciẹ decreverunt fieri seminarium pro bono totius provinciẹ in hoc conventu fesulano, quod coeptum est sub protectione et favore illustrissimi et reverendissimi protectoris cardinalis alexandrini, existente priore huius conventus reverendo patre fratre Timotheo Riccio, qui ad hoc opus electus est. Die vero 22 septembris 1582 principium dederunt ad vestiendum, videlicet infrascriptos:

241. Frater Vincentius, in seculo Iulianus, Augustini de Castro quod dicitur Lastra,

hi quatuor simul acceperunt habitum clericorum in hoc conventu a reverendo patre fratre Timotheo Riccio priori, die 22 septembris 1582, sub reverendissimo patre fratre Paulo Constabili magistro ordinis Predicatorum. Et revoluto anno, professi sunt die 2 octobris 1583, uno excepto qui fuit frater Vincentius de Lastra; qui postea professus est die 8 decembris 1584, sub reverendissimo magistro ordinis Predicatorum fratre Sixto Lucensi.

243. Frater Bernardus, in seculo Marcus, Simonis del Nero, accepit habitum clericorum in hoc conventu a reverendo patre fratre Timotheo Riccio priori, die 27 novembris 1582, sub reverendo patre vicario generali magistro Thoma Zobia Brixiensi. Et revoluto anno, eodem die 27 novembris 1583 professus est sub reverendissimo generali fratre Sixto Lucensi.

244. Frater Raffael, in seculo Vincentius, Philippi de Mazzinghis, accepit habitum clericorum in hoc conventu a reverendo patre fratre Thimotheo Riccio priori, die prima ianuarii 1582, sub reverendo patre vicario generali Ordinis nostri magistro Toma Zobia. Et revoluto anno, professus est eadem die prima ianuarii 1583 sub eodem priori, sub reverendissimo magistro ordinis Prẹdicatorum fratre Sixto Lucensi.

hi duo simul acceperunt habitum clericorum in hoc conventu a reverendo patre fratre Timotheo Riccio priori, die 23 februarii 1582, sub reverendo patre vicario generali magistro Thoma Zobia. Et revoluto anno, professi sunt ambo in manibus eiusdem prioris; sed frater Gabriel in nomine conventus pistoriensis, die 24 februarii 1583, sub reverendissimo magistro ordinis fratre Sixto Lucensi.

247. Frater Archangelus, in seculo Iacobus, Bartholomei de Vicchio, accepit habitum clericorum in hoc conventu a reverendo patre fratre Timotheo Riccio priori, die 5 ianuarii 1582, sub reverendo patre vicario generali magistro Thoma Zobia. Et revoluto anno, professus est per manus eius prioris, sub reverendissimo magistro Ordinis fratre Sixto Lucensi.

248. Frater Bartholomeus, in seculo Andreas, Iacobi de Florentia, accepit habitum clericorum in hoc conventu a reverendo patre fratre Timotheo Riccio priori, die 23 februarii 1582, sub reverendo patre fratre Thoma Zobia vicario generali Ordinis nostri, sacrẹ theologie magistro. Et revoluto anno et supra, professus est die 22 iulii 1585 per manus reverendi eiusdem prioris, magistro Ordinis fratre Sixto Lucensi existente.

249. Frater Franciscus, in seculo Franciscus Chiadinus, ser Nicolai ex Romandiola de Rocca Sancti Cassiani, accepit habitum clericorum in hoc conventu a reverendo patre fratre Thimotheo Riccio priori, die 17 aprilis 1583, sub reverendo patre vicario generali magistro Thoma Zobia. Et revoluto anno, professus est in manibus reverendi eiusdem prioris, sub reverendissimo magistro Ordinis fratre Sixto Lucensi.

250. Frater Iacobus, in seculo Iacobus, de Lacu Maiori, accepit habitum conversorum in hoc conventu a reverendo patre fratre Timotheo Riccio priori, die 2 octobris 1583, sub reverendissimo magistro Ordinis fratre Sixto Lucensi. Et revoluto anno, professus est eodem priori et magistro Ordinis existente.

251. Frater Romulus Ioannis de Casentino accepit habitum conversorum in hoc conventu a reverendo patre fratre Timotheo Riccio die 6 iulii 1583. Et revoluto anno, professus est in manibus eiusdem prioris, sub reverendissimo magistro Ordinis fratre Sixto Lucensi.

252. Frater Ioannes Baptista, in seculo dictus Aurelius, filius domini Laurentii Grimaldii Genuensis, accepit habitum clericorum a reverendo patre fratre Timotheo Riccio, priore in hoc conventu, die 20 iulii 1584. Et revoluto anno, professus est in manibus reverendi patris fratris Philippi de Brandolinis prioris huius conventus, sub reverendissimo magistro Ordinis fratre Sixto Lucensi, die 20 iulii 1585.

253. Frater Sanctes Bernardi de Pistocchis Florentinus, Hieronimus in seculo dictus,

254. Frater Nicolaus Cesaris de Fabbrinis de Florentia, Mattheus in seculo vocatus,

hi tres suprascritti[sic] simul acceperunt habitum clericorum in hoc conventu a reverendo patre fratre Philippo de Brandolinis priore, die 23 aprilis 1585. Et revoluto anno, professi sunt die 23 aprilis 1586 sub reverendissimo magistro Ordinis fratre Sixto Lucensi, in manibus eiusdem prioris.

256. Frater Maurus Lazari de Marmocchinis Florentinus, in seculo Ioannes Franciscus dictus, accepit habitum clericorum in hoc conventu a reverendo patre fratre Philippo de Brandolinis priore, die 24 iunii 1585. Et revoluto anno, professus est in manibus reverendi patris fratris Nicolai Sermartelli prioris, die 24 octobris 1586, sub reverendissimo magistro Ordinis fratre Sixto Lucensi.

257. Frater Petrus Iacobi de Bassis de loco nuncupato vulgariter Mandriuoli in agro Casentino apud Pratum Veterem, in seculo Sanctes vocatus, accepit habitum clericorum in hoc conventu a reverendo patre fratre Philippo Brandolino priori, die 27 maii 1586. Et revoluto anno, professus est die 27 maii 1587 in manibus reverendi patris fratris Thimothei Riccii prioris Sancti Marci de Florentia, cum ibi degeret, sub reverendissimo magistro Ordinis fratre Sixto Lucensi.

258. Frater Vincentius Vincentii Gualfreduccii Pistoriensis, in seculo Cosmas nominatus, accepit habitum clericorum in hoc conventu a reverendo patre fratre Niccolao Sermartellio priori, die 26 octobris 1586. Et revoluto anno, professus est in manibus eiusdem prioris, sub reverendissimo magistro Ordinis fratre Sixto Lucensi.

259. Frater Ciprianus Ioannis Brignole Genuensis, Theremus in seculo dictus, accepit habitum clericorum in hoc conventu a reverendo patre fratre Niccolao Sermartellio die 25 martii 1587. Et revoluto anno, professus est eadem die 25 martii 1588, sub reverendissimo magistro Ordinis fratre Sixto Lucensi, in manibus eiusdem prioris huius conventus fratris Niccolai Sermartelli.

Idem frater Ciprianus Brignole, immediate notatus scriptura, denuo professus est die 15 maii 1589, ut servaret quasdam bullas et constitutiones Sixti V summi pontificis, eodem magistro Ordinis; solemniter professionem emisit in manibus reverendi patris fratris Ioannis Baptistẹ Aldobrandini, prioris huius conventus.

260. Frater Antoninus Balthassaris de Bartolinis de Lunicciana apud Vernium, Ioannes Gualbertus in seculo vocatus, completurus 20 die augusti 1587 annum suẹ ẹtatis IIIIX [= XIIII], accepit habitum clericorum a reverendo patre fratre Niccolao Sermartellio, priore huius conventus, 5 die decembris 1586, sub reverendissimo magistro Ordinis Sixto Fabri Lucensi. Anno autem 1589, die 14 septembris, solemniter professus est in manibus reverendi patris fratris Ioannis Baptistẹ de Aldobrandinis, priore[sic] huius conventus, sub reverendissimo nagistro Ordinis fratre Hippolito Maria de Montereali.

261. Frater Ioannes Dominicus Ioannis de Beneamatis Pratensis, in seculo Hercules dictus, quartum decimum annum agens, die 30 augusti 1587 accepit habitum clericorum a reverendo patre fratre Niccolao Sermartellio, priore huius conventus, sub magistro Ordinis reverendissimo patre fratre Sixto Fabri Lucensi. Anno autem 1589, die 29 septembris, solemniter professus est in manibus reverendi patris fratris Ioannis Baptistẹ de Aldobrandinis, priore[sic] huius conventus, sub reverendissimo patre fratre Hippolito Maria de Montereali magistro Ordinis.

262. Frater Clemens Petri Francisci de Matis Pistoriensis, in seculo Ludovicus dictus, accepit habitum clericorum decem et octo annos natus, a reverendo patre fratre Niccolao Sermartellio, priore huius conventus, die 30 octobris 1587, sub reverendissimo magistro Ordinis fratre Sixto Lucensi. Et professus est in manibus fratris Ioannis Baptistẹ de Aldobrandinis, reverendo patre priore^[1] huius conventus, die 30 octobris 1588. Et denuo solemniter professus est propter bullas Sixti papẹ V, die 20 maii 1589, in manibus reverendi patris prioris huius conventus fratris Ioannis Baptistẹ de Aldobrandinis, sub reverendissimo magistro Ordinis fratre Hippolito Maria de Montereali.

263. Frater Bernardus Petri de Rincontris de Pomarancis, in seculo Claudius dictus, annum agens quartum decimum, habitum clericorum accepit a reverendo patre fratre Niccolao Sermartellio, priore huius conventus, 30 octobris 1587, sub reverendissimo magistro Ordinis fratre Sixto Lucensi. Et postea completo anno sextodecimo, solemniter professus est in manibus reverendi patris fratris Ioannis Baptistẹ de Aldobrandinis, prioris huius conventus, sub reverendissimo patre fratre Hippolito Maria de Montereali magistro Ordinis.

264. Frater Vincentius Matthiẹ de Leoncinis de Sancto Geminiano, in seculo dictus Octavius, accepit habitum clericorum a reverendo patre fratre Niccolao Sermartellio, priore huius conventus, 13 die martii 1588, sub reverendissimo patre fratre Sixto Lucensi magistro Ordinis. Et revoluto anno, professus est solemniter in manibus reverendi patris fratris Ioannis Baptistẹ de Aldobrandinis, prioris huius conventus, sub reverendissimo generali totius ordinis Prẹdicatorum fratre Sixto Fabri Lucensi.

265. Frater Ioannes Maria Marci de Beatrice de Parma, loco proprio dicto vulgari idiomati Corli, cum esset annorum viginti duorum, accepit habitum conversorum a reverendo patre fratre Ioanne Baptista Aldobrandino de Florentia, priore huius conventus, die 7 iulii 1589, existente magistro generali Ordinis reverendissimo patre fratre Hippolito Maria de Monteregali. Et revoluto anno, professionem solennem emisit sub eodem magistro Ordinis, in manibus eiusdem prioris.

266. Frater Thomas Petri de Rincontris de Ripomarancis, in sẹculo Antonius vocatus, XV annum agens accepit habitum clericorum die 9 martii 1590 a reverendo patre fratre Ioanne Baptista Aldobrandino Florentino, sub reverendissimo magistro Ordinis fratre Hippolito Maria de Montereali. Et revoluto anno ac completo ẹtatis anno sextodecimo, solennem professionem emisit in manibus reverendi patris prioris huius conventus fratris Ioanne Baptista Aldobrandino [= Ioannis Baptistẹ Aldobrandini], sub magistro Hippolito Maria de Montereali generali totius Ordinis.

267. Frater Iulianus, in sẹculo Antonius Franciscus nuncupatus, annum agens XXIII accepit habitum conversorum die 15 iunii 1590 a reverendo patre fratre Ioanne Baptista Aldobrandino Florentino, priore huius coenobii. Et postea professionem solennem emisit die 19 novembris 1591, existente magistro Ordinis reverendissimo patre fratre Hippolito Maria de Montereali, in manibus eiusdem prioris fratris Ioannis Baptistẹ Aldobrandini Florentini. Nomen patris ipsius fratris Iuliani est Felix del Lasca Fesulanus.

268. Frater Ioannes, dictus in sẹculo Petrus, filius Francisci Carrettai, die 18 novembris habitum conversorum accepit anno Domini 1590 a reverendo patre fratre Ioanne Baptista Aldobrandino, priore huius conventus, annum ẹtatis suẹ agens decimum octavum. Et revoluto anno, professionem solennem emisit in manibus reverendi patris fratris Antonini de Bertis huius conventus prioris, sub reverendissimo patre fratre Hippolito Maria de Montereali generali magistro totius Ordinis.

269. Frater Franciscus Vincentii de Goris Florentinus, Iulianus in seculo vocatus, completo tertiodecimo anno, XI die maii, accepit habitum clericorum 30 die augusti 1587 a reverendo patre priore fratre Niccolao Sermartellio de Florentia. Et postea fecit professionem tempore opportuno.

[1] in manibus fratris Ioannis Baptistẹ de Aldobrandinis, reverendo patre priore huius conventus: scrive così, sebbene i rapporti grammaticali vorrebbero il genitivo reverendi patris prioris. Libertà grammaticale che ricorre spesso: priori in luogo di priore, ecc., e che pertanto non correggo, non essendo palese svista involontaria.