| ⌂ |
|
| ⌂ |
■ 1636-1761 ca. ■ |
| ⌂ |
|
| ⌂ |
■ 1636-1761 ca. ■ |
|f. 9v|
1636
20. Frater Ioannes Baptista Baldassarius, filius domini Augustini Lucensis, in sẹculo Petrus vocatus, habitum clericorum accepit die septima aprilis, hora fere 16, Pistorii, ab admodum reverendo patre magistro fratre Ioanne Baptista Lunari priore Sancti Dominici eiusden civitatis, pro eodem conventu, ẹtatis suẹ anno vigesimo [corretto su sexto decimo] nondum expleto - natus namque est die 14 mensis iunii 1628 -, ab omnibus consilii et conventus patribus unanimiter approbatus.
[giunta in marg. sin.:] Ex litteris authenticis, natus est die quarta decima iunii, anno millesimo sexcentesimo vigesimo quinto.
Prẹdictus frater Ioannes Baptista, vocatus ab admodum reverendo patre fratre Carolo Maccantio huius coenobii priore (ex commissione admodum reverendi patris magistri fratris Ioannis Baptistẹ Lunari, prioris conventus Sancti Dominici de Pistorio), fuit ab ipso interrogatus an sponte suo tempore vellet emittere professionem, et an detinetur aliquo impedimento quo minus posset profiteri. Annuit ipse nullo se detentum impedimento, libenter et sponte velle profiteri. Tunc significavit ei admodum reverendus pater prior quod recurrente eodem die et hora suscepti habitus, dummodo nec ipse nec religio contradiceret, sciret se per tacitam professionem esse Ordini adscriptum et obstrictum. Ipsoque acceptante, dimissus fuit. Factẹ fuerunt huiusmodi protestationes die 23 mensis martii 1646 iuxta Ecclesiam, coram infrascriptis patribus.
Ego frater Ioannes Batt(ista) acceptavi predittam protestationem.
Ego frater Thomas Caccia, lector ac novitiorum magister, prẹfatẹ protestationi interfui manumque propriam in fidem apposui.
Ego frater Cherubinus Fantini fui presens et in fide manu propria subscripsi.
Prẹdictus frater Ioannes Baptista, revoluto anno sub eodem diet et hora, tacite ad sui petitionem professus est, cum iam uninimiter fuisset acceptatus a patribus et fratribus conventus pistoriensis, ut videre est ex acceptatione in hoc libro in testa; et postea circa mediam horam noctis eiusdem diei, suam solemnem professionem in manibus eiusdem patris prioris huius conventus.
Ego frater Ioannes Battista Baldassari fateor me sponte professum fuisse.
|f. 9B-r|[1]
Die 28a mensis martii, anno 1646, admodum reverendus pater prior et magister frater Ioannes Baptista Lunari congregavit patres a consilio et publice proposuit informationes de vita et moribus fratris Ioannis Baptiste Baldassari, in conventu Sancti Dominici Fesulani novitii, transmissas ab admodum reverendo patre priore prefati conventus fesulani. Quibus attente perlectis, omnes patres unanimi consensu per vota secreta predictum fratrem Ioannem Baptistam ad professionem acceptarunt, nec non omnes patres capitulariter ad sonum campanule congregati iuxta formam nostrarum Constitutionum. In quorum fidem hanc manuum nostrarum subscriptionem approbavimus.
Ego frater Ioannes Baptista Lunari, magister et prior, confirmo.
Ego frater Thomas ??? confirmo manu propria.
Ego frater Hieronymus de La??, lector conventus, ita esse ??? manu propria.
Die 7a aprilis 1645 idem frater Ioannes Battista Baldassari indutus est habitu clericali circa horam 17.
Ita esse affirmo, frater Hieronymus La??, lector conventus, manu propria.
|f. 10r|
1645
21. Frater Ambrosius Bargeus, filius domini Ioannis de Carrariis, in sẹculo Valerius dictus, habitum clericorum accepit die septima aprilis, hora 24, ab admodum reverendo patre magistro fratre Sanctes Botti, huius conventus priore, ẹtatis suẹ anno decimo septimo expleto, incipiente decimo octavo - natus namque est die 7 ianuarii 1628[2] -, ab omnibus consilii et conventus patribus unanimiter approbatus.
Die 22a mensis martii 1646 iuxta Ecclesiam, vocatus idem frater Ambrosius ab admodum reverendo patre fratre ac priore huius conventus, fratre Carolo Maccantio, coram infrapositis patribus interrogatus fuit an suo tempore vellet professionem emittere, et an aliquo prẹpeditus esset impedimento quo minus id prẹstare posset. Cumque a ipso responsum fuisset se nullo esse detentum impedimento ac proinde summopere optare religionem profiteri, ab eodem admodum reverendo patre priore ei significatum fuit quod recurrentibus eodem die et hora quibus habitu fuit indutus, dummodo neque ipsi neque ab eo aliquid in contrarium diceretur, nosset se per tacitam professionem esse adscriptum et obstrictum Ordini. Quibus libenti animo ab ipso acceptatis, dimissus fuit.
Ego frater Ambrosius ipsam protestationem acceptavi.
Ego frater Thomas Caccia, lector novitiorumque magister, prẹdictẹ protestationi interfui et in fidem manum propriam apposui.
Ego frater Cherubinus Fantini interfui supradicte protestationi.
Prẹdictus frater Ambrosius revoluto anno, sub eodem die et fere sub eadem hora, in manibus supradicti admodum reverendi patris prioris, ad sui petitionem, suam solemnem professionem emisit.
Ego frater Ambrosius de Carraris fateor ultro me professum fuisse.
|f. 10v|
1645
22. Frater Bernardus Bargeus, filius domini Ioannis de Carrariis, in sẹculo Iacobus nuncupatus, habitum clericorum accepit die septima aprilis, hora 24, ab admodum reverendo patre magistro fratre Sanctes Botti, priore huius conventus, ẹtatis suẹ anno quintodecimo expleto, incipiente sextodecimo - natus namque est anno Domini 1630, die quarta februarii -, ab omnibus consilii et conventus patribus unanimiter approbatus.
Die 22a mensis martii 1646 more ecclesiastico, cum admodum reverendus pater lector frater Carolus Maccantius, huius coenobii prior, advocasset coram subscriptis patribus testibus prẹdictum fratrem Bernardum, exquisivit ab ipso num in animo haberet suo tempore professionem emittendi. Quo respondente id summopere optare, addidit pater prior an aliquibus esset detentus impedimentis quominus sui voti compos effici posset. Cumque ipse asseveraret se nullo detineri impedimento, ab eodem patre priore significatum ei fuit quod recurrentibus eodem die et hora quibus habitum Ordinis suscepit, dummodo neque ipse neque pater prior et patres aliud in contrarium dicerent, sciret se per professionem tacitam esse Ordini adscriptum et obstrictum. Quam protestationem ipse libenter acceptavit.
Ego frater Bernardus de Carraris acceptavi predictam protestationem.
Ego frater Thomas Caccia, lector ac novitiorum magister, prẹfatẹ protestationi interfui et in fidem manu propria absignavi.
Ego frater Cherubinus Fantini fui presens et in fidem subscripsi.
Predictus frater Bernardus, revoluto anno, recurrente eadem die et eadem fere hora a susceptione habitus, sponte et ad sui petitionem, suam solemnem professionem emisit in manibus supradicti admodum reverendi patris lectoris fratris Caroli Maccantii, huius coenobii prioris.
Ego frater Bernardus Carrarius fateor mea sponte professum fuisse.
|f. 11r|
1646
23. Frater Nicolaus de Rubeis, filius domini Andreẹ et dominẹ Liviae eius legitimẹ uxoris, in seculo Cyprianus nuncupatus, suscepit habitum clericorum pro hoc coenobio Sancti Dominici de Fẹsulis die undecima aprilis, ab admodum reverendo patre lectore fratre Carolo de Maccantis priore, solemniter in ecclesia, hora 12a, ẹtatis suẹ agens annum decimum quintum completum, additis mensibus quinque et duobus diebus nondum expletis; natus namque est die 9a novembris anni 1630 et eadem die fuit perenni fonte renovatus, ut constat ex litteris authenticis reverendi domini Caroli Miletti plebani Burgi a Boviano.
Supradictus frater Nicolaus de Rubeis vocatus fuit die 16 mense februarii 1646 ab admodum reverendo patre lectore et priore, patre fratre Carolo de Maccanti, et ab eodem interrogatus an vellet sponte nulloque cogente emittere suo tempore solemnem professionem. Annuit prẹdictẹ interrogationi. Etiam sic protestatus est reverendus pater prior quod die undecima aprilis, hora qua habitum recepit, suam emitteret tacitam professionem, nisi aliud ipse patribus vel patres ipsi fratri Nicolao dicerent. Huic protestationi coram infrascriptis patribus acquievit, et in fidem manu propria subscripsit hac die 16 februarii 1646.
Ego frater Nicolaus acceptavi prẹdictam protestationem.
Ego frater Reginaldus Cecchinius fui praesens et confirmo quod supra manu propria.
Ego frater PhilippusTanius, magister novitiorum, confirmo ut supra manu propria.
Prẹdictus frater Nicolaus eadem die et mense, undecima aprilis 1647, suam solemnem emisit professionem in manibus admodum reverendi patris prioris et lectoris fratris Caroli Maccanti pro hoc conventu Sancti Dominici de Fẹsulis.
Ego frater Nicolaus del Rosso fateor mea sponte professum fuisse.
|f. 11v|
1646
24. Frater Ioseph, in seculo Sebastianus vocatus, filius Francisci Morelli de Monte ???, annorum decem et novem expletorum accepit habitum conversorum[3], habita licentia ab admodum reverendo patre provinciali magistro fratre Sancte Botti, ab admodum reverendo patre priore et lectore fratre Carolo Maccanti pro conventu Sancti Dominici de Fesulis, sub reverendissimo patre generali patre magistro Thoma Turcho, die tertia augusti, hora prima noctis, anno 1646 ab Incarnatione.
Prẹdictus frater Ioseph sponte, ad sui petitionem, suam solemnem emisit professionem in manibus prẹdicti patris prioris die 23 mensis februarii 1648 more ecclesiastico, coram patribus ac fratribus conventus. Ita est.
Frater Thomas Caccia, lector ac magister novitiorum, manu propria.
|f. 12r|
1646
25. Frater Antoninus, in seculo Laurentius vocatus, annorum decem et octo expletorum, filius quondam Bernardini Serri de Cortonio, accepit habitum conversorum pro conventu Sancti Dominici de Fesulis (habita prius licentia et dispendatione ab admodum reverendo patre provinciali magistro fratre Sancte Botti), ab admodum reverendo patre priore et lectore fratre Carolo Maccanti, sub reverendissimo patre magistro generali patre fratre Thoma Turcho, die vigesima quarta decembris, hora decima quarta expleta, anno 1646, in vigilia Nativitatis Domini post(?) calendam(?).
Prẹdictus frater Antoninus sponte, ad sui petitionem (habita prius dispensatione a reverendissimo patre magistro fratre Dominico de Marinis, totius Ordinis vicario generali) suam solemnem emisit professionem in manibus prẹdicti patris prioris die 21 mensis maii 1648, circa horam quintamdecimam, coram patribus ac fratribus conventus. Ita est.
Frater Thomas Caccia, lector ac magister novitiorum, manu propria.
[1] Folio dissonante da quelli originali del fascicolo, verosimilmente aggiunto successivamente. Del tutto in bianco il verso del folio.
[2] In marg. sin. con richiamo: «<Ex litte>ris <authent>icis, <natus> est die septima ianuarii millesimo sexcentesimo vigesimo octavo», che corregge prima versione: «ẹtatis suẹ anno quinto decimo expleto, incipiente sexto decimo - natus namque est die 7 ianuarii 1629». Questo fra Ambrogio è fratello germano del successivo (n° 22) fra Bernardo, di due anni più giovane; entrambi vestono l'abito il 7.IV.1645, emettono professione tacita il 7.IV.1646 e professione solenne il 7.IV.1647.
[3] Converso è questo frate e il successivo (nn. 24-25). Nota di consequenza assenza di loro sottoscrizione autografa, come di norma negli altri casi. Così era accaduto ad un altro converso, Frater Ioannes Maria filius Ioannis de Beatrici (n. 6 ); e a suo nome sottoscrive altro frate testimone, «Ipso nesciente scribere, scripsi ego... ».
