Novizi e professi in San Domenico di Fiesole, 1638-1639

⌂

Libro de' novizi e figlioli di San Domenico di Fiesole
(= Libro di vestizione e professione)

■ 1636-1761 ca. ■

5. Frater Marcus Antonius, clarissimi et evidentissimi^[1] senatoris Marci Antonii Asini, Florentinus, accepit habitum clericorum pro hoc conventu ab admodum reverendo patre lectore et priore fratre Hiacinto Ansaldio die 16 iunii 1638, sub reverendissimo patre fratre Nicolao Rodulphio Florentino, generali totius Ordinis. In sẹculo vocabatur Cosmas, ẹtate agens circa annum vigesimum primum a sua nativitate.

Supradictus frater Marcus Antonius vocatus fuit ab admodum reverendo patre priore fratre Anselmo Sirigattio hac die 28 aprilis 1639, et ei protestatus fuit an vellet suo tempore, scilicet 16 iunii 1639, emittere suam professionem; respondit se libenter velle profiteri, et ita significatum fuit ei quod, si aliud ei non protestatum fuerit, incurret in professionem tacitam prẹdicta die 16 iunii proxime sequentis. Annuit et propria manu subscripsit.

Ego frater Marcus Antonius qui supra affirmo et confirmo supradictam protestationem manu propria.

Ego frater Ioannes Franciscus Tempius, lector, fui prẹsens, ita est, propria manu.

6. Frater Ioannes Maria filius Ioannis de Beatricis Parmensis, in sẹculo vocatus Laurentius, cum per aliquot menses portasset habitum Tertiarii, accepit habitum conversorum ab admodum reverendo patre lectore fratre Hiacinto Ansaldio, priore huius conventus, die ultima octobris 1638. Existebat tunc generalis Ordinis reverendissimus pater frater Nicolaus Rodulphius Florentinus.

Supradictus frater Ioannes Maria fuit ab admodum reverendo patre priore huius conventus fratre Anselmo de Sirigattis hac die 26 octobris 1639, coram infrascriptis patribus, et protestatus fuit an vellet suo tempore, scilicet die prima novembris libenter et sponte profiteri; et respondit se velle libenter profiteri. Et ita ei protestatus fuit quod si ei aliud non protestatum fuerit, incurret professionem tacitam prẹdicto die.

Ipso nesciente scribere, scripsi ego: Io f(ra) Pie(tro) Maria affermo quanto di sopra e confermo la predetta protesta mano propria.

F(ra) Pietro Martire Ceffini e il p(adre) Fibbiala furno presenti, ma non si poterno sottoscrivere perché questa scrittura fu fatta dopo furno morti^[2].

7. Frater Hiacintus Angelus filius [iter.] Francisci de Malvezzis Florentinus, in sẹculo vocatus Alberigus, accepit habitum clericorum ab admodum reverendo patre fratre Anselmo de Sirigattis die 20 aprilis 1639. Existebat generalis Ordinis reverendissimus pater frater Nicolaus Rodulphius Florentinus.

Supradictus frater Hiacintus Angelus vocatus fuit ab admodum reverendo patre fratre Anselmo de Sirigattis priore conventus Sancti Dominici de Fẹsulis, et ab eo interrogatus fuit an vellet suo tempore, scilicet die 20 aprilis, hora 20, suam emittere professionem. Annuit ipse frater Hiacintus Angelus. Et tunc facta fuit ei protestatio quod si aliquid non dicat ipse patribus, et si patres nihil ei dicant, suam tacitam professionem emittet. Hoc totum factum est die 5 martii 1639 ab Incarnatione, coram infrascriptis patribus.

Ego frater Iacintus Angelus Malvettii confiteor me sponte profiteri velle, in quorum fide propria manu subscripsi.

8. Frater Timotheus filius Hieronimi de Garbesiis Lucensis, in sẹculo vocatus Hieronimus, accepit habitum clericorum Pistorii ab admodum reverendo patre fratre Timotheo del Gallo, lectore et tunc priore conventus Sancti Dominici eiusdem civitatis, et accepit habitum pro conventu prẹfato, cum esset magister Ordinis reverendissimus pater frater Nicolaus Rodulphius. Hoc totum factum fuit die 29 octobris 1637, anno vero ẹtatis prẹdicti fratris Timothei quartodecimo cum dimidio.

Post aliquot vero menses quẹsivit a patribus prẹdicti conventus facultatem ut posset fieri filius conventus Sancti Dominici de Fẹsulis, et pro tali conventu emittere professionem. Considerata tali petitione a patribus prẹdictis, omnes annuerunt voluntati eiudem fratris Timothei; et sic pater prior prẹdictus exaravit litteram inscriptam fratri Timotheo in qua apparebat talis facultas concessa a patribus fratri Timotheo. Qua perlecta in consilio patrum Sancti Dominici de Fẹsulis, omnes patres unanimiter per vota secreta receperunt prẹdictum fratrem Timotheum in filium huius conventus Sancti Dominici de Fẹsulis; et hoc idem factum fuit unanimiter in capitulo publico, cum proponeret admodum reverendus pater frater Anselmus de Sirigattis, prior huius conventus, tam in consilio patrum quam in capitulo publico, talem affiliationem die 13 iunii 1639.

Supradictus frater Timotheus vocatus fuit ab admodum reverendo patre priore fratre Anselmo de Sirigattis hac die 13 iunii 1639 coram infrascriptis patribus, et ei protestatus fuit an vellet suo tempore, scilicet die 20 iunii prẹsentis, hora 12, libenter et sponte profiteri; et respondit se velle profiteri. Et sic ei significatum fuit quod si non fuerit ei aliquid dictum de novo ante dictum diem 20 iunii, quo die suum explet sextum decimum annum, incurret professionem tacitam. Annuit et subscripsit.

9. Frater Iacobus filius Antonii de Marsiliis Parmensis, in sẹculo vocatus Ioannes Antonius, accepit habitum conversorum pro isto conventu ab admodum reverendo patre fratre Anselmo de Sirigattis, priore huius conventus, sub reverendissimo patre magistro generali totius Ordinis fratre Nicolao Rodulphio Florentino, die 12 septembris 1639.

Prẹdictus frater Iacobus vocatus ab admodum reverendo patre priore fratre Anselmo de Sirigattis die 26 settembris coram infrascriptis patribus, ei protestatus[sic] fuit an vellet die 29 prẹfati mensis libere et sponte suan facere professionem. Acceptavit talem protestationem et dixit se libere et sponte predicto die profiteri velle, et propterea sua manu subscripsit.

10. Frater Angelus de Bandinis - filius Ioannis de Bandinis - Florentinus, in sẹculo Petrus, ẹtatis suẹ anno tertio decimo accepit habitum clericorum pro hoc conventu ab admodum reverendo patre priore huius conventus fratre Anselmo de Sirigattis, sub reverendissimo patre generali fratre Nicolao Rodulphio Florentino, die vigesima octava octobris 1639.

Prẹdictus frater Angelus Bandini vocatus fuit ab admodum reverendo patre fratre Cherubino delle Doti, suppriore in capite, et ab eo interrogatus fuit an vellet suo tempore, scilicet die 19 aprilis, hora 6, 1642, emittere suam professionem. Respondit se libenter velle profiteri. Et ita significatum fuit ei quod si aliud ei non fuerit protestatum, incurreret suam professionem factam prẹdicta die 19 aprilis 1642, qua die expletur <decimus> sextus annus suẹ ẹtatis; et quia fuit exutus habitu religionis coram patribus ante expletionem 15 ann(orum), ideo non fuerit necessaria dispensatio trium mensium.

Ego frater Angelus Bandini acceptavi prẹdictam protestationem, et in fide manu propria.

11. Frater Leander filius Fausti de Ghirlandis Carrarensis, in sẹculo Franciscus, accepit habitum clericorum pro isto conventu, ẹtatis suẹ anno tertio decimo, ab admodum reverendo patre priore huius conventus fratre Anselmo de Sirigattis, sub reverendissimo patre generali fratre Nicolao Rodulphio Florentino, die 26 novembris 1639.

Pater frater Ioannes Franciscus Tempius, lector et vicarius conventus, vocavit prẹdictum fatrem Leandrum coram infrascriptis patribus, et protestatus est illi quod non incurret professionem tacitam usquequo a suppriore nostro - modo absenti - vel ab aliquo alio auctoritatem <h>abente, aliqua alia ei protestatio facta fuerit, iuxta quam protestationem profitebitur. Ipse acceptavit tales protestationes, et propria manu subscripsit.

Ego frater Leander supradictus acceptavi dictam protestationem, et in fidem manu propria subscripsi hac die 19 aprilis 1642.

Ego frater Daniel Gangalandi fui prẹsens dictẹ protestationi, m(anu) p(ropria).

Iterum prẹdictus frater Leander fuit revocatus ab admodum reverendo patre fratre Cherubino delle Doti, suppriore, die 4 maii, coram patribus; et fuit illi facta protestatio quod eodem die, hora 18, si ille aliquod non diceret, quod incurreret suam professionem tacitam.

Ego frater Leander Ghirlanda acceptavi dictam protestationem, et in fide manu propria.

12. Frater Anselmus Maria filius Iacobi de Sardinis senatoris Lucensis, in sẹculo Ludovicus, ẹtatis suẹ anno duodecimo accepit habitum clericorum pro isto conventu ab admodum reverendo patre priore huius conventus fratre Anselmo de Sirigattis, sub reverendissimo patre generali fratre Nicolao Rodulphio Florentino, die 21 ianuarii 1639 ab Incarnatione.

Supradictus frater Anselmus Maria hac die 21 octobris 1643, coram infrascriptis patribus vocatus ab admodum reverendo patre priore et lectore fratre Sancte Botti, et interrogatus an sponte habitum suscepisset, an vero timore parentum - etsi intentionem habebat emittendi professionem sponte -, respondit dicendo nullum habere impedimentum pro tali professione suo tempore emittenda. Et ideo protestationibis illis factis, omnes acceptavit ut pat(et) ex ipsius subscriptione et patrum infraposit??, habita dispensatione a P.(?=R: reverendo) patre procuratore generali, patre magistro Dominico a Gravina^[3], super tres menses ut ???as patentes vidimus, in cuius fide:

13. Frater Ludovicus filius Hieronimi de Sestis senatoris Lucensis, in sẹculo Ioannes Baptista, ẹtatis suẹ anno duodecimo accepit habitum clericorum pro isto conventu ab admodum reverendo patre priore huius conventus fratre Anselmo de Sirigattis, sub reverendissimo patre generali fratre Nicolao Rodulphio Florentino, die 28 ianuarii 1639 ab Incarnatione.

Supradictus frater Ludovicus hac die 21 iunii 1642 vocatus fuit coram infrascriptis patribus ab admodum reverendo patre lectore fratre Sancte de Bottis, huius conventus priore, et interrogatus an sponte habitum suscepisset, an vero timore vel violentia parentum aut consanguinerorum. Et cum responsum dedisset solum sponte, et etiam - si patribus placuisset - sponte emitteret professionem, cum nullum impedimentum habeat ad professionem emittendam, ideo factis solitis protestationibus acceptavit omnes ut patet ex sua subscriptione. Et quia sine dispensatione trium mensium non poterat ipsa die in qua natus fuerat profiteri, habita tamen dispensatione a reverendo patre procuratore generali, patre magistro fratre Dominico Gravina, deputato ad regimen ordinis Predicatorum(?), protestatus est ei de professione emittenda suo proprio die.

Ego frater Ludovicus Sestius acceptavi suprascriptam protestationem, et ideo manu propria subscripsi.

Ego frater Seraphinus de Stephanis fui prẹsens. M(agister) novitiorum(?)^[4].

Prẹdictus frater Ludovicus suam solemnem emisit professionem die 31 iulii 1643, hora 24, in manibus patris lectoris fratris Sancti de Boctis, prioris huius convenctus[sic].

[1] evidentissimi: verosimile scioglimento dell'abbreviazione eu.^mi; superlativo di euidens (= evidens), nel significato di "illustre"(?).

[2] fra Pietro Ceffini † 15.V.1644 (f. 167v); fra Sebastiano Fibbialla † 1640 ca. (f. 166v). Una identica mano infatti scrive tutto il brano «Supradictus frater Ioannes ... dopo furno morti». Ben diversa l'autografia del Ceffini testimoniata negli atti precedenti e seguenti.

[3] Dominico Gravina da Napoli OP, procuratore generale nel 1643: cf. I. Taurisano, Hierarchia ordinis Praedicatorum, Romae 1916, p. 104.

[4] M(agister) novitiorum(?) aggiunta da altra mano, diversa dalla sottoscirione di fra Serafino; la stessa mano che aggiune in fondo l'emissione della professione solenne «Prẹdictus frater Ludovicus ... huius convenctus».