| ⌂ |
|
| ⌂ |
■ 1636-1761 ca. ■ →finis! |
| ⌂ |
|
| ⌂ |
■ 1636-1761 ca. ■ →finis! |
|p. 208|
Die 3 iunii 1761
609. Retroscriptus frater Angelus Philippus Malpighi, expleto suẹ probationis anno, prẹmissa professione tacita, solemnem emisit in manibus admodum reverendi patris lectoris fratris Norberti Mariẹ Bianchetti, prioris huius conventus Sancti Dominici Fesularum, cum antea - die 28 proxime elapsi mensis maii - in fesulea episcopali curia in proprii genitoris favorem hereditariis bonis renunciasset, sub regimine reverendissimi patris magistri fratris Ioannis Thomẹ de Boxadors magistri generalis totius nostri Ordinis.
Ita est, frater Ioannes Thomas Bellucci magister novitiorum, manu propria.
Die 7 septembris 1761
610. Franciscus Maria, filius Caietani Francini, florentinus, etatis suẹ annorum viginti duorum et fere trium mensium, recepit habitum tertiarorum e manibus admodum reverendi patris lectoris fratris Antonini Checcacci, prioris huius conventus Sancti Dominici Fesularum, hora quarta post meridiem; qui mutato nomine vocatus fuit frater Michael, sub regimine reverendissimi patris magistri fratris Ioannis Thomẹ de Boxadors magistri generalis totius nostri Ordinis.
Ita est, frater Ioannes Thomas Bellucci magister novitiorum, manu propria.
Die 18 septembris 1761
611. Admodum reverendus pater lector frater Antoninus Hyacinthus Checcacci, prior huius conventus Sancti Dominici Fesularum, vocavit fratrem Cyprianum Mariam Martellini novitium simplicem, cuius probationis annus prope erat explendus, iamque premissum fuerat examen et adprobatio eiusdem habita tam a patribus consiliariis quam a capitulo conventus; protestatusque est idem superior prẹfato novitio coram infrascriptis testibus prius inquirendo an libere ac sponte vellet profiteri dummodo nullis esset impedimentis obnoxius ex recensitis ab apostolicis nostrisque statutis, ac postea ipsimet denunciando quod si libenter vellet professionem emittere, nullo - ut supra - impedimento constrictus, propriam tacitam professionem se incursurum completo probationis anno, videlicet die 21 huius mensis septembris, hora sexta post meridiem, nisi ante id tempus conventus aut ipse prẹdictẹ professioni contradixissent. Quibus protestationibus idem novitius respondit ut infra:
Ego frater Cyprianus Maria Martellini fateor me acceptasse supradictam protestationem et velle sponte ac libere profiteri hora supradicta, nullum habens impedimentum. Ita testor manu propria
Ego frater Ioseph Antoninus Bindi fui presens et testis supradictẹ protestationi et acceptationi, manu propria.
Ego frater Sebastianus(?) Maria Biagini fui prẹsens et testis supradictẹ protestationi et acceptationi, manu propria.
Ego frater Dominicus Mathievich fui presens et testis supradictẹ protestationi et acceptationi, manu propria.
Die 26 septembris 1761
612. Supradictus frater Cyprianus Maria Martellini, completo suẹ probationis anno, prẹmissa professione tacita, emisit eandem solemnem in manibus admodum reverendi patris lectoris fratris Hyacinthi Antonini Checcacci, prioris huius conventus Sancti Dominici Fesularum, cum antea - die 10 huius mensis septembris - in curia episcopali fesulea in sui fratris favorem bonis hereditariis renunciasset, sub regimine reverendissimi patris magistri fratris Ioannis Thomẹ de Boxadors magistri generalis totius nostri Ordinis.
Ita est, frater Ioannes Thomas Bellucci magister novitiorum, manu propria[1].
|p. 209|
613. Copia transmissa ad omnes provinciales et vicarios die 22 maii 1655
Decretum papae Alexandri 7i [= septimi] pro novitiis recipiendis in ordine fratrum Prẹdicatorum.
Ad propagandam in ordine Prẹdicatorum regularem observantiam, quẹ novitiorum institutioni et educationi prẹcipue innititur, Sacra Congregatio deputata super statu regularium, de mandato S(ancti) P(atris) N(ostri) Alexandri papae 7i, in singulis provinciis et congregationibus eiusdem Ordinis presentis decreti vigore designat ac deputat pro novitiatibus conventus infrascriptos: videlicet in provincia utriusque Lombardiẹ, conventus Sancti Dominici de Ianua, Sancti Dominici Mantuẹ, Sancti Dominici Cremonẹ et Sancti Dominici Anconẹ; in provincia Romana, conventus Sanctẹ Mariẹ super Quercum Viterbii et Sancti Marci Florentiẹ; in provincia Regni, conventus Sancti Dominici Neapolis et Sanctẹ Mariẹ in Porta Salerni; in provincia Apuliẹ, conventus Sancti Dominici Monopoli et Sancti Dominici Foggiarum; in provincia utriusque Calabriẹ, conventus Sancti Dominici in Suriano; in provincia Aprutina, conventus Iesus Mariẹ Neapoli et Sancti Dominici Aquilẹ; in provincia Sancti Petri Martyris, conventus Sancti Eustogii Mediolani et Sancti Dominici de Chorio; in congregatione Sanitatis, conventus Sanctẹ Mariẹ Sanitatis Neapolis; in congregatione Sancti Marci, conventus Sancti Quercus Maioris; et pro Ordine in comuni conventus Sancti Xisti Romẹ.
In quolibet autem ex prẹnominatis conventibus pro novitiatibus, ut supra designatis, eadem Sacra Congregatio impertitur licentiam recipiendi (hac vice tantum) septem clericos et duos conversos, excepto novitiatu Sancti Dominici in Suriano provinciẹ utriusque Calabriẹ, in quo recipi possint quatuordecim clerici et conversi, ita tamen ut hẹc quẹ sequuntur inviolate observent.
Primum, ut induendus (habita prius licentia magistri Ordinis vel provincialis provinciae vel vicarii generalis Congregationis in cuius novitiatu recipiendus est) a tribus fratribus - ad id munus a capitulo conventus electis - publice coram patribus a consiliis diligenter |p. 210| examinetur, nedum an lingua latina calleat sed quo spiritu, qua mente et voluntate id regularis vitẹ genus elegerit; quem sibi finem proposuerit, num zelo perfectionis vitẹ et ut Deo liberius famulari possit, vel levitate vel humano affectu aut inordinato animi motu inducat; et si spectatis natalibus, etate ut saltem decimum quintum annum expleverit, vita et moribus anteactis, corporis habitudinem aliisque iuxta Ordinis constitutiones necessariis, idoneus per secreta patrum suffragia repertus fuerit, capitulo conventus proponatur ut ab eodem per similia vota secreta acceptetur, vel etiam (si eidem idoneus non visus fuerit) reiciatur.
Quibus peractis mox qui sub predicta forma fuerit examinatus et adprobatus transmittatur in habitu seculari ad conventum novitiatus sibi deputatum ut in eo habitum religionis recipiat, et lapso anno post susceptum habitum ad professionem admittatur, sub exacta tamen vita eorum ad prẹscriptum regulẹ, cum solita protestatione quod professio sua eundem obligabit ad tria vota secundum regulam beati Augustini et constitutiones Ordinis, et non secundum quod hic et ibi servantur; nec non servata forma sacrorum canonum concilii Tridentini, constitutionum apostolicarum et prẹcipue decretorum S. M. [=? sanctae memoriae] Clementis pape octavi [1592-1605] ac statutum prẹdicti Ordinis.
Fratres vero conversi iuxta ipsius Ordinis constitutiones recipiantur prius vel ad habitum tertiarii vel ad habitum conversorum, ita tamen ut non admittantur ad annum probationis nisi fuerint ẹtatis prẹscriptẹ a Clemente 8°.
Quod si aliquem ex dictis clericis vel conversis, postquam receptus fuerit, ante professionem a religione discedere vel expelli contigerit, alius in eius locum subrogari possit (servatis tamen omnibus superius prẹscriptis).
Post professionem vero emissam, novitii clerici vel maneant in eodem novitiatu vel in professorio habentur requisita ad novitiatum in eodem vel in alio conventu, ibique permaneant iuxta constitutiones Ordinis usquequo ad sacerdotium promoti fuerint. Quo enim tempore poterunt quinimmo et debebunt litterarum studiis operam dare sub directione et regimine magistri, qui eas qualitates habeat quibus |p. 211| magistrum novitiorum prẹditum esse oportet, quemadmodum ipsius Clementis decreto proinde sancitum est. In ipsis autem conventibus non collocentur nisi religiosi graves, devoti et exemplares et regularis observantiẹ et puritatis regulẹ studiosi. Prẹcipue vero caveatur ne ibi ponatur aliquis qui non consentiat servare vitam comunem quẹ in prẹdictis conventibus ad regulẹ prẹscriptum exacte custodiatur; indeque moveantur qui tam sanctẹ ordinationi contradicere aut quoquo modo se apponere ausi fuerint.
Contrariis quibuscumque non obstantibus.
Datum Romẹ, ii maii 1655
┼ loco sigilli
P. Fagnanus Sacrae Congregationis secretarius
614. Decretum Sacrẹ Congregationis super statu regularium, de tertiariis et hospitibus atque aliis non recipiendis nec retinendis ad habitum in monasteriis seu domibus regularium ante ẹtatem prẹfinitam.
Etsi decretis Sacrẹ Congregationis super statu regularium, de mandato summorum pontificum Innocentii X [1644-55] et Alexandri VII [1655-67] iam pridem editis pro novitiis recipiendis, statutum sit ut omnes qui ad habitum probationis se recipi postulaverint, diligenter examinentur ac per vota secreta approbentur quotquot idonei reperti fuerint ẹtate aliisque requisitis ad prẹscriptum apostolicarum contitutionum ac statutorum Ordinis, nec quisquam censeat habilis ad huiusmodi habitum suscipiendum ut clericus nisi annum ẹtatis suẹ decimum quintum, neque ut conversus nisi annum vigesimum expleverit, nihilominus in pluribus religionibus Italiẹ et insularum adiacentium, aliquibus ab hinc annis introductum est ut recipiantur adolescentes laici, non quidem pro conversis, ut |p. 212| annum probationis incipiant, et finito tempore novitiatus admittantur ad professionem. Sed pro tertiariis vel oblatis seu donatis, eisque tradatur habitus - ut vocant - sine caputio illis dari consueto, ut sic inserviant alicui religioso particulatim, aut pluribus vel omnibus comuniter. Et multoties pueri et adolescentuli recipiantur in monasteriis non ut novitii sed ut hospites seu postulantes se recipi pro clericis ad habitum probationis, et parva veste induti plures menses - quinimmo et annos - sic detineantur intra claustra donec compleverint annum ẹtatis decimum quintum clericis, ut supra prẹscriptum ad annum novitiatus incoandum, idque eo prẹtextu ut interea fiat experimentum de ipsorum indole et aptitudine ad religionem; et aliquando etiam in eadem veste iidem pueri et adolescentuli admittantur in novitiatibus, et cum novitiis degant ad hoc ut eorum voces pueriles in coro cum vocibus professorum[2] misceantur, dum divina peraguntur officia.
Quoniam vero secundum canonicas sanctiones et iuris regulas, cum quid una via prohibetur alicui, ad id alia non debeat admitti, et memorati abusus irrepserint in fraudem legis et elusionem decretorum ut supra editorum in religionum dispendium, ac non sint multorum admiratione et scandalo. Idcirco eadem Sacra Congregatio, ut in dies crescat in ecclesia Dei sacrarum religionum splendor et veneratio, ex speciali mandato SS. D. N. D. Clementis, divina providentia p(apẹ) X [1670-76], hoc prẹsenti decreto in virtutem s(anctẹ) obedientiẹ prẹcipit omnibus et singulis superioribus generalibus, provincialibus et localibus quocumque nomine ac titulo appellatis, quorumcumque ordinum et congregationum tam mendicantium quam non mendicantium, ut de cetero neminem pro tertiariis vel oblatis seu donatis aut commissis vel servientibus, nec pro hospitibus seu postulantibus vel cantoribus aut alio quocumque nomine nuncupatis ac quovis habitu indutis vel induendis, sub quovis prẹtextu vel causa aut quesito colore recipiant seu admittant ad |p. 213| habitandum intra claustra nisi vigesimum ẹtatis suẹ annum expleverit; omnesque sic receptos seu admissos (iis tantum exceptis qui completa ẹtate annorum quindecim pro clericis seu choristis in habitu novitiorum annum probationis agunt) a monasteriis seu domibus regularibus omnino amoveant et eiiciant infra terminum duorum mensium incoandum a die intimationis presentis decreti faciendẹ, procuratoribus eorumdem ordinum et congregationum in romana curia existentibus.
Quod si prẹdicti superiores prẹsenti decreto per omnia non paruerint, aut in aliqua eius parte contravenerint, pẹna privationis dignitatum et officiorum quẹ tunc temporis obtinebunt ac perpetuẹ inhabilitatis ad illa vel alia imposterum[sic] obtinenda, vocisque activẹ et passivẹ, ipso facto absque alia declaratione incurrant. Non obstantibus - quoad omnia subscripta - privilegiis, indultis et consuetudinibus, cẹterisque contrariis quibuscunque.
Datum Romẹ, die XVI maii 1675
V(enerabilis) Cardinalis Carpineus[3]
P. Fagnanus secretarius
|p. 215|
615. Eminentissimi e Reverendissimi Signori
Il procuratore generale di tutto l'ordine di san Domenico, humilissimo servo del EE. VV., havendo presentato i stati della sua religione in conformità della constituzione di N. S., supplica l'EE. VV. della licenza che possino professare gl'infrascritti novizii della Provincia Romana che hanno preso l'abito nel noviziato del convento di San Domenico di Fiesole prima della data di detta bolla. Che il tutto etc.
Fra Francesco Bargigli prese l'abito a' 30 novembre 1649 e viene collocato nel sopradetto convento di San Domenico di Fiesole, e per detto deve fare professione.
Fr(ater) Fran(ciscus) Maria Campanius[4], magister et procurator generalis ordinis Predicatorum.
Sacra Congregatio deputata a S.mo D. N. super prefixatione(?) numeri regularium et aliis, benigne annuit ut petitur, d<um>modo praesens licentia registretur in libro profession<um>. Romae, 1 octobris 1650.
??? Patracensis[5]
|p. 218| Alla Sacra Congregazione deputata sopra
i stati de' conventi de' regolari
Per
i novizii del convento di San Domenico
di Fiesole della Provincia Romana
del'ordine di San Domenico
|p. 219|
616. Nos infrascripti patres a consiliis conventus Sanctẹ Mariẹ super Saxum ordinis Prẹdicatorum fidem facimus et in verbo veritatis attestamur fratrem Michaelem Angelum Sereni novitium a nobis per vota secreta, nemine discrepante, in filium et professum huius conventus acceptatum fuisse, habitis prius licteris testimonialibus de sui religiosa vita, tempore suẹ probationis ac sufficientia licterarum, a patribus ex consiliis Sancti Dominici de Fęsulis. In quorum fidem, his nostro sygillo munitis, manu propria subscripsimus. Datum in nostro conventu Sanctẹ Mariẹ super Saxum, die 13 septembris 1648.
Ego frater Dominicus Bargilius, prior, affirmo ut supra, m<anu propria>.
<Ego> frater Iacinthus V??olii, supprior, affirmo ut supra.
Ego frater Bonaventura ??vianus affirmo ut supra, manu propria.
Ita est, ego frater Thomas Zeffius, lector.
|pp. 220-222 in bianco|
|p. 223|
617. Eminentissimi e Reverendissimi Signori
Il procuratore generale dell'ordine de' Predicatori, havendo presentati li <stati> de' conti della sua religione in conformità della constituzione <di> N. S., supplica l'EE. VV. della licenza che possa professare l'infrascritto novitio clerico della provincia Romana che ha preso l'habito nel convento di San Domenico di Fiesole prima della data di detta bolla, che il etc.
Fra Filippo Brancaccini prese l'habito clericale a dì 21 di maggio 1649. Viene collocato nel convento di San Domenico di Fiesole e per detto deve professare.
Fra Pietro Maria Passerini procurarore generale de' Predicatori.
Sacra Congregatio deputata a S.mo D. N. super prefixatione(?) numeri re<gularium> et aliis, benigne annuit ut petitur, dummodo praesens <licen>tia registretur in libro professionum. Rome, 16 martii <???>.
HiArchipus Patracensis
|p. 226| Alla Sacra Congregazione deputata sopra
li stati de' conventi de' regolari
Per
il convento di San Domenico di Fiesole
della Provincia Romana de' Predicatori
|p. 227|
618. Io infrascritto attesto e fo fede qualmente fr. Antonio Dominici eremita vicino a Porta Angelica di Roma, fu da me vestito coll'abito di terziario domenicano il dì 5 di aprile dell'anno 1753, e gli fu imposto nome fr. Vincenzo, occorrendo in tal giorno la festa del nostro san Vincenzo Ferreri, nel nostro vicariato di Monte Mario, presenti i padri di detto vicariato. In fede. In San Iacopo di Samminiato, questo dì, primo aprile 1759.
Fr. Alberto Maria Scifoni, maestro, propria mano.
|p. 228 in bianco|
[1] Qui terminano gli atti formali di vestizione e professione. Seguono tre folii (= pp. 209-214) fisicamente organici all'ultimo fascicolo, e poi sei folii (= pp. 215-228) disorganici ai precedenti fascicoli ma coerenti con la nuova documentazione: cartigli o missive originali di autorità religiose circa atti legali di vestizione e professione religiosa nell'ordine domenicano.
C'è da credere che queste giunte siano complementari alla specifica materia del Libro de' novizi e figlioli di San Domenico di Fiesole, e a tale libro aggiunte non molto dopo l'ultimo atto 26 septembre 1761 (n° 612).
■ Continuo ad aggiungere la numerazione dei singoli atti legali, per facilitare eventuali rinvii tramite links.
[2] professorum: non pensare ai professori(!), ché tale lessema nel contesto di stato canonico sta per "coloro che hanno emesso professione rreligiosa".
[3] Gaspare Carpegna, Roma 1625-1714, cardinale dal 1670. https://it.wikipedia.org/wiki/Gaspare_Carpegna
[4] Procuratore generale 1647-51: I. Taurisano, Hierarchia ordinis Praedicatorum, Romae 1916, p. 105 n° 88. Pietro Passerini (item 617) è procuratore generale 1651-77 (ib. p. 105 n° 89).
[5] Incerta la lettura di questa sottoscrizione molto contratta, senza segni di abbreviazione. Pista ipotetica: HiArchipus Patracensis = "Hieronimus Arhiepiscopus Patracensis". Girolamo Farnese, arcivescovo titolare di Patrasso (Grecia) 1639-1658.
