|79v|

1493

Magister Iohannes de Cotrona [=? Cortona] absolvitur a commissione sibi facta super conventum Eugubii. Die 27 augusti.

Frater Petrus, prior conventus Eugubii, non potest absolvi ab officio sui prioratus; et si esset absolutus, illa absolutio non valet. Die eadem.

Frater Dominicus de Gaydo fit vicarius sororum Sancte Margarite de Eugubio, et debet videre ratiocinia fratris Antonii de Eugubio, tam sui prioratus tempore prefati conventus quam administracionis monasterii sororum prefati, a cuius cura absolvitur.

Frater Antonius de Canciaria(?) de Eugubio removetur a conventualitate prefati conventus propter scandala, et asignatur Ananie. ???.

Frater Dominicus de Eugubio propter delicta ut supra expellitur  .   .   .   in conventu sarazanensi  .   .   .

Soror Martha absolvitur ab officio prioratus monasterii Sancte Margarete et non potest reelegi, et frater Dominicus de Gaydo earum(?) vicarius potest ??? unam vicariam    .   .   .    et confirmatio re?? rev.mo magistro .   .   .  . Die ???.

Magister Marianus de Vernaccis, conventus Sancte Marie Novelle, potest quitantiam facere suis parentibus de omnibus que iure sue hereditatis inter eos possit occurrere, et de bonis suis ex quo(?) ea a suis parentibus illa habuit possit in ordine quibusvis dimittere, dispenssare et disponere quando sibi placuerit. In contrarium etc. Die ???.

Precipitur prioribus, magistris, patribus et sindicis ac officialibus(?) conventus Sancte Marie Novelle, sub pena excomunicationis et absolucionis ??? eorum officiis et quod non possunt vendere, locare   .   .   .    seu ad     .   .   .  introytus Sancte Marie Novelle etc., et sub eisdem censuris precipitur priori et officialibus Societatis Santi Petri Martiris. Die ???.

Frater Vincentius de Callio dispesnatur ad sacerdotium    .   .   . 

Frater Bernardinus de Callio  potest per hereditatem maternam(?)  .   .   donare sororibus suis pro ipsarum dote. Die eadem.

Frater Thomas de Ferraria, conventus theatini, et frater ??? eiusdem conventus asignantur in dicto eorum(?) conventu. Die 20 ???.

|80r|

1493

Frater Antonius de Eugubio remittitur ad conventum suum Eugubii et ibidem asignatur. Die 26 octobris, Ravenne.

Frater  Andreas de Castello asignatur in predicto conventu, et fit cappellanus et confessor sororum monasterii Sancte Margarite de Eugubio. Die eadem.

Dirigitur litera fratribus conventus Eugubii quod nullus fratrum possit ire ad monasteria nisi eorum cappellanus et fratres in festivitatibus monasterii, sub excomunicationis pena etc. Die 27 octobris, Ravenne.

<??> Vincentius et Iohannes de Florentia possunt expetere rev.mum magistrum ordinis in loco Poncib??i in quodam loco quem dominus Antonius Donati de Adimariis religioni dare cupit. Die v novembris, Bononie.

Mandatur priori et fratribus conventus Parme, sub excomunicationis pena, quod non molestent fratrem Albertum novicium aut inpediant ab accessu ad scolas; qui eximitur [eximittur scr.] propterea ab officio divino etc. Die vj novembris, Bononie.

Mandatur fratri <  .  .  . > de Alexandria ut solvat fratri Ioanni conversso de Viglevano pecunias quas sibi dedit ad dandum cuidem fratri mediolanenssi pro solucione cuiusdam cappe; alias etc. Die eadem.

Camera que fuit fratris Donini et fratris Francisci de Parma conceditur fratri Vincentio de Mantua, priori parmenssi, toto tempore vite sue, cum omnibus suis pertinentiis. Die eadem.

Soror Angela [Angola scr.] confirmatur priorissa monasterii Sancti Silvestri de Pisis, cum auctoritate etc. Die xxj novembris, Florentie.

Cella condam magistri Laurentii de Gerardinis conceditur magistro Mariano de Vernaccis de Florentia toto tempore vite sue, cassando omnem aliam concessionem hactenus per predecessores rev.mi magistri factam. Die 23 novembris, Florentie.

Conceditur sorori Constantie Iohannis domini Salustii, monasterii Sancti Dominici de Florentia, cella condam sororis Orethe nuper defuncte. Die eadem, Florentie.

Mandatur fratri Francisco Andree, priori Sancti Geminiani, sub pena gravioris culpe, quatenus accedat ad conventum suum Sancti Geminiani propter edificia etc., et sine rev.mi licentia inde non recedat, propter scandalum ??? loci. Die 26, Florentie.

Approbatur compositio facta inter magistrum Ioannem Caroli de Florentia et magistrum Amadeum de Pisis de loco conventus Sancte Marie Novelle de Florentia, ex quo fuit de consenssu(?) prioris dicti conventus ac sindicorum. Die 26 novembris.

|80v|

1493

Magister Ioannes ser Uberti de Florentia fit sindicus et procurator sororum monasterii Sancti Petri Martiris de Florentia, cum auctoritate. Die ultimo novembris, Florentie.

Frater Alexander de Florentia fit predicator generalis, cum privilegiis. Die eadem.

Fratri Ieronimo, et priori Sancti Marci de Florentia pro tempore, conceditur auctoritas provincialis secundum constitutiones. Die xv novembris, Florentie.

Item si conventus Sancti Dominici de Fesulis, Katerine de Pisis, Sancti Dominici, Sancti Geminiani, a congrega(tione) separetur Lombardie, prior Sancti Marci pro tempore constituitur vicarius rev.mi, cum plena auctoritate vicariorum rev.mi, cum auctoritate provincialis secundum constitutiones et privilegia. Die xv novembris, Florentie.

Magistro Sebastiano Rubini, conventus Sancte Marie Novelle, conceditur camera magistri Francisci usque ad ipsius reditum; si tamen non redierit, toto tempore vite sue; si vero redierit, tunc conceditur sibi camera prima dormitorii inferioris ex opposito scale, quousque vacaverit aliqua camea sibi grata, que sibi conceditur toto tempore vite sue. Non obstantibus etc. Florentie, 30 novembris.

Item eidem conceditur ut possit aliquando pro suis necessitatibus ire Pratum uqsue ad forum et palacium potestatis. Die eadem.

Magistro Paulo Petri, conventus florentini Sancte Marie Novelle, conceditur camera ??? quodam fratris Damiani, cum omnibus pertinentiis etc. Die 28 novembris, Florentie.

Frater Alexander Bartholomei de Florentia, conventus Sancte Marie Novelle, fit predicator generalis, cum omnibus gratiis etc. Et quod inferior etc. Die 3° novembris, Florentie.

Frater Bonaventura, conventus Sancte Marie Novelle, potest ordinari sacerdos et eligere sibi diem ad cantandas primicias etc. Nullus inferior etc. Die 27 novembris, Florentie.

Frater Ioannes Meliorini potest ibique predicari. Die 2 decembris, Prati.

Fratres conventus Phesulis possunt duos fratres in romana curia mittere pro negotiis conventus sui. Et nullus inferior etc. Die eadem.

Frater Laurentius Bernardi et Petrus Rubeus restituuntur ad paternitatem conventus Sancte Marie Novelle de Florentia, cum graciis. Die eadem.

Frater Bartholomeus de Mutino tran<s>fertur de loco Liciti ad conventum pistoriensem, consentientibus omnibus fratribus dicti conventus. Die 3 decembris, Pistorii.

Frater Albertus de Pistorio potest Siciliam pro fratre suo   .   .   .  .  Die 4 eiusdem.

Mandatur priori et fratribus conventus Pistorii, sub excomunicationis pena, quod debeant reponere caldarias ad suum locum pristinum in termino duorum menssium; et de cetero nihil concedatur ??? sine licentia rev.mi magistri. Die eadem.

Dirigitur litera priori et patribus conventus Sancte Marie Novelle quibus precipitur, sub excomunicationis pena, quod nullus potest ludere ad cartas, taxillos et ad omnia ab ecclesia prohibita, et etiam pena plivationis filiacionis conventus. Die x decembris, Luce.

Approbatur receptio fratris Ianuarii <pro add.> de Lucha pro Tercio ordine. Die eadem.

Soror Catherina et Cesarea, monasterii Sancti Silvestri de Pisis, possunt scribere matri et fratri earum Florentie, sine licentia et presentacione literarum suarum. Die 13 decembris.

|81r|

1493

Mandatur priorisse et monialibus monasterii Sancti Silvestri de Pisis quod si contingerit aliquid vendi ex bonis conventus pro subsidio ipsius, quod debeant accipere florenos 60 sororis Lucretie, et dare sibi omni anno sach?? 6 de frumento in vita sua. Die 13 decembris, Pisis.

Mandatur fratri Sebastiano ut nullum in monasterio prefato ingredi permittat nisi provincialem provincie cum duobus sociis viris honestis et mature etatis, et nullum alium etiam a quovis missum, etiam pro quacunque causa, sive ratione visitacionis sive vellacionis. Die eadem.

Datur facultas priorisse monasterii Sancti Nicolai de Prato ut permittat fratrem Petrum Antonium de Sancto Miniate docere sorores monasterii post prandium, usque ad horam vesperorum, in cantu figurato. Die 13 decembris, S. Miniate.

Frater Baptista potest esse diaconus et frater Leonardus subdiaconus. Die 17 decembris, Senis.

Frater Hyeronimus de Senis, prior Floriani, absolvitur a prioratu dicti conventus, et fit vicarius conventus frater Paulus de Floriano. Die eadem.

Magister Ioannes de Vissa absolvitur ab officio sacristie conventus perusini bonis respe??, et frater Andreas de Perusio fit sacrista. Die eadem.

Soror Martha confirmatur priorissa monasterii Eugubii. Die eadem.

Regens et bachallarius(?) ordinarius conventus perusini debent ingredi consilium patrum conventus perusini, et bachallarius biblicus et magister studentium debent precedere omnes patres conventus perusini. Die eadem.

Frater Cerbonus asignatur Floriani et frater Antonius de Floriano asignatur Perusii in studentem artium. Die eadem.

Frater Antonius de Ripomarantia asignatur Senis. Die eadem.

Mandatur priori Cortonii, sub excomunicationis pena et absolucionis, ut satisfaciat fratri Michaelli de cappa de qua conventus alias fuit condempnatus. Die 18 decembris.

Frater Ioannes, conventus Sancti Marci de Florentia, habet licentiam standi cum uno socio vel duobus in loco Sancte Marie Angelorum Podii Boncii. Die eadem.

Frater Dominicus de Gaydo confirmatur in priorem lucenssem.

Magister Ludovicus de Luca asignatur Cortonii; etiam frater Theodorus. Senis, die eadem.

Comittitur fratri Dominico, priori prefato, ut possit retinere et removere fratres ad placitum; et confessiones debeant dividi, quarum medi<e>tas sit conventus pro vestibus fratrum, medietas confessorum, predicatore excepto. Die xi ianuarii, Rome.

|81v|

1494

Frater Theodorus de Lucha asignatur in conventu Sancti Spiritus de Senis. Die 7 ianuarii, Rome.

Frater Andreas de Castello habet lcientiam eundi ad monasterium Sancte Margarite de Egubio sine licentia prioris conventus. Die 9 ianuariiì.

Mandatur presidenti conventus perusini et patribus sub pena dupl?? debeant satisfecisse magistro Thome de Viterbio de ductatis 9 pro predicatione et tribus pro contribucionibus. Et magister Petrus Ricius asignatur Viterbii. Die 15 eiusdem.

Precipitur sub pena excomunicationis omnibus fratribus conventus perusini de libris ablatis, si quis illos haberet et habentes cognosceret, debeat restituire aut illos detinentes revellare [sic]. Die 19.

Mandatur priori Sancti Spiritus de Senis, sub pena suspenssionis a divinis et ab officio prioratus, ut magistro Ioanni Visso satisfaciat de uno ducato quem debet habere a conventu nomine magistri Gabriellis de Barleto, cuius heres fuit ipse conventus. Die eadem.

Frater Vincentius de Perusio fit predicator generalis, cum gratiis. Die 20.

Frater Leonardus de Cortonio remittitur ad suum conventum cortoniensem, usquequo per rev.mum fuerit aliud determinatum. Die 21.

Frater Dominicus de Cortonio absolvitur ab officio prioratus conventus Cortonii. Die prima februarii, Rome.

Dirigitur litera conventui urbe vetano, sub excomunicationis pena, ut nullus debeat exire a tempore quadragesime pro confessionum audientia, magistris et predicatoribus dumtaxat exceptis. Die xi eiusdem.

Frater Ioannes de Florentia et frater Bernardus de Senis, conventus Sancti Spiritus, asignatur in dicto conventu. Die 21.

Comittitur cura loci Sancte Marie Podii Boncii prefato fratri Ioanni; qui locus ad ordinem admittitur et sub cura generalis, et potest tenere fratres ordinis et precipue fratrem Bernardum prefatum de Senis, ac dicere missas, questuare etc. Die 28.

Frater Lucas de Trano, prior conventus Sancti Spiritus, absolvitur ab officio prioratus prefati conventus, et fit vicarius conventus frater Ieronimus de Brixia et electionis frater Dominicus de Campo Regio, et confirmacio committitur magistro Simoni de Campo Regio. Die primo marcii.

Conceditur confraternitati conventus Campii Regii de Senis ut eis tenere unum fratrem pro eorum correctore, quem cumque ipsi voluerint dum sit et asignatus in conventu. Die  .   .   .

Iterum frater Dominicus de Cortonio absolvitur a prioratu conventus Cortonii et frater Vincentius de Cortonio fit vicarius electionis. Die  .   .   .

Capitulum provinciale asignatur Ferrarie in capitulo generali. Die 29 marcii.

→|82r|