Cronica fratrum Sancti Dominici in
Camporegio de Senis, |44r|
1529
293. Frater Stephanus Bernardini de Senis. Infirmitatibus(?) valde compatiens, fuit per multos annos camerarius conventus et supprior. Et in ipso officio supprioratus per multos dies gravi febre laborans, sumptis ecclesie sacramentis corpus humanum relinquens animam Deo reddidit xxvj iulii. Sepultus est cum patribus suis. Cuius anima requiescat in pace, amen.
294. Frater Antonius, novitius, Senensis. Obiit et sepultus est in sepuclro patrum suorum.
295. Frater Seraphinus, sacerdos, de Sancto Miniate. Bonus religiosus et gratus omnibus. Existens gravi infirmitate vexatus, post devotam sacramentorum sumptionem dormivit cum patribus suis, et sepultus est in sepulcro fratrum. Cuius anima in Domino quiescat, amen.
296. Reverendus pater frater Vincentius Senensis. Vir utique religiosus et timens Deum, per multos annos fuit prior Sancti Quirici, in quo officio laudabiliter se gessit. Tandem ad ętatem senilem perveniens rediit Senas ad conventum suum, in quo degens omnibus gratus et quam gratiosus in audiendis confessionibus. Fuit novissime evocatus a Domino dum esset in quadam villa dicta Scopeto; sumptis sacramentis respondit huius corporis sarcinam deponens 4 augusti, et sepultus est ibidem. Cuius anima ?? feliciter <dormiat?>, amen.
■ Ultimo rigo della carta ritagliato in parte dalla rifilatura.
|44v|
1530
297. Frater Franciscus Senensis. Iuvenis modeste et mul??? activus, omnibus obsequiosus et gratus. Morbo epidimie percussus dormivit cum patribus suis xxvij septembris. Et sepultus est in claustro ex latere ecclesie. Cuius anima requiescat in pace, amen.
298. Venerabilis pater ac frater Niccholaus Leonardi de Senis. Devotus religiosus, multis virtutibus et doctrina redimitus. Fuit enim religionis zelator et predicator fervidus et gratiosus in omni sua actione. Ob suas bonas litteras fuit magister studentium, et biblicus in isto conventu. Ad apicem magisterii non attinxit morte intercedente. Morbo epidimie percussus, devotissime animam suo reddidit Creatori xj ottobris et humatus iacet in claustro ex latere ecclesie. Cuius anima feliciter dormiat, amen.
299. Frater Anastasius, adolescens, Senensis. Iuvenis bonis litteris et moribus imbutus, diaconus obiit xiiij novembris et sepultus est cum patribus suis. Cuius <anima> in Domino feliciter requiescat, amen.
1535
300. Frater Franciscus de Castello, novitius bone indolis. Vita functus est xxiiij iunii et sepultus in tumulo fratrum. Anima eius in pace dormiat.
|45r|
1536
301. Honorabilis pater frater Ludovicus Dominici de Senis, religiosus benignus et discretus. Devote fere quotidie suam missam celebrabat, solitariam vitam diligebat, bone famę et conscientię, assiduus ad chorum. Adeo virtutibus et doctrina pollebat quod fuit magister studentium et biblicus in nostro conventu. Et tam gratus erat in suis predicationibus quod effectus est predicator generalis. Bis aut ter in suo conventu prioratus officio functus est, in quo quidem tectum refectorii restauravit et hospitium exornavit, et possessiones reparavit. Multe utilitatis intus et extra conventui suo fuit. Post laudabilem suam vitam, febre correptus sumptis ecclesie sacramentis, corpus humi et animam Christo suo et omnium redemptori reddidit xij ianuarii. Cuius anima requiescat in pace, amen. Et sepultus est cum patribus suis, amen.
1537
302. Reverendus pater frater Antonius Pinus. Vir valde devotus, bone famę et litterature, predicator generalis et in audientia confessionum civibus super omnes quam gratus. Fuit prior in conventu reatino et in conventu nostro ter; tali officio cum omnium gratia functus est. Hic multa in conventus utilitate et ornatu fieri fecit. Primo reparavit organa, decoravit sacristiam cum ostio, comp(er)avit duo pivialia, alterum ex brochatello, alterum ex floribus; |45v| insuper pavimentum ecclesie munivit, et multa alia digna laude fecit. Insuper fuit confessor monialium Sancti Abunis, et priorum sororum Sancte Katerine alias delle Volte. Fuit etiam societatis Sancte Katerine rector. Nec hoc pretereundum est quod infirmantibus summa cum caritate affectus erat et suis expensis necessaria multotiens ministrabat. Hospites summopere diligebat et eis serviebat. Tandem post multa laudabilia opera et diutinos labores, confectus senio, languore corporis superante virtutem, munitus ecclesie sacramentis Christo eterno iudici presentatus est, suorum proculdubio recepturus stipendia meritorum, xiiij ianuarii; et humatus iacet cum patribus suis. Cuius anima in Domino requiescat, amen.
■ Sancti Abunis (sic) = monastero Sant'Abundi (Cohn, Death and Property in Siena p. 35).
■ Hospites: corretto su primitivo (e non cassato) hospitis.
303. Frater Iohannes Senensis, bonus pater. Fuit prior Sancti Quirici et in conventu nostro suprior. Moratus est per multos annos extra ordinem. Demum rediens, gravi febre per multos dies vexatus quam multa cum patientia substulit, post receptionem devotissimam ecclesie sacramentorum, nature satisfaciens, corpus humi et animam suo reddidit Salvatori prima septembris. Eius corpus in ecclesia in tumulo fratrum humatum iacet. Cuius anima requiescat in pace, amen.
|46r|
1541
304. Honorandus pater frater Andreas de Fonteblando Senensis, vir siquidem simplex et devotus et bonus pater. Fuit enim optimi moris et zelator religionis et plurimum sue conscientie amator, sepe sepius confitebatur et cum magna devotione celebratat, et per multos annos tam diurnum quam nocturnum totum duplicabat officium. Hic fuit et scientia et doctrina preclarus; ob suas laudabiles virtutes in isto conventu magistratu sudentium, biblicatu ac bacchalaureatu decoratus fuit. Fuit bonus verbi Dei declamator et per quadragesimam in nostra ecclesia predicavit, adeo quod meruit inter predicatores generales annumerari. Trina vice prioratus dignitate in conventu suo sublimatus fuit. Sororum Sancte Katerine, alias del Paradiso, et monialium Sancti Prosperi confessor extitit, necne et rector Sancte Marie iusta [= iuxta] muros fuit. Tandem post suam laudabilem conversationem, ottogenarius tertius absque febre pre senio nonnullos dies in lecto decumbe<n>s, sumptis ecclesie quam devotissime sacramentis, ad extremam horam vieniens appositus est ad patres suos atque cum eis feliciter dormit xxvj [xvj?] augusti, et sepultus est in fratrum(?) tumulo. Cuius anima in pace requiescat, amen.
■ de Fonteblando: Fonteblanda, sulla costa grossetana, prossima a Talamone(?).
305. Frater Vincentius Siculus, bone indolis et discretionis puer utpote qui sortitus animam bonam cessit humanis xxv augusti. Cuius corpus humatum iacet in sepulcro patrum suorum. Cuius anima in Domino quiescat, amen.