⌂	Chronica conventus Sancti Spiritus de Senis, parte III:  nomina fratrum recipiendorum ad professionem ■  ASS, Patrim. resti eccles., Reg. 2348 ■

■ R. Creytens, Les actes capitulaires de la congrégation Toscano-romaine O.P. (1496-1530), AFP 40 (1970) 195-22: talune biografie da questa cronaca, p. 196 n° 7; pp. 204, 208, 212, 222.

III.    (ff. 54-69v) [III libro]: Tertia huius libri in parte scribentur nomina fratrum recipiendorum ad professionem in hoc conventu annotantes pariter annum, mensem et diem ac nomen prioris in cuius manibus quemlicet contigerit profiteri. Verum et annum, mensem ac diem quibus ad ordinem admittuntur annotemus necesse est: cum ab anno receptionis elapso non prorogato iura professionis accipiantur. Ergo de intercidente professionis prorogatione cum evenerit in hac parte diligentissime caveatur.

|56v|

Frater Maurus dictus in seculo Camillus Mariani de Humidis, civis senensis, annorum 19 vel circa, et frater Placidus, vocatus antea Placidus Iacobi de Placidis, civis senensis, annorum circiter 15, die 7 aprilis 1521, convocatis in capitulo fratribus ut moris est, habitisque suffragiis, recepti fuerunt per rev.dum priorem fratrem Bartholomeum de Faventia, tempore congruo postea induendi. Verum timore parentum, ne scilicet vi raperentur, secundus presertim, habito maturo patrum consilio, missi sunt Florentiam ad conventum Sancti Marci, in quo pro conventu nostro senensi clericorum habitum susceperunt per rev.dum vicarium generalem [in marg.: fr. Baptistam ser Caroli], die decima eiusdem mensis aprilis 1521, presente patre illius de Placidis...

Duo predicti fratres ita se habuerunt quod frater Placidus infra paucos menses egressus est, parentum suasione inductus, quibus consensit eadem facilitate qua intravit. Alter vero, videlicet frater Maurus, bonus vir et gravis ac humilis laudabiliter et cunctis amabilem se prebuit in anno sue probationis, et post horam 24 dici xi aprilis, anno 1522, in Sancto Marco pro isto conventu nostro senensi professionem canonice fecit et emisit, et factus religiosus religioni et Congregationi nostre incorporatus est.