|110v|

557. Frater Iulianus, conversus, filius olim Ioachini de Burgo, qui dicebatur Aloysius, xl^ta annorum, accepit habitum a fratre Dionysio Tornaquincio, priore, anno Domini 1536, 2^a februarii, nocte sequenti hora dimidia. Professus est sexta die martii anni sequentis, in manibus fratris Nicolai Biliocti; ad quem diem fuerat ei prorogata professio ut posset de rebus suis disponere; de quibus, et dicta die, disposuit manu ser Andreę Caiani.

558. Frater Alexander Mariocti de Florentia, antea Benedictus nuncupatus, annum agens <  .  .  . >  accepit habitum clericorum a fratre Dionysio Tornaquincio 22^a februarii 1536, hora 21^a. Disposuit de rebus suis 3^a februarii 1537 per ser Pierfranciscum Machall?. Professus fratri Nicolao Biliocto, priori, vj^a martii 1537.

559. Frater Dionisius Francisci de Filicaria Florentinus, Bertus antea dictus, annum agens 17^m accepit habitum clericorum a fratre Dionysio Tornaquincio, priore, 22^a februarii 1536, hora 21^a. Disposuit de suis rebus 30 ianuarii 1537, manu ser Nicolai Bonamici.

560. Frater Cherubinus Cherubini de Fortinis de Florentia, indutus est cum supradicto. Disposuit de rebus suis in die professionis, manu ser Pierfranciscum de Machallis.

561. Frater Antoninus Nicolai de Filicaria Florentinus, indutus est habitum clericorum cum tribus predictis. Disposuit de suis rebus die 3^a februarii manu ser Andreę Caiani 15 < ? ? macchia nera d'inchiostro>.

562. Frater Iacobus Hieronymi de Bonsis, eiusdem antea nominis, annum agens xv accepit habitum clericorum cum precedentibus.

Hi quatuor [= nn. 559-562], cum precedenti [n° 558] professi sunt eadem die, vj° martii 1537, in manibus fratris Nicolai de Bilioctis, sine prorogatione.

563. Frater Ambrosius Laurentii de Carolis, Petrus antea dictus, agens annum xvij;
disposuit res suas manu ser Bartholomei Finiguerri ij^a aprilis 1538.

564. Frater Stephanus Do(mini)ci de Spinellis, eiusdem antea nominis;
nihil disposuit.

565. Frater Simon Francisci de Bonagratia de Florentia, Petrus antea dictus, annorum 12 et diei unius;
disposuit etc. manu ser Iohannis Anca?? de Pulictiano, vj^a aprilis 1538.

Hi tres simul habitum clericorum acceperunt a fratre Dionysio Tornaquincio 7^a aprilis 1537, hora 23^a; professi sunt 12^a aprilis 1538 in vesperi, in manibus fratris Nicolai Biliocti prioris, sine prorogatione.

566. Frater Antonius Antonii de Lamole, aromatarius, cuius fuit nomen Iohannes Baptista, annorum vigintiduorum;

567. Frater Iohannes Alexandri Arrighi, qui prius dicebatur Bartholomeus;

568. Frater Sanctes Cini de Cinis, antea Franciscus;

569. Frater Gregorius Gasparis de Lenzis, conversus, olim Petrus:

Hi 4^or acceperunt habitum simul 25 iulii 1537 per priorem fratrem patrem Nicolaum Bilioctum. Qui et simul sunt professi 28 iulii 1538, absque prorogatione.

Disposuerunt isti de rebus suis: primus per testamentum manu ser PierIoannis de Machallis, notarium ???; secundus renuntiationem non fecit quia nihil h(abebat); tertius per renuntiationem manu ser Scipionis notarii curie archiepiscopalis 24 iulii; quatuor vero <   .     .      .   >.

570. Frater Lucas Lucę de Ubertinis de Florentia, antea Bartolus vocatus, annorum duodetriginta et duorum(?) mensium, accepit habitum clericorum a fratre Nicolao Biliotto, priore, die 8^a octobris 1537, hora prima noctis; et in eiusdem manibus professus 19 octobris 1538, nulla et prius facta prorogatione; disposuit de suis bonis manu ser Laurentii de Cardis.

|111r|

571. Frater Michael Appiani Salvatoris de Florentia, eiusdem prius nominis, annorum duodeviginti, habitum clericorum accepit a fratre Nicolao Biliocto, priore, 14 novembris 1537; et in eiusdem manibus professus est 6 decembris 1538, facta dispositione de suis bonis manu ser Pierfrancisci Machalli.

572. Frater Gabriel Marci de Paganinis, annorum 17, iisdem diebus quibus prefatus, accepit habitum clericorum et professus est. Disposuit de bonis suis 19 novembris 1538 manu ser Hilarionis notarii florentini.

573. Frater Angelus de Grifis, Antonii filius, ante Leonardus vocatus, accepit habitum clericorum cum duobus precedentibus, affirmans se agere annum 15^m. Et quia postmodum inventus est agere xiiij^m, ideo(?) cum eundem perfecisset exutus est 4^a martii, et iterum indutus. Professus est autem 14 martii 1538 eidem priori. Disposuerat autem prius de bonis suis 27 februarii per ser Sebastianum Cammucium notarium.

574. Frater Ioannes Maria Iacobi de Florentia, qui Sanctes appellabatur, textor sericeus, annorum duodeviginti, mensiumque trium. Accepit clericorum habitum a fratre Nicolao Biliocto, priore, prima februarii 1537, hora noctis prima. Sequenti vero anno 1538, professus est eidem, 19 februarii, nulla prolatione facta. Nihil disposuit.

575. Frater Ignatius Ioannis de Podio ad Caianum, ante Stephanus dictus, agens annum xvij^m, habitum clericorum cum precedentibus accepit, et cum eodem professus est, nulla sibi prorogatione facta. Nihil disposuit.

576. Frater Simon Francisci de Altovitis, cum duobus precedentibus ad clericalem habitum admissus est, et professionem fecit cum iisdem, absque prorogatione. Disposuit per se Ioannem Antonium de Pulicciano, 28 iunii 1538. Is erat, cum accepit habitum, etatis annorum 14 et mensium x, et eiusdem fuit nominis.

577. Frater Ioannes Antonii de Pieronis materassai, eiusdem antea nominis, xvij annorum indutus est habitu clericali per predictum priorem fratrem Nicolaum Biliottum, xvj^a iunii 1538, in die S(anctissime) Trinitatis, hora xvj^a. Et anno revoluto professus est die xviij iunii 1539 in manibus fratris Nicolai Aurificis, tunc supprioris. De ipsius renuntiatione rogatus fuit ser Nicolaus de Corella die 15 iunii, anno Domini 1539. Qui suis demeritis privatus est habitu religionis. Qui tandem hiis fuit moribus ut in triremibus interiret.

578. Frater Vincentius Pauli de Federigis de Florentia, in seculo nuncupatus Petrus Ioannes, accepit habitum clericorum cum esset annorum tredecim et mensium undecim, simul cum predicto fratre Ioanne Antonii, videlicet die 16 iunii 1538, in die Sanctissime Trinitatis, per manus fratris Nicolai de Biliottis, tunc prioris. Non potuit autem anno sequenti cum predicto fratre Ioanne facere professionem ex defectu etatis. Quapropter prorogata est ei professio. Nam quia perfecit quartumdecimum annum sextadecima die iulii 1538, assignata est ei dies illa a rev.do patre priore pro principio anni probationis. Quo elapso, prius in capitulo a vocalibus receptus, fuit tacite professus videlicet die 16 iulii 1539. Professionem vero expressam fecit die 27 iulii 1539 in manibus rev.di magistri Francisci de Castilione, tunc prioris. De cuius donatione et legatis, rogatus fuit ser Franciscus de Sancto Miniate die 14 aprilis anno Domini 1539.

|111v|

579. Frater Alexander Alexandri de Petruccis de Florentia, in seculo dictus Annibal, annorum quatuordecim et mensium decem accepit habitum clericorum a venerabili patre fratre Nicolao Biliotto, tunc priore, die 15 septembris 1538 post completorium. Professus est autem anno revoluto die 27 septembris in manibus rev.di patris fratris Francisci de Castilione, tunc prioris. Fecit autem renuntiationem bonorum sibi pertinentium prius, videlicet die 13 septembris 1539; de qua rogatus fuit ser Ioannes Batipsta Giorni de Florentia.

580. Frater Petrus de Castro Florentino, in seculo vocatus Franciscus, annorum decem et novem accepit habitum conversorum a venerabili patre fratre Nicolao Biliotto, priore conventus, die 24 aprilis 1539. Et anno sequenti scilicet 1540 fecit professionem die 3 maii.

581. Frater Mauritius Francisci de Thosinghis de Florentia, vocatus in seculo Petrus Franciscus, annorum 15 habitum clericorum accepit a rev.do patre fratre Francisco de Castilione magistro, tunc priore conventus, die 30 novembris, sero post completorium, anno Domini 1539.

582. Frater Andreas Ioannis de Ponte Arimiani(?), in seculo dictus Iulianus, annorum 28 accepit habitum conversorum simul cum predicto fratre Mauritio, eodem die et anno.

Predicti duo simul fecerunt professionem in manibus eiusdem prioris anno sequenti videlicet 1540, eodem die 30 novembris, sero post primam noctis horam.

583. Frater Theophilus Antonii Dati de Florentia, in seculo Antonius vocatus, annorum 17 habitum clericorum accepit a rev.do patre fratre Francisco de Castilione, magistro et priore conventus, die 25 februarii post soli occasum, anno Domini 1539 more florentino, et more romano 1540. Et fecit professionem in manibus eiusdem prioris die 2 martii, feria 4^a Cinerum, sero post primam noctis horam, anno Domini more florentino 1540, et more romano 1541. Hic, relicto habitu, recessit insalutato hospite anno Domini 154<?>.

584. Frater Antonius Angeli de Liçano, eiusdem nominis in seculo, habitum clericorum accepit cum esset annorum 24 a rev.do patre fratre Francisco de Castilione Tusco, priore conventus, die 4 iulii 1540. Et anno sequenti scilicet 1541, die 17 iulii, in manibus eiusdem prioris fecit professionem. Fecit et renuntiationem prius omnium suorum bonorum, de qua rogatus fuit ser Ioannes de Pistorio.

585. Frater Thimoteus Roberti de Riccis de Florentia, olim dictus Ioannes, cum esset in studio bononiensi  accepit habitum clericorum in conventu Sancti Dominici de Bononia anno Domini 1506, die 7 aprilis, feria tertia ebdomade sancte; et anno sequenti professionem fecit in eodem conventu. In quo post plures annos institutus est ibidem magister novitiorum. Postea cum infirmaretur, consilio medicorum adepta sanitate, venit Florentiam, qui et receptus fuit in Congregatione nostra Sancti Marci de Florentia; et in pluribus conventibus fuit prior et confessor monialium. Tandem Congregatione nostra reducta in provinciam et mortuo magistro ordinis Predicatorum fratre Augustino de Faventia [† 1540], ante electionem novi generalis, vicario totius ordinis existente fratre Angelo de Hiaceto Florentino - priore provinciali Romane provincie - per eundem vicarium ordinis translata est filiatio eius a conventu Sancti Dominici de Bononia in conventum Sancti Marci de Florentia, accedente consensu vocalium capituli eiusdem conventus. Itaque in die festo Sancti Martini anno Domini 1541, publice receptus est a vocalibus per suffragia - ut moris est. In cuius rei memoria, hęc scripta sunt in hoc libro ut notum sit futuris temporibus ipsum esse filium huius conventus Sancti Marci de Florentia ordinis Predicatorum. Deinde eodem anno, die 10 decembris, per eundem vicarium ordinis date sunt litere huius concessionis, Rome in conventu Sancte Marie super Minerva, registrate in libro primo registri, in pagina 69.

→|112r|