| ⌂ |
Chronica conventus Sancti Marci de Florentia OP ■ Firenze, Bibl. Laurenziana, S. Marco 370 ■ |
||
|
|
|
||
|112r|
1541 1542 1543
586. Frater Valerius Mariotti de Florentia, in seculo Lucas dictus, anno vigesimo primo percato accepit habitum clericorum die 26 maii 1541, in die Ascensionis.
587. Frater Zenobius Leonardi, Simon in seculo dictus, de Buonaccorsis, annorum sexdecim accepit habitum clericorum.
588. Frater Baptista Thomme, in seculo Ioannes Baptista, de Salvettis, annorum 16 accepit habitum clericorum.
589. Frater Basilius Vincentii, in seculo Andreas, de Laurentinis, annorum 14 accepit habitum clericorum.
590. Frater Dominicus Luce, in seculo Franciscus, de Florellis, annorum 14 accepit habitum clericorum.
Hi omnes acceperunt simul habitum clericorum die 26 maii 1541, in die Ascensionis, post vesperas, hora diei 21, per manus fratris Francisci de Castilione, tunc prioris conventus.
Predicti quinque fratres fecerunt professionem in manibus fratris Raphaelis de Pistorio tunc supprioris, absente priore, die 26 eiusdem mensis 1542.
Frater Valerius legavit bona sua unico suo germano; ser Francisco ser Macchalli rogato.
Frater Zenobius predictus diminit bona sua germano suo unico; rogato ser Octaviano de Rota.
Frater Baptista dimisit fratribus bona sua; rogato < . . >.
Frater Basilius dimisit bona sua fratribus suis; rogato ser Bartholomeo Thomme Finiguerra.
591. Frater Cherubinus Ioannis Baptiste Nicolai de Primeranis de Florentia, in seculo dictus Dominicus, accepit habitum clericorum die 21 iunii 1541, vesperi, hora dimidia noctis, per manus rev.di patris fratris Francisci de Castilione Tusco. Et elapso anno, die 22 iunii 1542, fecit professionem in manibus fratris Raphaelis de Pistorio tunc supprioris, absoluto priore in capitulo provinciali celebrato Romę.
592. Frater Andreas Ioannis de Rossellis de Florentia, eodem nomine in seculo vocatus; et
593. Frater Honophrius, prius Antonius, Iacobi de Dazzis de Florentia:
Hi duo acceperunt habitum clericorum per manus fratris Francisci de Castilione magistri, tunc prioris conventus, die 13 decembris 1541, in festo Sancte Lucie, sero, hora noctis prima. Et sequenti anno Domini 1542, eodem die 13 decembris, et eadem hora prima noctis sequentis, sub manibus fratris Thomme de Sancto Miniate, tunc prioris. Renuntiationis fratris Andree rogatus fuit ser Andreas Caianus. Renuntiationis fratris Honophrii rogatus fuit ser Cianus notaius.
Frater Andreas predictus, quando accepit habitum, compleverat annum vite sue sextum decimum. Frater vero Honophrius compleverat annum 14m.
594. Frater Benedictus Simonis, in seculo dictus Mattheus, accepit habitum conversorum cum esset annorum 24, die 21 martii, in festo Sancti Benedicti, sero in occasu solis, anno Domini more florentino 1541, et romano more 1542, per manus fratris Francisci de Castilione. Anno vero Domini 1543, die 4 aprilis, professus est in manibus eiusdem fratris Francisci, tunc provincialis, simul con tribus sequentibus.
|112v|
1542 1543
595. Frater Nicholaus Nicolai de Fabrinis, in seculo dictus Stephanus, annorum 22rum, accepit habitum clericorum die 2 aprilis, in occasu solis, anno Domini 1542. Renuntiavit bona sua germano suo; rogato ser Iohanne Antonio de Pulicciano;
596. Frater Franciscus Sebastiani de Tortolis, eodem nomine in seculo, cum esset annorum 16 accepit habitum clericorum cum predicto. Dimisit bona sua [suo cod.] germano suo; rogato ser Andrea Caiano;
597. Frater Ioannes Benedicti de Grassis de Florentia, Baptista in seculo dictus, accepit habitum clericorum cum esset annorum 18. Legavit bona sua germano; rogato ser Ioanne de Corella.
Predicti tres acceperunt simul habitum die 2a aprilis 1542, sero in occasu solis. Et sequenti anno 1543, die 4 aprilis, hora prima noctis, fecerunt professionem in manibus fratris Francisci de Castilione, tunc provincialis, a quo habitum acceperant.
598, 599. Frater Bernardus Michaelis del Ciptadino Florentinus, receptus est ad habitum clericorum, et simul cum eo etiam frater Bartholomeus - prius dictus Andreas - Bartholomei Benintendi, ad habitum conversorum alborum, die 18 maii, hora 18, anno Domini 1542, per manus fratris Francisci Castilionensis, tunc prioris. Et anno sequenti, ambo simul professi sunt die 27 maii 1543 in manibus fratris Thomme Miniatensis, tunc prioris.
■ L'intero testo di nn. 598-599 è giunta nel marg. sin., scritto dalla medesima mano del testo in corso; da inserire - sembra - prima di Frater Ioannes Baptista (n° 600).
600. Frater Ioannes Baptista Ioannis Baptiste de Bartholis, authoritate vicarii rev.mi generalis et procuratoris ordinis, de consensu maioris partis fratrum huius conventus, tanslatus est quantum ad filiationem de conventu Sancti Dominici de Fesulis ad conventum Sancti Marci de Florentia, die 24 mensis iulii 1543, ut patet in literis patentibus eiusdem vicarii generalis magistri Francisci de Castilione, in vigilia Sancti Iacobi apostoli. Acceperat autem ipse frater Ioannes Baptista habitum in conventu Sancti Dominici de Fesulis die 25 mensis novembris anno Domini 1523; et sequenti anno, eodem die, fecit professionem.
601. Frater Marcus Christophori fabri lignarii, in seculo dictus Mattheus, et inter fratres caelestinos in Sancto Petro de Murrone novitius existens, dictus frater Theophilus, accepit habitum clericorum in conventu nostro Sancti Marci die 30 novembris 1542, sero hora prima noctis, per manus fratris Thomme de Sancto Miniate, tunc prioris conventus; et nuncupatus est frater Marcus. Et quia nondum impleverat annum 14, cui anno deficiebant dies 13, ideo prolongata est ei professio tacita usque ad diem Sancte Lucie [= 13.XII], quando natus fuerat; itaque anno Domini 1543, in die Sancte Lucie, fuit eius professio tacita. Tandem die 21 decembris, in festo Sancti Thomme apostoli, fecit expressam professionem in manus eiusdem prioris, qui eum recepit ad habitum.
■ fratres caelestinos in Sancto Petro de Murrone: frati celestini, nella chiesa/convento San Pietro da Morrone, in via San Gallo, dal 1327 al 1552, poi divenuta San Giovannino dei Cavalieri; da San Gallo i celestini furono trasferiti a San Michele Visdomini (Via dei Servi), 1552-1782. Cf. C.C. Calzolai, Firenze e la sua diocesi, AA. VV., La Chiesa Fiorentina, Firenze (Curia Arciv.) 1970, pp. 85-86, 120 (sezione delle notizie storiche sulle singole chiese); e schede storiche esposte nella facciata delle relative chiese (controllate il 29.I.2012). Pietro Angelerio da Morrone = Celestino V, papa ag.-dic. 1294, † 1296, canonizzato 1313.
602. Frater Bernardus Francisci de Barancellis Florentinus, eodem nomine in seculo nuncupatus, accepit habitum clericorum die 11, anno Domini 1543, per manus rev.di patris fratris Thomme Miniatensis, prioris conventus, iuxta primam noctis horam. Et anno sequenti, die prima iunii 1544, fecit professionem in manibus eiusdem prioris in die Sancte Pentecostes. Hic patri suo reliquit quicquid ei in hereditatem proveniret; de qua renuntiatione rogatus ser Batholomeus Finiguerra, notarius floretinus.
[altra mano aggiunge:] Qui demum, religionis habitu deposito, ad sęculum reversus est.
|113r|
1544 1545
603. Frater Ioannes Baptista Zenobii Sfrisiati, eodem nomine in seculo, accepit habitum clericorum die 25 aprilis, iuxta primam noctis horam, anno Domini 1544, per ma<nus> rev.di patris fratris Thomme Miniatensis, tunc prioris. Sequenti vero anno Domini 1545, die 26 eiusdem mensis aprilis, hora diei 17, fecit professionem in manibus eiusdem prioris.
604. Frater Thommas Thomme de Federicis, Philippus in seculo dictus, accepit habitum clericorum die 15 augusti 1544, a rev.do patre fratre Thomma de Sancto Miniate, cum esset annorum quindecim completorum. Hic anno sequenti, eodem die mensis augusti, professus est in manbus rev.di prioris fratris Angeli de Iaceto. Sed quoniam receperat habitum hora diei 22, et eodem die anno sequenti professus est hora eiusdem diei 18, ad cautelam - quia non compleverat integrum annum in probatione - confirmavit professionem die 28 eiusdem mensis, in manibus eiusdem fratris Angeli. In renuntiatione suarum rerum, rogatus est ser Ioannes Petrus Torelli de Puppio.
605. Frater Antoninus, in seculo dictus Antonius, filius viri dicti Nuntiati de Sanctinis, fabri lignarii; accepit habitum clericorum die 24 augusti 1544, per manus rev.di patris fratris Thomme de Sancto Miniate, hora diei circiter 23, cum esset prior conventus. Compleverat autem annum etatis sue vigesimum primum. Anno vero sequenti, scilicet 1545, die 28 augusti, professus est in manibus rev.di patris fratris Angeli de Iaceto, tunc prioris, circa horam noctis primam. In renuntiatione suarum rerum, rogatus fuit ser Andreas Caianus de Florentia.
606. Frater Stephanus Iacobi de Soviano, apud Balneum Porrectanum, in seculo dictus Iustus, accepit habitum conversorum die 17 decembris 1544, per manus rev.di patris provincialis fratris Vincentii de Fiviçano, hora noctis prima transacta. Fuit autem sibi prolongata professio post sequentem fratrem conversum.
607. Frater Sebastianus, eodem nomine in seculo, filius Fidei de Campis, accepit habitum conversorum die 16 decembris, hora prima noctis, anno Domini 1544 more florentino, per manus fratris Thomme Miniatensis, tunc prioris. Sequenti vero anno, die 14 februarii 1545 more florentino, post ipsum eadem die, et eodem anno post ipsum, fecit professionem predictus frater Stephanus Iacobi conversus, eo quod sibi prolongata fuerat professio post dictum fratrem Sebastianum conversum.
608. Frater Timoteus Petri Francisci de Riccis de Florentia, in seculo dictus Ioannes Baptista, in conventu Sancti Marci Florentie accepit habitum clericorum die 24 februarii, in die Sancti Matthie apostoli, anno Domini more florentino 1544, per manus fratris Vincentii de Fiviçano, provincialis Romane provincie, hora diei 20. Fuit autem receptus ad professionem in Sancto Marco die 14 februarii; et fecit professionem pro conventu Sancti Marci, in conventu Sancti Dominici de Perusio, eadem die qua prius acceperat habitum scilicet in die Sancti Matthie - idest integro anno elapso - per manus fratris Vincentii provincialis.
■
Cf. G. DI AGRESTI, Santa Caterina de’ Ricci, Firenze (Collana ricciana I) 1963, 121 n. 2.609. Frater Vincentius, in seculo dictus Ioannes Franciscus, Alexandri de Petruccis de Florentia, etatis annorum <??>;
610. Frater Nicholaus, in seculo dictus Matthias, Francisci de Biliottis de Florentia, etatis annorum 14:
Hi duo predicti acceperunt habitum clericorum in Sancto Marco de Florentię die 25 martii 1545, hora diei circiter vigesima prima, per manus fratris Vincentii de Fiviçano, |113v| provincialis Romane provincie. Et inde anno sequenti scilicet 1546, eodem die 25 martii, pro conventu Sancti Marci de Florentia fecerunt professionem in manibus fratris Vincentii de Fivizano, tunc provincialis in Sancto Dominico de Perusio.
■ fra Niccolò di Francesco dei Biliotti (n° 610): da distinguere da fra Niccolò di Carlo dei Biliotti (n° 159, † 1553), da fra Vincenzo di Agostino dei Biliotti (OP 1546).
611. Frater Sanctes, in seculo dictus Iannoctius, Bernardini de Oricellariis de Florentia, accepit habitum clericorum per manus fratris Vincentii de Fiviçano, provincialis Romane provincie, in conventu Sancti Marci de Florentia, cum complesset annos vite sue 17, die prima aprilis 1545. Anno vero sequenti, pro conventu Sancti Marci de Florentia fecit professionem in conventu Sancti Dominici de Perusio in manibus fratris Vincentii de Fivizano, tunc provincialis, anno Domini 1546, die prima aprilis.
612. Frater Archangelus, in seculo dictus Leonardus, Andree de Cathastinis de Florentia, accepit habitum clericorum per manus fratris Vincentii de Fiviçano, tunc provincialis, die 12 aprilis 1545. Hic tedio religionis victus, non multo post - relicto habitu - reversus est ad seculum. Discessit ante professionem.
613. Frater Sebastianus Thomme Lotti de Florentia, eiusdem nominis in seculo, accepit habitum clericorum die 4 maii 1545, sero hora dimidia noctis, per manus fratris Raphaelis Pappagalli de Pistorio, tunc supprioris, absoluto priore in capitulo saxensi. Professionem vero fecit anno sequenti videlicet 1546, die 9 maii, in manibus fratris Matthei de Stroçis, vicarii tunc conventus.
→614. Frater Bernardus...