(...|113v|...)

614. Frater Bernardus, in seculo dictus Gherardus, Iacobi de Histria, accepit habitum conversorum die 20 augusti 1546, in festo Sancti Bernardi abbatis, per manus fratris Matthei Stroçe, tunc prioris. Et fecit professionem in festo Sancti Matthei apostoli anno Domini 1547, die 21 septembris, in manibus eiusdem prioris fratris Matthei Stroçe, sero post solis occubitum.

615. Frater Ioannes Baptista ser Gregorii de Plebe Sancti Stephani, eodem nomine dictus in seculo; et

616. Frater Vincentius Augustini de Biliottis Florentinus, in seculo dictus Carolus:

Hi duo acceperunt habitum clericorum in festo Omnium Sanctorum, die primo novembris 1546, vesperi dimidia hora post solis occubitum, per manus fratris Matthei de Stroçis, tunc prioris conventus. Et anno sequenti, scilicet 1547, die 4 novembris, fecerunt professionem in manu fratris Matthei Stroçe, tunc prioris. [segue: fecerunt professionem].

617. Frater Angelus, in seculo dictus Cęsar, Rosenna de Parma, veniens e Roma recepit habitum conversorum per manus prioris fratris Matthei de Stroçis pro conventu nostro Sancti Marci de Florentia, die 3 decembris 1546, vesperi hora prima noctis. Et anno sequenti fecit professionem in manibus eiusdem prioris, die 20 decembris 1547.

618. Frater Philippus, in seculo dictus Aloisius, Alexandri de Paçis natus [notus cod.], accepit habitum clericorum per manus fratris Matthei de Stroçis, tunc prioris, die secunda februarii, sero post occubitum solis dimidia hora, anno Domini 1546 more florentino. Antequam compleret annum probationis, exutus habitu reversus est ad seculum.

|114r|

619. Frater Petrus Paulus de Divione, diocesis lingonensis, conversus, receptus ad ordinem per patrem fratrem Ambrosium Catharinum authoritate vicarii ordinis Predicatorum, et in manibus eius professus est. Deinde anno Domini 1547, die 31 maii, auctoritate eiusdem - iam generalis ordinis - fuit assignatus in conventu hoc Sancti Marci de Florentia; et eadem licentia receptus fuit ad filiationem huius conventus a fratribus in capitolo [sic] congregatis die 4 iunii 1547. In cuius fidem hoc scripsi.

620. Frater Thomas ser Alexandri Boninsignis Senensis, in seculo Claudius vocatus, annorum xvj completorum. Et

621. Frater Petrus Ansani Senensis, f(?)ungarięque familię, in seculo Christophorus nuncupatus, annorumque  xvj completorum:

Hi duo prędicti simul acceperunt habitum clericorum per manus venerandi patris fratris Matthęi Strozzę, prioris huius conventus, die 19 maii 1547, in die Ascensionis, circa 22^am horam eiusdem diei, post completorium; existente totius ordinis notri generali magistro, magistro Francisco Romeo a Castilione. Et revoluto anno, ambo tacite professi sunt, et sequenti die, hoc est 20 maii 1548, fecerunt suam solemnem professionem sub eodem priore, eodemque existente ordinis magistro qui supra. Hi supradicti, antequam profiterentur, donaverunt omnia sua bona et iura fratribus suis uterinis; rogato ser Bartolomeo Thomę Finiguerre, notario florentino.

622. Frater Dionysius Bartolommei Scarpii Senensis, in seculo Consta<n>tinus dictus. Accepit habitum clericorum a supradicto priore, eodemque existente generali, die 9 octobris 1547, ętatis autem suę anno 23° completo, in die Sancti Dionysii, post soli occasum. Et revoluto anno, tacite professus est. Fecit autem suam solemnem et expręssam professionem die 27^a octobris sequenti 1548, in manibus eiusdem prioris, atque eodem eodemque existente magistro ordinis qui supra. Hic ante professionem renuntiavit omnia bona sua patri suo dicto, et post obitum eius fratribus suis.

623. Frater Dominicus Ioannis Baptistę Pratensis, in seculo Mariottus vocatus, accepit habitum conversorum per manus supradicti prioris, et eodem existente magistro ordinis qui supra, die 27^a maii 1548, in dominica Trinitatis, circa dimidiam horam noctis, ętatisque suę anno 21 incohato. Hic post dies decem ab habitus receptione, sine licentia ad seculum est reversus.

624. Frater Matthęus ser Gregorii de Plebe Sancti Stephani, in seculo Stephanus vocatus, accepit habitum  clericorum per manus venerandi patris fratris Matthęi Strozzę, tunc prioris nostri conventus, existente suprascripto ordinis magistro, 4^a die augusti 1548, in vigilia Beati Dominici patris nostri post vesperas; ętatis autem suę anno 14°, expleto de mense septembris pręterito. Revoluto autem anno, tacite professus est, et die x augusti 1549 fecit suam solemnem professionem sub eodem priore, et generali qui upra. Nulla facta legatione.

|114v|

1549.                       1550.

625. Frater Seraphynus ser Populani de Marradio, qui prius Ioannes dicebatur. Agens diebus iam sexdecim mensem septimum, post completos tertiadecima decembris annos septemdecim, habitu clericorum initiatus est a rev.do patre priore nostri conventus fratre Mattheo Strozza, Salutis anno M°.D°.xlviiij°, 28 iunii, rev.mo totius ordinis magistro fratre Francisco Romaeo, sacrę theologię professore, a Castellione Aretino.

Et hic idem frater Seraphynus, anno revoluto, solenniter ipsomet habitu cęnobiticam professus est in manibus supradicti rev.di patris prioris, die sexta iulii, hora circiter decimaoctava, eodem qui supra rev.mo magistro ordinis.

626. Frater Cherubinus Ioannis Antonii de Florentia, in sęculo Angelus, anno aetatis suę xvj° completo, eodem die quo supradictus frater Seraphinus, habitum clericorum ab eodem rev.do patre priore accępit. Et revoluto anno et mensibus sex, solemnem fecit professionem; legatione facta ad fratres suos in saeculo, cum regressu ad conventum.

627. Frater Gabriel Ioannis Baptistę de Nutinis de Florentia, antea Raffael nuncupatus, anno aetatis suę xviij completo ac diebus quinque, die x augusti 1549 a rev.do patre priore huius nostri conventus fratre Mattheo Strozza, existente magistro totius ordinis rev.mo magistro Francisco Romęo de Castilione, habitum clericorum recępit. Hic post revolutum annum, tacite professus est; suamque solemnem professionem fecit die xiiij^a septembris per manus supradicti patris prioris, nulla legatione facta.

628. Frater Petrus Simonis Puccini de Prato, olim in sęculo Lucas, accępit habitum conversorum die xxj^a februarii per manus fratris Matthei Strozze, tunc prioris huius nostri conventus Sancti Marci, anno aetatis suę xvij et mensibus viij, existente totius ordinis magistro qui supra. Hic, revoluto anno, tacite professus est; fecit autem suam solemnem professionem die xiij^a martii.

629. Frater Archangelus Petri de Villa Basilica, olim in saeculo Ioannes, anno aetatis suę xv° completo et mensibus tribus, a rev.do patre priore Sancti Marci habitum clericorum accępit die xviij° aprilis, existente totius ordinis magistro qui supra. Hic, anno revoluto, tacite professus, fecit suam solennem professionem 6 die maii, sub manibus eiusdem rev.di patris prioris fratris Matthei Stroze.

630. Frater Angelus Antonii Tanucii de Stia, olim Benedictus nuncupatus, habitum clericorum accępit ab eodem rev.do patre die xj^a novembris 1550, anno ętatis suę xvij et mensibus septem, existente totius ordinis magistro qui supra. Hic, revoluto anno, tacite professus, fecit suam solennem professionem in festo Sancti Andreę apostoli 1551, circa primam horam noctis, sub eiusdem rev.di patris prioris Sancti Marci manibus.

[altra mano aggiunge:] Hic apostatavit a religione nostra ?? sept. ???; et quum resumpsisset habitum die 5^a iunii 1554, post duos annos iterum recessit.

|115r|

631. Frater Nicolaus Marci de Ricasolis, olim in sęculo Rodulfus, ętatis annorum xv et mensibus octo; et

632. Frater Michael Ioannis Baptistę de Florentia, ante Filippus nuncupatus, ętatis annorum xiiij° completorum:

Hi duo acceperunt habitum clericorum ab eodem rev.do patre priore die xj^a ianuarii 1550 more florentino. Et anno sequenti tacite professi, suam solennem professionem fecerunt die xxij ianuarii 1551, circa primam horam noctis, in manibus eiusdem rev.di patris prioris, existente magistro totius ordinis qui supra.

633. Frater Cosmus magistri Romuli de Rossellis, olim in seculo Bernardus, anno etatis sue sextodecimo et mensibus 4^or, die 18 februarii 1551, habitum clericorum a rev.do patre provinciali frate Mauro Arrigetto accepit, magistro existente qui supra. Elapso autem anno sue probationis, tacite professus fecit suam solennem professionem sub manu eiusdem rev.di provincialis die 24^a februarii, circa primam noctis horam, existente magistro qui supra. Eius renuntiationem rogavit ser Iannes Antonius de Policiano.

634. Frater Silvester Sebastiani de Marradio, Cosmus antea vocatus, anno sue ętatis 20, die x aprilis 1551, habitum clericorum accepit a nostro rev.do priore frate Mattheo Strozza, existente magistro qui supra. Idem, revoluto anno sue probationis, tacite professus solennem professionem fecit die ij^a aprilis in manibus eiusdem prioris, existente magistro qui supra. Nullam renuntiationem fecit.

635. Frater Franciscus Luciani de Clanciano, in seculo Therisius, completis xxij annis habitum clericorum accepit a nostro rev.do priore frate Mattheo Strozze, magistro existente rev.mo patre frate Francischo Romeo e Castilione, qui supra. Hic transacto anno tacite professus, solemniter professus est die 22^a maii, in die dominico post nonam, in manibus rev.di provinciali frate Matheo Stroze.

636. Frater Stephanus Petri de Villa Basilica, in saeculo Puccius, anno etatis sue quartodecimo completo, in die vigesima martii. Et hodie, 28^a die maii, circa primam noctis horam, a supradicto rev.do priore habitum clericorum accepit, totius ordinis magistro qui supra. Et revoluto anno tacie professus, solemniter professus est in manibus rev.di patris prioris Sancti Marci frate Vincentio Herculani de Perusia, rev.mo magistro qui supra, hac die octava iulii, circiter primam noctis horam.

|115v|

637. Frater Philippus Georgii de Brandulinis, qui Guaspar in sęculo vocabatur, annorum 15 et mensium sex,  accepit habitum clericorum die quinta iulii 1551, post vesperas, a rev.do patre fratre Mattheo Strozza, tunc priore,  existente magistro totius ordinis qui supra immediate.

Hic idem frater Philippus, revoluto anno, fecit suam solemnem professionem in manibus rev.di patris fratris Vincentii Herculani de Perusia, eodem qui supra rev.mo magistro ordinis, die octava iulii, in die veneris, circa primam horam noctis. Renuntiavit bona sua fratribus suis; rogatus est ser Raphael Miniati Baldesii.

638. Frater Franciscus Donati Cottha e Castillione, olim in sęculo Ioannesbaptista, annum agens 16^m ac mensem unum, accepit habitum clericorum die 24^a iulii 1551, circa primam horam noctis, a rev.do priore conventus nostri fratre Mattheo Strozza, rev.mo totius ordinis magistro fratre Francischo Romęo Castillionensi. Professus est autem sollemniter post elapsum annum suę probationis, die 4^a augusti, in vigilia Sancti Dominici, circa primam noctis horam, in manibus rev.di prioris Sancti Marci fratris Vincentii Herculani de Perusia, existente vicario generali totius ordinis fratre Stephano de Genua. Nulla renuntiatione facta.

[in marg. sin., d'altra mano:] Magister sacre theologie. [in fine e in marg. destro, d'incerta lettura:] Hic fuit magister in sacra theologia et Nime obiit theologus ill.mi domini Carli V Al???.

639. Frater Cyprianus Ionannis Dominici de Servis, in sęculo Constantinus nuncupatus, annos habens decem et novem accepit habitum clericorum a rev.do priore huius conventus fratre Matthęo Strozza, die 14 settembris 1551, circa primam horam noctis, existente magistro generali fratre Francisco predicto. Hic, revoluto anno, sollemniter est professus die 9^a octobris, in festo Sancti Dyonisii, in manibus rev.di provincialis fratris Matthei Strozza, vicario generali qui supra. Testatus est per manus ser Ioannisbaptistę del Mancino.

640. Frater Cornelius Francisci de Collis, dictionis Prativeteris, accepit habitum conversorum cum supradicto fratre Cypriano. Hic apellabatur frater Matthęus, tertii habitus, eratque annorum viginti. Professus est autem sollemniter una cum supradicto.

→|116r|