precedente successiva

Chronica conventus Sancti Marci de Florentia OP
parte III: filii conventus: vestizione e professione, ff. 91r-144v (1435-1612)

■  Firenze, Bibl. Laurenziana, S. Marco 370  

 

 

 

|116r|

1551                1552             1553

641. Frater Antoninus Ioannisbaptistę de Burgho, in sęculo Ioachimus, anno ętatis suę 15 accepit habitum clericorum circa primam horam noctis, in festo Sanctę Lucie die 13 decembris 1551, a rev.do patre fratre Matthęo Strozza, priore tunc existente, magistro vero totius ordinis fratre Francisco Castilionensi. Hic fecit suam professionem sollemnem in die Sancti Thomę apostoli, sub manibus rev.di prioris fratris Vincentii Herculani de Perusia, vicario generali ut supra.

642. Frater Hieronymus Ioannis de Soldanis, Alexander in sęculo dictus, annum agens 14m supra duos menses, indutus est habitum nostrę religionis 20a die aprilis, circa primam horam noctis, 1552, a rev.do priore Sancti Marci fratre Matthęo Strozza, existente eodem magistro qui supra.

Hic, elapso anno suę progationis, solemniter est professus die 18a iunii 1553 in manibus rev.di prioris fratris Vincentii Herculani de Perusia, existente totius ordinis magistro generali rev.mo frate Stephano Ususmaris de Genua. Hic renuntiavit per manus ser Raphaelis Miniati.

643. Frater Benedictus Fidis de Campis, qui erat tertii habitus, eodem nomine appellatus, aetatis suę anno 23° accepit habitum conversorum a rev.do patre provinciali fratre Mattheo Strozza, existente magistro totius ordinis fratre Francischo Romęo qui supra, die vero 22° maii 1552. Hic fecit suam professionem solemnem coram omnibus fratribus dei 25a augusti 1553 in manibus fratris Vincentii de Perusia, prioris huius nostri conventus, magistro generali totius ordinis frate Stephano de Genua.

644. Frater Dominicus Zenobii de Portegianis, olim in seculo Bartholomeus, annorum 15 ac mensium 6, accepit habitum clericorum a rev.do priore huius conventus fratre Vincentio Herculani de Perusio, die 5 augusti in sollemnitate Beati Dominici patris nostri, circa 23am horam, anno Domini 1552, existente magistro totius ordinis, sive rectius vicario generali, fratre Stephano de Genua; et nulla legatione facta. Iste frater Dominicus, revoluto anno, tacite professus est, ac deinde xiiij die augusti 1553 coram omnibus fratribus, suavi Christi iubo, sub praedicatoria toga, sollemniter collum subegit, in manibus venerendi patris fratris Ludovici Boninsegnis, tunc supprioris conventus pistoriensis, in quo assignatus fuerat in capitulo precedenti.

|116v|

1553                            1554

645. Frater Thomas Laurentii de Cambiis, qui prius eodem nomine vocabatur, annum agens 14m de mense aprilis completum, accepit habitum clericorum die 5a augusti cum supradicto fratre Dominico. Hic, anno revoluto, sacrę huic nostrę religioni sollemniter se addixit die 5a augusti, hora vigesima quarta transacta, 1553, in manibus eiusdem prioris fratris Vincentii de Perusia, existente magistro generali fratre Stephano suprascripto. Hic disposuit de bonis suis per manus ser Ioannis de Calderinis.

646. Frater Dionysius Pauli de Torinis, cui nomen erat in seculo Laurentius, agens annum 16m cum dimidio, accepit habitum clericorum a rev.do patre priore Sancti Marci, fratre Vincentio Herculani Perusino, die 16 octobris 1552, circa horam vigesimam tertiam, existente totius ordinis generali vicario rev.do patre fratre Stephano Ususmaris Genuensi; et revoluto suę probationis anno tacite professus est. Fecit autem solemnem professionem suam circa dimidium horę noctis illius quę statim sequuta fuit 16m diem octobris 1553, in conventu nostro pistoriensi pro hoc Divi Marci conventu, in manibus v(enerabilis) patris fratris Sanctis de Cinis, illius cęnobii prioris, eodem qui supra generali magistro. In abrentiatione vero temporalium rerum suarum, rogatus fuit ser Andreas de Recuperatis.

647. Frater Nicolaus marchionis Ioannis Antonii de Follis, qui Iacobus in seculo dicebatur, a Spedia - vel, ut vulgo fertur, Spetie - littorali genuensium castro, ducens originem, quum esset annorum triginta, conversorum habitum indutus fuit, una cum fratre Dionysio suprascripto, eodem scilicet die eademque hora, de quibus superius meminimus. Hic etiam, peracto probationis anno, ad professionem tacitam Deo favente pervenit; verum solemniter professus est in vigilia Omnium Sanctorum scilicet pridie calendas novembris, circa primam sequentis noctis horam, 1553, in manibus v(enerabilis) patris fratris Vincentii Herculani Perusini, huic nostro conventui dignissime pręsidentis, a quo et habitum acceperat, eodem qui supra generali magistro. Huic autem paternis bonis renuntianti, rogatus affuit ser Ioannes Antonius de Pulicciano.

648. Frater Constantius ser Bartholomęi de Lancilottis a Sancto Miniate, Ioannes in seculo nuncupatus, annum agens 16m accepit habitum clericorum a supradicto priore, sub eodem nostri ordinis magistro generali, die 9 iulii 1553, circa horam 23am cum dimidio. Completo vero suę probationis anno, in manibus eiusdem pręsidentis solemniter est professus, sub prędicto prędicatorię classis generali magistro, die 9 iulii 1554, circa primam noctis horam. Donavit autem bona sua matri et fratri; in qua donatione ser Bonaccursius de Bonaccursis rogatus fuit.

649. Frater Vincentius Petri Marię Francisci de Pucccis de Florentia, eiusdem nominis in seculo, agens annum decimum octavum, accepit habitum clericorum a prędicto priore, sub eodem generali magistro, |117r| die 4 decembris 1553, circa primam noctis horam cum dimidio. Sed post revolutum suę probationis annum, tacitamque professionem solemniter professus est in manibus eiusdem pręsidentis, sub eodem generali magistro, die 7 decembris1554, paulo post primam noctis horam. Donationem vero bonorum suorum fecit genitrici suę, per manus ser Iohannis Antonii de Pulicciano.

650. Frater Iulianus Ioannis de Frassinellis a Ponte Schadiccio, qui prius eodem nomine dicebatur in seculo, quum circa tres annos in provincia nostra tiertii habitus fuisset, accepit tandem habitum conversorum cum suprascripto fratre Vincentio ab eodem priore, eodem die eademque hora, anno ętatis suę vigesimo primo; atque pariter professionem publicam peregit in eiusdem manibus die 7 decembris 1554. Hi autem nihil legavit.

651. Frater Maurus Thomę Pauli de Fontano Terrenovę Vallis Arni Superioris, qui Paulus in seculo dicebatur, quum circa sex menses apud nos tertium habitum gestasset, accepit habitum conversorum vigesimum annum agens, a ven.do patre priore superius nominato, die 4 ianuarii 1553 iuxta florentinum morem, circa 24am horam cum dimidio. Hic demum, revoluto suę probationis anno, tacite professus est. Fecit autem solemnem professionem in manibus eiusdem pręsidentis, eodem existente qui supra generali magistro, die 28 ianuarii 1554, circa primam noctis horam. Donavit vero bona omnia que possidebat matri suę, per manus ser Ioannis Antoniid de Pulicciano.

652. Frater Petrus Antonii Zenobii de Landis de Florentia, Zenobius in seculo nuncupatus, quum esset 15m annorum et 4r mensisum, accepit habitum clericorum a rev.do patre fratre Mattheo Strozza, Romanę provincię nostrę priore provinciali, die 28 inauarii 1553 more florentino, circa horam 24am sub eodem generali magistro qui surpra. Hic, peracto probationis anno, eodem die, 1554, circa primam noctis horam, publice professus est in manibus ven.di patris fratris Vincentii Herculani Perusini, prioris huius conventus. Sed nullam fecit renuntiationem. Professus est autem simul cum fratre Mauro predicto.

653. Frater Paulus Andreę Ioannis de Meis de Florentia, Dominicus in seculo vocatus, accepit habitum clericorum cum fratre Petro Antonii predicto, ab eodem rev.do provinciali, eodem anno, die et hora. Hic vero, pene revoluto suę probationis anno, cum cognitus esset in ipsa receptione habitus nondum complesse annum 14m, definitione patrum distulit suam tacitam professionem ad diem 14m febrarii 1554 more florentino. Denique professus est solemniter in manibus eiusdem prioris conventus suprascripti die 7 martii 1554, prima noctis hora, sub predicto generali magistro. At nihil habuit quod legaret. Hic frater Paulus propter hebetudinem ingenii, indutus est habitu conversorum die 18 februarii 1555.


Nota il caso alquanto raro: vestizione e professione da chierico; poi -per fragilità mentale -  trasferito allo status di converso.


|117v|

1555                           1556

654. Frater Innocentius Bartholomęi de Monte Ghonzo Vallis Arni Superioris, qui Franciscus in seculo vocabatur, annos habens 25 diesque decem, indutus fuit habitu conversorum a ven.do patre fratre Vincentio ser Herculani Perusino, huius cęnobii pręsidente, die 5a maii 1554, existente totius ordinis generali magistro rev.mo patre fratre Stephano Ususmaris Genuensi; et revoluto suę probationis anno, tacite professus est. Fecit autem suam solemnem professionem in manibus rev.di patris prioris nostri conventus, fratris Matthęi Strozzę, die 3a iunii 1555, circa horam 18am sub eodem generali magistro qui supra. Bona vero suo matri fratrique legavit, triginta quoque scutatos conventui nostro fuit elargitus; rogato ser Ioanne Antonio de Pulicciano.

655. Frater Iacobus Iacobi de Rizzonibus Veronensis, in seculo dominus Paulus vocatus, quippe qui tum Paduę tum Bononię circa sexennium in iure civili studuerat, 25 annorum et 9 mensium; et

656. Frater Franciscus magnifici comitis Francisci de Nugharola Veronensis, dominus comes Cęsar antea nuncupatus, qui pariter in civili iure per sex annos ibidem versatus fuerat, annos habens 22 et dies 17:

Hii duo prędicti simul acceperunt habitum clericorum per manus ven.di patris prioris huius conventus, fratris Vincentii ser Herculani Perusini, in die Sancti Antonii scilicet 17 ianuarii 1554 more florentino, circa primam noctis horam, existente prędicto generali magistro. Et completo probationis nanno, ambo tacite professi sunt. Fecerunt autem solemnem professionem suam in manibus rev.di patris prioris huius cęnobii fratris Matthęi Strozzę, sub eodem generali magistro suprascipto, die 25 eiusdem mensis scilicet in die Conversionis Sancti Pauli apostoli 1555, circa primam noctis horam. Renuntiaverunt vero bona sua singuli suis germanis; rogato ser Bonaccursio ser Leonardi de Bonaccursis, die 16 prędicti mensis 1555.

657. Frater Bartholomęus Bartholomęi de Surmaggis Veronensis, Marius inseculo dictus, habens annos 16 et menses undecim vel circa, indutus est habitum clericorum cum duobus venorensibus suprascriptis. Huic autem, quod [= quum] ineptus esset ad literas addiscendas, prolongata est professio a prędicto 17° die ianuarii 1555 - quo duo superiores tacite professi sunt - usque ad 25m diem maii 1556; quo die professus est tacite, quum esset annorum 18, mensium 3, dierum 16. Die vero 26 eiusdem mensis et eiusdem anni, publice professus est atque solemniter sub habitu conversorum in manibus rev.di patris prioris prędicti, sub eodem generali magisatro. Hic autem nihil legavit.

658. Frater Matthęus Simonis Puccini, territorii pratensis, qui Franciscus in seculo vocabatur, quum haberet annos 17, menses 10, dies tres, accepit habitum conversorum a rev.do patre fratre Matthęo Strozza, priore nostri conventus, die 3a iunii 1555, sub generali totius ordinis magistro suprascripto. |118r| Prolongata fuit eidem fratri Matthęo professio usque in diem 10m augusti 1556 ad maiorem probationem morum eius. Et in ipso die fecit solemnem professionem suam sub eodem generali qui supra, in manibus rev.di patris prioris provincialis fratris Angeli de Bettinis. Sed nullam fecit renuntiationem.

659. Frater Dominicus Thomę de Cuccis a Sancto Cassiano, Laurentius in seculo nuncupatus, quum esset annorum 13 et mensium 8, indutus est habitu clericorum a rev.do patre priore huius conventus, fratre Matthęo Strozza, sub eodem generali magistro supradicto, die 5 augusti 1555, post vesperas. Huic autem, et quod ętatem debitam non haberet et ad maiorem ipsius probationem, protracta est professio usque ad diem 12 aprilis 1557. Quo die solemniter professus est hora 24 in conventu Sanctę Marię Novellę pro hoc conventu, in manibus rev.di patris provincialis Angeli Bettini, quum erat totius ordinis vicarius rev.dus pater frater Petrus Martyr de Lugana. Renuntiavit omnia bona sua matri suę, et post eius mortem fratribus suis; rogato ser Ioanne Antonio de Pulicciano.

660. Frater Ioannes Marci Matthęi de Florentia, cui Laurentius in seculo nomen erat, habens annos 20, menses 7  diesque 12 vel circa;

661. Frater Iacobus Chirici Ioannis de Petrabona, prope Pisciam, Ioannes in seculo vocatus, quum haberet annos 19 et menses octo:

Hi duo, inquam, vestiti sunt habitu conversorum cum suprascripto fratre Dominico, eodem die, ab eodem priore et sub eodem rev.mo generali magistro fratre Stephano Genuensi, statim post vesperas. Completo vero suę probaitonis anno, quum tacite professi fuissent, solemnem professionem fecerunt cum predico fratre Matthęo converso, sub eodem totius ordinis magistro, in manibus rev.di patris provincialis fratris Angeli Bettini, in conventu nostro Sancti Marci, die 10 augusti 1556.

662. Frater Laurentius Nicolai de Bernardinis Lucensis, in seculo Iulius nominatus, annorum 16, mensis unius dierumque 9 vel circa, accepit habitum clericorum a rev.do patre fratre Matthęo Strozza, huic nostro conventui pręsidente, sub prędicto generali magistro, die 10 augusti 1555, circa horam 21am. Hic autem, revoluto probationis anno, tacite professus, solemnem professionem suam sub eodem nostri ordinis generali magistro, in manibus rev.di patris provincialis fratris Angeli Bettini, in hoc conventu, eodem die scilicet 10 augusti 1556, circa horam 23am. Renuntiationem bonorum suorum fecit per manus ser Ioannis Baptistę ser Iordanis die 7 augusti 1556. [altra mano aggiunge:] Hic fuit episcopus ????.

663. Frater Sanctes Benedicti de Arena de Certaldo, Franciscus in seculo dictus, annorum 13, mensium 9 dierumque 18, accepit habitum clericorum;

664. Frater Antoninus Ioannis Iacobi ser Iacobi pictoris de Florentia, qui Camillus in seculo vocabatur, annorum 13, mensium 5 dierumque 12, accepit habitum clericorum;


pictoris = imbianchino(!)


665. Frater Matthęus Ioannis de Martellis de Florentia, qui dicebatur Alexander in seculo, cum esset annorum 17 et mensius xj vel circa, accepit habitum conversorum:

Hi tres simul induti sunt habitu a rev.do patre priore conventus nostri fratre Matthęo Strozza, sub eodem generali magistro qui supra, die 21 octobris 1555, circa primam noctis horam.

Horum quidem primus, scilicet frater Sanctes, quum non haberet legitimam ętatem, post elapsum annum, menses duo et dies 17, nulla renuntiatione facta, professus est solemniter in manibus ven.di patris prioris nostri conventus fratris Thaddęi de Bartholis, existente generali magistro superius dicto, die 17 ianuarii 1556.

|118v| Secundus vero, scilicet frater Antoninus, non habens debitam ętatem, professus est tacite die 14 maii 1557; solemniter autem in conventu fesulano, pro conventu nostro, in manibus ven.di patris prioris illius conventus, fratris Timothei de Riccis iunioris, existente vicario totius ordinis rev.do patre fratre Petro Martyre de Lugana, die 27 eiusdem mensis et anni, circa horam 22am. Hic nihil legavit.

Tertius autem, scilicet frater Matthęus conversus, completo probationis anno, nulla facta legatione, solemniter est professus in manibus ven.di patris prioris huius conventus, fratris Thaddęi Bartholi Florentini, sub eodem toties repetito generali magistro, eodem die et hora eadem quibus fuerat indutus, scillicet die ultimo octobris 1556, circa primam noctis horam.

→666. Frater Damianus...

precedente successiva