(...|118v|...)

666. Frater Damianus magistri Romuli de Rossellis de Florentia, Laurentius in seculo appellatus, natus annos 14 et dies xj, accepit habitum clericorum a rev.do patre fratre Matthęo Strozza, huius conventus priore, sub eodem superius dicto generali magistro, die 12 aprilis 1556 post completorium. Sed peracto suę probationis anno, professus est solemniter in conventu Sanctę Marię Novellę pro conventu nostro Sancti Marci, in manibus rev.di patris provincialis fratris Angeli Bettini, sub rev.do patre fratre Petro Martyre, totius ordinis vicario, eodem die scilicet 12 aprilis 1557, circa horam 24^am. Hic renuntiavit bona sua suę matri et fratribus suis germanis post eius mortem; rogato ser Ioanne Antonio de Pulicciano. Hic simul est professus cum fratre Dominico de Sancto Cassiano, superius memorato.

667. Frater Angelus Ioannis Pauli de Panzano, qui Ioannes Paulus in seculo dicebatur, annos habens 16 et menses 3;

668. Frater Philippus Bernardi de Cibaldis Florentinus, cui Vincentius nomen erat in seculo, annorum 15  et mensium 5;

669. Frater Thomas Pauli de Macinghis Florentinus, Alexander in seculo nuncupatus, cum esset annorum 14 uniusque diei:

Hi tres induti sunt habitu clericorum a rev.do patre priore conventus nostri Sancti Marci, fratre Matthęo Strozza, sub eodem rev.mo generali magistro fratre Stephano Genuensi, die 15 maii 1556, qui tunc erat dies Ascensionis Domini, circa horam 21^am.

Horum primus, scilicet frater Angelus, anno revoluto professus est tacite; solemniter autem in conventu Sanctę Marię Novellę, pro conventu nostro Marciano, in manibus rev.di patris illius prioris fratris Matthęi Strozzę, sub rev.do patre fratre Petro Martyre, nostri ordinis generali vicario, de Lugana, die 10 iunii 1557, hora 22^a. Hic legavit omnem temporalem substantiam genitrici suę, per manus ser Francisci de Allegris.

Secundus vero, scilicet frater Philippus, simul cum eodem fratre Angelo, publice professus est ibidem et eodem tempore. Sed bona sua renuntiavit sororibus suis, rogato ser Francisco de Ricchis.

Tertio, scilicet fratri Thomę, propter nimiam eius vivacitatem, et ad maiorem morum probationem, dilata fuit professio a 15° die maii 1557 usque ad septimum diem septembris eiusdem anni; quo quidem die, circa dimidium horę noctis, solemniter professus est in hoc conventu in manius ven.di patris prioris nostri, fratris Thaddęi de Bartholis avunculi sui, sub predicto totius ordinis rev.do vicario. Hic autem renuntiavit utrique parenti substantię portionem, que se contingere debebat. Quam renuntiationem rogavit ser Ioannes Antonius de Pulicciano.

670. Frater Vincentius, filius naturalis et legitimus ser Antonii de Fivizano, sed filius adoptivus Rodulphi Ioannis Francisci de Rodulphis civis florentini, Federicus in seculo vocatus, cum esset |119r| annorum 14 duorumque mensium;

671. Frater Augustinus Iuliani Nerli de Florentia, Ioannes in seculo dictus, annorum 14, mensis unius dierumque 7:

Hi duo simul induti sunt habitu clericorum a rev.do patre priore huius conventus, fratre Matthęo Strozza, tempore generalis magistri superius memorati, die 16 iunii 1556, hora 18^a.

Horum alter, scilicet frater Vincentius, completo probationis anno, nullaque facta renuntiatione, solemniter est professus in conventu Sanctę Marię Novellę pro isto conventu, in manibus rev.di patris prioris illius, fratris Matthęi Strozzę, sub rev.do patre fratre Petro Martyre de Lugana, totius ordinis nostri generali vicario, eodem die scilicet 16 iunii 1557, hora 22^a.

Alter vero, scilicet frater Augustinus, peracto suę probationis anno tacite professus, fecit suam solemnem professionem in hoc conventu, in manibus ven.di patris prioris, fratris Thaddęi de Bartholis, sub eodem Predicatorum ordinis generali vicario prędicto, die 24 iunii 1557, circa dimidium horę noctis. Legavit autem bona sua fratri suo, rogato ser Ioanne Antonio de Pulicciano.

672. Frater Alexius Francisci de Figliuccis Senensis, in seculo Felix nominatus, annorum 38, mensium duorum, dierum 13, accepit habitum clericorum;

673. Frater Philippus magistri Ioannis Baptistę de Buso, medici chirurgici, lucensis, Augustinus in seculo, annorum 21 vel circa, accepit habitum conversorum:

Hi duo simul induti sunt habitu nostrę religionis a rev.do patre priore nostro, fratre Matthęo Strozza, adhuc vivente rev.mo generali magistro fratre Stephano Genuensi, die 17 iulii 1556, hora 23^a;  sed revoluto anno professi sunt solemniter in manibus ven.di patris prioris huius conventus, fratris Thaddęi de Bartholis Florentini, sub eodem superius memorato nostri ordinis generali vicario rev.do patre fratre Petro Martyre de Lugana, eodem die scilicet 17 iulii 1557, circa dimidium horę noctis.

Renuntiaverunt etiam hi duo bona sua: frater Alexius quidem, quum Romę esset, renuntiavit fratri suo, episcopo clusino, per manus notarii cuiusdam de camera; frater Philippus autem sorori suę fere omnia, et fratri suo quandam portionem; rogato ser Batholomęo de Massario, Lucę, in monasterio Sancti Georgii, testibus fratre Vincentio Arnolphino Lucensi et fratre Felice Ioannis de Florentia, illius monasterii confessore.

674. Frater Symon Raphaelis a castro cui Lastra nomen est, in saeculo Petrus nuncupatus, accepit habitum conversorum die xxvij^a octobris, circa primam noctis horam, a rev.do patre fratre Thaddeo de Bartholis, priore conventus, anno M.D.lvj°, sub rev.mo generali ordinis magistro Stephano Ususmaris Genuensi. Qui, anno revoluto, die eodem tacite est professus, sollemniter vero et expresse vigesima nona octobris M.D.lvij°, vicario totius ordinis existente rev.mo patre fratre Petro di Lugano, in manibus eiusdem rev.di prioris qui sibi habitum dederat; nulla facta renuntiatione.

|119v|

675. Frater Antonius Iulii de Bonaccursis, in sęculo Tullius vocatus, accepit habitum clericorum a rev.do patre provinciale [sic] fratre Angelo Bettino de Florentia, die xxiiij^a februarii 1556, magistro ordinis rev.mo patre fratre Stephano Genuensi. Hic fecit suam sollem<n>em professionem 24 octobris 1558, agens annum quintum decimum, mensem unum et dies viginti. Nam cum accepit habitum erat annorum tredecim, mensium quinque et dierum viginti, quod quidem tunc fratres ignorarunt. Professus, inquam, est in manibus rev.di patris prioris, fratris Thaddei de Bartholis, ordinem moderante rev.mo patre fratre Vincentio Iustiniano Genuensi.

676. Frater Andreas Venetus, in sęculo Balthassar nuncupatus, annorum xvij et mensium duorum;

677. Et frater Bernardus magistri Cantiani Venetus, in saeculo Stephanus appellatus, etatis xvj annorum et mensiusm sex, acceperunt habitum clericorum a rev.do patre fratre Thaddeo Bartholo, priore nostri conventus, die 4 iulii, circa xxij^am horam, existente vicario ordinis rev.do patre fratre Petro Martire de Lugana. Professi sunt autem ambo, anno revoluto, in mani<bu>s prefati prioris. Et frater Andreas quidem, quoniam litteris omnino ineptus erat, in sua professione accepit habitum conversorum die   .   .    iulii 1558. Frater Bernardus vero sollemniter professus est die xxiiij eiusdem mensis et anni, generali existente rev.mo patre fratre Vincentio Iustiniano Genuensi.

678. Frater Niccolaus Antonii ser Benedicti de Landolfis [= Pandolfis?], Hyppolitus in saeculo vocatus, cum esset annorum 14 et mensium decem, accepit habitum clericorum a rev.do patre fratre Thaddeo Bartholo, priore conventus, die xxij iulii 1557, circa primam horam noctis, ordine vicarium habentem [= habente] rev.dum patrem fratrem Petrum Martirem de Lugana. Hic sollemniter est professus in manibus eiusdem prefati prioris, anno et mense revoluto, die videlicet xxiiij iulii 1558, sub rev.mo generali patre fratre Vincentio Iustiniano Genuensi; nulla facta renuntiatione.

679. Frater Gregorius Venetus magistri Cantiani, Mattheus  in saeculo dictus, existens annorum decem et octo, accepit habitum conversorum a rev.do patre fratre Thaddeo Bartholo, priore conventus, die sexta augusti 1557, circa primam horam noctis, vicario ordinis rev.do patre fratre Petro Martire de Lugana. Professus est sollemniter, anno revoluto, die xxj^a augusti in manibus prefati prioris sub rev.mo magistro generali patre fratre Vincentio Iustiniano Genuensi. Nihil de bonis suis disposuit.

680. Frater Antoninus Matthei de Cafferellis de Florentia, appellatus in saeculo Antonius, cum esset annorum 14 et mensium octo, accepit habitum clericorum a rev.do patre priore fratre Thaddeo Bartholo.

681. Frater Vincentius Ioannis de Soldanis Florentinus, in saeculo eodem appellatus nomine, existens an<n>orum 14 et mensis unius, simul con prefato fratre Antonino accepit habitum ab eodem priore, die xxiiij^a octobris 1557, regente ordinem rev.do patre fratre Petro Martire de Lugana.

|120r| Hi duo, anno revoluto, eodem quo induti sunt die, sollenniter sunt professi in manibus eiusdem prioris, ordinem moderante rev.mo patre fratre Vincentio Iustiniano Genuensi. Et frater Antoninus igitur(?) dotem matris suae renuntiavit patri suo, rogato ser     .      .       .  ; frater vero Vincentius cuncta patri suo renuntiavit, rogato ser Ioanne Antonio de Pulicciano.

682. Frater Angelus Antonii ser Benedicti de Pandolfis Florentinus, in saeculo Benedictus vocatus, cum esset annorum 18 accepit habitum clericorum die xxiiij^a decembris 1557, post mattutinas, a ven.do patre priore conventus, fratre Thaddeo Bartholo; vicario ordinis rev.do patre fratre Petro Martire de Lugana. Fecit autem professionem solennem, anno revoluto, eadem nocte qua indutus fuerat, in manibus eiusdem prioris; sed quia ad litteras ineptus erat, propterea mutatus est ei habitus clericorum in conversorum, et factus est conversus, eodem rev.mo magistro ordinis patre fratre Vincentio Iustiniano Genuensi.

683. Frater Ioannes Maria Pedemontanus, eiusdem nominis in saeculo, accepit habitum conversorum a ven(erabili) patre fratre Thaddeo Bartholo, huius conventus priore - cum prius per menses octo fuerit tertiarius -, die prima aprilis M.D.lviij, annum agens xxviiij^m, sub rev.do vicario totius ordinis patre fratre Petro Martire de Lugana. Professus est autem in manibus prefati prioris, die ij^a aprilis 1559, presidente toto ordini rev.mo magistro Vincentio Iustiniano Genuensi.

684. Frater Hieronymus Raphaelis de Fontanis de Florentia, in saeculo Ioannes Maria vocatus, cum esset annorum decem et novem, et mensium undecim, accepit habitum clericorum a rev.do patre fratre Thaddeo de Bartholis, priore conventus, die xxvij iulii, hora 24, M.D.lviij, sub rev.mo magistro patre fratre Vincentio Iustiniano Ianuensi. Hic, anno revoluto, et mense eodem sed die 29^a, videlicet in octava Santae Mariae Magdalenae, ad professionem a fratribus receptus fuit, simulque statim sollenniter professus est in manibus rev.di patris prioris fratris Angeli Iacceti, eodem rev.mo generali ordinem moderante. Causa cur sua die non acceptaretur, fuit quoniam nondum de bonis suis disposuerat. Qui tandem omnia bona sua et maternam dotem, et quidquid sibi obvenire posset, suae matri libere reliquit et donavit. Cuius donationis rogatus fuit venerabilis pater frater Mattheus de Casto Veteri, authoritate rev.mi generalis patris fratris Vincentii Iustiniani, ac omnium patrum ac filiorum conventus Sancti Marci ibi assignatorum ac presentialiter existentium communi suffragio. Et concordi et unanimi assensu translatus est ad filiationem huius conventus Sancti Marci; nam filius nativus fuerat conventus Sancti Romani de Luca. Fuit autem facta haec translatio anno Domini M.D.lx^mo, mense martio, die trigesima, priore rev.do patre fratre Angelo Iacceto. Facta quoque fuit haec translatio consensu et assensu filiorum conventus lucensis. Et authoritas rev.mi apparet in suis patentibus.

|120v|

685. Frater Ioannes Baptista de Burgo Sancti Sepulcri, in saeculo Niccolaus nuncupatus, annorum sexdecim primo indutus est habitu tertiariorum apud Illicetum a ven(erabili) patre fratre Ioanne Baptista Bartholo, in quo laudabiliter per tres annos perstitit. Ac deinde xviiij^m agens annum, de licentia rev.di provincialis et consensu fratrum Sancti Marci, a quibus uninimiter receptus fuit, accepit habitum conversorum die xvij^a martii M.D.lviiij°, a ven(erabili) patre suppriore fratre Thimotheo Riccio, sibi demandata comissione a rev.do patre provinciale [sic], totum ordinem tunc moderante rev.mo patre fratre Vincentio Iustiniano Genuensi. Fecit autem professionem suam solennem in manibus rev.di patris prioris Sancti Marci, fratris Taddei de Bartholis, die xxiiij martii M.D.lx, circa horam noctis decimam, magistro ordinis existente qui supra.

686. Frater Bernardus Bernardi Castilionensis, in seculo Verius nuncupatus, annum agens xviij et menses quinque, accepit habitum clericorum a rev.do patre provinciali romano, fratre Angelo Diacceto, die prima iunii, in vigilia Pentecostes circa primam noctis horam, M.D.lx, totius ordinis magistro existente fratre Vincentio Iustiniano. Peracto autem suę probationis annok professus est solemniter in mnanibus rev.di patris prioris Sancti Marci, fratris Taddęi Bartholi, die 2^a iunii 1561, circa horam xviij.

Hic adolescens progenis nobilis, egregiae indolis optimaeque spei in bonitate, disciplina atque scientia, carne sanguineque posthabitis, eximiam charitatem ingentemque liberalitatem, quum in verba predicti rev.di atque amplissimi patris iuraturus esset, cęnobitis fratribus suis exhibuit. Siquidem intolerabili illorum egestati difficillimo annone tempore - quo multorum charitas prorsus refriguerat - satis opulenta hęreditate opem tulit, quam nisi indulgentissimus dominus famulis suis superparasset, in apertum fędumque calamitatis proculdubio discrimen incidissent. Hic, ut fratribus suis melius consuleret, data opera, nihil dum de more codicillos illis legavit; sed is tacitus consensus atque permissio ut bonis suis potiantur, magis illis profuit quam si clarum testamentum condidisset. Vide supra fo. 38.

Moritur hic pater in conventu viterbiensi, dum esset a confessionibus monasterii Sancti Dominici, anno 1581, mense augusti, non absque omnium maerore et tristitia, ob illius vitę probitatem et devotionem summam, optimosque mores. Cuius anima paradisum possideat!

→|121r|