⌂	Cronica conventus Sancti Dominici de Fesulis OP  ■  pars II: priores qui in hoc conventu erunt pro tempore, ff. 49r-56v (1407-1655)  ■

|f. 49r| Hic inferius scribentur omnes priores qui fuerunt vel erunt pro tempore in hoc conventu Sancti Dominici de Fesulis.

1. Primus prior in hoc conventu fuit frater Marcus de Venetiis anno Domini 1407. Nam eo anno in capitulo generali celebrato   *   *   *   sub magistro Thomma de Firmo, locus iste - qui ceperat edificari anno precedenti - fuit acceptatus in conventum. Post cuius acceptationem fuit electus in eius priorem predictus frater Marcus de Venetiis.

2. Successit huic in priorem huius conventus frater Antonius de Cruce de Mediolano, cuius tempore, scilicet circa annum Domini 1409, fratres cum ipso reliquerunt conventum ne adhererent pape scismatico et porrexerunt Fulgineum. Et sic conventus devenit in potestatem episcopi fesulani usque ad annum Domini 1415; et tunc, reddita pace et unione ecclesie electo Martino 5 in concilio constantiensi, recuperatus est conventus.

3. Tunc electus est in priorem huius conventus frater Petrus Antonii de Florentia. Post quem

4. electus est in priorem frater Hieronimus de Perusio. Cui successit

5. frater Antonius ser Nicolai de Pierozzis de Florentia, qui et postea fuit archiepiscopus florentinus; deinde ab Adriano VI canonizatus.

6a. Fuerunt etiam post eum alii priores quos invenire non potui, et ideo non posui eos in hoc catalogo^[1].

7. Anno Domini 1435, quando fratres Sancti Dominici de Fesulis acceperunt conventum Sancti Marci et per bullam papalem ex utroque conventu predicto factus est per unionem unus conventus ut regerentur ambo sub uno eodemque priore, electus est in priorem utriusque loci frater Cyprianus de Florentia; et perduravit in prioratu usque ad quatuor annos et ultra.

8. Successit huic in prioratum utriusque conventus reverendus pater frater Antonius ser Nicolai Pieroçi de Florentia, qui prius fuerat vicarius generalis conventuum reformatorum citra Alpes; et fuit in prioratu utriusque conventus annis quatuor et ultra, videlicet usque ad annum Domini 1444.

 9. Frater Iulianus Philippi de Lapaccinis fuit electus in priorem utriusque conventus |f. 49v| anno Domini 1444, et gubernavit utrumque conventum quasi anno uno et dimidio. Tempore ipsius, scilicet anno Domini 1445, separati sunt dicti conventus ita ut unusquisque haberet priorem, scilicet in fine prioratus sui.

10. Frater Benedictus Petri de Mugello iuxta Vichium, post predictam separationem, factus est prior huius tantum conventus fesulani anno Domini 1445.

11. Frater Bernardus Bartholomei de Bartholinis de Florentia fuit prior in hoc conventu anno Domini 1453.

12. Frater Nicolaus de Luca fuit prior in hoc conventu anno Domini 1455.

13. Frater Michael Bartholomei de Florentia fuit prior in hoc conventu anno Domini 1460.

14. Frater Dominicus de Pistorio fuit prior in hoc conventu anno Domini 1472.

15. Frater Bartholomeus de Berghomo factus est prior huius conventus anno Domini 1475.

16. Frater Franciscus de Ferraria fuit prior in hoc conventu anno Domini   *  *  *  .

|f. 50r|

17. Frater Franciscus de Salviatis de Florentia factus fuit prior huius conventus anno Domini 1481.

18. Frater Petrus de Verona electus et confirmatus fuit in priorem huius conventus anno Domini 1484.

19. Frater Bonifatius de Salodio electus fuit et confirmatus in priorem huius conventus fesulani anno Domini 1485; cuius gesta patent supra in folio 4.

20. Frater Antonius de Asti electus et confirmatus fuit in priorem huius conventus anno Domini  *   *   * .

21. Frater Antoninus de Radda fuit electus et confirmatus in priorem huius conventus anno Domini 1489; cuius gesta habentur supra in carta 4.

22. Frater Martinus de Bononia, seu de Lignano, electus et confirmatus est in priorem huius conventus anno Domini 1491; cuius gesta superius posita sunt in folio 5.

23. Frater Franciscus de Salviatis de Florentia secunda vice electus est in priorem huius conventus anno Domini 1494; cuius gesta habentur supra in carta 5.

24. Frater Dominicus de Piscia electus et confirmatus est prior huius conventus anno Domini 1496; cuius gesta habentur supra in carta 5.

25. Frater Ioannes Sinibaldi de Florentia fuit electus et confirmatus in priorem huius conventus anno Domini 1498, inmediate post mortem predicti prioris fratris Dominici Pisciensis. Hic in paucis diebus fuit absolutus a prioratu propter exilium post mortem venerabilis patris fratris Hieronimi Savonarole, pro quo plures fratres exilium passi sunt, sed postmodum tamquam innocentes revocati.

26. Frater Laurentius de Uçano electus et confirmatus fuit in priorem huius conventus anno Domini 1498, et sequenti anno fuit absolutus a prioratu per magistrum Ordinis fratrem Ioachinum Venetum.

27. Frater Dominicus de Mugello fuit electus et confirmatus in priorem huius conventus anno Domini 1499 et rexit conventum per biennium et dimidium; et fuit absolutus a prioratu in capitulo celebrato in conventu Sancte Marie de Saxo anno Domini 1502. Eius gesta habentur superius in carta 5.

28. Frater Antoninus de Radda hac secunda vice fuit confirmatus in priorem huius conventus die prima iunii 1502 et mansit prior per biennium. Eius gesta habentur supra in carta 5 in fine et in carta 6.

|f. 50v|

29. Frater Silvester Evangeliste de Marradio electus fuit in priorem huius conventus anno Domini 1504 die 24 iunii, et eodem die confirmatus fuit per vicarium generalem Congregationis fratrem Iacobum de Sicilia, qui tunc erat Florentie in Sancto Marco; et fuit absolutus a prioratu die 11 iulii 1505 per magistrum Ordinis fratrem Vincentium Bandellum de Castro Novo in visitatione conventus.

30. Frater Cosmas Philippi de Tornabonis de Florentia fuit electus et confirmatus in priorem huius conventus anno Domini 1505, die 13 iulii, per magistrum Ordinis fratrem Vincentium Bandellum de Castro Novo. Permansit autem in dicto prioratu per biennium, videlicet usque ad diem 23 aprilis 1507; et absolutus fuit in Congregatione celebrata in hoc conventu fesulano vigore brevis “De biennali prelatione”.

31. Frater Ioannes Baptista Romuli de Romulis de Florentia electus fuit in priorem huius conventus anno Domini 1507, die 26 aprilis, et die sequenti scilicet 27 fuit confirmatus per fratrem Matheum Marci vicarium Congregationis. Eius gesta habentur superius in carta 6.

32. Frater Bartholomeus de Faventia fuit electus in priorem huius conventus anno Domini 1509 et confirmatus a reverendo vicario Congregationis fratre Sancte Lucensi, et post prioratum fuit assumptus in vicarium eiusdem Congregationis.

33. Frater Sanctes de Luca fuit confirmatus in priorem huius conventus anno Domini 1510 a reverendo vicario Congregationis fratre Bartholomeo Faventino, et sequenti anno fuit electus in^[2]

34. Frater Cyprianus Petri de Cancellis fuit electus in priorem huius conventus anno Domini 1511, et confirmatus a reverendo patre fratre Bartholomeo de Faventia vicario Congregationis. Permansit in dicto officio per duos annos.

35. Frater Bernardus Simonis del Nero de Florentia electus et confirmatus fuit in priorem huius conventus anno Domini 1513, cuius gesta superius habentur in folio sexto; et permansit prior per duos annos.

36. Frater Cherubinus Nicolai de Florentia fuit electus et confirmatus in priorem a reverendo vicario Congregationis fratre Philippo Stroça anno Domini 1515, die 13 maii, et mansit prior per biennium.

37. Frater Nicolaus ser Nicolai de Michelotiis Florentinus fuit confirmatus in priorem huius conventus a reverendo vicario Congregationis fratre Hieronimo de Rossis anno Domini 1517 in fine maii, et mansit prior usque ad annum Domini 1518, videlicet 24 die octobris, quia fuit confirmatus in priorem Sancte Chaterine de Pisis.

|f. 51r|

38. Frater Matheus Iacobi de Florentia fuit electus et confirmatus in priorem huius conventus die 9 novembris 1518 a reverendo patre fratre Matheo Marci, vicario Congregationis, et acceptavit prioratum die sequenti; et mansit prior per sex menses, nam fuit absolutus in capitulo celebrato Fesulis die 14 maii 1519.

39. Frater Baptista ser Caroli de Firentiola fuit confirmatus in priorem huius conventus a reverendo vicario Congregationis fratre Matheo Marci die 26 maii 1519, et mansit prior per annum; et in capitulo celebrato Florentie in Sancto Marco fuit electus in vicarium Congregationis, et fuit confirmatus et acceptavit die 5 maii 1520, et sic fuit absolutus a suo prioratu eadem die.

40. Frater Seraphinus Pauli de Bellandinis de Florentia fuit electus in priorem huius conventus die 17 maii 1520, videlicet in die Ascensionis Domini, et eodem die fuit confirmatus a reverendo vicario Congregationis fratre Baptista ser Caroli, qui tunc erat in conventu, et acceptavit prioratum postea die 22 eiusdem mensis. Et duravit prioratus eius usque ad quartum annum, videlicet usque ad diem XXIII aprilis 1524, in qua die in capitulo celebrato in Santo Marco fuit absolutus, et electus vicarius generalis Congregationis nostre ac confirmatus.

41. Frater Bartholomeus de Faventia fuit electus secunda vice in priorem huius conventus et confirmatus die  * * *  maii 1524 a reverendo vicario generali fratre Seraphino Bella<n>dino; et anno sequenti, die * * * aprilis 1524, in capitulo celebrato in conventu Santi Marci a diffinitoribus capituli absolutus.

42. Frater Cherubinus Nicolai de Primeranis secunda vice fuit electus in priorem huius conventus, et a reverendo vicario generali fratre Seraphino Bellandino confirmatus die XIII maii MDXXV. Et revoluto anno fuit absolutus, quia electus fuit prior conventus Santi Marci de Florentia, et a reverendo vicario generali fratre Nicolao Michelotio confirmatus die V maii MDXXVI in vigilia Sante Katherine de Senis.

43. Frater Seraphinus Pauli de Bellandinis, deposito officio vicariatus quod biennio de more administravit, secunda vice electus est prior huius conventus et eadem die a reverendo vicario generali fratre Nicholao Michelozio confirmatus anno Domini MDXXVI; eademque die prioratum acceptavit veniens a Florentia. Permansit autem prior fere biennio; die |f. 51v| namque 24 ianuarii 1527 fuit absolutus, eo quod confirmatus fuit prior Sancte Mariae de Quercu prope Viterbium.

44. Frater Thommas de Santo Miniate fuit electus in priorem huius conventus sub die 4 februarii 1527, et die predicta a fratre Nicholao Michelozzio, vicario generali nostre Congregationis, benigne confirmatus. Qui postea, cum esset confessor monialium Santi Dominici de Lucha, sumpsit prioratum suum cum omnium fratrum ingenti gaudio die XVI prefati mensis februarii. Permansit autem prior in dicto conventu fere per quindecim menses, quia ob eius infirmitatem absolutus fuit a diffinitoribus capituli anni 1529, de mense aprelis[sic] dicti anni, sub die XX.

45. Qui quidem frater Thommas iterum die 7 maii 1529 a dictis fratribus et conventu Sancti Dominici fuit electus in priorem, et sic confirmatus a fratre Zenobio Pierio vicario generali nostrẹ Congregationis, et sic accepit dictum prioratum sub die 8 dicti mensis maii. In quo perdurans usque ad mensem februarii anni MDXXX more florentino, confirmatus fuit prior Sancti Dominici de Perusio et sic absolutus fuit a prioratu huius conventus, et post etiam a prioratu perusino fuit absolutus ob infirmitatem.

46. Frater Seraphinus Pauli de Bellandinis electus fuit prior huius conventus tertia vice et confirmatus die 9 iunii a reverendo patre fratre Zenobio Pierio, priore provinciali provincie Romane, et die 15 ipsius mensis venit ad conventum et acceptavit prioratum, absolutus a prioratu Sancti Dominici de Sancto Geminiano ubi prior erat. Permansit autem prior prope ad annum, quia anno sequenti a suo prioratu, dum celebraretur capitulum generale Romẹ pro electione nagistri Ordinis, fuit electus et adsumptus in procuratorem Ordinis, et sic cessavit a suo prioratu.

47. Frater Gherardus de Sancta Maria Impruneta fuit electus in priorem huius conventus sub die prima augusti 1532 et die eadem fuit confirmatus a fratre Angiolo de Ghiacceto provinciale[sic] Romane provinciẹ, cum esset Florentie in conventu Sancti Marci, cum consensu omnium patrum dicti conventus Sancti Marci, quia prioratus dicti fratris Serafini cessaverat, ut supra. Ipsa quoque die prima augusti, acceptavit et adsumpsit officium dicti prioratus; a quo postea prioratu licentiatus fuit a diffinitoribus capituli provincialis, simul cum multis aliis, sub die 30 aprilis 1534. Et sic in dicto prioratu permansit per annum et novem menses.

→|f. 52r| 48. Frater Franciscus Iuvenci...

[1]  Segue un quarto di pagina in bianco. Altri tratti laciati in bianco anche nel verso, f. 49v, dopo il n° 10. Il che suggerisce che qui la lista dei priori non è completa, e che non tutti i priori erano noti al cronista (qui a lavoro nel 1516 circa).

[2]   Segue depennato vicarium eiusdem Congregationis priorem conventus Sancti Marci, con correzione in interlinea  vicarium eiusdem Congregationis anch'essa depennata. In margine margine Hic est error ex veteri libro. Inoltre la successione reale è Frater Sanctes de Luca (n° 33) e poi Frater Bartholomeus de Faventia (n° 32); ordine invertito con congruo segno in margine sinistro.