⌂	Cronica conventus Sancti Dominici de Fesulis OP  ■  pars II: priores qui in hoc conventu erunt pro tempore, ff. 49r-56v (1407-1655)  ■

|f. 52r|

1534

48. Frater Franciscus Iuvenci de Medicis electus fuit in priorem huius conventus et confirmatus die XII iunii 1534 a fratre Thomma Miniatensi, provinciali provincie Romane, et die XVI^a dicti mensis venit ad conventum et acceptavit dictum prioratum ad summendum officium eius; et rexit conventum per biennium, minus duobus mensibus vel circa.

49. Frater Felix Dominici de Florentia fuit electus in priorem huius conventus sub die XXIIII maii 1536 et confirmatus a reverendo patre fratre Iuliano de Mazeis Florentino et priore Romane provincie provinciali. Qui quidem frater Felix ante extiterat prior conventus Sancti Marci de Florentia, ibique expleto biennio statim omnibus suffragiis in conventu nostro fesulano electus fuit; rexitque conventum istum per menses decem et octo. Postea factus est prior perusinus, et die 7 mensis decembris profectus est anno 1537.

50. Frater Angelus Philippi de Vinacensibus de Florentia fuit electus prior huius conventus hac die 7^a decembris 1537 et ipsa die confirmatus a reverendo patre fratre Iuliano Mazeo de Florentia, priori[sic] provinciali Romanẹ provincie. Rexit conventum mensibus quinque, diebus viginti tribus. Postea factus est prior aretinus die prima maii 1538.

51. Frater Angelus Francisci de Iaceto^[1] de Florentia electus fuit prior huius conventus sub die  * * *  iunii, a reverendo padre fratre Nicolao de Michelotiis de Florentia, priore provinciali Romanẹ provinciẹ confirmatus, et venit in conventum hac die XXVI mensis sopradicti et acceptavit prioratum. Absolutus a prioratu Sanctẹ Catherinẹ de Pisis, rexit conventum annum unum. Postea factus est prior Sanctẹ Mariẹ Super Minervam ad capitulum generale Rome celebratum.

52. Frater Bernardus Ioannis Alexandrini de Florentia electus est in priorem hac die XII iunii 1539, et postea confirmatus a reverendo patre fratre Nicolao Michelotio provinciali romano; qui quidem frater Bernardus eo tempore erat supprior nostri conventus et sic de gremio assumptus est. Rexit conventum nostrum fesulanum annis duobus et mensibus duobus et diebus XXVII; postea hac die XXVIII augusti 1541 factus est prior de Monte Polytiano et confirmatus a reverendo patre fratre Angelo de Iaceto priori provincie Romane et vicario totius Ordinis.

53. Frater Mattheus Matthei de Stroziis de Florentia electus est in priorem hac die 2^a ottobris 1541, et eadem die confirmatus a reverendo patre frate Angelo de Iaceto provinciali romano nec non vicario totius Ordinis; et dicta die venit in conventum, assumptus de cenobio Sancti Marci de Florentia.

54. Successit huic in prioratum frater Bernardus Ioannis de Alexandrinis, qui rexit conventum per unum annum. Factus fuit prior Sanctẹ Mariẹ ad Gradus.

55. Frater Nicolaus Sebastiani de Florentia post hunc fuit postu<latus> et datus in priorem; sub quo dux(?) florentinus abstulit a fratribus conventum die VII augusti^[2].

|f. 52v|

56. Frater Timotheus de Ricciis de Florentia fuit electus in priorem huius conventus post supradictum fratrem Sebastianum et confirmatus postea a reverendo patre fratre Nicolao Michelotio, provinciali Romano, die XIX augusti MDXLVI; venit autem ad conventum die Sancti Augustini^[3]. Perseveravit autem in prioratu dicti conventus duobus annis et octo vel novem mensibus. Et fuit absolutus a diffinitoribus capituli celebrati in conventu Sanctẹ Mariẹ ad Quercum MDXLIX in mense maii (licet esset confirmatus ab omnibus vocalibus dicti conventus existentibus in conventu) quia parum supererat de triennio.

57. Idem frater Timotheus rursus fuit postulatus in priorem huius conventus et accepit confirmationem a reverendissimo generali totius ordinis nostri, magistro Francisco Romeo de Castilione, die XIX iunii MDXLIX, autoritate habita a summo pontifice, quia priores nostri modo non possunt ultra triennium permanere in prioratu, et hoc per breve papale. Et ideo prefatus reverendissimus generalis usus est in dicta confirmatione autoritate habita a summo pontifice vivẹ vocis oraculo, iudicans hunc bonis de causis esse utilissimum in nostro conventu in huiusmodi officio, sicut verissimum est. Venit autem ad conventum prefatum ex conventu Sancti Marci - ubi erat assignatus - die XXV iunii.

58. Frater Sanctes Cini de Cinis Florentinus fuit electus in priorem huius nostri conventus dum esset socius eiusdem conventus in capitulo quod cẹlebratum est Perusii anno 1551; et confirmatus est Perusii post cẹlebrationem capituli a reverendo provinciali fratre Mauro Arrighetto. Successit autem in prioratu reverendo patri fratri Timotheo Riccio, qui eo tempore fuerat absolutus ut confirmaretur in priorem perusinum.

 59. Frater Marcus Casa de Florentia fuit electus in priorem huius conventus Sancti Dominici de Fesulis, fuitque confirmatus a reverendo patre Mattheo Strozza provinciali, XI septembris 1553.

|f. 53r|

60. Frater Hieronymus Ioannis de Florentia fuit electus in priorem huius nostri conventus, cum esset prior miniatensis, die XXVII; et fuit confirmatus a reverendo patre fratre Matteo Strozza provinciali nostro eodem die. Qui prẹfatus frater Hieronymus die 4 iunii 1555 venit ad conventum nostrum et more solito iniit prioratum; et demum cum prefuisset eidem conventui circiter decem menses, electus fuit in priorem senensem et datus.

61. Frater Timotheus^[4] Riccius de Florentia electus fuit ab omnibus in priorem conventus fesulani die XXI martii 1555 more florentino, et eodem die fuit confirmatus a reverendo patre fratre Matteo Strozza, commissario in hac causa reverendi patris fratris Angeli de Iaceto provincialis nostri. Qui prẹfatus frater Timotheus venit ad conventum nostrum die XI aprilis 1556 et accepit prioratum iusta[sic] morem nostri ordinis, et prẹfuit huic cẹnobio biennium integrum.

62. Frater Taddeus Bartholus anno MDLIX, die XX mai, ẹlectus fuit et datus in priorem huius conventus a reverendo patre fratre Angelo de Iaceto, et solum annum unum prẹfuit; fuit enim electus secundo, et datus in priorem Sancti Marci de Florentia.

63. Frater Thimoteus Ricius die XX mai MDLX iterum fuit electus et datus in priorem huius nostri conventus a reverendo patre fratre Angelo de Iaceto, tunc provinciale[sic], et biennium prẹfuit.

64. Frater Taddeus Bartholus secundo electus fuit in priorem huius nostri conventus et die XV maii MDLXIII datus fuit in priorem prẹfati conventus a reverendo patre frate[sic] Mattheo Strozza, provinciale Romano. Qui prẹfuit annum integrum et menses quatuor; nam die septima septembris MDLXIIII secundo fuit datus in priorem Sancti Marci de Florentia.

|f. 53v|

65. Frater Thimoteus Riccius tertio electus fuit in priorem prẹdicti conventus, et die trigesima septembris MDLXIIII confirmatus a reverendo patre frate Vincentio Erculaneo Perusino. Iniit prioratum et prẹfuit menses undecim; nam die XII agusti MDLXV datus fuit in priorem cẹnobii lucensis.

66. Frater Serephinus Ractius a Marradio fuit electus et datus in priorem huius conventus a reverendo patre frate Vincentio Erculaneo Perusino, et prioratum iniit die nona septembris MDLXV.

Frater Seraphinus prẹscriptus, ex socio reverendi patris provincialis in priorem huius cẹnobii canonice electus, apud conventum saxensem in agro casentinate - ibi enim tunc erat reverendus provincialis - confirmatur tertio idus septembris, id est die XI eiusdem mensis 1565. Venit autem ad conventum istum die XVI septembris et prẹfuit menses viginti quatuor et dies XXII. Et fẹsulanum aerem in urbevetanum commutavit, in ea urbe prior electus et confirmatus die 27 septembris 1567.

68. Frater Bernardus Alexandrinus tertio electus fuit huius cẹnobii prior et confirmatus a reverendo provinciali fratre Genesio; erat tunc prior pisanus cum confirmationem accepit die 26 novembris MDLXVIII. Hic prefatus prior datus fuit in priorem cenobii pratensis die 6 maii 1570.

69. Frater Ieronimus Soldanus Florentinus cum esset supprior in conventu gradensi designatus fuit et electus in priorem huius cenobii, et demum hac die 23(?) maii 1570 confirmatus fuit et datus a reverendo patre fratre Angelo Malatesta priore provinciale[sic]; et venit denique die 23 eiusdem mensis et anni ad nostrum conventum.

|f. 54r|

70. Frater Philipus Brandolinus fuit confirmatus in priorem huius conventus die XV maii 1573 et prefuit triennium; confirmatus autem fuit et datus a reverendo patre provinciale fratre Zenobio a Villa Basilica.

71. Frater Alexander Rinuccinus fuit confirmatus in priorem huius conventus a reverendo patre provinciale fratre Antonino Brancuto Perusino die XIX iulii 1576, et anno 1577 die XXII maii fuit datus in priorem pisanum a predicto fratre Antonino Brancuto.

72. Frater Zenobius Buonaccursius electus fuit a fratribus huius conventus et confirmatus a reverendo patre provinciale fratre Zanobio de Villa Basilica die XI iunii 1577; et die 3^a iulii 1579 datus fuit in priorem aretinum a predicto patre fratre Zenobio provinciali in 3° anno.

73. Frater Dionisius a Luco, agri mugellani, filius conventus, electus fuit in priorem fesulanum die 6 iulii, confirmatus a reverendo patre provinciale fratre Zenobio a Villa Basilica, et accepit prioratum die 8 iulii 1579, et per X menses tenuit prioratum. Et absolutus fuit in capitulo provinciali Rome celebrato sub reverendo patre fratre Zenobio^[5] a Villa Basilica 1580, ab omnibus absolutus.

74. Frater Nicolaus Antonii de Lorinis elecus fuit in priorem nostri conventus fesulani die 14 iunii 1580, et confirmatus a reverendo patre fratre Timotheo Riccio; venit autem ad conventum nostrum die II augusti dicti anni et accepit prioratum. Qui functus est suo officio usque ad diem 10 iunii 1582, et postea electus est prior conventus apud Sanctum Geminianum.

75. Frater Timotheus Riccius electus est prior huius conventus nostri cum functus esset officio provincialatus paulo ante eodem anno, et confirmatus est die 18 iunii 1582 a reverendo patre provinciali fratre Taddeo Bartolo. Et sub regimine eius incoepit seminarium novitiorum pro tota nostra provincia in hoc nostro conventu, ut inferius suo loco patebit. Postea vero anno Domini 1584, die 22 novembris, prẹdictus frater Timotheus fuit electus et confirmatus prior conventus Sanctẹ Mariẹ Novellẹ de Florentia a reverendo patre provinciali fratre Petro Martire a Colle Scipionis.

76. Frater Philippus Brandolinus cum esset prior pistoriensis fuit electus prior huius conventus, et confirmatus a reverendo patre fratre Petro Martire a Colle Scipionis provinciali anno Domini 1584, die 15 decembris, et tenuit officium per unum annum et sex menses. Anno vero Domini 1586, die 18 iunii, electus est prior pratensis et confirmatus a reverendo patre fratre Antonino Brancuto provinciali.

77. Frater Antoninus Bertius fuit electus prior huius conventus 20 die iunii 1586 et confirmatus a reverendo patre fratre Antonino Brancuto provinciali, et postea resignavit die 7 augusti 1586.

→|f. 54v| 78. Frater Niccolaus Sermartellius...

[1] Diacceto, de Iaceto, de Glacieto, de Ghiacceto: varianti grafiche che si alternano nei molti ricorsi. Originario toponimo da identificare con Diacceto, pieve in diocesi di Fiesole: Rationes decimarum Italiae. Tuscia I, 335a; II, 368a, 372b. Oggi Diacceto, comune di Pelago, prov. Firenze.

Noioso? No, perché permette di distinguere e identifcare de Iliceto e simili, che sta per Lecceto (dioc. Firenze), ricorrente in queste stesse fonti.

[2]  Questi due ultimi due item (sei righe) sono stati aggiunti da altra mano; inchiostro molto evanito, e lettura non del tutto certa, specie delle ultime due righe. Nessuna notizia relativa ad abstulit a fratribus conventum nella prima parte, dove la cronaca passa dall'anno 1539 al 1550.

[3] die Sancti Augustini = 28 agosto.

[4]  Segue iunior barrato.

[5]  Dopo Zenobio c'è una breve giunta in sottorigo con segno di richiamo, scrittura molto piccola, d'incerta lettura (??? sed false imputatur).