Cronica Sancti Dominici, pars III, f. 101v: fratres recepti 1511-

⌂

Cronica conventus Sancti Dominici
de Fesulis OP

■ pars III: fratres recepti ad habitum et professionem, ff. 97r-123v (1405-1650) ■

90. Frater Martinus, prius dictus Matheus, Bernardi de Paganinis de Burgo Sancti Laurentii,

91. Frater Antonius, prius Pagnus dictus, Amadoris de eodem Burgo Sancti Laurentii,

92. Frater Bartholomeus conversus, dictus prius Rainerius, Bartholomei de Ghinettis de Florentia:

hi tres simul acceperunt habitum die 4 maii 1511(?) per fratrem |f. 101v| Sanctem Lucensem tunc priorem, et sequenti anno omnes simul professi sunt.

93. Frater Petrus Thomme de Malegonnellis de Florentia (hic transiit ad ordinem camaldulensem in eremo Camalduli anno Domini 1517; ex eremo demum recedens inter coenobitas ipsius ordinis manens brevi tempore, vagabundus extra ordinem manens miserabiliter postea obiit 1527)

hi quatuor acceperunt habitum clericorum die prima novembris 1511, circa horam 21 diei, per fratrem Cyprianum Petri tunc priorem. Et sequenti anno professi sunt tantum tres, scilicet frater Petrus, frater Andreas et frater Angelus, prolongata tamen eis professione usque ad diem 15 novembris; et tandem die ultima dicti mensis expresse professi sunt. Fratri vero Bernardo de Comis prolongata fuit professio per aliquot menses.

98. Frater Constantius ser Ioannis de Lancilottis de Sancto Miniate, prius dictus Benedictus:

hi duo acceperunt habitum clericorum die 21 martii 1511 per fratrem Cyprianum Petri tunc priorem, et sequenti anno fecerunt professionem.

99. Frater Ioannes Dominicus conversus, prius dictus Ioannes, Mariotti de Sancto Cassiano accepit habitum cum duobus predictis; sed prolongata sibi professione per plures annos stetit in habitu et nondum fecit professionem^[2].

100. Frater Vincentius Thomme de Malegonnellis de Florentia, prius dictus Iulianus, accepit habitum clericorum die 20 martii 1513 per fratrem Cyprianum Petri tunc priorem, et sequenti anno eodem die professus est in manibus fratris Bernardi del Nero tunc prioris.

101. Frater Simon Hieronimi de Bartholis de Florentia accepit habitum clericorum die 22 maii 1513 per fratrem Bernardum Nerium tunc priorem, et sequenti anno fecit professionem.

102. Frater Sebastianus Marci de Sancto Cassiano accepit habitum conversorum cum supradicto fratre Simone, eadem die et hora, per manus supradicti prioris fratris Bernardi; et elapso anno professus est cum supradicto Simone in manu supradicti prioris^[3].

103. Frater Laurentius de Burgho Sancti Laurentii, prius dictus Bartholomeus, accepit habitum clericorum die 4 augusti 1513 per fratrem Bernardum Nerium tunc Priorem et anno sequenti professus est.

104. Frater Dominicus Petri de Bettinis de Florentia, prius dictus Franciscus, accepit habitum simul cum supradicto fratre Laurentio, et sequenti anno simul fecerunt professionem.

105. Frater Raphael Ubertini de Risalitis accepit habitum die 25 ianuarii 1513 more florentino per fratrem Bernardum Nerium tunc priorem, et sequenti anno fecit professionem.

106. Frater Cyprianus Ioannis de Francischis de Florentia, prius dictus Petrus, accepit habitum clericorum die 5 aprilis 1514 per fratrem |f. 102r| Bernardum Nerium tunc priorem, et sequenti anno professus est in manibus fratris Cherubini Nicolai tunc prioris.

107. Frater Bernardus Bernardi de Bernardis de Florentia, prius dictus Michael, licet accepisset habitum clericorum die 12 martii 1514 per fratrem Bernardium Nerium tunc priorem, tamen sequenti anno - propter ineptitudinem suam ad literas - accepit habitum conversorum et fecit professionem in manibus fratris Cherubini Nicolai tunc prioris.

108. Frater Clarus Francisci de Querciuola de Sexto comitatu florentino, prius dictus Augustinus, accepit habitum conversorum die 19 aprilis 1515 per fratrem Bernardum Nerium tunc priorem; et sequenti anno, die primo maii, professus est in manibus fratris Cherubini Nicolai tunc prioris. [altra mano aggiunge:] A quo fratre Claro originem habuit illud verbum “Achonciatevi el giuoco in mano”.

109. Frater Ioannes de Petrasancta, conversus, acceperat olim habitum in Sereçana et fuit receptus in Congregatione, ac fecit professionem die primo maii 1516 cum predicto fratre Claro eodem die sed ante ipsum; et factus est filius huius conventus.

110. Frater Petrus Francisci de Ricanate olim acceperat habitum clericorum die primo novembris 1506 per fratrem Palmerium Venetum, priorem in conventu Sancti Dominici de Ricanate, et postmodum receptus fuit in Congregatione nostra die 13 decembris 1514. Et fecit professionem die 24 augusti 1515 in conventu fesulano in manibus fratris Cherubini tunc prioris, et factus est filius dicti conventus.

111. Frater Petrus Maria de Monte Castelli conversus, de Florentia, filius olim conventus Sancti Dominici de Prato, de licentia reverendissimi cardinalis Sancti Sixti et generalis ordinis Predicatorum - impetrata sub die 6 martii 1518 secundum consuetudinem Romane curie - factus est filius conventus Sancti Dominici de Fesulis de consensu vocalium dicti conventus, ex 25 vocalibus tribus tantum non consentientibus. Et hec acceptatio facta fuit die 13 maii 1518 in die Ascensionis Domini.

112. Frater Angelus Laurentii de Ferrara, in seculo dictus Nicola, accepit habitum clericorum die 12 iulii 1518 per manus fratris Nicolai de Michelotiis tunc prioris, et fecit professionem die 17 iulii 1519 in manibus fratris Baptiste ser Caroli tunc prioris. [altra mano aggiunge:] Postea vero - nescio qua levitate ductus - sub umbra pietatis erga consanguineos ad propria hinc abiens remeavit.

hi duo acceperunt habitum clericorum die primo novembris 1518 sero, hora prima noctis, per manus fratris Mathei Marci tunc vicarii generalis Congregationis, vacante priore conventus. Et sequenti anno, videlicet 1519, fuerunt recepti in capitulo nostro ad professionem, et fecerunt expressam professionem in conventu Annuntiate de Sancto Geminiano nomine conventus nostri Sancti Dominici de Fesulis die 8 novembris, in manibus fratris Petri Thedaldi tunc prioris geminianensis, ita ut sint filii huius conventus.

115. Frater Thommas de Mediolano, conversus, filius olim conventus Sancti Petri Martiris de Neapoli, remotus a dicta filiatione per reverendissimum magistrum ordinis fratrem Garsiam de Loaisa, ut patet per patentes eius datas sub die 3 iunii 1520, de eiusdem licentia factus est filius conventus Sancti Dominici de Fesulis, accedente consensu omnium vocalium, uno tantum excepto. Et fuit acceptatus ad hanc filiationem die 9 iunii 1520.

116. Frater Thommas de Pera fuit acceptatus in filium huius conventus fesulani de licentia procuratoris Ordinis die 6 maii 1521 per fabas omnes nigras, una sola excepta; et sic translatus est a filiatione conventus Pere ad filiationem huius conventus. Hẹc receptio fuit postmodum confirmata a reverendo procuratore ordinis et reverendissimi generalis magistri Garsie vicario per patentes suas missas eidem fratri Thommẹ, quarum exemplar est in deposito. Et sic fuit per ipsum procuratorem, scilicet fratrem Hieronymum de Rupefideli, translatus a Congregatione Terre Peregrinantium in Congregationem nostram Thuscie et conventum istum Sancti Dominici fesulani^[4].

117. Frater Ioannesmaria Sebastiani Dominici de Chanocchiis de Florentia, annum agens quintudecimum, eiusdem nominis in seculo, accepit habitum clericorum per priorem huius conventus fratrem Seraphinum Pauli de Bellandinis de Florentia, a maiore parte vocalium prius more solito receptus die II februarii, scilicet in Purificatione beate Marie Virginis MDXXI, iuxta morem ecclesiẹ Romanẹ. Et anno evoluto, eadem die scilicet II februarii MDXXII more ecclesiẹ, sed more florentino MDXXI, fecit publice in capitulo professionem - receptus prius per maiorem partem vocalium - in manibus eiusdem prioris fratris Seraphini, sub generali Ordinis magistro Garsia.

118. Frater Iacobus Petri de Furcheriis de Finario, qui receperat habitum in conventu Sancti Dominici de Ianua - ut dicebat - in die Sancti Matthei anno Domini MDXVIII a magistro Luca Ghallo ianuensi priore ibidem, fecit professionem in hoc et pro hoc conventu de licentia reverendissimi legati cardinalis de Medicis, ut patet in supplicatione facta et ab eodem cardinali signata, que est in deposito, die IX martii MDXXII ritu romano et MDXXI ritu florentino, in manibus fratris Baptiste ser Caroli vicarii generalis, de qua fuit rogatus ser Iulianus de Ripa notarius florentinus. Et fuerat prius receptus die XX ianuarii eiusdem anni in capitulo XX vocalium per fabas nigras XIII - duobus renunctiantibus voci sue -, tempore fratris Seraphini de Bellandinis prioris huius conventus, sub generali Ordinis magistro Garsia.

119. Frater Antonius Michaelis de Brozio, eiusdem nominis in seculo, accepit habitum conversorum de consensu plusquam duarum partium vocalium, cum esset agens annum etatis sue fere XXVII^um, in die Sancte Marie Magdalene XXII iulii anni MDXXI; et elapso anno, prolongato ei termino probationis usque ad professionem expressam in capitulo de consensu supradicto iterum habito, die XIX augusti MDXXII fecit professionem coram omnibus fratribus in capitulo in manibus fratris Seraphini de Bellandinis prioris huius conventus; a quo et habitum acceperat de licentia reverendi vicarii generalis fratris Baptiste ser Caroli. Professus est autem tempore generalatus magistri Garsie Hispani.

120. Frater Urbanus Honofrii de Vichio agri mugiellani, in seculo dictus Raphael, annum agens XIX, accepit habitum conversorum de licentia reverendi vicarii generalis et consensu omnium vocalium die XXVIII maii MDXXII; et elapso anno, de consensu capituli secundum Constitutiones publice professus est in manibus fratris Seraphini de Bellandinis prioris huius conventus, a quo et habitum acceperat die XXXI maii MDXXIII in die Sanctissimẹ Trinitatis, tempore generalatus magistri Gharsie Hispani. [stessa mano aggiunge in marg. sin.:] Mortuus est misere quia se fecit ordinare sacerdotem, et prima missa cantata vitam finivit.

121. Frater Petrus Angelus Antonii Francisci de Villa quẹ dicitur Caianum, in agro casentinate, dictus in seculo Angelus, receptus est ad habitum clericalem per fratrem Seraphinum priorem huius conventus cum assensu capituli, annum agens sextumdecimum, die VI iulii MDXXII in octava Apostolorum Petri et Pauli. Et anno sequenti, elapso probationis tempore, die VI iulii publice in capitulo professus est in manibus eiusdem prioris, assumpto iam fratre Gharsia magistro generali Ordinis ad episcopatum, vicario Ordinis fratre Antonio de Ferraria. [stessa mano aggiunge in marg. sin.:] Recessit ex ordine.

122. Frater Matheus magistri Michaelis de Lacchis de Florentia, prius in seculo dictus Matheus Lacchus, agens annum etatis sue circa XVIII, professus fuit et religioni incorporatus ad habitum clericalem die 26 mensis maii 1524 - licet antea per duos dies fuit professus tacite -, et cum omnibus fabis nigris et favore capituli, in manu reverendi vicarii generalis fratris Seraphini Bellandini de Florentia, existente priore conventus fratre Bartholomeo de Faventia. Professio antedicta solemniter facta die Corporis Christi, prefata hora XX dicti mensis vel circa, existente magistro generali reverendissimo Garsia Hispano etc.

123. Frater Ioannes Petri de Florentia, conversus, eodem die Corporis Christi et mense et millesimo, in eadem hora et in manu eiusdem prefati vicarii generalis Seraphini receptus est solemniter, cum favore capituli et conventus, ad professionem Ordinis nostri in conventu isto Sancti Dominici de Fesulis ordinis Predicatorum, existentibus priore conventus et magistro reverendissimo Ordinis quibus supra etc.

124. Frater Dominicus Iuliani de Macettis de Florentia, eodem nomine in seculo, XXV die novembris fecit professionem suam in manu fratris Seraphini reverendi vicari generalis die qua supra, existente magistro Ordinis nostri reverendissimo Garsia Hispano et vicario Ordinis magistro Francisco de Ferraria, cum favore totius capituli, et priore fratre Bartholomeo de Faventia etc.

125. Frater Vincentius Laurentii de Gualterottis, in seculo eodem nomine, fecit professionem die XXV novembris 1524 in manu fratris Seraphini Ballandini reverendi vicarii generalis Congregationis Sancti Marci de Florentia, existente generali Ordinis reverendissimo Garsia Hispano et vicario Ordinis dicto magistro Francisco de Ferraria, in conventu isto Sancti Dominici etc.

126. Frater Antoninus Petri de Burgo Sancti Laurentii, vocatus in seculo Antonius, fecit suam professionem eodem anno, mense, die et hora, videlicet 24 [5 sopra 4], quibus duo supradicti videlicet frater Dominicus et frater Vincentius, in manu dicti reverendi vicarii generalis Congregationis nostrẹ Sancti Marci de Florentia, existentibus reverendissimo totius ordinis Predicatorum magistro Garsia et ordinis vicario dicto magistro Francisco de Ferraria, sub priore fratre Bartholomeo de Faventia, cum totius capituli universali favore etc.

[1] Glacieto: sopra di esso c'è scritto Diacceto. Diacceto, allora pieve in diocesi di Fiesole.

[2] Frater Ioannes Dominicus … professionem: tutto l'item depennato, e la stessa mano scrive in margine sinistro: Hic fecit professionem in Sancto Geminiano pro ipso conventu geminianensi.