AGOP IV.4

|f. 2r|

Iesus

Registrum rev.mi magistri ordinis Predicatorum magistri Leonardi de Mansuetis de Perusio, et est liber secundus incipiens de anno 1478.

Ordo provinciarum in registro cum quota et numero cartarum sive foliorum ubi unaqueque provincia habeat reperiri. Littere autem alphabeti posite in capite cuiuslibet provincie significat ordinem provinciarum, quota videlicet sit unaqueque provincia.

1    A.    Provincia Hyspanie, folio 3.

2    B.    Tholosana, folio 10.

3    C.    Francie, folio 13.

4    D.    Sancti Dominici sive Lombardie inferioris, folio 40.

5    E.    Romana, folio 70.

6    F.    Regni scilicet Sicilie citra Pharum, folio 106.

7    G.    Theutonie

8    H.    Trinacrie scilicet Sicilie ultra Pharum, folio 158.

...

16   Q    Terre sancte, folio 208.

17   R.    Lombardie superioris sive Sancti Petri Martyris, folio 210.

...

20   V.    Saxonie, folio 258.

21   X.    Portugalie, folio 269.

Provincia Romana,
AGOP IV.4, ff. 70r-77v

|70r|

Frater Peregrinus de Florentia, conventus Sancti Floriani, habuit dispensationem ad sacerdotium in xxij anno completo. Datum Perusii, xiij maii 1478.

■ E.: a inizio pagina, lato sinistro,  lettera denotativa della prov. Romana, secondo l'Ordo provinciarum.

Frater Dominicus Petri Pauli de Urbe Veteri habuit dispensationem ad sacerdotium. Datum ut supra.

Soror Catherina domini Blasii ser Turris de Aretio et soror Margharita de Perusio, monasterii Sancte Marie Novelle de Arretio, possunt dimittere sororibus Lene et Iulitte et aliis discipulis suis prout voluerint cameras; possunt et bona ad usum toto tempore vite, sine inferioris molestia. Datum Perusii, xxj maii.

Soror Iacoba de Prato habuit confirmationem bonorum sibi concessorum a sorora Petra de Florentia, et precipitur priorisse quod infra triduum sibi dicta bona concessa consignet, sine inferioris molestia. Datum Perusie, 13 maii.

Frater Innocentius Fortini de Florentia habuit confirmationem sententie late pro eo Florentie contra fratrem Dominicum Riccium, et declaratur quod ipso loco precedit dictum fratrem Dominicum. Datum ut supra.

Frater Dominicus Iohannis de Senis habet licentiam standi extra ordinem, et officiandi et bis in anno confitendi etc., sine inferioris molestia. Datum 25 maii.

Frater Antonius Iohannis de Tuderto fuit factus iubilarius, et potest tenere socium et recipere unum novitium et exire ad civitatem et ter in anno plenarie confiteri, sine inferioris molestia. Datum Perusii, 22 maii.

Soror Angela Francisci Puccini de Prato potest relinquere breviarium suum sororibus Alexandre, Margarite et Marie discipulis suis, et una alteri in dicto breviario subcedat. Datum 22 maii.

Frater Vincentius Dominici de Nursia habet licentiam standi extra ordinem etc. Datum 25 maii.

Frater Andreas Mathei de Castello habet licentiam standi extra ordinem. Datum 25 maii.

Frater Nicolaus de Castello, prior calliensis, potest tenere unum socium fratrem vel secularem, sine inferioris molestia. Datum ut supra.

■ calliensis = Cagli (pr. Pesaro).

Frater Simon Dominici de Reate habet licentiam per biennium exire et officiare ubi fuerit requisitus per territorium reatinum, et redire ad conventum quando voluerit; et gaudet voce activa et passiva et suffragiis ordinis, sine inferioris molestia etc. Datum Reate, 30 iulii.

Frater Iohannes de Terracina fuit confirmatus vicarius et magister sororum de Penitentia apud Narneam, cum solita potestate. Datum Reate, 1 augusti.

Dominus gubernator narneensis iudicet inter Pritiam et Sanctam, sorores de Penitentia narneenses, et compellat ad satisfactionem. Datum ut supra.

Sororibus monasterii Sancte Agnetis de Reate precipitur sub pena excomunicationis late sententie quod de cetero nullam recipiant sine licentia magistri ordinis, propter earum inopiam. Datum Reate, vj augusti.

Iterum committitur gubernatori Narnee quod cogat Santam et Britiam ad  faciendum compromissum, et exequantur quod fuerit iudicatum, sub pena excomunicationis late sententie; et sub eadem sententia, nullus prestet impedimentum decisioni huius cause. Datum Perusie, xxv augusti.

■ Santam et Britiam: Pritiam et Sanctam, sorores de Penitentia poco prima!

|70v|

Precipitur sub pena excomunicationis late sententie omnibus fratribus ordinis quod infra triduum restituant vel re??nt priori reatino quidcquid habent vel sciunt de bonis suis vel conventus. Datum Reate, vj augusti 1478.

Frater Dominicus Iacobi Cianchetta de Reate habuit licentiam standi extra ordinem ubique, usque ad capitulum generale. Datum ut supra.

Frater Barnabas de Aquila fuit assignatus in conventu reatino. Datum Spoleti, 8 augusti.

Frater Bartholomeus Angeli de Spoleto habuit licentiam standi ad curam loci Sancte Marie de Misericordia, et officiare ecclesias circumstantes, sine inferioris molestia. Datum Spoleti, die 9 augusti.

Rogantur omnes ut cogant Thommam de Eugubio, olim fratrem ordinis nostri nunc monacum, qui furatus est calicem in conventu tudertino, ad satisfactionem eorum que ordini abstulit. Datum Perusie, 27 augusti.

Frater Petrus de Trevio, conventus fulginatis, qui in conventu Castelli propter penuriam, guerram et alias causas stare non potest, assignatur in suo conventu fulginati quousque provincialis aliter ordinaverit. Datum Perusie, 3 septembris.

Fratri Nicolao converso, conventus Sancte Marie ad Gradus de Viterbio, concessus est ad vitam suam redditus annuus duorum duc(atorum) super domo sita Viterbii in contrata Sancti Peregrini; que domus ex persona ipsius fratris Nicolai ad suum conventum pertinet. Nullus inferior. Datum Perusie, v septembris.

Fratri Thomme Mariotti Pannivechi de Perusio fuit concessa ad usum toto tempore vite sue cella quam reparavit in conventu perusino, in dormitorio inferiori, que vocatur cella Sancti Andree, cum orto et omnibus suis pertinentiis; et habet locum sue nativitatis ubique, etiam supra magistros studentium, non autem super biblicos et baccalarios. Nullus inferior. Datum Perusie, viij septembris.

■ et habet locum sue nativitatis...: intendevano "ha precedenza nel seggio (in refettorio o in coro ecc.) sugli altri frati, su misura dell'età...".

Frater Santias Iohannis de Spoleto, cui conventus concesserat cameram in capite dormitorii superioris cum quibusdam spatiis, habuit confirmationem dicte concessionis, et potest dictam cameram - quam iam reparavit -habitare quandiu vixerit; et dum est absens a conventu, potest alteri dimittere custodiendam, sed prior potest pro uno digno hospite eam accipere ad modicum tesmpus. Nullus inferior. Datum Spoleti, 12 septembris.

Vicario presenti et futuro loci Sancti Vincentii de Nursia datur facultas capiendi et incarcerandi eos qui questuant in terminis suis, vel faciant scadala, etiam cum auxilio brachii secularis; et precipitur ei sub pena absolutionis quod nullum fratrem recipiat nisi gratia hospitii pro uno die tantum, exceptis his quos vicarius generalis ibi assignaret, quia locus ille est commissus vicario observantie Tuscie. Datum Reate, 16 septembris.

Frater Petrus Antonius de Reate, prior conventus reatini, habuit literas sue gratiose absolutionis ad beneplacitum, et fit vicarius et potest confirmare priorem qui eligeretur. Datum Reate, 19 septembris.

|71r|

Fratri Augustino Thomme de Gherardinis de Florentia, conventus Sancte Marie Novelle, confirmatur sententia lata per magistrum Dominicum Bartholomei et fratrem Petrum Franciscum, priorem Sancti Miniatis, commissarios rev.mi magitsri super domo in via Doanna(?). Et nullus inferior. Datum Rome, xxviij septembris 1478, indictione xij.

Frater Thommas Mariotti Pannivechi de Perusio fit procurator et sindicus fratris Iacobi Federici de Castello ad exigendum omnia bona sua, et precipitur priori Castelli et omnibus fratribus sub pena absolutionis quod restituant ipsi fratri Thomme quicquid habent de bonis fratri Iacobi, vel revelent infra triduum quicquid sciunt. Datum Rome, 3 octobris.

Significatur omnibus fratribus ordinis qualiter papa suspendit penalia stigmatum sancte Catherine de Senis, sicut habes in copia signata CH. Datum Rome, v octobris.

Frater Iuliaus de Anania fuit assignatus in conventu tyburtino. Datum Rome, 13 octobris.

Frater Petrus Christofori de Florentia habet licentiam standi ubique extra ordinem, et eundi ad conventus ordinis; et ubi prior vult eum retinere, assignatur. Datum Rome, xiij octobris.

Frater Benedictus Christofori de Florentia habet licentiam eundi Neapolim et redeundi sine impedimento etc. Datum Rome, xv octobris.

Fratri Petro Antonio de Reate scribitur quod patres faciant sibi satisfieri a conventu, et precipitur ??? sub pena excomunicationis(?) quod solvant sibi quicquid debent, aut concordent infra quinque dies, et fra?? Simon et ??? si non dederint ad conventum privantur cellis(?) et ponuntur ad arbitrium prioris. Datum Rome, xxiiij octobris.

Frater Valentinus de Corsica fuit assignatus in suo conventu Sancte Marie ad Gradus de Viterbio. Datum Rome, 29 octobris.

Frater Mathias Silvestri de Pistorio habuit dispensationem ad sacerdotium in xxij anno completo. Datum Rome, viij novembris.

Frater Iohannes Miglorini de Prato habet licentiam standi extra ordinem usque ad capitulum generale. Datum Rome, xij novembris.

Frater Iacobus Luce de Florentia habet licentiam standi extra ordinem usque ad capitulum generale. Datum Rome, xiij novembris.

Frater Marcus Petri de Florentia habet licentiam standi extra ordinem. Datum Rome, xvj novembris.

|71v|

Magister Simons Berti de Florentia fuit assignatus in conventu perusino. Datum Rome, xvj novembris 1478.

Magistro Nicolao Stephani de Viterbio conceditur ad vitam usus bonorum maternorum et paternorum vel alias sibi debitorum, proprietate suo conventui reservata, dum tamen interveniat consensus prioris et patrum de consilio conventus Sancte Marie ad Gradus viterbiensis, et non preiudicetur iuribus fratris Dominici germani sui. Datum Rome, xvj novembris. Habuit postea dictam concessionem liberam pro se et pro fratre Dominico germano suo. Datum Rome, iiij ianuarii.

Fratri Thomme de Crapalica [sic] conceditur usus bonorum matris, cuius potest exequi testamentum, si fuerit relictus fideicommissarius et executor, sine impedimento inferioris. Datum Rome, 29 novembris.

Magister Sebastianus Angeli de Perusio, qui alias sub die 19 aprilis 1468 fuit per Martialem dispensatus super defectu natalium ad officia et dignitates in provincia sua, iterum dispensatur per totum ordinem ad omnia, usque ad magisterium totius ordinis inclu(sive). Datum Rome, iiij decembris.

Frater Christoforus Eugubinus fuit factus vicarius monasterii Sancte Margarite de Eugubio cum plenaria potestate, etiam absolvendi et confirmandi priorissam, et absolvitur omnis alius vicarius; ita tamen quod tres illas sorores que exierunt sine licentia allegantes timorem pestis(?), non permictat regendi sine licentia magistri ordinis vel rev.di provincialis, cuius dispositioni omnia committuntur. Datum Rome, viiij decembris.

Sororibus de Penitentia, que congregantur Pistorii in loco Sancte Catherine de Senis iuxta hospitale Misericordie ad Sanctum Gregorium, datur facultas quod eligant confessorem et magistrum quem volunt pro earum confessionibus et sacramentis, et nullus inferior; et non recipiant aliquam in eorum consortium sine licentia confessoris. Datum Rome, xv decembris.

Frater Petrus Christofori de Florentia habet licentiam standi extra ordinem ubiqui, etiam Rome, et potest uti bonis suius, eaque exigere et vendere, et secum agere ut prior conventualis. Et nullus molestet, sub magnis penis. Datum Rome, 17 decembris. Et potest stare in omni conventu ubi prior vult eum recipere et assignare.

Magister Thommas Petri alias Petruni de Aquila, conventus perusini, potest occupare omnia bona sibi debita et illis uti, proprietate conventui suo perusino reservata. Et nullus inferior, sub pena exomunicationis late sententie. Datum Rome, 16 decembris.

Frater Bernardus de Roma habet licentiam faciendi facta monasterii Sancte Aure, secundum quod priorisse placuerit. Sine inferioris impedimento etc. Datum Rome, xxj decembris.

Magister Ludovicus de Viterbio fuit assignatus in predicatorem future quadragesime in civitate Terracine. Datum Rome, 24 decembris.

Frater Marianus Cole Andree de Roma habet licentiam standi extra ordinem ubique. Datum Rome, xxix decembris.

→|72r|