|75r|

Frater Iacobus de Sabauda, conversus, habet licentiam standi in obsequium domini Pasqualis abbatis ecclesie Sancte Trinitatis de Atino, sorane diocesis, quandiu ipsi placuerit. Datum Rome, 13 ianuarii 1480.

■ Atino = Atina, prov. Frosinone; sorane diocesis = Sora, prov. Frosinone. Cf. AA. VV., Rationes decimarum Italiae. Campania, Città del Vat. (Studi e testi 97) 1942, 19 n° 200.

Magister Iohannes de Narnea fuit assignatus in predicatorem future quadragesime in ecclesia maiori Nursie. Datum Rome, 24 ianuarii.

Idem fuit factus visitator nostri loci Nursie. Datum Rome, 25 ianuarii.

Frater Valentinus de Ungaria, conversus, fuit assignatus in conventu cingulano, provincie Sancti Dominici. Datum Rome, 26 ianuarii.

■ cingulano = Cingoli, prov. di Macerata. Sul convento domenicano cf. AFP 41 (1971) 357.

Fratri Petro Antonio de Reate conceditur quod, de bonis sibi ab ordine concessis, possit facere pro suo conventu reatino unam pacem argenteam valoris xx duc. vel circa, unum locum pro rasura conventus ad valorem 25 duc., paramenta pro sacerdote et ministris ad valorem 60 duc.; et confirmatur conventui predicta possessio valoris xxxvj duc., quam ipse donavit, et sit(?) pro exoneratione conscientie dare secularibus et fratribus quantum sibi videtur teneri. Et nullus inferior. Datum Rome, 31 ianuarii.

Priorisse et sororibus monasterii Sancte Lucie de Pistorio precipitur quod reddant dotem dominabus Elie et Margarite infra tres dies vel cum eis componant; alias precipitur eis quod stent iudicio et sententie vicarii episcopi pistoriensis, cui hec causa committitur pro iustitia. Datum Rome, j februarii.

Priori et fratribus conventus tyburtini scribitur quod procurent recuperare a Francisco Zachone(?) duc. 65 et 4 crateras angenteas et resalas quas abstulit de cassa magistri Angeli; et dicitur quod nunquam magister rev.mus concordavit secum cum isto furto, quia nunquam secum locutus est; quia si fuisset locutus, coegisset eum ad restitutionem. Datum Rome, 2 februarii.

Frater Bartholomeus alias Baccio de Senis, propter labores quos pertulit in capitulo generali perusino et propter utiles occupationes quas frequenti(?) habet pro convetnu, fuit exemptus ab ebdomadaria. Datum Rome, 4 februarii.

Priori conventus urbevetani disctricte precipitur quod cogat fratrem Nicolaum Valentini preceptis, censuris, ablatione bonorum et carcere et omnibus modis, quod restituat domino Ioakino et domino Blasino, heredibus domine Tharsie ser Petri Pauli de Casinis, coronam margaritarum super qua mutuavit duc. 4, ad rationem bol. 62 pro duc., receptis primo dictis sibi debitis(?) 4 ducatis. Datum Rome, viij februarii. Et cogat ad refectionem(?) expensarum.

|75v|

Frater Andreas de Aqua Pendente habet licentiam standi in obsequium rev.mi domini Iohannis de Compisio, episcopi thaurinensis, quandiu sibi placuerit, sine inferioris molestia. Datum Rome, die xviij februarii 1480.

Frater Simon Nannis de Monte Albecto ad preces rev.di domini Cosme de Orsinis, abbatis farfensis et archiepiscopi tranensis, habet licentiam standi extra ordnem usque ad capitulum generale in ecclesia Sancte F.(?) de Monte Albecto. Datum Rome, xxv februarii.

■ Abbazia benedettina di Farfa, Fara in Sabina, pr. Rieti. HC II, 254 voce "Tranen." = Trani, pr. Bari.

Frater Antonius de Can?ano conventus eugubini habet licentiam standi extra ordinem usque ad capitulum generale. Datum Rome, iiij martii.

Frater Petrus de Roma fuit restitutus ad gratias ordinis. Datum Rome, vj aprilis.

Fratri Christoforo ser Bartholomei de Eugubio fuit concessa camera in suo conventu eugubino, in medio scale dormitorii, ad usum toto tempore vite sue, sine inferioris molestia. Datum Rome, xx aprilis.

Frater Ludovicus de Viterbio habet licentiam   ad triennium. Datum Rome, xxi aprilis.

Frater Iohannes Bartholomei de Florentia potest quater in ebdomada remanere a matutinis. Datum Rome, xxij aprilis.

Confirmatur compositio et transactio facta de bonis paternis et maternis inter fratrem Dominicum ser Nicolai de Pede Luco, conventus fulginatensis, et Margaritam eius sororem, uxorem quondam ser Benedicti de Rochectis, ut constare dicitur in publico instrumento manu ser Mathei ser Galassi de Pede Luco; de mandato autem et sindicatu fratris Dominici, constat manu ser Iohannis Thomme Barzi de Fulgineo. Et nullus inferior etc. Datum Reate, 28 aprilis.

Frater Iacobus de Pistorio habuit dispensationem ad sacerdorium in xxij anno completo. Datum ut supra.

Frater Antonius Luce de Aretio fuit factus iubilarius quia senex. Datum Reate, die xxx aprilis.

Priori et fratribus presentibus et futuris conventus Mevanee datur licentia quod possint vendere et alienare vel locare in emphiteosim domos que olim fuerunt Pauli de Roma, et alias ??s conventui minus utiles, nec non quandam apothecam que est in platea et olim fuit domine(?) Francische, dummodo pretium convertatur in emptionem domorum Bartoli ??? de Florentia, que sunt iuxta conventum, et non in alium usum, et interim pretium deponatur ad hunc effectum et non aliter. Datum Reate, j maii.

■ Qua e là inchiostro alquanto evanito, brani d'incerta lettura.

Fratri Augustino Landi de Viterbio precipitur sub pena excomunicationis quod infra octo dies restituat domine Margarite de Narnea clamidem quam sibi commodavit ?? ??? ?? vel componat, alioquin vicarius observantie et prior cortoniensis et ???  in solidum cogant(?) eum ad satisfaciendum. Datum ut supra.

Frater Georgius Iacobi de Narnea potest tenere in socium fratrem Petrum, puerum(?) magistri Dominici de Narnea, et mutare in studio et moribus et m?? ad scolas et sibi aliquid dare de bonis suis ut vult. Et nullus inferior. Datum ut supra.

|76r|

In conventu Minerve statuitur quod qui fuit regens per annum, non possit esse(?) in anno immediate sequenti; nec aliquis potest esse simul prior et regens. Datum Reate, ij maii 1480.

Frater Laurentius de Roma assignatur in conventu tyburtino, cum precepto quod infra octo dies vadat(?). Datum ut supra.

Frater Bernardus de Hollandia, conventus firmani provincie Sancti Dominici, fuit translatus ad conventum reatinum et?? factus filius nativus, petente toto conventu. Datum Reate, ij maii.

Frater Bernardus de Hollandia, conventus Sancti Dominici de Reate, potest stare in castro Pedeluci et facere sicut habes in copia signata PH. Datum Reate, iij maii.

Fratribus conventus tyburtini precipitur sub pena excomunicationis quod non commodent libros eiusdem(?) conventus sine licentia prioris et patrum, et sine pignore dupli valoris; et quod recuperent eos qui sunt ???. Datum Reate, ij maii.

Frater Petruccius de Tybure assignatur in conventu Sancte Marie ad Gradus de Viterbio, cum precepto quod infra octo dies vadat. Datum ut supra.

Frater Pacificus de Viterbio propter suas infirmitates fuit exemptus ab officio matutini, et potest recipere elemosinas et pecunias pro suis necessitatibus. Et nullus inferior. Datum Reate, iij maii.

Frater Vincentius Adiutorii de Reate fuit assignatus in studentem theologie in conventu perusino. Datum Reate, viij maii.

Fratri Bartholomeo, alias Baccio, de Senis datur facultas quod exigat bona magistri Iadani de Bergomo et accipiat pro se quinque carl(inos) quos pro eo solvit(?) ???? reservet quousque determinetur cuius sit. Datum Reate, iiij maii.

Frater Marianus Antonii Aquilani de Reate habet licentiam standi extra ordinem Reate et ubique. Datum Reate, v maii.

Frater Matheus Panici de Florentia habuit licentiam, finita lectura, sumendi insignia magistralia sub magistro sacri palatii vel in alia universitate, habita dispensatione iur?? etc. Datum ut supra.

Frater Pacificus Andree Sbarra de Reate habuit licentiam standi extra ordinem in civitate reatina et alibi. Datum Reate, vj maii.

Frater Petrus Antonius Sanctis de Reate habuit licentiam propter suas infirmitates standi extra ordinem in Reate et ubique, et si vult manere in conventu reatino ????? ..., et si steterit extra ordinem ???  fratrem Paulum Philipi de Senis dummodo frater Paulus non ??? Reate, et si vult frater Petrus Antonius manere in ordine ??? sibi ??? in Minerva, Perusio et Viterbio in utroque conventu cum fratre Paulo, nisi ille frater Paulus noluerit remanere extra ordinem. Datum ut supra.

■ Qua e là inchiostro alquanto evanito, brani illeggibili.

Frater Vicentius de Cillio assignatur in magistrum studentium in conventu perusino pro duobus annis. Datum Reate, vij maii.

|76v|

Magister Amadeus de Pisis habuit literas sue gratiose absolutonis ad beneplacitum ab officio prioratus pratensis. Datum Spoleti, 9 maii 14780.

Cameram quam reparavit et edificavit in conventu reatino iuxta ortum magister Alexander de Bononia, in qua etiam exposuit magister ordinis duc. auri xx et ultra, quam complere promisit frater Petrus Antonius Santis de Reate, concessa est ad usum quamdiu vixerit dicto fratri Petro Antonio, sine inferioris molestia, ita tamen ut eam - sicut promisit - quamtotius finiat et compleat; et quia magister ordinis vel provincialis vel magister Alexander de Bononia de??nant ad conventum, debent ibi habitare quamdiu voluerint. Datum Reate, viij maii.

Frater Bartholomeus Fabiani et frater Christoforus Bartholomei de Senis quia quasi(?) comuniter acquisierunt bona que habent, subcedunt ad invicem in bonis suis, ita tamen quod superstes det de bonis defuncti conventui senensi in Campo Regio mediam partem, et reliquam ipse ad usum habeat, sine inferioris molestia. Datum Fulginei, xij maii.

Frater Petrus Antonius Marchucciole de Mevanea habet licentiam vendendi duas partes terre in vocabulo padule di Soglano et Pilonis, et quandam domum positam in Mevanea in quarto Sancti Petri, dummodo pretium convertatur in terras utiliores, quarum ipsum fructum habeat dum vixerit; et potest de pretio accipere quatuor duc. auri pro vestimentis suis. Nullus inferior. Datum Fulginei, xij maii.

Frater Dominicus Archangeli de Eugubio habuit dispensationem ad sacerdotium in xxij anno. Datum ut supra.

Frater Salvatus Luce de Mevanea habet licentiam standi extra ordinem usque ad capitulum generale pro discendo pulsare in organis et in cantu, et interim officiandi etc. Datum Fulginei, die xiiij maii.

Frater Angelus Restori de Fulgineo habet licentiam propter suas infirmitates et necessitates vendendi quandam domum positam in Fulgineo in contrata Spahalli, et pretium convertendi in suos usus, sine inferioris molestia. Datum ut supra.

■ Spahalli: cf. AA.VV., OSPITARE, CURARE, SOVVENIRE, RECLUDERE. Ospitali nella storia di Foligno, a cura di Fabio Bettoni, Foligno (Associaz. Orfini Numeister) 2011, tavola I: rione 9, Spavagli.

Fratri Laurentio ser Luce de Mediolano conceditur camera in suo conventu fulginatensi in dormitorio superiori, que olim fuit fratris Benedicti conversi de Fulgineo, et potest eam edificare et inhabitare toto tempore vite sue. Datum ut supra.

Fratri Simoni Iacobi de Fulgineo fuit concessa camera signata .f. in dormitorio superiori, que olim fuit fratris Ambrosii de Fulgineo, et potest eam reparare et habitare quandiu vixerit. Datum ut supra.

Frater Augustinus Gilii Spira de Cortonio, baccalarius, quia complevit s??? habet licentiam sumendi insignia magistralia ubi voluerit, habita dispensatione iuramenti. Datum Perusii, die xvj maii.

Idem habet licentiam exigendi bona hereditatis et iura ad eam(?) relata, et ipse habet usum, proprietate conventui reservata; et si necesse fuerit vendere bona pro debitis heredita?? accedat(?) cum licentia capituli et conventus, ut moris est. Datum ubi supra, die xvij maii.

Frater Bernardinus Appollonii de Fabriano, qui venit Perusium ut sibi de studio provideatur asserens quod in Congregatione non potuit usque tunc habere commoditatem, de consilio patrum assignatur in conventualem et ad proficiendum in conventu perusino, ubi et studium et regularis observantia vigent. Datum Perusie, die xvij maii.

Frater Thommas Panniucchi habet gratiam quod in conventu suo perusino teneat locum immediate post biblicos, sine molestia aliorum. Datum Perusii, xx maii.

|77r|

Frater Benedictus Augustini dal Campo de Pisis potest tempore quadragesime exire ad predicandum et recipere laborum suorum elemosinas, et tempore pestis(?) recedere(?) de conventu perusino, et ??? peste vel ??? predicat(),  redire ad conventum. Datum Perusie, iij iunii 1480.

Frater Marsilius de Tybure fuit assignatus in conventu de Campo Regio de Senis. Datum ut supra.

Magister Guillielmus de Florentia fuit assignatus in conventu aretino et conventualem predicatorem et lectorem cum gratiis consuetis. Datum Rome, xxj iunii.

Magister Guillielmus prefatus potest quandocunque ire Florentiam et ad conventum Sancte Marie Novelle, et ibi stare pro negociis suis quantum opus fuerit. Nullis obstantibus. Datum ut supra.

Frater Nicolaus de Pisis fuit assignatus in conventu perusino in studentem artium. Datum Rome xx iunii.

Frater Dominicus Bonacursii de Aiutamicristis de Pisis tranfertur de conventu Sancte Zite ad conventum Sancte Caterine de Pisis, si maior pars consenserit. Datum ut supra.

Sororibus monasterii Sancti Silvestri de Pisis precipitur sub pena precepti et suspensionis ne de cetero aliquam recipiant sine licentia magistri. Datum ut supra.

Sorori Annalene de Malatestis, priorisse monasterii Sancti Vincentii de Florentia, datur facultas quod prior Sancti Marci vestiat et det habitum cuicunque ipse voluerit. Datum Rome, 27 iunii.

Omnibus fratribus conventus Sancte Marie de Quercu de Viterbio et aliis fratribus ordinis precipitur sub pena excomunicationis late sententie quod infra tres dies restituant vel revelent fratri Antonio Thomme de Piperno quicquid habent vel sciunt de octo duc. qui furtim sunt sibi ablati a dicto conventu. Datum Rome, j iulii.

Frater Petrus de Lucha habuit dispensationem ad sacerdotium in xxij anno completo. Datum Rome, ij iulii.

Monasterio Sancti Dominici de Pisis de Carraria Sancti Egidii datur facultas quod possit exigere bona et iura sibi debita in hereditate et bonis Iacobi Zenobii Panthaleonis de Florentia ex persona sororis Marie, filie dicti Iacobi, et potest transigere et pacisci etc., dummodo priorissa et maior pars sororum, nec non frater Ludovicus prior piper(nensis), consentiant. Datum Rome, xj iulii.

Pro conventu Sancti Marci de Florentia, cui Andreas Restii(?) Laurentii obtulit oratorium sub titulo Sancte Marie Magdalene prope Florentiam ad 4 miliaria, et fratres quantum in eis acceptarunt, acceptatur oblato civis et acceptatio fratrum, et datur eis licentia ut ibi residant tanquam in hospitito, donec a papa habeatur quid fiendum. Datum Rome, xv iulii.

Frater Lugdovicus de Civitate Vetula potest tenere socium, etiam secularem, sine molestia inferioris,et potest ei dare de bonis suis stipendium; et covnentus teneatur providere dicto socio de cella et victu. Datum Rome, 15 iulii.

|77v|

Frater Petrus Martinus de Civitate Vetula fuit assignatus ad legendum bibliam pro forma et gradu magisterii in universitate sacri palatii. Datum Rome, 15 iulii 1480.

finis