AGOP IV.6

|f. 2r| Registrum rev.mi  magistri Salvi Cassette de Panormo, magistri ordinis Predicatorum, qui die viiij mensis iulii, anno Domini Mcccclxxx primo, fuit Rome electus unanimiter et concorditer per comunem inspirationem.

Ordo provinciarum in registro rev.mi magistri ordinis Predicatorum, cum quota et numero cartarum sive foliorum ubi unaqueque provincia habeat reperiri. Littere autem alphabeti posite in capite cuiuslibet procincie significat ordinem provinciarum, quota videlicet numero sit uniqueque provincia.

1     A.   Provincia Hisponie, folio 3.

...

20   V.   Saxonie, folio 216.

21   X.   Portugalie, folio 227.

22   Y.   Scotie, folio 232.

(tot. 22).

Provincia Romana,
AGOP IV.6, ff. 60r-81v

|60r|

Frater Dominicus Danielis de Pistorio confirmatur in vicariatu et cura monasterii Sancti Iacobi de Ripolis de Florentia cum auctoritate quam habuit a magistro Leonardo, et potet tenere socium fratrem Vincentium Brunetti de Florentia, et nullus impenditat vel se de monasterio intromittat donec aliter fuerit ordinatum. Datum Rome, die xix mensis iunii 1481.

■ E.: a inizio pagina, lato sinistro,  lettera denotativa della prov. Romana, secondo l'Ordo provinciarum.

Magistro Sebastiano Angeli de Perusio confirmatur cella quam sibi concesserunt patres et fratres conventus perusini, sicut apparet in libro consiliorum conventus; et potest eam possidere toto tempore vite sue, sine inferioris molestia. Datum ut supra.

Magister Sebastianus predictus habuit literas sue gratiose absolutionis a prioratu conventus perusini, ad suum beneplacitum legendas; et tunc sit vicarius quousqeu alius prior sit electus et confirmatus, ac presens in conventu. Datum ut supra.

Frater Salvatus Luce de Mevanea fuit assignatus in conventu suo Mevanee. Datum Rome, die xviiij iunii.

Magister Dominicus Bartholomei de Florentia fuit factus vicarius monasterii Sancti Petri Martyris de Florentia, quod advocatur sub immediata cura rev.mi magistri. Et nullus inferior. Datum Rome, die xvj iunii.

Frater Cosmas de Arretio habet licentiam ubique morandi et exercendi artem suam in componendo fenestras vitreas, et interim celebrare ubi fuerit requisitus, sine inferioris molestia. Datum Rome, xix iunii.

Magister Petrus de Spoleto fuit factus visitator et vicarius conventu et monasterii reatini et conventus narneensis, cum plenaria potestate quantum potest magister ordinis. Datum Rome, die xvj iunii. Etiam super sorores de Penitentia Narnee et Reate.

Frater Martinus de Remona [sic], conversus, fit filius nativus conventus Sancte Marie Novelle de Florentia, et illuc trasfertur de omni conventu, quia omnes eum petunt. Datum ut supra.

Frater Albertus de Ricciardis de Pistorio fuit assignatus in coventu Sanctorum Iohannis et Pauli de Venetiis. Datum Rome, xix iunii.

Frater Nicolaus de Alemania, conventus senensis, mittitur ad provinciam Saxonie ad conventum qui voluerit eum tenere, et potest fieri nativus ubi maior pars fratrum acceptaverit; et potest quater in anno plenarie confiteri, sine inferioris molestia. Datum Rome, die xix iunii.

Monasterio Sanctorum Augustini et Pauli ad Ortum de Pisis datur licentia vendendi, alienandi, locandi in utilitatem monasterii, et confirmatur locatio facta domino Baldaxarri de Capponibus. Datum Rome, die xix iunii.

|60v|

Fratri Antonio Andree de Civitate Vetula fuit confirmata camera olim fratri Ludovici in fine dormitorii, ei a patribus concessa. Et nullus inferior. Datum Rome, die xvj iunii 1481.

Magister Laurentius Thomme de Florentia potest tenere cellam suam et gaudere omnibus gratiis magisterii, quamvis sit habilitatus ad beneficia. Nullus inferior, nullis obstantibus. Datum Rome, die xix iunii.

Frater Christoforus Bartholomei de Senis habuit in conventu suo gratias iubilariorum et baccalariorum, sine inferioris molestia. Datum ut supra.

Frater Iohannes de Eugubio, baccalarius, confirmatur in assignatione contentui senensi, a quo non potest ab aliquo amoveri. Datum Rome, die 19 iunii.

Frater Thommas de Urbeveteri, liblicus, potest vendere et alienare bona sua, et de eis disponere sicut vult. Datum ut supra.

Priori seu presidenti lucensis conventus precipitur sub pena absolutionis ipso facto, patribus autem conventus sub pena gravioris culpe, quod presentient nuntiis conventus removen(tibus) bona condam fratris Angeli de Soncino secundum formam constitutionum. Datum in capitulo generali.

■ in capitulo generali: tenuto a Roma, giugno 1481 (MOPH VIII, 353 ss).

Frater Iulianus de Prato instituitur prior conventus narneensis, et fuerunt cassate alie electiones et omnis alius prior; et committitur sibi cura beghinarum, cum solita auctoritate. Datum Rome, xix iunii.

Magistro Gabrieli Barletta, conventus Sancti Spiritus de Senis, conceditur cella sita in dormitorio novo cum lodia que olim concessa fuerat magistro Bartholomeo Zachio. Datum 19 iunii.

Magister Gullielmus Nicolai de Florentia fuit assignatus in conventualem et lectorem conventus pratensis cum gratiis consuetis, omnem alium amovendo. Datum Rome, xix iunii.

Frater Ludovicus Marci de Datis de Luca habet licentiam exeundi provinciam Romanam et se transferendi ad aliam provinciam, sine inferiori molestia. Datum Rome, xix iunii.

Frater Iohannes de Migliorinis de Prato habet licentiam eundi ad celebrandum in ecclesia de Bachero iuxta Pratum, et tenere elemosinas propterea datas, sine inferioris molestia. Datum ut supra.

Frater Archangelus Bartholomei conventus senensis fuit factus iubilarius in suo conventu. Datum Rome, 17 iunii.

Priorisse et sororibus monasterii Sancti Pauli ad Ortum de Pisis precipitur sub penis privationis gratiarum, absolutionis et excomunicationis quod non dividant ecclesiam Sancti Pauli nec faciant murum in medio, sicut dicuntur velle facere. Datum Rome, xvj iunii.

■ monasterii Sancti Pauli ] Sanctorum Aug et Pauli in prima scrittura. Vedi item seguente.

Approbantur omnes contractus facti per dictum monasterium Sanctorum Augustini et Pauli de Pisis cum domino Baldaxarre de Capponibus, et concessio eidem et sorori sue domine Ginevre facta ad emphiteosim. Datum Rome, xix iunii.

|61r|

Magister Sebastianus Rubini de Florentia habuit concessionem camere magistri Iacobi Petri, et potest tenere socium qui intelligatur assignatus in conventu suo Sancte Marie Novelle de Florentia, sine inferioris molestia. Datum Rome, xix iunii 1481.

Frater Albertus Nicolai de Florentia gaudet exemptionibus superiorum secundum morem sui conventus Sancte Marie Novelle de Florentia. Datum Rome, 12 iunii.

Frater Thommas Peregrini de Narnea fuit assignatus in conventu Sanctorum Iohannis et Pauli de Venetiis. Datum Rome, xix iunii.

Frater Petrus de Roma mictitur ad rev.dum vicarium generalem Congregationis Lombardie ut ei provideat de conventu in quo proficiat in moribus, cerimoniis ordinis et in literis. Datum Rome, xix iunii.

Frater Hieronymus de Pistorio habet licentiam ubique predicandi verbum Dei, et potest erigere hospitium in dyocesi lucana et pistoriensi, ibique morari cum socio. xix iunii.

Magister Franciscus de Roma, prior Minerve, habuit literas sue absolutionis ita quod post dies octo a data ipsarum, statim intelligatur absolutus ab officio prioratus Minerve. Datum Rome, xxiij iunii.

Priori et patribus conventus Sancti Dominici de Neapoli precipitur sub pena gravioris culpe, privationis gratiarum et graduum, absolutionis et exomunicationis late sententie quod solvant et restituant magistro Vincentio de Narnea infra octo dies tres cannas cum dimidio villuti nigri, vel valorem; aut dent pro ?? Francisco Palmerio vel alii suo mandatario, vel componant. Datum Rome, 22 iunii.

Magister Simons Berti de Florentia potest ubique predicare cum uno vel pluribus sociis super quibus habet aprobationem(?) priorum, et ipse potest uti dispensat(ione) et confiteri totiens quotiens, et recipere elemosinas et recipere benefactores ad partecipationem missarum et ??? ???. Et nullus inferior. Datum Rome, 25 iunii.

Frater Iohannes ser Uberti conventus Sancte Marie Novelle de Florentia assignatur ad legendum bibliam pro forma et gradu magisterii in sacro palatio vel Senis, ubi voluerit. Datum Rome, 25 iunii.

Frater Iohannes de Columna transfertur a conventu Sancte Sabine de Urbe ad conventum Sancti Petri Martyris apud Ciglanum, dioc(esis) vercell(ensis), unde est oriundus, ubi filius nativus fit, cum bonis suis que acquisivit in provincia Lombardie. Datum Rome, xxv iunii.

■ ponatur infra 183 al marg. sin.; item appartenente alla prov. di Lombardia, per errore messo nella sezione della prov. Romana!

Fratri Ioanni ser Uberti confirmatur cella ei concessa a patribus in conventu Sancte Marie Novelle de Florentia in dormitorio superiori, que est 4^a incipiendo a sala novitiorum versus suptemtrionem. Datum 26 iunii.

Frater Antonius de Pistorio habet licentiam retinendi elemosinas et pecunias pro discenda arte diaconorum(?) et pro aliis suis necessitatibus. Datum Rome, 27 iunii.

Frater Augustinus de Roma potest usque ad Pasca resurrectionis stare extra ordinem in dyocesi pennensi ad expediendum negocia sua, et iterum officiare, elemosinas recipere, et ipse confiteri etc. Datum Rome, xxvij iunii.

|61v|

Priori et fratribus conventus perusini precipitur sub penis gravioris culpe, absolutionis et excomunicationis late sententie quod infra octo dies solvant magistro Ludovico de Viterbio duc. xx, sicut per sententiam iudicum fuit declaratum de bonis magistri Ludovici defuncti. Datum Rome, xxvij iunii 1481.

Magister Thommas Nannis de Viterbio fuit institutus vicarius generalis conventuum reformatorum provincie Romane, cum plenaria potestate. Datum Rome, 20 iunii.

Magistro Antonio Schiattesio, qui habet curam hospitii Sancti Ncolai de Montelupo, datur plena auctoritas exigendi bona hospitii et comparendi in iudiciis et recuperandi, et contractus male factos rescindendi, et ???. Datum Rome, 27 iunii.

Priori et patribus de consilio conventus tudertini mandatur sub pena absolutionis et excomunicationis et gravioris culpe quod infra 3 dies solvant fratri Iuliano de Prato, alias(?) priori dicti conventus, quicquid ei debet conventus. Datum Rome, 28 iunii.

Magister Iohannes de Narnea fuit institutus prior conventus Sancte Marie de Quercu iuxta Viterbium, et primo fuit absolutus magister Benedictus de Viterbio, et datur sibi plena potestas etiam in foro conscientie. Datum Rome, 29 iunii.

Priori et presidentibus et fratribus conventus Sancti Dominici de Castello precipitur quod infra 3 dies restituant vel revelent fratri Ioanni Sancto de Castello, vel fratri Matheo de Perusio, quicquid habent vel sciunt de bonis fratris Iacobi Federici de Castello; qui duo possunt recipere ubique bona dicti fratris Ioannis. Datum Rome, j iulii.

Presidentibus et patribus de consilio conventus perusini precipitur sub pena absolutionis et excomunicationis quod recipiant fratrem Iohannem de Breda, conventus lovaniensis provincie Theutonie, in studentem theologie <pro > rata provincie sue, sicut per acta generalis capituli fuit assignatus. Datum Rome, vij iulii.

■ MOPH VIII, 364/27-28 (cap. gen. Roma 1481), tra le assignazioni: «In studentes theologie fr. Iohannem de Breda provincie Theutonie, ...»; Breda, oggi in Olanda (Nederland).

■ conventus lovaniensis = Leuven (Louvain), oggi in Belgio, allora appartenente alla provincia domenicana di Teutonia.

Priori et fratribus conventus perusini precipitur sub pena excomunicationis quod infra octo dies solvant, de pecuniis magistri L??, Iohanni Iacobi Marci aromatario vel eius mandatario duc. x pro medicinis magistri Christofori de Viterbio, quia sic fuit declaratum in capitulo generali. Datum Rome, 27 iunii.

Magister Sebastianus de Perusio fui absolutus ab officio prioratus, et magister Valentinus fuit institutus vicarius future future electionis et conventus usque ad presentiam alterius prioris, cum plenissima potestate. Datum Rome, die xij iulii.

Frater Hieronymus de Brixia fuit absolutus a prioratu eugubino ad instantiam ducis Urbini et comitat?? petentibus(?) fratribus, et fuit institutus prior commictentibus(?) fratribus frater Iohannes Berardus de Berardellis de Eugubio, cum plenaria potestate. Datum ut supra.

Fratribus omnibus conventus perusini et totius ordinis districte precipitur sub penis gravioris culpe, privationis graduum, gratiarum ordinis(?), absolutionis, carceris, excomunicationis, quod infra tres dies restituant vel revelent quicquid habent(?), sciunt de mula, vestibus, tazzis veteris cus??, pecuniis et rebus magistri Leon(is) Prel?poris, magistro ordinis vel magistro Thomme Nannis de Viterbio, cui datur plena auctoritas ad ??? predictorum. Datum Rome, xiiij iulii.

Frater Raynerius de Pisis, conversus, assignatur in conventu Sancti Miniatis al Tedescho. 17 iulii.

→|62r|