|62r|

Magister Thommas Nannis de Viterbio habuit literas sue gratiose absolutionis ab officio prioratus conventus Sancte Marie ad Gradus. Datum Rome, xx iulii 1481.

Frater Nicolaus Valenti de Urbe Veteri, qui nunquam voluit restituere quandam coronam margaritarum dominis Ioakino et Blasino, heredibus domine Tarsie uxoris ser Petri Pauli de Tuderto, subiicitur pro dicta causa omni iudici, etiam seculari, usque ad capturam persone in?? ut fiat iustitia tam de sorte quam de expensis. Datum Rome, die xiiij iulii.

Magister Ludovicus Angeli de Viterbio, electus per comunem inspirationem ab omnibus, fuit confirmatus in priorem conventus Sancte Marie super Minervam, cum plenaria potestate. Datum Rome, x iulii.

Magister Ludovicus Angeli predictus fuit institutus regens studii conventus Minerve, cum solitis emolumentis et gratiis secundum formam testamenti rev.mi domini cardinalis de Turre Cremata. Datum Rome, xij iulii.

Frater Petrus Dominicus fit vicarius sui conventus narneensis, et absolvitur a prioratu frater Iulianus de Prato, et non potest procedi ad electionem nisi aliter ordinetur; et vicario precipitur quod infra mensem solvat fratri Iuliano unum ducatum pro exepensis, sicut plene habes in notula et memoriali signat(is) pH. Datum Rome, xxix iulii.

Magister Iohannes de Narnea fuit factus vicarius, visitator et commissarius super conventibus Campanee, terraccinensi pipernensi et ananino, cum plenaria potestate in capitibus et in membris, etiam absolvendi et confirmandi priores; et maxime precipitur quod vadat quam primum Terracenam et provideat ne querele(?) ultra veniant. Et nullus inferior molestet. Datum Rome, j augusti.

Data fuit licentia fratri Angelo de Viterbio provinciali romano standi cum suo fratre germano, fratre Iohanne de Viterbio, per duos annos in servitium ecclesie quam ipse tenet cum gratiis talibus dari consuetis. Prima die mensis augusti 1481.

Concessa fuit licentia fratri Matheo Iacobi, conventus Sancte Marie Novelle, standi extra ordinem in obsequium ecclesiasticorum, ut sibi videtur comodius expedire, cum hoc quod subiciatur(?) corectioni - si in aliquo delinquerit - priori illius conventus in cuius terminis moratur, et semper sit sub disciplina ordinis et pro ??? suffragia ordinis, et quod possit absolvi bis in anno a quibus rev.mus magister potest. Datum 3 augusti 1481.

Magister Alexander de Bononia fuit receptus ad filiationem conventus Sancte Marie super Minervam de Urbe, annuentibus omnibus patribus conventus, ipso rogant(e?), et confirmante rev.mo magistro. Datum Rome, viij mensis augusti 1481.

|62v|

Fratri Iuliano Amorosi de Tybure concessa fuit cella fratris Blasii defuncti, in vita sua propter suos labores quos in ordine substinuit. Et quod nemo inferior etc. Datum Rome, die 17 mensis augusti 1481.

Fratri Martino Gili??ai de Tybure fuit concessa cella quam inhabitare solitus(?) fuit frater Iulianus Amorosy de Tybure, que est in dormitorio, et eidem concessum fuit breviarium fratris Blasii de Tybure defuncti. Et quod nemo inferior etc. Datum Rome, xvij mensis augusti 1481.

Frater Blaxius de Anania assignatus fuit ad proficiendum in conventu Sancti Dominici de Campo Regio, et mandatur priori conventus ut prebeat comoditatem ad studendum. Datum Rome, xxij augusti 1481.

Fratri Vincentio de Matera provincie Regni fuit assignatus in studentem theologie in conventu Sancti Dominici de Campo Regio de Senis, cum gratiis etc. Datum Rome, 22 augusti 1481.

Frater Dominicus Ranchetta de Reate fuit amotus a conventualitate conventus spoletani et assignatus in conventu reatino sibi nativo, cum precepto ut visis litteris sue assignationis illico inde receddat [sic]; et sub eodem precepto mandatur priori ut illum non retineat et ?? conventus suus provideat sibi de vestibus. Datum Rome, v septembris 1481.

Monasterio conventus Sancti Iohannis Lateranensis de Florentia concessum est ut, absque contradictione alicuius inferioris, possit eligere unum confessorem ordinis nostri et illi mutare etc. Datum Rome, 5 septembris 1481.

Frater Iohannes Migliorinus de Prato decla<ra>tus fuit supprior conventus tudertini et ibidem assignatus fuit, et in subpriorem confirmatus quousque aliter per priorem dicti conventus fuerit ordinatum, et mandatur omnibus fratribus ut sibi pareant etc. Datum Rome, die 6 mensis septembris 1481.

Omnibus et singulis conventibus mandatur sub precepto quatenuns recipiant dominum Accursium de Petra, prothonotarium et cubicularium S. d N. non ?? ac persona rev.mi magistri est eius familia. Datum Rome, die 9 mensis septembris 1481.

|63r|

Magister Marianus de Roma, sotius noster, fuit factus commissarius et visitator ac vicarius generalis super conventu tyburtino cum plenitudine potestatis super capite et membris ac si rev.mus magister ibi esset, cum precepto sibi et fratribus facto et quod possit de novo de?? priorem confirmare. In contrarium etc. In contrarium etc. Datum Rome, xiij septembris 1481.

Frater Petrus de Luca fuit asssignatus in conventu Sancti Marci de Florentia, cum mandato quod omnino recipiatur, in contratrium facien(tibus) non osbtan(tibus)). Datum Rome, xiiij septembris.

Frater Petrus de Rora(?) de Bergamo, conversus, habuit licentiam eundi Bergamum ac Ma<n>tuam gratia visitandi parentes et amicos suos et inde provinciam romanam etiam petendi, et quod nemo inferior etc. Datum Rome, xviij septembris.

Magister Ludovicus de Viterbio fuit institutus viceprocurator usquequo magister Iohannes de C?rte procurator venerit; quo presente, ceddat(?) officio etc. Datum Rome, xviiij septembris 1481.

Frater Dominicus Iohannis, conventus Sancti Dominici in Campo Regio de Senis, habuit licentiam per biennium standi extra ordinem, et potest elemosinas retinere; et bis in anno plenarie confiteri, et de aliis quotiens fuerit oportunum ?? fratribus ordinis; et quod subiciatur priori conventus propter aliquod scandalum vel debitum. In contrarium etc. Datum Senis, xxv septembris 1481.

Conventus Sancti Dominici de Campo Regio potest coram quocunque iudice comparere pro expeditione et se?? condam trabis(?) seu ligni quod dicit quidam nobilis vir Marianus Chisi debere recipere a dicto conventu, et datur facultas illi iudici coram ser ??? etiam delucidandi(?) et sententiandi etc. In contrarium etc. Datum Senis, die xxv septembris 1481. Et sub precepto mandatur et pena excomunicationis late sententie tu omnino talis causa committatur.

Frater Thomas Baptista conventus Sancti Dominici de Campo Regio de Senis habuit ex gratia quod prior dicti conventus concedat sibi primam cameram vacaturam et secundum ??viarium, quam et quod sibi placuerit ali?dum, et uti potest toto tempore vite sue. In contrarium etc. Datum Senis, xxvij septembris.

Frater Bartholomeus alias Baccio Rabiani, conventus Sancti Dominici de Campo Regio de Senis, fuit factus iubilarius, et sibi concessa fuit cantina que alias fuit concessa magistro Alexandro de Bopnonia, et uti potest omnibus gratiis iubiliarium, ut moris est Romane provincie. In contrarium etc. Datum Senis, die xxvij septembris.

|63v|

Frater Bonaiuncta Petri Angeli, conventus Sancti Dominici in Campo Regio de Senis, fuit factus iubilarius cum omnibus gratiis iubiliariorum etc. In contrarium etc. Datum Senis, xxvij septembris 1481.

Frater Bartholomeus Petri Gaccii de Sancto Miniate al Thedesco, gubernator hospitii condam ?? Chirico, potest convenire coram quocunque iudice, et presertim d(omino) Apyscopico Prentino(?) vel eius vicario, quendam fratrem Ieronimum de Pisis propter dampna que intulit in preiudicium dicti hospitii, et ipsum condempnari facere ad restitutionem etc. In contrarium etc. Datum Senis, xxvij septembris 1481.

Frater Paulus de Senis, conventus Sancti Dominici de Senis in Campo Regio, concessionem habuit cuiusdam cammere [sic] que est in dormitorio inferiori inter scalas librarie(?) et cellam magistri Mariani; et primum breviarium quod primo vacabit in dicto conventu, toto tempore vites sue. In contrarium etc. Datum Senis, xxviij septembris.

Frater Bartholomeus alias Baccio Rabiani, conventus Sancti Dominici in Campo Regio de Senis, habuit confirmationem cuiusdam conventionis facte inter ipsum et conventum predictum quoad receptionem cere conventus, scilicet quod recipiat eo pretio quo aliis venderetur, et quod det conventui ceram secundum indigentiam conventus eo pretio quo ab aliis inveniret. Et quod nemo inferior etc. Datum Senis, xxvij septembris 1481.

Frater Matheus Iacobi, conventus Sancte Marie Novelle, habuit preceptum et sub pena excomunicationis late sententie eidem mandatur ut infra sex menses ?? per totum mensem martii debeat solvisse libras xxxx cuidam Iacobo Iacobi G???i de Brogottis per sententiam latam per socium ordinis nostri(?) scilicet magistrum Marianum de Roma, de consensu ambarum partum; quo termino elapso incurrit sententiam excomunicationis et obligat(ionis) dandi eidem libras 72 et sold. novem, quas autem(?) predictam penam dare predictus frater Iacobus obligabatur. In contrarium etc. Datum Florentie, die iij mensis octubris [sic] 1481.

Frater Sebastianus de Pistorio fuit assignatus in conventu Sancte Chaterine de Pisis. In contrarium etc. Ind?? Datum Florentie, vij octubris 1481.

Sorori Annalene de Malatestis, priorisse, ceterisque sororibus tertii habitus de Penitentia beati Dominici, commmorantibus Florentie sub vocabulo Sancti Vincentii, concessum est ut prior Sancti Marci et earum confessor, quibus in hoc mandatur sub precepto, ut recipiant sorores ad ordinem et professionem in dicto monasterio prout priorisse et sororibus videbitur. In contrarium etc. Datum Florentie, die 9 octobris.

|64r|

Conventui Sancti Marci concessum fuit ut possit questuatum ire per loca alias solita, sine tamen preiudicio et titulo aliorum conventuum. Et quod nemo inferior etc. Datum Florentie, x octobris.

Priori et conventui Sancti Miniatis mandatur sub pena excomunicationis late sententie quatenus infra terminum xv dierum debere consignasse priori vel eius mandatario conventus Sancti D<ominici?> de Fesulis me??te ??? bonorum olim fratris Angeli P?michi, filii nativi dicti conventus; et sub eadem pena mandatur omnibus habentibus de bonis prefati fratris Angeli qualiter(?) debent consignasse infra predictum terminum et prioribus predictis. In contrarium etc. Datum Florentie, die xj mensis octobris 1481.

Magister Dominicus Iohannis, conventus Sancte Marie Novelle de Florentia, habuit privilegium exemptionis, ita quod nemo rev.mo magistro inferior potest ipsum in aliquo coartare; nichilominus gaudet omnibus gratiis spiritualibus quas presidentes dare consueverunt et ?? temporalibus; et potest monasteria Florentie cum sotio sibi grato quotiens sibi visum fuerit visitare, propter eius etatem et doctrinam et virtutes et honores quos in religione habuit, et ips(e?) sub tutela sua rev.mus magister suscepit. In contrarium etc. Datum Florentie, die xj octobris 1481.

Frater Amadeus de Pisis ad instantiam domini Bonini de Boninis de Florentia, hospitalarii hospitalis infirmorum Sancte Marie Nove de Florentia, habuit licentim standi in officio et servitio prefati hospitalis, et quod possit ter in anno plenarie confiteri et elemosinas pro suius necessitatibus exponere et ecclesiam sacramenta ministrare. Et quod nemo inferior etc. Datum Florentie. Cum(?) quod per??it cum obedientia ordinis et particeps beneficiorum ordinis. Datum ut upra, die xj octobris 1481.

Soror Iacoba de Prato, monasterii Sancti Nicolai de Prato, habuit confirmationem litterarum predecessoris rev.mi magistri et de novo concessum est omnia bona tam mobilia quam immobilia que nunc possidet, que fuerunt sororis Ioahanne de man??s ?? magistri. In contrarium etc. Datum Florentie, die 13 octobris 1481.

Frater Baptista Mathey Gabrielis de Pistorio habuit licentiam eundi visitar(re?) parentes suos, cum licentia tamen prioris Sancti Marci ubi moratur, et quod nemo inferior etc. Datum Florentie, xij octobris 1481.

Magister Iohannes Carolus, prior conventus Sancte Marie Novelle de Florentia, habuit litteras sue absolutionis; quas, cum legerit publice in capitulo, intelligitur absolutus. Datum Florentie, xij octobris 1481.

|64v|

Frater Thomas Mathey, conventus Sancte Marie Novelle de Florentia, fuit assignatus in studentem theologie in conventu Sancti Dominici de Perusio, cum gratiarum etc. Datum Florentie, xij octobris 1481.

Conventui seu presidenti conventus Sancti Romani de Luca mandatur sub precepto et sub penis absolutionis ab officio prioratus et sub excomunicationis late sententie quatenus debent quinque ducat. in festo Nativitatis Domini proxime futuro, et alios quinque in alio immediate sequenti, solvere fratri Nicolao de Luca; et hoc propter sententiam latam de consensu ambarum partium per manus meas. Datum Prati, die xiij octobris 1481.

Conventui prefato lucano mandatur sub precepto et sub pena absolutionis ab officio et excomunicationis late sententie quod non alienent bona immobilia nec libros mutuent extra conventum nec calices vel iocalia(?) inpignorent nec possessione locent nisi per biennium, et hoc de consensu duarum partium conventus in publico capitulo; et si secus factum fuerit, nullius sit valoris vel momenti. In contrarium etc. Datum Prati, die xiij octobris 1481.

Magister Marianus de Roma, socius ordinis, fuit institutus vicarius conventus Sancte Marie Novelle in omnibus ac si magister esset ibi presenes et specialiter pro futura electione novi prioris, et potest substituere vicarium pro prefata electione et pro regimine conventus usquequo prior fuerit confirmatus, et manda(tur) omnibus sub precepto ut sibi pareant etc. In contrarium etc. Datum Prati, die xv octobris 1481.

Magister Marianus de Vernaciis de Florentia fuit confirmatus in priorem conventus Sancte Marie Novelle cum ea auctoritate quam sui predecessores habuerunt et quod possit sibi eligere confessorem etc., et quod possit fratres presentare etc., et quod possit ultimas voluntates recipere etc. In contrarium etc. Datum Prati, xvij octobris 1481.

Conventui Sancti Dominici de Pystorio mandatur sub pena precepti et absolutionis ab omnibus officiis et excomunicationis late sententie quod non alienent seu vendant bona mobilia vel ymobilia sine lecentia rev.mi magistri; et si secus factum fuerit, sit irritum et inane, et similiter intelligitur de calicibus et libris. Datum Prati, die xvij octobris 1481.

Frater Franciscus Benedicti de Pistorio confirmatur in loco quod dicitur Sancta Maria super Vinaccianum, cum hoc quod subiciatur priori conventus pistoriensis et quod reddat ratiocinia et inventarium dicto priori. Datum Prati, die xvij octobris 1481.

|65r|

Magister Paulus Petri ser Pauli de Florentia, filius conventus Sancti Dominici de Prato, habuit confirmationem sui magisterii cum inclusione gradum(?) et lecture pro ipso suo tempore complete, et gratiis et privilegiis magistrorum. In contrarium etc. Datum Prati, xiiij mensis octobris 1481.

Frater Petrus Bartholomei Silvestri de Porcis de Prato habuit licentiam standi extra ordinem per biennium, et potest bis plenarie confiteri. Datum Prati, 19 octobris 1481.

 Monasterio Sancti Nicolay de Prato conceditur ut de consens<u> duarum partium monialium possit bona immobilia locare alicui ad vitam dumtaxat ipsius cui fit locatio. Datum Prati, 19 octobris 1481.

Sorori Helisabet Zenobii della Badessa concessum fuit ut possit quandam petiam terre locare et illius fructus recipere ad usum suum; que terra fuit sue magistre sororis Antonie. Datum Prati, die 19 octobris 1481.

Frater Ludovicus de Dathis de Lucha habuit litteram standi in illo conventu qui eum voluerit retinere, et prior potest auctoritate rev.mi magistri ipsum ibidem assignare. Item potest prefatus frater Ludovicus stare in civitate luchana, non in conventu, per totum mensem novembris et expedire quedam negotia sua et suorum affinium, et potest comparere coram quocunque iudice et constiuere procuratorem seu procuratores quotiens fuerit oportunum pro suis negotiis. Et quod nemo inferior etc. Datum Pisis, 22 et 23 mensis octobris 1481.

Priori conventus Sancti Romani de Luca datur facultas quod fratrem Ludovicum predictum si ultra prefatum terminum staret Luce vel in comitatu quod possit eum carcere et censuris ecclesiasticis coercere, presertim expediret suis negotiis, et si scandalo ?? fuerit isto interim potest eum punire etc. Datum Pisis ut supra.

Frater Petrus Paulus de Luca habuit licentiam ut completo 22 anno possit sacerdotium suscipere, dummodo prior conventus Sancti Romani de Luca pro suficiente habeat etc. Datum Pisis, die 25 octobris.

Frater Vincentius de S??ere dyocesis lunensis, de conventu pystoriensi, sub pena exomunicationis late sententie debet infra terminum quinque dierum restituere vel capam vel tres ducatos cuidam fratri Dominico Bartholomei de Peregrinis de Luca, et similiter unum breviarium, que sibi fuerunt mutuata: breviarium per fratrem Baptistam de Reate, capa vero per dictum fratrem Dominicum. Et mandatur omnibus presidentibus ut prefatum fratrem Vincentium cogant etc. Datum Pisis, 25 octobris 1481.

→...|65v|