|80r|

Frater Albertus de Bellays, conventus ferrariensis provincie Sancti Dominici, fuit assignatus studens theologie in convenu perusino, cum omnibus graciis etc., et mandatur presidenti conventus, simul et regenti, ut eum recipiant. Datum Florentie, die xij augusti 1483.

Frater Andreas de Suncino, conversus, fuit assignatus in conventu pistoriensi, et mandatur presidenti conventus quatenus ipsum recipiat. Datum Florentie, die ut supra.

Priorisse ac sororibus monasterii Sancti Iacobi de Ripolis precipitur in virtute Spiritus sancti et sancte obedientie ac sub pena excomunicationis late sententie quatenus de cetero non recipiant aliquam puellam in monasterio nisi de speciali licentia magistri rev.mi. In contrarium facientibus non obstantibus quibuscunque. Datum Florentie, die ut supra.

Frater Vincentius Bernardi de Brunetis potest gaudere omnibus bonis mobilibus et inmobilibus que acquisivit hucusque stando in monasterio Sancti Iacobi de Ripolis et in futurum acquiret existendo in eodem; et post eius mortem vult rev.mus magister bona sua ??? pertinere ad monasterium predictum, absque contradictione alicuius me inferioris. In contrarium facientibus non obstantibus quibuscunque. Datum Florentie, die ut supra.

Fratri Bartholomeo de Lucca precipitur in virtute Spiritus sancti et sancte obedientie ac sub pena excomunicationis late sententie quatenus infra octo dies a notitia presentium debeat restituisse et consignasse priori phesulano, vel Sancti Miniatis loco eius, sex decem libras quas habuit a quadam sorore tercii habitus, que obligabatur fratri Angelo de Panico in libris 31, omni excusacione postposita. Datum Florentie, die xij augusti 1483.

Magister Stephanus Benincasa, prior conventus Sancte Marie Novelle de Florentia, fuit factus vicarius monateriorum videlicet Sancti Iacobi de Ripolis, Sancti Dominici in Cafagio et Sancti Iuliani, cum plenaria potestate faciendi ea que conducunt ad bonum regimen monasterii, etiam cum invocacione auxilii brachii sacularis; et mandatur omnibus monialibus in virtute Spiritus sancti ut ipsum recipiant prout vicarium [vicario cod.], eidemque obediant. Datum Florentie, die ut supra.

Magistro Symoni de Bertis, conventus Sancte Marie Novelle, mandatur in virtute Spiritus sancti et sancte obedientie ac sub pena privationis omnium gratiarum ordinis quatenus nullo modo acceptet aliquam predicationem pro quadragesima futura nec aliud habeat in mandatis. In contrarium facientibus non obstantibus quibuscunque. Datum Florentie, die ut supra.

Frater Blasius de Florentia potest recipere ordinem sacerdocii in xxij anno completo, dummodo reperatur ydoneus, gravando in hoc conscientiam presidentis. Datum Florentie, die xij augusti 1483.

|80v|

Frater Valentinus de Ungaria, provincie Ungarie, fuit assignatus ad legendum Sententias in conventu Sancte Marie Novelle cum omnibus graciis etc., pro forma et gradu magisterii pro tertio anno, et mandatur presidenti et regenti quatenus ipsum benigne recipiant. Datum Florentie, die ut supra.

Soror Constantia Iohannis domini Salustii de Buongulglelmis, monialis monasterii Sancti Dominici in Cafagio, succedit in cella sororis Oreste de Bonacorsis matris spiritualis, sine contradictione alicuius inferioris, non obstantibus quibuscunque, quam potest habitare toto tempore vite sue; et mandatur priorisse in meritum(?) obedientie salutaris ut adveniente morte dicte sororis, dictam cellam consignet(?) dicte sorori Constantie. Datum Florentie, die ut supra.

Magistro Symoni de Bertis, conventus Sancte Marie Novelle de Florentia, conceditur prima cammera vacans quam duxerit acceptandam in eodem conventu; et mandatur presidenti conventus in virtute sancte obedientie quatenus debeat eidem consignare, ordinacionibus et aliis concessionibus per rev.mum magistrum vel inferiorem non ostantibus, de quibus derogat. Et nullus inferior aude<a>t inpedire. Datum Florentie, die ut supra.

In conventu Sancte Marie Novelle de Florentia fuit approbata sententia data contra fratrem Benedictum Doni in favorem conventus super raciocinia magistri Antonii et ipsius fratris Benedicti in centum xxvj libris visa per patres et provincialem, et mandatur predictis patribus in virtute Spiritus sancti et sancte obedientie quatenus assignent terminum fratri Benedicto ad solvendum; infra quem terminum, vult rev.mus magister ipsum satisfacere conventui. Datum apud Podium Bon<i>cii, die xiij augusti 1483.

Priorisse ac ceteris monialibus monasterii Sancti Dominici de Florentia precipitur in virtute Spiritus sancti et sancte obedientie ac sub pena excomunicationis late sententie quatenus nulla audeat mictere gallinas in ortum monasterii, ac sub eisdem penis ante festum Nativitatis Domini debeat unaqueque consignare x solidos pro filatura acrie(?) monasterii; et si que contrarium fecerit, non possit absolvi a predictis(?). Datum Senis, xvij augusti 1483.

Frater Theodoricus Nicolay, conventus livardensis provincie Saxonie, fuit assignatus studens theologie in conventu senensi in Campo Regio, cum omnibus privilegiis; et mandatur presidenti conventus ut ispum recipiat. Datum Senis, die xviij augusti 1483.

Frater Baccius Fabiani, conventus Sancti Dominici in Campo Regio de Senis, potest ubique stare extra ordinem et officiare ecclesias et cappellas et ministrare sacramenta; et nullus inferior potest ipsum molestare, licet in territorio senensi non possit stare nisi de volutate dominii; subicitur tamen priori conventus in cuius terminis moratur. Datum Senis, die xviiij augusti 1483.

Priori et patribus Sancti Dominici de Senis in Campo Regio precipitur in virtute Spiritus sancti et sancte obedientie, priori ??? sub pena absolucionis, patribus vero sub pena gravioris culpe, quam ipso facto incurrant, quatenus nullo modo teneant fratres istos in conventu, scilicet Bacium Fabiani, Christoforum Bartholomei, Paulum de Senis; nec etiam permittant ipsos stare in civitate senensi nisi aliter ordinetur per rev.mum magistrum; et precipitur eisdem fratribus in virtute Spiritus sancti et sancte obedientie ac sub pena privationis filiationis conventus quatenus obediant eis cum effectu; et privatur frater Paulus predictus cella sua et conceditur fratri Andree Francisci de Senis ad instantiam patrum, et quam habitare potest toto tempore vite sue, absque constradictione inferioris. Datum Senis, die xviiij augusti 1483.

|81r|

Priori conventus Sancti Dominici de Senis in Campo Regio datur facultas ut ubicunque in territorio senensi inveniat fratres questuantes vel commorantes extra ordinem sine licentia rev.mi magistri, capere eos faciat et carceribus intendat, et illos detineat donec placeat pirori predicto et patribus. In contrarium facientibus non obstantibus quibuscunque. Datum Senis, die ut supra.

Fratri Iohanni Baptiste de Senis facta est commissio ut possit capere et capi facere ubicunque inveniat fratrem Marcum de Regno, invocando - si opus fuerit - auxilium brachii secularis. Datum Viterbii, die xxv augusti 1483.

Frater Iohannes Martini, conventus hildensem(ensis) [= Hildesheim] provincie Saxonie, fuit assignatus studens theologie in conventu Sancti Dominici de Senis in Campo Regio pro rata provincie Grecie, et mandatur presidenti conventus quatenus ipsum recipiat. Datum Viterbii, die xxvj augusti 1483.

Fratres videlicet Vincentius de Urbeveteri, frater Petrus Paulus de Narnia, frater Rosatus ac frater Iohannes Dominici de Viterbio fuerunt assignati Senis ad proficiendum in artibus liberalibus, et mandatur presidenti conventus quatenus ipsos benigne recipiat; et mandatur eis ut quamtocius vadant ad conventum predictum. Datum Viterbii, die xxvj augusti 1483.

Filiatio fratris Cosme de Aretio in conventu Aretii facta ratificatur, approbatur et confirmatur, ac iterum fit filius nativus predicti conventus; in contrarium facientibus non obstantibus quibuscunque, etiam si de eis esset hic fienda specialis mentio et expressa; et mandatur presidenti dicti conventus in virtute Spiritus sancti et sancte obedientie quatenus eum tamquam verum filium recipiat. Datum Viterbii, die xxvj augusti 1483.

Magister Valentinus de Camereno fuit institutus regens conventus perusini, cum omnibus graciis et privilegiis et inmunitatibus talibus dari consueuit; et mandatur ei in virtute Spiritus sancti et sancte obedientie quatenus hoc onus acceptet, et mandatur presidenti conventus ut ipsum recipiat. Datum Rome, die 3^a septembris 1483.

Frater Bonifacius de Viterbio, conventus viterbiensis, fuit citatus cum precepto et penis videlicet gravioris culpe, privationis omnium bonorum et omnium gratiarum ordinis et excomunicationis late sententie, a qua non possit absolvi nec a magistro rev.mo nisi excepto mortis articolo, quatenus infra quatuor dies a notitia presentium debeat comparere coram magistro rev.mo; et mandatur priori conventus sub eisdem penis ut minime eum retineat in conventu, non obstantibus quibuscunque etc. Datum Rome, die ut supra.

Fratri Pacifico, priori conventus Viterbii Sancte Marie ad Gradus, et magistro Dyonoro, priori conventus Sancte Marie de Quercu, co(mmitti)tur ut videant causam fratris Marci de Tyano qui est in carceribus, et habent auctoritatem compellandi ipsum et fratres utriusque conventus viterbiensis quod veritatem investiga??; et quia frater Iohannes Baptista de Senis inculpatur de eodem defectu sicut frater Marcus, debeat etiam causam ipsius examinare; et mandatur ipsis in virtute Spiritus sancti et sancte obedientie ac sub pena excomunicationis late sententie quatenus nullum secularem admittant pro commissario in hac causa, nec permittant quod aliquis invocet seculares, alia puniant ipsos. In contrarium facientibus non obstantibus quibuscunque. Datum Rome, die ut supra.

|81v|

Frater Hugolinus de Cortonio, conventus cortoniensis, potest stare per quatuor menses in Sancto Clerico in ecclesia Sancte Marie, deinde redire ad conventum suum. Datum Rome, die quinto septembris 1483.

Fratri Iohanni Baptiste de Senis, conventus Sancte Marie de Quercu, mandatur in virtute Spiritus et sancte obedientie ac sub pena excomunicationis late sententie quatenus infra duos dies appareat coram magistro rev.mo; et mandatur priori sub eisdem penis quatenus eum minime retineat in  conventu. Datum Rome, die x septembris 1483.

█  qui termina in AGOP IV.6 la sezione relativa alla prov. Romana  █

- in bianco il resto dellla pagina -

Nota vagante! f. 89r (26.VI.1481, prov. Regni) «fr. Nicolaus Iacobi de Petra fuit assignatus Perusie pro studente artium cum gratiis et exemptionibus studentium theologie»; f. 93r (18.I.1482, prov. Regni) «fr. Nicolaus de Petra Molari fuit assignatus in conventu Sancte Marie de Vinea de Petra [Pietravairano, pr. Caserta]..., et est dispensatus in 22 anno etatis(?) cantare primam missam in sua terra de Petra».

finis