AGOP IV.7

|f. 2r| Registrum rev.mi magistri generalis ordinis Predicatorum videlicet magistri Barnabe Saxonis de Neapoli, ceptum Venetiis in conventu Sanctorum Ioannis et Pauli anno Domini Mcccclxxxvj, die xxviij iunii, in vigilia Sanctorum Apostolorum Petri et Pauli, quo die dictus rev.mus magister fuit electus in magistrum generalem unanimi consensu, per viam scrutinii et libere cum magna omnium concordia et pace, ab electoribus qui ibidem aderant numero xxxviij. Que electio adeo pacifica, concors et quieta fuit ut in memoria hominum non sit aliam [sic] umquam tanta pace et libertate celebratam.

|f. 2v| Ordo provinciarum secundum numerum et ordinem earum, iuxta cursum registri et literas quibus in registro signantur, et quoto folio unaqueque reperiatur.

1   A   Provincia Ispanie, folio 3

2   B   Provincia Tholosana, folio 10

3   C   Provincia Francie, folio 20.

4   D   Provincia Sancti Dominici, folio 30

5.  E   Provincia Romana, folio 40

6   F.  Provincia Regni Sicilie, folio 50

7   G   Provincia Theutonie, folio 60

8   H   Provincia Trinacrie, folio 70

9   I   Provincia Ungarie, folio 80

10   K   Provincia Polonie, folio 90

11   L   Provincia Anglie, folio 96

12   M   Provincia Grecie, folio 100

13   N   Provincia Aragonie, folio 106

14   O   Provincia Dacie, folio 116

15   P  Provincia Provincie, folio 122

16   Q   Provincia Terre sancte, folio 130

17   R   Provincia Lombardie superioris, folio 139

18   S   Provincia Boemie, folio 150

19   T   Provincia Dalmatie, folio 156

20   V   Provincia Saxonie, folio 164

21   X   Provincia Portugallie, folio 176

22   Y   Provincia Scotie, folio 186

23   Ç   Provincia Ibernie, folio 190.

Provincia Romana,
AGOP IV.7, f. 40r (unico folio)

|40r|

Priori Sancte Marie ad Quercum de Viterbio mandatur sub pena absolutionis ab officio ut infra diem naturalem expellat fratrem Iohannem de Brixia a predicto conventu, et mandatur dicto fratri Iohanni sub pena excomunicationis late sententie ut quantotius exeat dictum conventum et comitatum viterbien(em). Venetiis, 4 iulii 1486.

■ E.: a inizio pagina, lato sinistro,  lettera denotativa della prov. Romana, secondo l'Ordo provinciarum.

Prioribus et presidentibus omnibus quorumcunque conventuum, tum reformatorum quam non reformatorum provincie Romane, mandatur sub privatione officii - quam ipso facto contrafacientes incurrant - et gravioris culpe ut infra octo dies a notitia posquam fuerint requisiti a priore provinciali, vel cui ipse commiserit, debeant sibi omnes contributiones solvisse usque ad 1486 inclusive, vel composuisse pacifice, aliter dictas penas incurrisse declarantur; et mandatur fratribus vocalibus ut infra mensem ad alterius electionem procedant, non obstantibus etc. Venetiis, 5 iulii 1486.

Magister Stephanus Benincasa fit vicarius magistri ordinis super monasterium Sancti Petri Martiris de Florentia cum potestate omnia faciendi que magister ordinis, et removetur dictum monasterium a potestate cuiuscunque alterius. Et nullus etc., non obstantibus etc. Venetiis, vi iulii 1486.

Frater Vincentius de Pisis potest stare extra ordinem et omnia facere que honestati conveniant etc., non obstantibus etc. Venetiis, vij iulii.

Rev.mo domino domino Oli(verio) episcopo sabinensi, sacrosancte romane ecclesie cardinali, ordinis protectori, commictitur omnis summa totius ordinis et omnes auctoritates magistri ordinis, et mandatur omnibus fratribus ut sue R. D. obedientes sint in omnibus et per omnia. Non obstantibus etc. Venetiis, vj iulii.

■ Oliviero Carafa, vescovo di Napoli dal 1458, cardinale dal 1467, † 1511 (HC II, pp. 14 n° 3, 200).

Frater Dominicus Ghent, conventus Minerve, potest visitare parentes, et assignatur in conventu bruxellensi provincie Theutonie. Venetiis, ix iulii 1486.

Idem, casu quo ibidem manere non possit, potest repici in quocunque conventu Fran(cie), Theutonie vel Saxonie. Ut supra.

Idem potest cantare primam missam in ordine vel extra, et elemosinas recipere pro subsidio studii et tenere in usus suos, et omnes porrigentes sibi manus adiutrices recipiuntur ad beneficia ordinis. Ut supra.

Idem potest sibi eligere confessorem et electum mutare, et quater in anno absolvi plenarie, exceptis revelatione secretorum ordinis, conspiratione in magistrum ordinis et exco(munication)e lata ab ho(min)e quam scienter incurrerit. Venetiis, ut supra.

Frater Prosper de Roma potest pro sustentatione studii sui ire predicatum(?) quocunque vocatus fuerit in quadragesima, et omnia facere que honestati conveniant et eclesias pro subsidio studii sui recipere et exponere, et tamen ad conventum papiensem, ubi assignatus est per capitulum generale, redire. Et nullus etc., non obstantibus etc. Venetiis, ut supra.

Frater Dominicus Ritius de Florentia fit iubilarius. Et nullus etc., non obstantibus. Venetiis, die 9 iulii 1486.

■ fra Domenico di Gherardo dei Ricci da Firenze, † 17.VII.1518. CrSMN n° 779.

Frater Alexander de Florentia assignatur Venetiis in conventu Sanctorum Iohannis et Pauli. Venetiis, 26 iulii 1486.

Frater Matheus Romanus confirmatur iubilarius et assignatur in conventu Sanctorum Iohannis et Pauli de Venetiis, et potest confessiones audire in eccleisa, capitulo, cella et alibi, iuxta morem conventus, et elemosinas in usus suos exponere, et ter in anno plenarie absolvi. Et nullus etc., non obstantibus etc. Venetiis, ut supra.

Idem potest stare extra ordinem et omnia que honestati conveniant facere. Et nullus etc., non obstantibus etc. Ut supra.

Frater Alexander de Florentia potest audire confessiones utriusque sexus et elemosinas recipere et in usus etc., et ter in anno plenarie absolvi. Et nullus etc., non obstantibus etc. Ut supra.

Frater Iohannes de Florentia potest audire <confessiones> utriusque sexus, et ter ipse absolvi plenarie. Non obstantibus etc. Venetiis, 28 iulii 1486.

█  qui termina in AGOP IV.7 la sezione relativa alla prov. Romana  █

finis