AGOP IV.9

|f. 1r| Registrum literarum rev.mi magistri ordinis Predicatorum videlicet magistri Ioakini Turriani Veneti, theologi sapientissimi, qui Venetiis in conventu Sanctorum Ioannis et Pauli unanimiter ab omnibus electoribus per viam scrutinii electus fuit in vigilia Pentechostes, die scilicet secunda mensis iunii Mcccclxxxvij.

Ordo et numerus provinciarum secundum cursum registri et literas alfabeti sub quibus litere in registro signantur, ex quoto queque provincia signetur folio videlicet:

1   A   Ispania follio 2

2   B   Tholosa, folio 10

3   C   Francia, folio 22

4   D   Sancti Dominici, folio 48

5   E   Roma, folio 72

6   F   Regni Sicilie, folio 94

7   G   Theutonia, folio 114

8   H   Trinacria, folio 135

...

22   Y   Scotia, folio 302

23  Z   Ibernia folio 303.

Provincia Romana,
AGOP IV.9, ff. 72r-87v

|72r|

Frater Dominicus Ioannis de Florentia assignatur in Sancto Miniate et po<te>st ire ad scolas secularium, et in quadragesima ire ad predicandum. Et nullus etc. Venetiis, x iunii 1487.

■ E. Roma: a inizio pagina, lettera E denotativa della prov. Romana, secondo l'Ordo provinciarum. Tardiva aggiunta: 1487.

Frater Iacobus de Pistorio potest in quadragesima ire ad predicandum, et elemosinas pro subsidio studii rentinere. Non obstantibus etc. Ut supra.

Frater Gregorius conventus lucensis potest stare extra ordinem etc. Ut supra.

In monasterio Sancti Dominici de Florentia revocantur omnes concessiones et litere super seccessionem camerarum cuicunque hactenus facte vel in posterum fiende, et mandatur ut servent antiquam consuetudinem, etc.

In monasterio pratensi mandatur priorisse sub absolutione ab officiis, et aliis monialibus sub excomunicatione late etc. et a qua nullus inferior etc., quatenus nulla audeat recipere aut procurare quod aliqua recipiatur in monasterio nisi solvat pro dote centum ducatos auri latos, nec aliqua possit esse magistra nisi attigerit  xl^m annum, et que habet unam discipulam non possit habere aliam. Venetiis, ut supra.

Frater Sebastianus de Spoleto, bachalarius, completa lectura potest in universitate perusina magistrari etc. Venetiis, ut supra.

Mon(ialibus) Sancti Dominici de Pisis conceditur ut possint de quocunque conventu eligere sibi confessorem ordinis gratum, qui iuxta morem dicti monasterii audiat confessiones et absolvat et sacramenta ministret, donec aliter provideatur.

Mon(ialibus) Sancti Pauli de Pisis conceditur per omnia ut supra.

Presidenti conventus lucani mandatur, sub excomunicatione late sententie et absolutione ab officio, ut quantum potest curet expellere magistrum Ludovicum de Luca et fatrem Petrum de Mas?? de terminis conventus lucani.

Mon(ialibus) Sancti Dominici de Pisis preficitur in vicarium et confessorem frater Dominicus de Lolio, et potest omnia que huius monasterii vicarii ibi consueverunt, et absolvitur omnis alius; et quicquid exinde datum ei fuerit, sibi ad usum conceditur. Et nullus etc., non obstantibus etc.

Pre?? frater Ieronimus de Castello potest stare extra ordinem et elemosinas in usum etc., et bis in anno absolvi plenarie. Non obstantibus etc. x iunij.

Hic debet registrari litera que est in D folio 48 ad tale signum E.

■ La denominazione delle province per lettere, e rispettivi numero di folio,  permette d'intendere questa criptica correzione: "Quella lettera registrata erroneamente nella sezione della provincia San Domenico va trasferita qui, nella sezione della provincia Romana".

Frater Guido, conventus Sancte Marie Novelle, assignatur in suo conventu et deputatur in socium fratris Martini Pacini. Et nullus etc., non obstantibus etc.

Frater Prosper de Roma assignatur studens Ferra(rie), cum exemptionibus studentibus theologie in studiis generalibus solitis etc. Venetiis, xj iunii.

In conventu Sancti Miniatis mandatur presidenti et fratribus sub pena absolutionis et excomunicationis late etc., a qua non possint nisi per magistrum ordinis etc., ne bona sacristie et librarie extra conventum commodent, nisi de consensu maioris partis, et cum pignore equivalente et cautione indemnitatis. Non obstantibus etc. Venetiis, xvj iunii.

Frater Alexander de Florentia assignatur in conventu Minerve, etc.

Frater Rainerius de Pisis, conversus, potest ex obedientia in itinere constitutus causa necessitatis morare apud quascunque personas, etiam seculares, et pro subsidio suo artem sutoriam iterum exercere. Et nullus etc. Venetiis, xvij iunii.

Idem assignatur Pisis etc. Ut supra.

Frater Vincentius de Civitate (Vetu)la assignatur Luce etc. xx iunii.

Frater Ioannes Francisci, conventus Sancte Marie Novelle de Florentia, assignatur in suo conventu, et mandatur presidenti ut eum recipiat. Non obstantibus etc. Venetiis, xx iunii.

Magister Laurentius de Gherardinis de Florentia potest quater in anno plenarie absolvi et tenere socium sibi gratum, comedere in camera, in cibariis(?) et lineis uti dispensationibus ac etiam pecuniis in tenendis iuxta discretionem suam; et eadem omnia conceduntur fratri suo fratri Augustino.

|72v|

1487

Magister Laurentius de Florentia potest tenere cameram in conventu Sancte Marie Novelle et gaudere in dicto conventu privilegiis aliorum magistrorum, non obstantibus quod habeat beneficium, cum hec eadem habuerit ab aliis generalibus et multa in conventu fecerit; et potest attendere ad hospitale Sancte Marie Nove cum  socio sibi dato ab hospitali vel domino hospitalis. Et nullus etc., non obstantibus etc. Venetiis, xx iunii.

Soror Maria, soror Albiera, soror Agnes et soror Bartholomea, monasterii Sancti Dominici, iuxta concessa ab aliis magistris, possunt quater in anno plenarie absolvi, et uti dispensationbius in ieiuniis, cibariis, vestibus, pecuniis et similibus, iuxta discretionem earum. Et nullus etc., non obstantibus etc. Venetiis, ut supra.

Magister Ioannes de Roma confirmatur in vicariatu Societatis Terre Peregrinantium et inquisitione dicte Societatis, cum potestate prioribus provincialibus et inquisitoribus consueta, et potest omnia que magister ordinis etiam si mandatum etc.; et mandatur omnibus sub pena transgressoribus preceptorum debita ut illi omnia ad dicta officia pertientia infra terminis ab ipso constituendis fideliter resignent. Non obstantibus etc. Venetiis, xxj iunii.

Idem habet literas cum precepto omnibus conventibus, locis et fratribus dicte Societatis, sub excomunicatione late etc., ac etiam alexandrino cappellano fratri Ioanni iuniori de Cuffa [= Caffa?], et sub pena absolutionis ab officiis, a quibus non possint ab aliquo inferiore etc., ut infra terminum ab eo constituendum debeant ei integras solvisse contributiones secundum consuetudinem, vel pacifice convenisse; et declaratur quod conventus Chii tenetur ord(ini) a die sui vicariatus usque ad diem quo litere magistri Barnabe super institutione alterius vicarii in dicto conventu le(cte?) fuerunt, et deinde a die quo pa(ten)tes in provincia legent(ur) usquequo in vicariatu permanserit. Et ide<m> potest inquirere super bona fratrum defunctorum per penas ecclesiasticas et censuras, usque ad excomunicationem et absolutionem ab officiis, incarcerationem et spoliationem bonorum, et omnium aliorum que magister ordinis posset, invocato etiam etc.; et mandatur omnibus sub censuris et penis superius promulgatis ut infra 8 dies quilibet restituat vel denumpiet si quid habet vel scit de predictis bonis, vel componat pacifice. Et mandatur fratri Bartholomeo de Mantua converso, sub predictis censuris et penis, ut infra predictum terminum restituat eidem 4^or ducatos, quos habet, fratris Guillelmi de Clarasco. Et nullus etc., non obstantibus etc. Ut supra.

Frater Dominicus Florentinus, conventus Sancte Marie Novelle, assignatur in conventu Candide provincie Grecie, non obstantibus etc. 25 iunii.

Sorori Lene de Buon del Monte, monasterii Sancti Dominici de Florentia, conceditur camera primo vacans que sibi iuxta morem monasterii debeatur, non obstante quod alteri per literas - ut dicitur - fuerat concessa; et mandatur priorisse pro tempore et matribus de consilio sub pena transgressoribus preceptorum debita ut - cum primum vacaverit - ei consignent cum effectu. Et nullus etc., non obstantibus etc. Venetiis, 30 iunii.

Soro(res) Lena mag(??)na de Buon del Monte, Margarita, Bartholomea, Agnes, Elisabet, monasterii Sancti Dominici de Florentia, possunt quater in anno plenarie absolvi, et cum eis dispensatur super cibariis et lineis vestibus, et possunnt scribere fratribus et tenere pecunias. Non obstantibus etc. Venetiis, xxx iunii 1487.

Frater Blasius de Lentiis assignatur Florentie in conventu Sancte Marie Novelle. Non obstantibus etc. Venetiis, 9 iulii.

Magister Gabriel Dominici, prior Sancte Marie Novelle, ex commissione apostolica per breve absolvitur a prioratu, et magister Simon Berti et eadem commissione instituitur vicarius electionis prioris cum plena facultate et potestate confirmandi sive cassandi electionem quotiens sibi videbitur. Venetiis, 28 iulii.

Magister Franciscus Viterbiensis assignatur Viterbii, et removetur ab omni alio conventu. Non obstantibus etc. Venetiis, prima augusti.

Magister Franciscus de Roma, prior conventus Minerve, habet literas sue absolutionis ad sui beneplacitum; postquam compleverit legandas etc., instituitur vicarius in predicto conventu et super electionem quousque prior fuerit presens  in conventu. Venetiis, 22 ottobris.

■ Queste due ultime voci sono aggiunte da altgra mano (nota discrepanza nella sequenza cronologica).

→|73r|