|87r|

1490

Frater Bernardus Lombardus, conventus tudertini, assignatur in conventu Sanctę Marię de Quercu, et deputatur ad custodiam capellę eiusdem. Perusii, 9 iulii.

Frater Iohannes Baptista de Senis potest exigere bona sua a quibuscumque personis. Senis, 13 iulii.

Mandatur priori et patribus conventus Sancti Miniatis, sub pena excomunicationis latę sententię, ne vendere sive alienare presumant bona immobilia conventus sine licentia generalis magistri. Perusii, 7 iulii.

Conceditur eisdem licentia ne possint duas petias terrę in collina existentes alienare, et de pretio creditoribus conventus satisfacere. Non ostantibus. Pisis, xvj iulii.

Conceduntur primę duę cellę dormitorii ex parte orientali conventus prefati, de assensu patrum, magistro Iohanni de Sancto Miniate cum potestate eas uniendi et reparandi. Pisis, eodem die.

Soror Batholomea de Porcariis, monasterii  Sancti Silvestri de Pisis, potest cum una socia annorum adminus quadraginta ire ad balneum aquę. Pisis, 18 iulii.

Priorissa monasterii Sancti Dominici de Pisis potest, in quibuscumque casibus occurrrentibus, eligere unum fratrem cui datur plenaria facultas. Pisis, 19 iulii.

Conceditur fratri Hieronymo, vicario generali conventuum reformatorum, quod possit dare conventui lucano licentiam quod possit commutare aliqua bona conventus ad livellum. Lucę, 20 iulii.

Frater Alberthus de Pistorio assignatur in conventu Minervę. Pistorii, 22 iulii.

Conceditur fratri Sebastiano Balthasaris, conventus lucani, cella quam sibi propriis pecunii<s> reparari fecit. Pistorii, eodem die.

Dirigitur litera fratri Hieronimo de Pistorio, priori conventus Montispolitiani, in qua conceditur sibi quod possit aliqua bona immobilia minus utilia alienare. Eodem die.

Precipitur, sub pena excomunicationis latę sententię, magistro Guilielmo Symonis de Florentia quod infra tres menses a notitia debeat, de 14 ducatis cum dimidio, Raynerio mercario florentino restituisse, prout in litera ipsius manu conscripta apparet. Florentie, 26 iulii.

Magister Ludovicus, provincialis romanus, purgatur ab infamia super expensis factis in capitulo provinciali Spoleti ultimo celebrati. Florentie, 26 iulii.

Frater Dominicus Iohannis, conventus Sanctę Marię Novellę de Florentia, assignatur studens theologie in conventu perusino. Florentie, eodem die.

Frater Nicolaus iunior de Luca fit supprior in conventu lucano, ne tamen a Congregatione Lombardię eximitur. Florentie, eodem die.

Hospitium Montispolitiani submictitur regimini vicarii generalis Congregationis. Florentie, 27 iulii.

Frater Iacobus, conventus Mevanię, potest retinere et recipere elemosinam sororum monasterii Sancti Benedicti eiusdem oppii, quam pro servitio suo dare tenentur. Florentie, eodem die.

Conceditur facultas fratri Petro de Urbeveteri. priori conventus Mevanię, quod ubicumque invenerit fratrem Antonium Florentinum - qui multa furta fecit in provincia -, ipsum capi faciat, cum auxilio brachii secularis. Florentie, eodem die.

Adiungitur sive submictitur locus Aquę Quietę curę provincialis romani. Eodem die.

■ locus sive hospitium Sancte Marie Aque Qu(i)ete, Aqua Cheta prope Modilianam: nell'appennino tosco-emiliano? appartenente al convento fiesolano? cf. IV.3, f. 61r (1474); IV.9, f. 78v; IV.10, f. 77r (1492). Cf. Divina Commedia, Inf. XVI, 94-102. Questo ospizio Santa Maria d'Acquacheta non sembra potersi identificare con gli insediamenti domenicani in Modigliana (prov. Forlì), appartenenti alla provincia della Lombardia inferiore: AFP 41 (1971) 405-06. La Cronica conventus Sancti Dominici de Fesulis OP potrebbe sciogliere i dubbi.

Frater Philippus Sciarpa de Pisis fit magister studentium pro duobus annis in conventu florentino. Eodem die.

Precipitur presidenti conventus pratensis pro tempore, sub pena absolutionis ab officio, ne permictat aliquem fratrem ibi non assignatum ire ad monasterium; et mandatur etiam priorisse, sub pena excomunicationis late sententię, ne aliquem fratrem introducat in monasterium sine licentia prioris provincialis vel eius vicarii, nec de facili aperiat porta<m> monasterii, nec sine maxima necessitate seculares in eodem introducat. Florentie, eodem die.

|87v|

1490

Commictitur fratri Hieronymo, conventuum reformatorum provincie vicario generali, quod precipiat duabus bighinis monasterii Sanctę Lucię quod se conferant Perusium ad monasterium inibi de novo fiendum. Et commictitur etiam sibi quod provideat eisdem de monasterio fiendo de uno confessore et patre. Et  potest moderari et interpretrari [sic] literas fratribus suę Congregationis datas usque ad ultimam informationem.

Precipitur omnibus et singulis fratribus extra ordinem in provincia commorantibus, sub penis privationis geratiarum et excomunicationis latę sententię, quatinus singulis annis dare teneantur pro subsidio provincię unum ducatum priori provinciali; de quibus omnibus coram diffinitoribus provincię in singulis capiltulis, provincialis rationem reddere teneatur. Florentie, 8 iulii.

Precipitur omnibus et singulis fratribus conventus florentini quod quicumque accepisset quendam librum medicinarum de cella fratris Ioannis Theutonici, ad fratrem Bernardinum de Novaria pertinentem, debeat eidem fratri Bernardino restitutere; et casu quo non inveniretur, pro bona ipsius fratris Ioannis confiscentur usque ad valorem illius libri. Ferrarie, 6 augusti.

Precipitur omnibus et singulis monialibus Sancti Iacobi de Ripolis, sub penis privationis veli et excomunicationis latę sententię, ut non presumat scribere neque recipere literas quibuscumque personis sine licentia priorisse, et primo sibi ostendant. Parisius, 4° decembris.

Datur plena auctoritas reverendo provinciali per totam provinciam et fratres eiusdem, non obstantibus quibuscumque literis. Parisius, 15 decembris.

finis