(2012) Regesta Leonardi de Mansuetis de Perusio 1474, 60r

⌂

Regesta litterarum
fratris Leonardi de Mansuetis de Perusio, 1474-1480

■ AGOP IV.3 (1474-79): Provincia Romana ff. 52-69, 125-129, 290-307 ■

|60r|

Frater Vincentius Mathei de Peruntis de Terracina habuit licentiam pro emendis libris ad studendum et pro aliis suius necessitatibus, bona et iura quomodocunque ad eum pertinentia vel proventura ex hereditate paterna vel materna vel alio quocunque iure, petendi et exigendi et in iudicio comparendi et procuratorem constituendi, et omnia faciendi pro recuperatione bonorum et iurium suorum quomodolibet ????, sine impedimento inferioris, nullis obstantibus. Datum Florentie, xxix novembris 1474.

Magister Dominicus Iohannis de conventu de Florentia habuit licentiam commedendi in cella cum socio sibi grato, et exeundi ad placitum et retinendi in cella seculares et religiosas personas pro homestis causis; et potest ire ad quemlibet conventum sue provincie et ibi morari quamdiu voluerit cum socio sibi grato, et ubique gaudeat gratiis magistrorum et eorum qui fuerunt provinciales; et potest eligere confnessorem qui eum absolvat et dispenset quotiens fuerit oportunum auctoritate rev.mi magistri. Nullus inferior molestet, nullis constitutionibus el ordinationibus obstantibus. Et predicta non possint revocari per generales revocationes nisi de presentibus literis fiat mentio specialis de verbo ad verbum. Datum Florentie, xxix novembris.

= Domenico di Giovanni da Corella (comume Dicomano, prov. Firenze): maestro in teologia 1434, † 27.X.1483 80enne. CrSMN n° 711. → rg1451.htm.

Frater Baptista Antonii de Florentia, conventus Sancti Marci, fuit assignatus in conventu Sancti Petri Martyris de Neapoli provincie Regni; potest tamen stare in Sancto Marco usque ad totum mensem ianuarii. Datum Florentie, 29 novembris.

Frater Dominicus Danielis de Pistorio fuit factus confessor et vicarius sororum monasterii Sancti Iacobi de Ripolis de Florentia, et potest eis celebrare et ministrare sacramenta, et de levioribus defectibus corrigere, maiora superioribus reservando. Datum Florentie die 30 novembris.

Frater Damianus Bartholi de Florentia, conventus Sancte Marie Novelle, habuit ad usum quoddam breviarium cuius secunda carta incipit "Mane astabo", et finit "Mortis sa??", et hoc post mortem magistri Dominici Iohannis(?), cuius dicitur esse dictum breviarium; et potest illo uti toto tempore vite sue, absque inferioris molestia. Datum Florentie, 29 novembris.

Magister Iohannes Caroli, conventus Sancte Marie Novelle de Florentia, qui ut sindicus et procurator monasterii Sancti Iuliani debet locare Iacobo Pellicionis(?) ad vitam suam et suorum filiorum masculorum legitimorum et naturalium quoddam predium, cum domo et aliis suis pertinentiis, positum in populo Sancti Stephani in Pane comitatus Florentie, prope pontem Rifredi secumdum iam pacta(?) habita; habuit licentiam dictum contractum celebrandi cum auctoritate magistri reverendissimi, et cum pactis et clausulis oportunis prout sue prudentie visum fuerit, appro<v>ando ex nunc quicquid in hac re gestum fuerit per ipsum magistrum Carolum. Nullus inferior impediat, nullis obstantibus. Florentie, 30 novembris.

■ Monastero San Giuliano a Montaione (1365), originariamente nel popolo Santo Stefano in Pane, presso torrente Terzolle, odierna stazione Rifredi. ASV, Reg. Suppl. 40, f. 149v (Urbano V, 13.IX.1363) dà licenza di costruzione. Poco dopo luglio 1376 si trasferì in città: Richa IV, 197-98; Necr. I, 614; II, 701a. MOPH XIX, 76-77. Cr SMN n° 448. Benvenuti, In castro 542 n. 33. Via Faenza, oggi suore Calasanziane nel poco rimasto, chiesetta dell’adorazione perpetua. Porzione su via Guelfa (già via dell’Acqua), ospizio Sant'Agnese. Olita, Giardini e orti (tesi di laurea) 102-04 (pianta). ASF, NA 1771, f. 135v (11.XII.1413) «in mon. Sancti Iuliani et Sancte Marie Urbane de Montaione… Andreas Iohannis… vendidit monialibus monasterii Sancti Iuliani et Sancte Marie Urbane de Montaione… unam domum cum puteo et palchis… positam in populo Sancti Laurentii de Florentia prope dictum monasterium, quibus a j° via, a ij° dicti monasterii muro comuni in medio…, a iij° in parte dicti monasterii et in parte ecclesie Sancti Iacobi de Campo Corbolino». Importante per la collocazione urbana.

Priorisse que pro tempore fuerit et sororibus monasterii Sancti Iuliani disctricte precipitur quod solvant et restituant paulatim quando possunt, in hoc gravando earum conscientias, magistro Iohanni Caroli libras lxxxij f. p., quas ipse solvit pro dotibus sororis Orfine et sororis Agnole, sicut omnes ipse sorores sunt confesse coram rev.mo magistro ordinis; et imponitur eis quod faciant eum contentum de predictis pecuniis. Florentie ut supra.

Soror Patientia Luce de Bardis, ad presens subpriorissa monasterii Sancti Iuliani de Florentia, habuit concessam cellam quam ipsa edificavit, toto tempore vite sue; et potest eam in omni casu et eventu concedere et dare sorori Alexandre, filie Iohannis de Verazzano, discipule sue, quam tunc possit inhabitare toto tempore vite sue. Nullus inferior molestet etc. Florentie ut supra.

Frater Martinus et frater Iacobus Pacini, conventus Sancte Marie Novelle de Florentia, habuerunt concessam sibi cellam toto tempore vite sue, quam edificavit frater Martinus in dormitorio inferiori iuxta fenestram; et nullus inferior etc. Invicem subcedant, sed Martinus principaliter. Florentie, prima decembris.

|60v|

Frater Thobias Philippi de Florentia conversus, novitius conventus Sancte Marie Novelle, habuit licentiam pro suis infirmitatibus accedendi ad conventum fesulanum et alium ubi sanitati consulat etc.; et potet revertere ad suum conventum Sancte Marie Novelle. Datum Florentie die ij decembris 1474.

Frater Salvator Pagni de Ara Nuova, conventus Sancte Marie Novelle, fuit assignatus in conventu Ravenne provincie Sancti Dominici. Datum ut supra.

Frater Paulus de Domo Nova de Mutina fuit assignatus in conventu Sancti Dominici de Pisauro. Datum Prati die iij decembris. Ponatur supra d. 46.

Con questo item (di pertinenza della provincia San Domenico di Lombardia) subentra mano nuova.

Frater Marcus Laurentii de Perusio habuit quod, quamdiu ex obedientia moratur in conventu pratensi, teneat cellam iam sibi concessam ibi in dormitorio inferiori, que olim fuit fratris Iohannis ser Dietaiuti de Prato, et que est deputata pro usu rev.mi magistri et rev.di provincialis, sicut eius superscripto docet, et quam cellam nunc inhabitat. Item habuit quod tempore quadragesime ac etiam alias possit cum uno socio exire ad predicandum, et interim dimittere cellam et res suas in custodiam cui voluerit; et semper cum redierit Pratum de licentia prelatorum, dictam cellam habeat sine impedimento inferioris, et nullis ostantibus. Datum Prati, iij decembris.

Frater Nicolaus Guilielmi de Prato fuit assignatus in conventu florianensi. Datum ut supra.

Conventus pratensis potest mittere ad questum in terminis conventuum florentini, fesulani, pistoriensis et aliorum, ubi ipsi conventus non facerent questum; et quod ipsi deferentibus alia(?) loca, ipse conventus querat, alias non, adeo quod nulli fiat iniuria. Datum ut supra.

Magister Iacobus Petri de Florentia de conventu Sancte Marie Novelle, cui a patribus dicitur fuisse concessa cella in dicto conventu, inter dormitorium superius et dormitorium inferius sita, que olim fuit magistri Angeli Laurentii, quam nunc inhabitat dictus magister Iacobus, habuit confirmationem dicte concessionis, et de novo est sibi concessa ad usum suum toto tempore vite sue, sine inferioris molestia etc. Datum ut supra.

Frater Antonius et frater Baptista de Serezana fuerunt assignati in suo conventu Sancti Dominici de Serezana. Datum Pistorii, iij decembris.

Priorisse et sororibus monasterii Sancti Nicolai de Prato fuit factum preceptum sub pena gravioris culpe quod de cetero nullam recipiant ad habitum sine dote unde possit vivere, que dos erit ad minus florenorum centum; et si secus fiat, sit irritum et inane; et contra facientes, ipso facto penam transgressi precepti et gravioris culpe incurrant. Nullus inferior mutet. Datum Prati, iij decembris.

Frater Iulianus Mariotti conventus Sancti Marci habuit licentiam standi extra ordinem et officiandi ecclesias et cappellas et recipiendi elemosinas, confitendi omnibus fratribus ordinis et ter in anno cum plenissima auctoritate magistri; et sit sub obedientia provincialis, in cuius terminis morabitur, si eum per grave delictum vel debitum conveniri oporteat. Nullus inferior, nullis obstantibus. Pistorii, datum iij decembris.

|61r|

1474

Frater Antonius Blasii de Ghoris de Venetiis, conventus Sancti Dominici de Fesulis, habuit licentiam standi in loco qui dicitur Aqua Cheta, prope Modilianam, per annum integrum, et assumere socium voluntarium et habentem licentiam a prelato suo; et si dictus locus infra annum ordini concedatur, servatis de iure servandis, possit ibidem perseverare donec ab ipso aliud disponatur, et potet confessiones audire, sacramenta ministrare, predicare, officiare, elemonsinas recipere; et potest ipse et socius confiteri cuicumque fratri et ad invicem et quatuor in anno, cum plenissima auctoritate rev.mi magistri; et sit sub obedientia illius prioris in cuis terminis est locus, si propter grave delictum vel debitum illum conveniri oporteat. Nullus inferior etc. Datum Luce die vij decembris 1474.

Frater Thomas de Fabriano habuit licentiam procurare et recipere elemisinas et pecunias pro <e>mendis his libris, scilicet summa pisana, interrogatorio archiepiscopi florentini et tractatu eiusdem de censuris, de restitutione et de ornatu mulierum; quos libros potest commutare in alios, et omnes sunt sibi concessi ad ususm toto tempore vite sue. Item sibi est concessa quedam bursa cum corporali et palla et prefationibus et canone; quam bursam diu tenuit et tenet. Sine molestia inferioris, nullis obstantibus. Luce, viij decembris.

Frater Antonius Blasii de Goris de Venetiis habuit licentiam predicandi in provincia Sancti Dominci de beneplacito provincialis, et confessiones audiendi, sacramenta ministrandi, elemosinas recipiendi pro usibus suis. Nullus inferior molestet, nullis obstantibus. Luce, viij decembris.

Frater Ludovicus Marci, conventus lucensis, fuit assignatus in studentem theologie, pro rata provincia huius, in conventu parisiensi cun gratiis consuetis. Datum Luce die viij^a decembris.

Datum qui in extenso, altrove quasi sempre abbreviato Dat.

Frater Ludovicus Marci predictus habuit licentiam predicandi per provinciam Francie, celebrare, confessiones audire, sacramenta ministrare, elemosinas recipere; et possit assignari in quocumque conventu in dicta provincia per prelatum. Datum ubi supra.

Frater Nicolaus Gabrielis, conventus lucensis, habuit licentiam predicandi in quadragesima et alio tempore in provincia Romana de beneplacito provincialis; et potest confessiones audire, sacramenta ministrare et elemosinas recipere, sine inferioris molestia. Datum ubi supra.

Frater Sebastianus Baldaxarris, conventus lucensis, habuit licentiam remanendi ter in ebdomada a matutinis, et quotidie a sexta et nona, propter lectiones quas debet audire, et etiam propter suas infirmitates. Nullus inferior molestet etc. Datum Luce, ix decembris.

Priori et fratribus conventus lucensis fuit factum preceptum quod si predicator ecclesie cathedralis cum socio stare voluerit in conventu, solvat pro tota quadragesima ducatos tres auri, et sit contentus cibis comunibus refectorii; alias non recipiatur. Datum ubi supra, x decembris.

Frater Ambrosius de Perusio habuit licentiam assumendi sibi unum socium voluntarium et sibi gratum ex fratribus ordinis, qui adiuvet eum in dicendo officio, in confitendo ad invicem et in aliis necessariis. Et nullus inferior impediat. Datum Pisis, x decembris.

Conventus pisanus habuit licentiam alienandi et vendendi domino Petro de Minerbettis quandam terram in loco "de' morti"(?), et insuper de aliis bonis facere omnem contractum, et convertere pretium in utilitatem conventus etc. Nullus inferior. Pisis 14 decembris.

|61v|

Frater Ludovicus de Pisis, prior Sancte Chaterine, fuit factus vicarius sororum monasterii Sancti Silvestri de Pisis cum plenissima potestate in spiritualibus et temporalibus, in capite et in membris, etiam velandi etc. Nullis obstantibus, nullus inferior etc. Datum Pisis, 14 decembris 1474.

Presidenti conventus Sancte Caterine de Pisis mandatur ne recipiat fratrem Petrum et fratrem Hieronymum de Cevoli de Pisis nisi tanquam hospites pro tribus diebus, et exeant cum licentia et socio sibi dato; et si permanserint in civitate vel terminis cum scandalo, possint puniri et capi a priore etc. Datum u<bi> supra.

Conventus pisanus fuit advocatus immediate sub cura rev.mi magistri, et exemptus ab omni inferiori; super quo conventu fuit factus vicarius frater Andonicus(?) de Pisis cum plenissima potestate, etiam assignandi fratres et expellendi etc. Datum Pisis ubi supra.

In conventu Sancte Marie Novelle de Florentia fuit statutum quod ad officia sacriste, bursarii, depositarii, camerarii, procuratoris, provisoris, visitatoris possessionum, yconomi, aliorumque officialium et ministrorum, presertim illorum qui circa temporalia occupantur, nullus assumatur nisi sit etatis ad minus xxx annorum, ac etiam prudenti religiosa conversatione, honestis moribus et clara fama et opinione ornatus; et qui aliter assumpti sunt, deponantur; et precipitur omnibus quod inviolabiliter observetur, et quicquid in contrarium factum fuerit, sit irritum et inane. Nullus inferior, consuetudinibus aliisque contrariis non obstantibus. Item fuit preceptum omnibus quod tempore divini officii nullus loquatur in ecclesia(?) cum secularibus, neque confesiones audiat sine expressa licentia presidentis; et qui contra fecerint, eius arbitrio puniantur. Datum Florentie die 29 novembris.

■ supra è aggiunto nel margine sinistro con tratto di riferimento a questo item, e ristabilisce l'ordine cronologico. Cf. Creytens, Santi Schiattesi, AFP 27 (1957) 228 n. 145.

Frater Santes, prior conventus Sancti Marci de Florentia, fuit factus iudex et commissarius inter conventum Sancte Marie Novelle et magistrum Guilielmum de Aquis et alios fratres qui dicuntur defraudasse conventum et commisisse crimina gravia; et insuper etiam dubium de eorum filiatione, et maxime de filiatione dicti magistri Guilielmi, cum plenissima potestate iudicandi de filiatione, de debitis et de criminibus, et propterea precipiendi, excomunicandi, incarcerandi et etiam invocandi brachium seculare, omniaque faciendi oportuna, etiam si mandatum exigerent speciale; et dantur sibi plenissime vices rev.mi magistri super predictis. Et precipitur sibi in virtute sancte obedientie quod quando fuerit requisitus pro parte dicti conventus, procedat secundum sibi traditam potestatem sine strepitu et figura iudicii, sola facti veritate perspecta. Et nullus inferior molestet, nullis obstantibus. Datum Senis, 17 decembris.

■ Guglielmo di Niccolò da Firenze, OP S. Marco 1440 ca. («alemannus, oriundus Florentie»), poi SMN. = mgr Guillelmus Nicolai de Aquis Teutonicus (Aachen), contestata affiliazione tra S.Marco e SMN 1478. MOPH VIII, 351/12-16, 351-52 (= ASMN I.A.3, f. 78v): capitolo generale Perugia 4.V.1478, i giudici nominati sulla questione sentenziano che maestro Guglielmo il Teutonico non è figlio nativo del convento SMN. Creytens, Santi Schiattesi, AFP 27 (1957) 226-30 (aa. 1474-75), 228 n. 145, 295.

Priorisse monasterii Sancti Dominici de Florentia mandatur quod faciat observari ordinationes alias factas dum eorum monasterium visitaretur nuper; et insuper infrascriptas, videlicet quod in choro et in mensa omnes sedeant in locis suis, et nulla commedat ante mensam, alias sedeant in terra semel in pane et aqua indispensabiliter. Nulla conversa loquatur in crata vel rota absque licentia obtenta, et tunc parentibus et consanguineis solum; alias contra faciens, accipiat vice(?) qualibet unam disciplinam, et sedeat interea in pane et aqua. Nulla dealbet filum sub pena arbitraria. Nulla soror loquatur cum parentibus alterius, sed sit suis contenta. Item mandat observari omnes sententias latas contra recurre<ntes> ad seculares vel revelantes facta ordinis; et contra facientes - tam sorores quam fratres - declara<n>tur excomunicate et pena gravioris culpe. Et revocantur omnes gratie que essent contrarie suis ordinationibus. Datum Senis, die 18 decembris.

→|62r|