|305r|

Frater Franciscus de Pistorio fuit factus vicarius monasterii Sancte Lucie de Pistorio cum plenaria potestate, etiam absolvendi priorissam et confirmandi, et nullus inferior potest eum amovere vel impedire. Datum Rome, xxiiij decembris 1477.

Frater Dominicus antiquior de Cortronio habuit propter iustas causas licentiam standi extra ordinem per tres annos etc., et bis in ianno etc. Datum Rome, 29 decembris 1477.

Frater Martinus de Tybure fuit pro suo profectu in moribus et in literis assignatus in conventu Sancte Marie ad Gradus de Viterbio. Datum Rome, 2 ianuarii 1478.

Uxor et soror ill.mi comitis Hieronymi potest ter in annno cum tribus sociabus intrare monasterium Sancti Sixti in Urbe. Datum Rome, viij ianuarii.

Item die ix habent quod quando volunt vadant etc.

Frater Thommas Christofori de Perusio fuit assignatus in conventu spoletano quousque provincialis de eo aliter ordinaverit. Datum Rome, ij ianuarii.

Magister Iohannes de Viterbio, qui est habilitatus de licentia ordinis, habet suffragia et gratias ordinis, et in socium fratrem Antonium de Bricaraxio; et potest quatuor in anno confiteri et alium socium assumere, et habet confirmationem camere et bonorum suorum; et quatuor admictuntur ad beneficia ordinis qui ei faveant(?) in expeditione bulle etc. Datum Rome, xv ianuarii.

Frater Antonius alias Antoniettus de Bricarassio provincie Lombardie habet licentiam standi extra ordinem et bis in anno confitendi etc., etaim Ianue, derogando etc. Datum Rome, xv ianuarii.

Frater Petrus Iuliani de Roma fuit vigore ??? electus et confirmatus in priorem conventus Terracine, cum plenaria solita potestate. Datum Rome, xj ianuarii.

Frater Dominicus Pippi Dominici de Florentia, conversus, qui fuit receptus ad habitum in conventu maiori florentino et professus in conventu Minerve, trasfertur ad conventum perusinum et ibi fit filius nativus; et potest exigere bona sua, quorum habet usum dum vixerit. Nullus inferior. Datum Rome, 19 ianuarii.

Frater Silvester Quirici de Barbarano habet licentiam standi per triennium - hodie incoandum - cum rev.do domino episcopo cornetano in eccelsiis suis ad officiandum, et semel potest in anno confiteri. Nullus inferior, in forma solita. Datum Rome, 29 ianuarii.

Frater Ugolinus Petri Pauli de Cortonio habet licentiam standi per biennium ad officiandum ecclesiam Sancti Bartholomei de Castro Loterii et in villis circumstantibus, et potest bis in anno confiteri. Datum Rome, viiij febuarii.

|305v|

Frater Laurentius Cole Iulietti de Roma habet licentiam petendi et exigendi omnia bona subi debita vel relicta, et comparendi in iudicio per se vel procuratorem, et ipsorum usum habet et potest etiam vendere et commutare pro suius necessitatibus quandium vixerit; et post mortem remaneant ordini. Datum Rome, xiij febuarii 1478.

Soror Ludovica de Roma, monasterii Sancti Sixti, potest dare discipule sue sorori Iohanne de bonis suis ad vitam; et pot mortem ipsius Ludovice. omnia bona sua remanet dicte sorori Iohanne, sine inferioris molestia. Datum Rome, xx febuarii.

Frater Martinus de Verona conversus, habitans Rome in conventu Sancte Sabine, habet licentiam acceptandi et exequendi executoriam et fidecommissariam si sibi iam sit facta vel fierit per Iohannem de Senis habitantem Rome in taberna trans Tyberim, cum plena auctoritate. Datum Rome, xxij febuarii.

Frater Dominicus et frater Thommas de Reate et frater Georgius, conventus reatini, habuerunt dispensationem ad sacerdotium infra x<xii> anno, si priori videatur. Datum Rome, 4 martii.

Frater Silvester Quirici de Barbarano  habuit licentiam sumendi ordinem sacerdotii etiam in xxij anno completo. Datum Rome, xij martii.

Magister Laurentius Thomme de Gheradinis de Florentia potest eligere et mutare socium qui semper sit conventualis ubi ipse, et possit cum eo aliquando comedere in cella propter suas infirmitates, et habeant portiones solitas a conventu; et donec socius habeat cameram, sit exemptus a matutinis. Nullus inferior. Datum Rome, xiij martii.

Frater Tuccius de Terracina habet licentiam standi extra ordinem. Datum Rome, 16 martii.

Domino Borghesio de Borgesiis, doctori senensi, datur auctoritas quod faciat capi fratrem Antonium de Bergomo Saturn? commorantem, eiusque bona a??? sub inventario ad instantiam rev.mi magistri. Datum Rome, 18 martii.

Frater Gabriel de Florentia, conversus conventus corton(iensis), fuit assignatus in conventu spolitano. Datum Rome, 28 martii.

Frater Petrus de Palonibus de Roma fuit assignatus in conventu pistoriensi. Rome, 31 martii.

Fratri Petro Dominico priori et fratri Dominico conventus narneensis precipitur sub pena absolutionis et excomunicationis late sententie quod solvant fratri Augustino de Roma id quod sibi debent infra xv dies, scilicet prior duc. 8 et frater Dominicus duc. 6, alioquin non possint absolvi(?). Datum Rome, 31 martii.

|306r|

Frater Anastasius Andree de Florentia, propter suas necessitates et ob gratiam ill.mi ducis Urbini, habet licentiam standi ubique extra ordinem usque ad aliud capitulum generale. Et nullus inferior. Datum Perusii, 28 aprilis 1478.

■ Carta 306r dal supporto macchiato e dal testo d'incerta lettura.

Frater Bartholomeus Andree de Arretio fuit translatus de conventu pisano ad conventum Sancti Dominici de Arretio, et ibi factus filius nativus cum omnibus suis bonis, sine inferioris molestia. Datum Perusii, xxj maii. Post capitulum.

Frater Petrus Boneti conventus Minerve fuit assignatus in conventu parisiensi in studentem theologie pro rata parovincie sue. Datum ut supra.

Magistro Dominico Bartholomei de Florentia et fratri Petro Francisco, priori conventus Sancti Miniatis, fuit commissa causa inter conventum Sancte Marie Novelle et fratrem Augustinum Thomme de Gerardinis de domo conducta; et quicquid illi iudicaverint, firmum maneat. Datum Perusii, xxj maii.

Predicator domus pistoriensis debet dare in quadragesima florenos duos, et prior conventus potest punire dis??? etc. Datum 21 maii.

Frater Cosmas de Aretio, compositor fenestrarum vitrearum, potest stare ubique extra(?) ordinem et officiare etc. Datum 22 maii.

Fratri Mariotto de Viterbio precipitur sub pena excomunicationis quod solvat infra xv dies 3 duc. fratri Gentili de Camerino, pro fratre Dominico Antonii de Viterbio, de pretio unis breviarii, si tenetur. Datum Perusii, 15 maii.

Precipitur omnibus fratribus conventus Sancte Marie Novelle sub pena excomunicationis late sententie quod qui habent libros scripture, pannos, pecunias(?) aut res alias dicti conventus, restituat infra sex dies etc. Datum Perusii, 15 maii.

Priori conventus Terracine datur facultas petendi quicquid sibi debetur in hereditate Matei Peronti, non obstantibus aliquibus literis qui revocantur. Datum Perusii, 16 maii.

Frater Gabriel, conversus conventus cortoniensis, fuit assignatus in conventu Sancti Dominici de Camereno. Datum Perusii, xviij maii.

Frater Laurentius de Sancta Maria Impruneta habet licentiam standi extra ordinem ubique. Datum Perusii, xvij maii.

Frater Gabriel Raphaelis de Florentia, conversus, potest exire provinciam et ire ad aliam. Datum 18 maii.

Frater Baptista Dominici de Senis potest ad triennium stare ubique extra ordinem. Datum x? maii.

Imponitur omnibus quod capiant fratrem Bartholomeum de Imola banditum et ??? ad restituendum breviarium fratri Beraudino(?) de Senis. Datum Perusii, 17 maii.

|306v|

Frater Petrus Dini de Florentia fuit assignatus pro primo anno in studentem honoris, in 2° vero in biblicum, in conventu perusino pro forma et gradu magisterii. Datum Perusie, xviij maii 1478.

Magister Simon Berti de Florentia potest accipere locum in castro Piscie, et sibi conceditur domus ibi iam acceptata, cum plenaria potestate. Datum 18 maii.

Frater Franciscus de Vetralla, conventus Sancte Marie ad Gradus de Viterbio, baccalarius florentinus, habuit licentiam summendi insignia magistralia ubique, etc. Datum Perusii, xx maii.

Priori conventus Sancti Petri Martyris de Asculo precipitur sub pena suspensionis quod nullum fratrem morantem extra ordinem recipiat in conventu; et si tales qui morantur extra ordinem in diocesi sua delinquerint, corrigat eos. xviij maii.

Frater Antonius de Pistorio fuit assignatus in conventu lucano. xxi maii.

Frater Iohannes Augustini de Sancto Miniate, baccalarius, habuit licentiam sumendi insignia magistralia in quacunque universitate. Datum Perusie, 22 maii.

Conventui pisano datur facultas vendendi bona ?? evidentem utilitatem conventus. Datum Perusii, xxiij maii.

Frater Albertus de Perusio fuit assignatus in conventu ferrariensi. 24 maii.

Frater Iulianus Angeli de Perusio habuit confirmationem omnium gratiarum preteritarum. 25 maii.

Frater Iacobus Parmensis, conversus de conventu cortoniensi, habet licentiam propter suas infirmitates morandi extra ordinem, et recipiendi elemosinas et semel in anno plenarie confiteri. Datum xxv maii.

Frater Iohannes de Sancto Miniate fuit assignatus in predicatorem future quadragesime in conventu Sancti Petri Martyris de Neapoli; potest(?) tenere socium cum quo ad invicem confiteri(?), et potest audire confessiones et recipere elemosinas, sine inferioris molestia. xxv maii.

Frater Matheus Bartholi, conventus perusini, fuit assignatus in coventu Sancti Marci de Florentia. 25 maii.

Magister Antonius Donati de Floriano, qui de licentia pape tenet beneficia, fuit receptus ad participationem suffragiorum ordinis in vita et in morte; et debet recipi in conventibus ad quos declinat, tanquam membrum ordinis. Datum Rome, iiij iunii.

Magister Petrus Antonius de Viterbio, prior conventus  Sancte Marie ad Gradus Viterbiensis, habuit literas sue gratiose absolutionis ad beneplacitum legendas, et fit vicarius conventus et potest alium confirmare et substituere vicarium ad predictum. Rome, 7 iunii.

Frater Nicolaus Mazzuoli, conventus Sancte Marie Novelle de Florentia baccalarius, habuit llicentiam sumendi ubique insignia maigstralia, sine inferioris molestia. Datum Rome, 6 iunii.

Frater Laurentius Zenobii de Narnea, qui a papa Sixto iiii^to habet beneficium in ecclesia Sancti Angeli de Stiphone(Sciphone?) propter studium, et iam sunt octo menses et ultra fuit receptus ad gratias ordinis, iterum recipitur ad gratias ordinis et suffragia in vita et in morte, et ad vocem activam, et assignatur in conventu suo narneensi, quandiu non fuerit alibi assignatus; et potest ubique assignari per provincialem. Datum Narnee, 27 maii.

■ Questo item è stato intergrato dalla medesima mano in fondo alla carta, utilizzando anche spazi dei margini laterali; relativo percorso geografico Perugia-Narni-Roma.

|307r|

Frater Petrus Antonius, prior conventus reatini, habuit in socium fratrem Paulum de Senis; qui sibi serviat, sine impediemnto inferiotis. Datum Rome, xj iunii 1478.

Frati Iacopo, suppriori conventus reatini, committitur quod dividat et componat inter fratrem Petrum Antonium et suum germanum Dominicum Sanctum Sancti Petri Nicolecte de bonis et iuribus paternis et maternis et aliis, et quicquid pertinet fratri Petro Antonio possideat ad vitam, proprietate conventui reservata; et conventus debet approbare quicquid faciat frater Iacobus in h?? parte, et nichil ultra petere a dicto Dominico Sancto vel eius heredibus. Datum ut supra.

Frater Angelus Philippi de Senis fuit assignatus in coventu Sancti Dominici de Neapoli in studentem artium, et dispensatur ad sacerdotium in xxij anno. Datum ut supra.

Frater Nicolaus Angeli de Viterbio baccalarius, prior conventus Sancte Marie de Quercu, potest expellere de loco fratres qui non essent exemplares et ??? pro conventu, non obstantibus assignationibus vel aliis; et potest alios corrigere et punire, et conventum regulare in plena forma. Datum Rome, 23 iunii.

Magister Valentinus de Camerino habuit literas sue absolutionis ab officio prioratus perusini ad beneplacitum, et fit tunc vicarius usque ad presentiam alterius prioris. Datum Rome, 3 iulii.

Frater Dominicus Nardi de Narnea habet licentiam standi per biennium hodie incohandum extra ordinem, et officiandi etc.; et commictitur sibi cura fratris M?? sui fratris, ut eum secum ducat vel mictat ad scolas etc.; et reservatur sibi sua camera in suo conventu Sancte Marie Maioris de Narnea etc. Datum Rome, 9 iulii.

Frater Iacobus Iacobi <       > de Mevania, prior conventus Sancti Iacobi de Mevania, habuit concessionem camere in suo conventu, que olim fuit fratris Ioahnnis Lombardi conversi, cum ortulo et cum statio pro ampliando etc., et toto tempore vite sue. Datum Rome, 15 iulii 1478.

■ Mevania = Bevagna.

■ Qui, fine f. 307r, termina la sezione prov. Romana del registro AGOP IV.3.

finis