|58r|

1474

Frater Benedictus Iacobi de Alleis de Florentia habuit licentiam morandi extra ordine in domo rev.mi episcopi vulterrani, vel patris sui per duos annos hodie incipiendos. Florentie 26 augusti 1474.

Prior et fratres conventus fesulani haabuerunt licentiam alienandi bona et convertendi pretium in utilitatem monasterii in alia bona vel pro aliis necessitatibus monasterii, non obstantibus quibuscumque in contrarium facientibus. Ubi supra.

Frater Iulianus Mariotti de Florentia fuit assignatus in conventu Minerve in Urbe. Ubi supra.

Frater  Franciscus Thomme de Florentia fuit assignatus in studentem theologie in conventu perusino. Ubi supra.

Magistro Guilielmo Simonis de Florentia fuit factum preceptum sub pena excomunicationis late sententie quod per totum mensem novembris proxime futurum solvat magistro Iacobo Petri duc. iiij^or, vel de ipsis contentum faciat magistrum Silvestrum Philippi de Florentia. Ubi supra.

Magister Laurentius Thomme de Gherardinis de Florentia, prior Sancte Marie Novelle, habuit licentiam quod sit sub immediata cura rev.mi magistri quoad absolutionem ab officio prioratus, et per nullum inferiorem magistro rev.mo potest absolvi; et declaratum irritum et inane quidquid secus factum fuerit, nullis obstantibus. Florentie, xxvj augusti.

Frater Blasius Laurentii de Florentia fuit assignatus Sancte Marie Novelle, et cassata omnis alia assignatio de eo facta. Ubi supra.

Frater Pertrus et frater Benedictus Christofori de Florentia habuerunt licentiam morandi in civitate Florentie per dies xxv, et habitandi in conventu Sacnti Marci vel fesulano, ubi locum commode invenire poterit. Ubi supra.

Frater Guilielmus Nicolai, magister, fuit assignatus in conventu lucensi in lectorem principalem. 26 augusti ubi supra.

Frater Iohannes Francisci Iuliani Casini fuit assignatus ibidem. 27 augusti.

Fratri Blasio de Prato fuit factum preceptum sub pena excomunicationis late sententie, a qua non potest ab inferiore absolvi, quod per totum mensem octobris reddat magistro Dominico Bartholomei quoddam commentum super Physicam Aristotilis in papiro, si sic est ut e? illud commodaverat sicut narratur. Prati, 28 augusti.

Fratri Andree de Venetiis, priori vulterrano, fuit factum preceptum sub pena excomunicationis late sententie quod solvat in sex dies Bartholomeo Nicolai Ghini bicchieraio lib. vij, sold. xviij, vel quicquid sibi debetur, vel cum eo componat, si verum est quod narratur. Prati 28 augusti.

Magister Amadeus de Pisis habuit confirmationem concessionis sibi facte de camera in conventu pratensi, ut patet supra 52 in principio, et fuit revocata omnis alia concessio facta in contrarium, et presertim concessio facta cuidam fratri Nicolao Napoleonis sub die 27 iulii, ut patet supra 55, qui dictam cameram impetravit tacita veritate. Prati die 28 augusti.

Frater Philippus de Turino, filius conventus pratensis, habuit concessionem cuiusdam camere que est in conventu pratensi, in dormitorio superiori, que olim erat ad usum prioris, postea fuit fratris Dominici Antonii de Prato, et habet super hostium imaginem Sancti Dominici, in ea potest habitare toto tempore vite sue absque inferioris molestia; concessione qualibet alia ceterisque contratiis non obstantibus quibuscunque. Prati die 28 augusti.

|f. 58v|

Frater Marcus Laurentii de Perusia fuit factus iubilarius, et quod sit in loco immediate post magistros, et exemptus a choro et officiis corporalibus ad que non possit cogi nisi quantum voluerit; potest ter in anno confiteri plenarie, et bona et res sibi concessas tenere, et alias recipere et exponere pro usu suo, et post mortem redant ad conventum suum. Nullus inferior molestet, nullis obstantibus. Prati die 28 augusti 1474.

Frater Iacobus olim Mariani de Castro Sancti Iohannis, diocesis fesulane, habuit licentiam morandi extra ordinem cum quibuscunque prelatis et dominis, et officiare cappellas et confessiones audire, sacramenta ministrare, elemosinas recipere et expendere pro suis necessitatibus; possit etiam ire contra infideles si sibi ab apostolica sede iniungatur, et nullus inferior molestet, nullis obstantibus; sit tamen sub obedientia prioris in cuius terminis morabitur, salvis supradictis. Ubi supra, 29 augusti. Habuit etiam confirmationem cuiusdam quasi similis gratie sibi concesse dum esset vicarius ordinis dictus magister Leon(ardus) de Perusio.

Frater Çenobius Lici della Casa de Florentia habuit licentiam recuperandi bona et iura materna et paterna, et propterea agendi in iudicio, revocando donationem quam dicitur fecisse Martialis contra iuris debitum, sine licentia dicti(?) fratris Çenobii et conventus sui; et dictorum bonorum habuit usum toto tempore vite sue, absque alicuius molestia inferioris, nullis obstantibus. Ubi supra, 29 augusti.

Presidenti et fratribus Sancti Martini, et priorisse et sororibus Sancte Margherite de Eugubio, fuit scriptum quod servarent ordinationem provincialis, videlicet quod nullus fratrum vadat ad dictum monasterium sine licentia prioris petita et obtenta, et cum confessore et vicario sororum, non obstantibus aliis literis factis die 3 huius mensis, ut supra 55, sub dat(um) Perusia. Prati, xxix augusti.

Frater Sebastianus de Luca habuit preceptum sub pena exomunicationis late sententie quod infra octo dies reddat sorori Marie, monasterii Sancti Nicolai de Prato, sold. xlviij, quos sibi dedit pro emendo panem, si ita est. Ubi supra, xxx augusti.

Soror Therana de Stroççis, sanctimonialis monasterii Sancti Nicolai de Prato, habuit licentiam vendendi terras de Grignano et Sancti Petri, et commutandi in usum alia bona utiliora monasterio, absque inferioris impedimento. Prati, ultima augusti.

Frater Martinus Donati, de conventu Sancte Marie Novelle, habuit licentiam recuperandi bona et iura sororis Bartholomee de Bardis, monialis Sancti Nicolai de Prato; et proptera operandi pro ea, in iudicio et extra, omnia oportuna; et quicquid recuperaverit, consignet ipsi sorori Bartholomee. Ubi supra.

Frater Marioctus Viviani de Prato, prior pratensis, habuit licentiam omnes fratres discurrentes per terminos suos, vel ad monasterium Sancti Nicolai accedentes sine sua licentia, corrigendi puniendi incarcerandi etiam cum brachio seculari, et de conventu fratres rebelles et onerosos expellendi, et ad se venientes recipiendi; sine inferioris molestia, nullis obstantibus. Prati, xxx augusti.

Sororibus Cassandre, priorisse, et Angele in monasterio Sancti Nicolai de Prato, et earum discipulis, licentia fuit concessa quod de pecuniis et bonis earum possint emere possessiones, quarum fructus sit ipsarum et suarum discipularum et consanguinearum in dicto monasterio; absque inferioris molestia, nullis obstantibus. Prati, ultima augusti.

|59r|

1474

Frater Iohannes Augustini de Sancto Miniate fuit institutus et assignatus in baccalarium pro forma et gradu magisterii pro secundo anno(?) in scola sacri palatii, cum gratiis et libertatibus consuetis. Prati, ultima augusti 1474.

Sororibus Magdalene et Fie monasterii Sancti Nicolai de Prato fuit concessus locus qui est ex opposito capituli a claustro, iuxta locum ubi soror Angela locum construxit. Prati, ultima augusti.

Magistro Laurentio Gherardino, priori Sancte Marie Novelle, fuit mandatum quod fratrem Benedictum Doni  de Florentia si appareat ipsum esse impudicum, sicut diffamatus est, carceri tradat nec relaxet absque licentia speciali rev.mi magistri; et eius bona notet et servet donec aliud habuerit in mandatis, precipiendo omnibus patribus et magistris dicti conventus in hoc sibi faveant; et precipitur omnibus <presid>entibus aliorum conventuum ut si ex parte prioris Sancte Marie Novelle fuerint requisiti, ipsum cap??  ??? priori subter(?) custodia transmittant. Bononie, iiij septembris.

Priorissis et sororibus mon(asterii) Sancti Iacobi de Ripolis et Sancte Lucie de via Sancti Galli de Florentia fuit scriptum quod possint recipere in uno suorum monasteriorum quandam puellam domine Nanne Lotti de Scarperia, non obstantibus defectibus natalium, in quibus despensavit magister ordinis, dummodo alias sit apta, et nulla alia impedimenta obsistant. Bononie, v septembris.

Magister Christoforus de Viterbio, provincialis romanus, institutus vicarius super provincia tholosana - ut patet supra 15 - habuit literas commendatitias ad omnes provincias et conventus ut benigne et honorifice recipiatur, cum suis sociis et animalibus, et dent sibi expensas; et sic fuit omnibus districte mandatum. Bononie ubi supra.

Magistro Laurentio Gherardini, priori conventus Sancte Marie Novelle de Florentia, precipitur quod omnes fratres qui ibunt ad Capitulum pinçocherarum in Gualfonda sine licentia petita et obtenta, vel qui habuerint familiaritatem et colloquia cum domno Leonardo Blaxii dicto Brucha(?), quem magister rev.mus non vult recipi in conventu et minus in cameris fratrum, incarceret et in graviori culpa ponat, nec relaxet absque licentia speciali magistri rev.mi; et he[sic] litere legantur in capitulo, ne quis per ignorantiam se excuset. Bononie ubi supra.

Priorisse et sororibus Capituli pinzocherarum in Gualfonda de Florentia fuit factum preceptum sub pena excomunicationis late sententie, a qua non possint absolvi nisi a magistro rev.mo, excepto mortis articulo, quod de cetero bona eis ab ordine in usum concessa non dent neque dimictant secularibus sed ad ipsum Capitulum omniter pertineant, non obstantibus literis in contrarium, quas revocavit magister. Bononie vj septembris.

Soror Maria de la Fioraria, priorissa Sancti Dominici de Florentia, habuit gratiam quod non possit ab inferiore absolvi ab officio prioratus ante tempus trium annorum in dicto officio. Bononie, v septembris.

Magister Laurentius de Florentia, prior conventus Sancte Marie Novelle, fuit institutus vicarius provincie Romane a rev.do magistro Christoforo de Viterbio, priore provinciali romano, qui ivit Tholosam ex mandato rev.mi magistri ordinis; cui magistro Laurentio data est plenaria potestas in capitibus et membris in conventibus et monasteriis, puniendi corrigenti absolvendi etc., preterquam absolvendi priorissas monasteriorum; et mandatur omnibus quod obediant. Bononie vj septembris <1474>. Et dicta die magister ordinis confirmavit omnia supradicta, et si opus est de novo concessit; datum ut supra. Dedit licentiam insuper absolvendi priorissas et alias confirmandi; datum Rome, 12 iunii 1475.

Frater Silvester Pauli de Oricellariis de Florentia provincie Romane et frater Iohannes Antonius de Saluciis provincie Lombardie fuerunt assignati in conventu perusino, et primus in studentem artium. Senis(?), 18 septembris.

Fuit facta licentia conventibus senensibus, de qua infra 73.

|59v|

Frater Iohannes de Perusio habuit licentiam predicandi in omni loco ubi vocatus fuerit, quocunque tempore tam in quadragesima quam infra annum, et possit recipere elemosinas et exponere pro necessitatibus suis; sine inferioris molestia, nullis ostantibus. Venetiis, prima octobris 1474.

Frater Franciscus de Bridis de Porto habuit licentiam assumendi ordines subdiaconatus et diaconautus, et insuper concessionem camere in conventu Sancte Marie [Agnetis] de Porto que est in capite dormitorii, super claustrum iuxta locum ubi debet construi scala ad dormitorium; sine inferioris molestia, nullis ostantibus. Ubi supra, prima octobris.

Hoc debet esse supra 41.

Frater Albertus de Ricciardis de Pistorio, qui est orbatus lumine oculi sinistri, habuit dispensationem a rev.mo magistro ??? apostolica(?) quod possit promoveri ad omnes ordines usque ad sacerdotium exclusive. Datum L<??>e [?= Luce], xxiij octobris.

Frater Iacobus de Scolaribus de Parma, conversus, conventus Sancti Dominici de Cortonio, fuit assignatus in suo conventu pretato cortoniensi. Datum Florentie, xxv novembris.

Frater Sinibaldus de Florentia, qui per provincialem fuerat restitutus ad nativitatem et filiationem conventus Sancte Marie Novelle, ut apparet per suas literas sub die xxi octobris 1470, R.t fol. 9, habuit confirmationem dicte filiationis, et de novo fuit factus filius nativus dicti conventus Sancte Marie Novelle; et fuit sibi concessa cella in dicto conventu in dormitorio superiori, super cimiterium fratrum, que est sita inter hostium quo itur ad  ??? et inter puteum(?) dormitorii; que cella alias - ut dicitur - sibi concessa fuit a patribus de consilio dicti conventus; et nullus inferior eum in predictis impediat, nullis obstantibus in contrarium. Datum Florentie, xxvj novembris.

Frater Mariottus V???s, prior conventus pratensis, fuit institutus vicarius monasterii Sancti Nicolai de Prato cum auctoritate solita in temporalibus et spiritulaibus, et fuit absolutus omnis alius vicarius et officialis; et fuit  mandatum sororibus quod obediant; nullus inferior, nullis obstantibus. Datum Florentie, xxvj novembris 1474.

Presidenti et fratribus conventus pratensis fuit mandatum, sub sententia excomunicationis absolvendi a nemine nisi a magistro odininis, quod non commodent libros bibliothece et paramenta et ornamenta sacristie nisi cappelle anguli(?) in mense septembris, et monasterio Sancti Nicolai  in festo suo secundum consuetudienm. Nullus inferior, nullis obstantibus. Datum ubi supra.

Magister Antonius Schiattesius, conventus Sancte Marie Novelle de Florentia, habuit licentiam predicare ubique terrarum, celebrare et confessiones audire, sacramenta ministrare, elemosinas recipere, et de bonis suius in ordine disponere, et uti dispensationibus in cibis et ieiuniis ordinis, habere socium clericum vel conversum unum et plures, et mutare ad placitum, commedere [sic] in cella cum cocio vel sociis, et confiteri omnibus fratribus ordinis, et quat(uor) in anno, cum plenissima auctoritate rev.mi magistri. Nullus inferior molestet, nullis obstantibus. Datum Florentie, xxviij novembris.

 Magister Antonius predictus fuit assignatus in predicatorem future quadragesime in conventu Sanctorum Iohannis et Pauli de Venetiis, cum gratiis coonsuetis etc. Nullus inferior etc. Datum ut supra.

Soror Alexandra Caroli de Attavantibus, monasterii Sancti Dominici de Florentia, habuit licentiam disponendi in ordine, cuicunque voluerit, de bonis sibi ab ordine concessis, sine inferioris molestia etc. Datum ut supra.

→|60r|