| ⌂ |
Regesta litterarum ■ AGOP IV.3 (1474-79): Provincia Romana ff. 52-69, 125-129, 290-307 ■ |
||
| ë | |||
| ⌂ |
Regesta litterarum ■ AGOP IV.3 (1474-79): Provincia Romana ff. 52-69, 125-129, 290-307 ■ |
||
| ë | |||
|56r|
1474
Magister Mathias de Viterbio fuit confirmatus in vicarium generalem conventuum reformatorum ac reformandorum in provincia Romana, cum potestate plenaria in capitibus et in membris, etiam super monasteria cum cura in spiritualibus et temporalibus, et cum anctoritate exequendi ultimas voluntates, presentandi fratres ad audientiam confessionum, eligendi sibi confessorem super peccatis et censuris et inregularitatibus totiens quotiens. Datum Perusie, 3 augusti.
Magister Petrus de Spoleto habuit licentiam alienandi bona sua ut satisfaciat reditoribus, maxime fratribus suis consobrinis; et precipitur priori et fratribus conventus spoletani quo infra xxvj dies satisfaciant sibi de debitis suis. Perusie, 3 augusti.
Frater Iohannes Conradi de Petra, conventus anchonitani, dyaconus, fuit assignatus in studentem artium in conventu perusino cum gratiis sonsuetis. Datum Perusie, 3 augusti. [add.:] Hic est provincie Sancti Dominici.
Priori et fratribus Sancti Dominici de Cortonio fuit factum preceptum sub pena excomunicationis quod de cetero non commodent alicui seculari vel alii libros, paramenta, vestes sacras, vasa sacrata vel aliquid aliud, sine expressa licentia rev.mi magistri; et priori fuit iniunctum in virtute obedientie quod exigat bona et pecunias et iura conventus. Datum ut supra.
Frater Bonifatius de Viterbio fuit assignatus in conventu Sancti Dominici de Pistorio; et si ille conventus sibi non conveniret, mandatur provinciali quod sibi provideat de conventu. 3 augusti, ut supra.
Frater Bartholomeus et frater Thommas de Fabriano fuerunt assignati in conventu lucensi. Perusie 3 augusti.
Frater Theodorus provincie Romane, frater Florianus provincie Sancti Dominici et frater Vincentius de Verona provincie Lombardie, fuerunt assignati in conventu lucensi. Perusie, iiij augusti.
Frater Dominicus Petri de Perusia habuit licentiam morandi extra ordinem et officiare cappellas, et de elemosinis sibi pro victu et vestitu providere; residuum totum dare sibi precipitur(?) patri, matri et sorori, qua?? causa sibi datur hec licentia pro duobus annis; et sit sub obedientia prioris perusini, vel eius in cuius terminis moram habet. Perusie, v augusti.
■
f. 63r (5.I.1475), gli si ingiunge di restituire debito.Frater Iacobus Frederici de Castello habuit licentiam morandi extra ordinem et officiare cappellas et elemosinas recipere, et de bonis sibi concessis deispensare intra ordinem prout vult, sine inferioris molestia; et sit sub obedientia prioris in cuius terminis moram trahet. Perusie, v augusti.
Frater Nicolaus de Perusia habuit licentiam morandi extra ordinem propter suas infirmitates et parentum necessitatem; et officiandi ecclesias et cappellas, et recipiendi elemosinas pro se et suis parentibus dispensandas; et nullus molestet inferior, nullis obstantibus; ita tamen quod sit sub obedientia illius prioris in cuius terminis moram ducet. Perusie, vj augusti.
Frater Iohannes Nicolai de Pruscia, de conventu perusino, habuit licentiam quod teneat locum inmmediatum post baccalarios formatos. Perusie, vj augusti.
Frater Thommas Mariotti de Perusia habuit licentiam morandi extra ordinem et officiandi ecclesias et cappellas, et recipiendi elemosinas pro suis necessitatibus; nullus molestet inferior, nullis obstantibus; ita tamen quod sit sub obedientia prioris in cuius terminis moram trahet. Perusie, 7 augusti.
Frater Antonius Dominici de Senis fuit assignatus in conventu Sancti Spiritus de Senis, et fuit mandatum presidenti quod ad profectum studii sui sit sibi ??? in dispensando a choro et ab officiis corporalibus prout religionis patet honestas; et fuit sibi concessa licentia quod possit recipere cappam, tunicam et vestes quas sibi darent amici aut parentes. Et nullus inferior, nullis obstantibus etc. Aretio datum, die x augusti.
|56v|
Frater Michael Caraffi de Octavantibus de Castro Florentino habuit licentiam morandi extra ordinem et officiare cappellas, elemosinas retinere, uti dispensationibus in cibis et iuiuniis; et sit sub obedientia illius prioris in cuius terminis moram habet. Florentie, xiij augusti 1474.
Frater Bartholomues Dominici de Feghino habuit gratias et privilegia baccalariorum formatorum propter studium, predicationem et alia sua benemerita. Florentie, xiij augusti.
Frater Petrus Boneti de Pictavia de conventu Sancte Marie super Minervam fuit assignatus in conventu parisiensi, sub regula ad proficiendum assignatorum cum gratiis consuetis. Datum Florentia, xv augusti.
Frater Dominicus Antonius, filius olim Iohannis magistri Petri, biblicus conventus Sancte Marie Novelle, qui dedit conventui ducatos latos centum - ut apparet in libro D, c. 31 - et conventus sibi assignavit singulis annis ducatos decem latos de fructibus predii Sancti Iacobi de Polverosa quamdiu vixerit, habuit confirmationem dicte assignationis sibi facte a patribus dicti conventus, cum condictione quod dicti ducati centum expendantur in aliquod predium pro utilitate conventus, ut apparet in literis dictorum patrum sub die 23 iunii proxime preteriti; qui ducati iam dicuntur conversi in quandam possessionem. Datum Florentie die xiiij augusti 1474.
Sorori Checche Donati, monasterii Sancti Iuliani de Florentia, fuit confirmata et de novo concessa quedam camera in qua habitabat soror Ursina Dionisii ser Nigii et soror Angeletta eius germana; et camera dicte olim Checche fuit concessa sorori Chaterine Barnabe Bartoli Cini. Que concessiones fuerunt facte per provincialem die 27 ianuarii proxime preteriti. Datum Florentie die xij augusti.
Frater Iacobus Pauli Maççei de Pistorio fuit assignatus in conventu Sancti Marci de Florentia. Datum Florentie die xvi augusti.
Frater Simon Dominici de Florentia fuit assignatus in conventu pistoriensi. Ubi supra, 17 augusti.
Frater Bartholomeus del Bulletta de Florentia fuit assignatus in conventu pistoriensi; et si conventus esset gravatus, vicarius generalis possit sibi de conventu oportuno providere. Ubi supra.
Frater Antonius Iuliani de Pistorio fuit assignatus in conventu pistoriensi, et rogatus fuit presidens ut ad profectum studii et pulsationis organorum det sibi commoditatem. Ubi supra.
Frater Antonius de Venetiis, conventus Sancti Dominici de Fesulis, fuit confirmatus in socium magistri Simonis de Florentia ad predicandum; cui potest confiteri et ab eo a peccatis absolvi, sicut sibi per provincialem concessum extitit. Datum Florentie, xvij augusti.
Frater Antonius Blasii de Ghoris de Venetiis, conventus Sancti Dominici de Fesulis, habuit licentiam retinere omnia bona sibi relicta vel relinquenda a sorora sua Francischina, vel a quocumque alio, ex testamento vel ab intestato, aut alio quovis titulo; et e? exigere et petere et facere procuratorum ad exigendum et comparendum in iudicio pro predictis; et de ipsis bonis possit disponere pro usu suo et suorum necessitatum prout sibi libere visum fuerit, absque alicuius inferioris licentia aut molestia vel impedimento ad predicta; nullis ostantibus etc. Florentie, xvij augusti.
Frater Antonius Santini de Luca fuit deputatus et assignatus in Congregatione Lombardie, a qua nullus inferior potest amovere. Ubi supra, 17 augusti.
Magister Simon de Senis, prior in Camporegio, habuit literas quas, cum legerit in capitulo, statim sit absolutus; et tunc fit ipse vicarius super nova electione in toto conventu, in spiritualibus et temporalibus, donec prior novus electus et confirmatus et presens extiterit in conventu. Ubi supra, xviij augusti.
|57r|
Conventus Campi Regii de Senis habuit licentiam vendendi et alienandi bona conventus, et maxime quandam vineam seu possessionem domino Francisco domini Michaelis de Accollis de Aretio, et omnia alia bona cuicumque, et convertere debent pretium in utilitatem evidentem monasterii. Florentie die xviij augusti 1474.
Magister Archangelus de Vincetia, prior conventus lucensis, habuit licentiam vendendi et alienandi et obligandi bona conventus cum consensu fratru et capituli et patrocinatorum conventus, dummodo pretium convertatur in utilitatem et necessitatem conventus. Florentie, 18 augusti.
Magister Archangelus prior predictus habuit licentiam puniendi quoscunque fratres commorantes in terminis suis, non obstantibus quibuscunque literis quas revocavit, si ipsi deliquerint etc. Ubi supra.
Frater Benedictus Doni de Florentia habuit concessionem cuiusdam camere in suo conventu Sancte Marie Novelle posite in dormitorio inferiori iuxta cameram fratris Martini Donati et iuxta depositum magistri Vilielmi et e conspectu camere magistri Antonii Schiattesi; que sibi concessa fuerat per priorem conventus vigore cuiusdam litere provincialis concedentis sibi primam cameram vacantem. Datum Florentie die xx augusti.
Monasterium Sancti Augustini de Pisis et magister Michael, vicarius dictarum sororum, habuerunt confirmationem cuiusdam litere magistri Martialis sub dat(um) Rome xx februarii 1473, R.ta fol. 71.e., in qua continetur quod cum ser Petrus de Roncionibus teneretur monasterio secundum suam conscientiam in quibusduam pecuniis pro dannis illatis, petiit sibi remitti debitum, promittens solvere duc. xxv, de quibus iam tunc solverat x, et etiam scribere contractum et instrumentum pro monasterio gratis, et prestare auxilium monasterio in causa pro qua damnificatum est; ipse magister Martialis consensit dicte remissioni, cum hoc quod servarentur promissa et moniales essent(?) contente. Datum Florentie die xxi augusti 1474.
Frater Ludovicus de Pisis, prior conventus pisani, fuit institutus vicarius super monasterio sororum Sancti Dominici de Pisis in spiritualibus et remporalibus, in capite et membris, cum potestate plenissima visitandi, puniendi, ordinandi, adsolvendi, confirmandi, incarcerandi, excomunicandi, et omnia oportuna faciendi; et fuit factum preceptum ipsi quod acceptet officium, et monialibus quod obediant. Ubi supra.
Magister Michael de Pisis fuit similiter institutus vicarius super monasteri(o) Sancti Augustini de Via Romea et monasteri(o) Sancti Felicis de Vada, extra muros civitatis Pisarum, cum simili potestate. Ubi supra.
■ cf. N. Zucchelli, Il monastero di S. Dominico in Pisa, Roma (Ed. Vivere) 1985, p. 18b.
Priorisse et sorores dictorum monasterii Sancti Augustini et Sancti Felicis habuerunt licentiam vendendi, alienandi, locandi ad emphiteosim vel livellum, seu etiam in perpetuum et quomodocumque, bona monasterii, dummodo cedant in evidentem utilitatem monasterii, sicut est pro solutione de pretio possessionis designata(?), empta pro monasterio pecuniis mutuatis; et predicta fiant cum consensu sororum et capituli, servatis servandis, et cum assensu vicarii qui pro tempore fuerit dictorum monasteriorum. Ubi supra.
Frater Dominicus Danielis de Pistorio et frater Petrus Salvatoris dei Pisis, qui sunt deputati ad curam monasterii Sancti Iacobi de Ripolis de Florentia, habuerunt licentiam quod possint edificare in campis et in solo dicti monasterii ex elemosinis domos et edificia pro dicto monasterio, quorum pensio sit pro vestibus et necessitatibus ipsorum quamdie vixerint; et unus si moritur, alius totam pensionem accipiat, et post eorum mortem redeant ad monasterium. Predicta autem habeant efficaciam si monialibus placuerit. Datum Florentie die 21 augusti.
■
S. Orlandi, I domenicani a Pistoia fino al sec. XV, Firenze 1957, 22. D. Nebbiai Dalla Guarda, I documenti per la storia delle biblioteche medievali (secoli IX-XV), Roma 1992, 42-44: sulla tipografia fondata e gestata da questi due frati.Frater Honofrius Andree de Florentia fuit institutus vicarius monasterii Sancti Petri Martyris in spiritualibus et temporalibus, in capite et in membris, cum plenissima potestate omnia faciendi que potest magister ordinis; item si mandatum exigant [sic] speciale, nullus possit inferior molestare, nullis obstantibus. Datum Florentie die xxij augusti.
|57v|
Frater Michael Mathei, qui per magistrum Martialem fuerat translatus de conventu ferrariensi ad conventum Sancte Marie Novelle de Florentia, ut patet per suas literas sub die 13 decembris 1460, confirmatas per magistrum Conradum Astensesm, et factus filius natibus dicti conventus Sancte Marie Novelle, habuit confirmationem dicte translationis, et declaratus fuit filius nativus dicti conventus; nullus inferior molestet, nullis obstantibus. Datum Florentie die xx augusti 1474.
Priorissa et sorores monasterii Sancti Dominici de Florentia habuerunt licentiam posse confiteri et absolvi et dispensari, totiens quotiens voluerint, magistro Michaeli de Pisis ab omnibus casibus, preterquam a contentis in ordinationibus nuper editis. xxiiij augusti.
Frater Ianninus, conversus, de conventu Sancte Marie Novelle habuit confirmationem sue celle quam inhabitat iuxta portam, sibi concessa per provincialem. Datum Florentie, 22 augusti.
Frater Geminianus Laurentii, biblicus de Florentia, fuit assignatus in lectorem et in predicatorem pro quadragesima proxime futura in conventu sanminiatensi. Ubi supra.
Frater Thommas de Agello comitatus perusini fuit institutus vicarius generalis sororum monasterii Sancti Dominici de Florentia in spiritualibus et temporalibus, cum potetate audiendi confessiones earum, ministrandi eis sacramenta intus et extra, eas corrigendi, p??andi, incarcerandi, absolvendi, et omnia faciendi pro honore dicti monasterii, sine inferioris molestia; et insuper potest confiteri et absolvi a peccatis et censuris, et dispensari in omnibus irregularitatibus auctoritate magistri, salvis semper ordinationibus factis nuper(?) in utilitatem monasterii Sancti Dominici. Florentie, 23 augusti.
Magister Simon de Florentia habuit commissionem acceptandi locum pro ordine in territorio Piscie, prout melius viderit expedire, servatis servandis de iure prout expetunt privilegia ordinis, ita tamen quod tam ipse quam socii gaudeant provilegiis et gratiis ordinis. Datum Florentie xxiiij augusti.
■ cf. f. 296r (4.VII.1476).
Frater Franciscus Thomme de Florentia, conventus Sancte Marie Novelle, fuit declaratus frater ordinis et filius nativus dicti conventus, et non possit ab aliquo inferiore impediri. Florentie, xxiiij augusti.
Priorissa et sorores monasterii Sancti Dominici de Florentia habuerunt licentiam posse confiteri totiens quotiens voluerint et ab eo absolvi ab omnibus peccatis et censuris et dispensari in omnibus irregularitabibus prout potest magister ordinis, exceptis casibus contentis in ordinationibus nuper editis pro dicto monasterio. Florentie, xxiiij augusti. Est iterum superius.
Frater Franciscus de Vetralla, baccalarius, habuit preceptum sub pena excomunicationis late sententie quod infra xv dies debeat restituisse fratri Iohanni de Prussia provincie Polonie unum ducatum pro quibusdam quinternionibus quos sibi transcripsit, si ita est etc. xxiij augusti. Et mittat illum Florentiam sibi.
■ Si noti il caso, non affatto isolato, e di notevole importanza: giovani frati (coś come studenti di universitates), provenienti da remote regioni, si guadagnano da vivere col lavoro di trascrizione! Non di poco conto, quando stili grafici nordici convivono con lavoro in loco.
Frater Marcus Petri de Florentia fuit assignatus in conventu Sancti Spiritus de Senis, cum precepto quod infra duos dies arripiat iter. Florentie, xxv augusti.
Frater Iohannes Dominici de Fighino habuit curam cuiusdam fratris Guasparris de Perusio, novitii, ut eum ducat Perusium; et mandatur patribus perusinis ut sibi satisfaciant de expensis. 36 augusti.