AGOP IV.3

|f. 2r| In Dei nomine amen. Hoc est registrum sive potius regestum omnium literarum, concessionum, ordinationum, commissionum et omnium gestorum et actorum rev.mi generalis magistri ordinis Predicatorum, inceptum tempore rev.mi patris et eximii theologi fratris Leonardi de Mansuetis de Perusio, qui in generali romano capitulo [1474] fuit unanimiter electus ab omnibus vocalibus in rev.um generalem magistrum dicti ordinis die xxviij mensis maii, que fuit tunc vigilia Pentecostes, anno incarnationis dominice Millesimo cccclxxiiij°, indictione vij°, sedem Petri tenente Sixto beatissimo papa quarto, pontificatus sui anno iij°, scriptum per me fratrem Leonardum ser Uberti de Florentia, conventus Sancti Marci florentini eiusdem ordinis, scriptorem et scribam seu secretarium et cancellarium ipsius generalis magistri rev.mi. Ad laudem et gloriam domini nostri Iesu Christi et gloriosissime virginis Marie matris eius ac beatissimi Dominici patris nostri totiusque celestis curie paradisi.

|f. 3r| Registrum rev.mi magistri Leonardi de Mansuetis de Perusio generalis magistri ordinis Predicatorum.

Ordo provinciarum in registro cum quota et numero cartarum...; litere autem alphabeti posite in capite cuiuslibet provincie significant ordinem provinciarum, quota videlicet sit unaqueque provincia:

     j^a.  A.   Provincia Hyspanie

    ij^a.  B.   Tolose

    iij.   C.   Francie

   iiij.   D.   Sancti Dominici

    v.   E.   Romana

   vj.   F.   Regni

  vij.   G.   Theutonie

  viij.  H.   Trinacrie seu Sicilie

    ix.   J.   Hungarie

    x.   K.   Polonie

   xj.   L.   Anglie

  xij.   M.  Grecie

 xiij.   N.   Aragonie

 xiiij.  O.   Dacie

  xv.  P.   provincia Provincie

 xvj.  Q.  Terre sancte

xvij.  R.  Lombardie superioris

xviij.  S.   Boemie

 xix.  T.  Dalmatie

  xx.  V.  Saxonie

 xxj.  X.  Portugalie

       Scotie [add. a. m.]

         Y.  Dispensati ad sacerdotium in anno xxij° campleto, folio 244.

Provincia Romana,
AGOP IV.3, ff. 52-69, 125-129, 290-307
(giugno 1474 - luglio 1478)

|52r|

Die iiij^a mensis iunii 1474 magister Amadeus de Pisis fuit institutus prior et corrector Societatis Sancte Chaterine de Senis in oppodo Prati, cum auctoritate recipiendi ad dictam Societatem personas utriusque sexus et faciendi ac disponendi omnia que sibi videbuntur expedire pro amplificatione et commodo dicte Societatis. Et propterea fuit etiam assignatus in convetu pratensi, cum hoc quod nullus inferior rev.mo magistro posset eum circa dictam Societatem, vel eius assignationem prefatam, ullatenus impedire.

Dicta die fuit eidem magistro Amadeo concessa camera sita ad pedes campanilis supra sacristiam in convetu pratensi, que olim fuit fratris Francisci del Vecchio, ita quod non possit ab aliquo inferiore molestari.

Die iii iunii. De florenis quadraginta, quos reliquit in morte frater Andreas de Benevento, dantur XXX conventui senensi et decem conventui benevenatano. Item nullus predicet in diocesi sensensi sine licentia prelatorum. Et prior senensis non possit cogi tenere ultra XL fratres. Item mandatur prioribus et patribus Camporegii quod solvant contributionem debitam magistro Mariano Francisci de Senis, sotio olim Romane provincie.

Die iiij^a fuit concessa fratri Iacobo Bartholomei, de conventu Sancte Marie Novelle de Florentia, quedam cella in dormitorio studentium, quarta ab ea que est propinquior scale dormitorii novitiorum, ita quod nullus inferior possit eum privare; et fuerunt revocate omnes alie concessiones dicte celle, et mandatur quod sibi libera tradatur.

Dicta die [= 4.VI.1474] fuit data licentia fratri Ambrosio de Perusio quod posset manere in quocumque loco ordinis, et etiam extra, et officiare capellam aliquam; et nullus inferior molestet.

Dicta die fuerunt assignati in conventu viterbiensi frater Hieronymus Vallisolitanus et frater Mathyas de Sancto Dominico, ambo hyspani.

Dicta die frater Stephanus magstri Iacobi de Augusta fuit assignatus in conventu pistoriensi.

Dicta die frater Honofrius de Brixia fuit assignatus in studentem in conventu perusino, cum gratiis studentium.

Dicta die fuit concessa litera conventui florentino, in qua confirmatur concessio loci pro una cappella edificanda in cemeterio ecclesie facta vel fienda per duos sindicos.

Dicta die fuit concessa litera magistro Iohanni Caroli de quinque duc. sibi debitos a magistro Christoforo de Masis, cum precepto et consuris.

Dicta die frater Paulus de Mediolano fuit assignatus in coventu viterbiensi.

Dicta die frater Spehanus de Burgundia fuit assignatus in coventu Montis Politiani.

Dicta die frater Petrus de B(er)cetu fuit assignatus in studentem perusinum con gratiis consuetis, ita quod nullus inferior possit amovere.

Dicta die frater Paulus de la Porta et frater Petrus Strambonus [correto su precedente Iacobus de Minutulis] de Neapoli, provincie Regni, fuerunt assignati in studentes theologie in conventu sensensi, cum gratiis consuetis.

Dicta die frater Antonius Nardi de Viterbio, magister, fuit factus magister et prior mulierum de tertio habitu et quod eas ad habitum recipere possit, et quod nullus inferior contrafacere(?).

Dicta die frater Dominicus de Prato fuit assignatus in conventu sensensi pro studente honoris, cum gratiis consuetis.

Dicta die frater Hieronymus de Senis fuit assignatus in conventu pratensi.

|52v|

Die iiij mensis iunii 1474 fuit institutus vicarius frater magister Honofrius Andree de Florentia super conventu fesulano cum plenissima auctoritate, cum iniunctione quod infra horam dum esset in conventu legat literas et faciat inventuarium [sic].

Dicta die fratri Thomme de Floriano fuit concessa ad vitam camera que est in conventu Floriani prope ecclesiam, in qua ipse multum exposuit.

Dicta die fuit concessum sorori Iacobe de Prato et sorori Petre de Florentia monasterii Sancti Nicolai de Prato quod omnia bona secundum consuetudinem monasterii ad eas spectantia habeant, et illis utantur sine inferioris impedimento.

Dicta die fuit data litera magistro Silvestro Francisco de Florentia quod possit exigere debitores, quibus fuit factum preceptum sub pena excomunicationis quod infra XV dies a notitia literarum solvant pecuniam sibi mutuatam et res omnes sibi debitas.

Dicta die frater Marcus de Viterbio fuit absolutus a pena gravioris culpe sibi per priorem imposita et restitutus ad gratias ordinis.

Dicta die frater Evangelista de Offenburch conventus ananiensis fuit assignatus in conventu argentinensi provincie Theutonie.

Frater Ludovicus de Lucha fuit assignatus in conventu neapolitano pro studente honoris, et pro tertio anno in biblicum cum gratiis consuetis.

Soror Iohanna Michaelis de Cevoli de Pisis, ??? moniali<s> monasterii Sancti Dominici in civitate Pisarum, que de monasterio Sancti Augustini extra Pisas ad dictum monasterium Sancti Dominci translata fuit, in dicto monasterio Sancti Dominici fuit facta nativa et sub precepto ut ibi maneret astricta; et concessio bonorum suorum facta per monasterium Sancti Augustini monasterio Sancti Dominci manu ser Batholomei de Spina confirmata; et nullus inferior molestet vel contraveniat.

Fratribus Sancte Caterine de Pisis fuit missa litera exhortatoria ad reformationem, et fuit factum preceptum quod omnia ponantur in comuni. Nullus vadat ad monasteria sine speciali licentia. Nullus etiam magister teneat socium, sed omnes sint sub unius disciplina prioris. Et nullus inferior contrafaciat.

Frater Baptista Antonii de Florentia fuit institutus vicarius super conventu lucano cum auctoritate priorum donec ibi prior presens extiterit, et sit vocens habens in electione. V iunii.

Frater Angelus de Florentia fuit assignatus in conventu fesulano.

Frater Silvester de Perusio habuit licentiam morandi extra ordinem, in cappellis, et nullus molestet inferior. Die V iunii.

Frater Nicolaus Magnoli de Florentia, prior conventus saraçani, habuit preceptum sub pena excomunicationis quod expellat de dyocesi lenensi auctoritate magistri, etiam cum auxilio brachii secularis, fratrem Iohannem et fratrem Thommam de Trebiano.

Frater Andreas Iohannis de Florentia, conversus, fuit assignatus in conventu Sancti Spiritus de Senis.

Frater Dominicus Antonii de Viterbio habuit licentiam standi extra ordinem, et etiam in quolibet conventu ubi sibi magis comodum fuerit, pro adiscenda arte architectonica et lignorum epoliendorum, absque contradictione inferioris.

Frater Blasius Laurentii de Florentia fuit assignatus in conventu Sancti Dominici de Fesulis.

Soror Victoria et sue discipule scilicet Margherita et Lucretia de Florentia in monasterio Sancti Nicolai de Prato habuerunt confirmationem camere sue.

|53r|

1474

Conventus Sancti Marci de Florentia, conventus Sancti Dominici de Fesulis et conventus Sancti Dominici de Sancto Geminiamo fuerunt suppositi rev.do vicario Lombardie cum plenissima auctoritate absolvendi, puniendi et omnia faciendi que potest magister rev.mus, et cum mandato quod nullus hoc impediat sine licentia magistri expressa. Ipse ergo rev.dus vicarius generalis Lombardie, ut vicarius magistri ordinis, habet omnem curam super dictis tribus conventibus sicut habet super alios conventus Lombardie. Die iiij iunii.

Die vij iunii.

Frater Geminianus Laurentii de Florentia fuit assignatus in biblicum sacri palatii pro gradu et forma magisterii. Idem fuit assignatus in conventu Camporegii, cum precepto quod recipiatur saltem usque ad adventum magistri.

Frater Iohannes ser Uberti de Florentia, qui scribit pro domino tyrasonensi, habuit licentiam remanendi a choro ab omnibus horis, excepta missa, diebus ferialibus; in festis vero debet interesse misse, vesperis et completorio. Et nullus molestet inferior. vij iunii.

■ cf. Creytens, Santi Schiattesi, AFP 27 (1957) 232-33 n. 167.

Frater Iulianus Mariotti de Florentia, frater Iacobus Lafranchi de Bergomo, frater Vincentius Bernardi Brunetti de Florentia et frater Paulo [sic] de Chianciano conversus fuerunt assignati in conventu Sancti Spiritus de Senis.

Fratri Bartholomeo de Colcese de Ymola fuit preceptum quod infra dies recedat a conventu et territorio senensi, et vadat ad provincialem Sancti Dominici, et quod infra dictum tempus satisfaciat conventui et omnibus creditoribus.

Frater Iacobus Frederici de Castello habuit licentiam morandi extra ordinem in cappellis sine impedimento alicuius; non tamen privatur camera conventus sui, aut voce vel audientia confessionum. X iunii.

Frater Antonius Celsus, prior Civitatis Vetule, habuit preceptum sub pena absolutionis ab officio et excomunicationis quod infra tres horas satisfaciat Teramo Filippi de Tabia de duc. sex et de expensis. X iunii.

Magister Antonius Crassus de Schiattesiis, conventus Sancte Marie Novelle, habuit comeram quondam fratris Andree de Urecellariis, nullis obstantitibus contrariis. IX iunii.

Magister Benedictus Laurentii de Viterbio habuit confirmationem omnium gratiarum sibi a Martiale concessarum, et de novo concessionem earundem; et insuper assignationem in conventu Sancti Spiritus de Senis, a qua nullus possit amovere; et licentiam tenendi unum socium, et exequendi(?) ultimas voluntates absque contradictione quacumque, nullis obstantibus contrariis. viiij iunii.

Presidenti conventus lucani mandatur quod sententiam excomunicationis datam contra magistrum Archangelum de Vincentia per iudices in capitulo generali romano, legat eidem ita quod sibi innotescat. vj iunii.

Frater Thommas Veteri, prior conventus urbevetani, habuit concessionem camere et orti quondam magistri Pauli; et fuit mandatum prioribus et fratribus quod dimittant eum in pacifica possessione dicte camere et orti. X iunii.

Magister Vincentius de Narnea habuit confirmationem camere que olim fuit fratris Georgii Ceci, cum hoc quod si antiquior magister eam voluerit, reddat expensas, et nullus inferior molestet.

Magister Bernardus de Neapoli fuit factus visitator et vicarius cum plenissima auctoritate, etiam absolvendi et instituendi super conventibus Sante Marie in Gradibus et Sancte Marie de Quercu de Viterbio, et super homines tertii habitus.

Frater Domincus Iacobi de Roma fuit assignatus in conventu theatino. XI iunii.

Frater Bartholomeus de Ymola fuit translatus de conventu Sancti Spiritus de Senis, et de provincia Romana ad provinciam Sancti Dominici, et assignatus in conventu Ravenne. XI iunii.

Frater Franciscus Pauli de Viterbio, bacalariius, habuit licentiam predicandi generaliter ubicumque, recipiendi elemosinas et dispensandi; recipiendi ad habitum ordinis de consilio patrum conventus ubi predicaverit, vel si ibi non sit conventus secundum suam discretionem; assumendi socium, presertim fratrem Nicolaum de Viterbio baccalarium; confitendi ter in anno |53v| cum auctoritate magistri, et manendi in osequium ill.mi domini ariminensi etq uo nullus inferior impediat, nullis obstgantibus. xiij iunii.

1474

Frater Franciscus de Viterbio supradictus habuit concessionem duarum cellarum in dormitorio conventus Sancti Cathaldi de Arimino, sub pena absolutionis ab officio cuicumque presidenti non consignanti sibi dictam cellam, nullis obstantibus. xiij iunii.

Frater Antonius de Narnea, conversus, fuit assignatus in suo conventu nativo Sancte Marie in Gradibus de Viterbio. 14 iunii.

Frater Alexander de Roma fuit factus iubilarius et habuit gratias iubilariorum. vj iunii.

Frater Benedictus Christofori de Florentia fuit assignatus in biblicum usque ad c^m [= usque ad capitulum generale?] in conventu Sancti Dominici de Neapoli. xiij iunii.

Frater Petrus Christofori de Florentia habuit confirmationem cuiusdam concessionis sibi date a magistro Martiale sub die xx novembris 1472 in plena forma. xiij iunii; quod nullus inferior etc.

Frater Vincentius Michaelis de Pistorio fuit assignatus in conventu Sancti Spiritus de Senis, 16 iunii.

Frater Iohannes Martini de Poscalvio sive de Voltolina, conversus,  habuit licentiam ire Florentiam et morari in conventu aliquo reformato; interim autem expedire suea negotia in omnibus locis.

Frater Leonardus de Nova Civitate fuit assignatus in conventu lucensi provincie Romane. 16 iunii.

Frater Antonius Iuliani de Pistorio fuit assignatus in conventu lucensi. 15 iunii.

Frater Iohannes de Pistorio, predicator egregius, habuit licentiam predicandi ubique, assumendi socios cum quibus agere possit in foro conscientie et in omnibus sicut prior conventualis cum fratribus suis, et ipse possit confiteri totiens quotiens cum plenissima auctoritate rev.mi magistri, recipiendi ad habitum fratres et homines de Penitientia, et cohibere vagabundos etc., in forma plenissima. die 17 iunii.

Frater Dominicus Ant(oni)i de Viterbio habuit licentiam officiare cappellas et elemosinas accipere etc., et illi<s> uti sine contradictione inferioris.

Frater Silvester Quirici de Barbarano habuit licentiam propter suas infirmitates morandi in domo parentum quamdiu indiguerit, absque inferioris contradictione. xi iunii.

Frater Agustinus Georgii Iacobi dello Saxo de Roma habuit declarationem rev.mi magistri quomodo ipse fuit receptus post apostasiam ad habitum et ordinem per fratrem Iohannem de Pistorio, de licentia et auctoritate magistri Christiani, procuratoris et vicarii ordinis. 18 iunii.

Frater Dominicus Iacobi de Cortonio fuit confirmatus in priorem cortoniensem, electus unanimiter ab omnibus cum auctoritate solita etiam recipiendi ad habitum conversorum, et fuit suppletus omnis defectus etc. XX iunii.

Magister Barbabas de Neapoli, missus ad visitandum conventum viterbiensem, fecit quasdam ordinationes pro conservatione religionis et bone fame dicti conventus, subscriptas manibus quinque fratrum dicti conventus patrum de consilio, quas omnes rev.mus magister ordinis confirmavit die 21 iunii 1474.

Magister Archangelus de Vincentia fuit confirmatus prior conventus lucenssis cum auctoritate solita. 23 iunii.

Fuit factum preceptum sub pena excomunicationis fratribus lucensibus, presentibus et futuris, quod in tre dies ponant omnia in comuni etc. xxiij iunii.

Frater Iohannes Antonii de Fantinis de Viterbio habuit licentiam morandi extra ordinem, et in conventibus et in cappellis et officiare et elemonsinas pro se et parentibus exponere, absque inferioris molestia, nullis obstantibus. xxv iunii.

Magister Gabriel de Florentia, prior Sancte Marie Novelle, habuit licentiam gratiose absolutionis a prioratu; quam cum legi fecerit ad suum beneplacitum, sit absolutus; et institutus vicarius usque ad presentiam novi prioris. Die xxvj iunii.

→|54r| ...