| ⌂ |
Regesta litterarum ■ AGOP IV.3 (1474-79): Provincia Romana ff. 52-69, 125-129, 290-307 ■ |
||
| ë | |||
| ⌂ |
Regesta litterarum ■ AGOP IV.3 (1474-79): Provincia Romana ff. 52-69, 125-129, 290-307 ■ |
||
| ë | |||
|64r|
Frater Matheus de Roma fuit assignatus in conventu Sanctorum Iohannis et Pauli de Venetiis. Datum Rome, die xvij ianuarii, anno a nativitate Domini 1475.
Frater Paulus de Chianciano, conversus, fuit assignatus in conventu lucensi. Datum Rome, xx ianuarii 1474 ab incarnatione.
Frater Dominicus de Rochis de Tulfa Veteri habuit licentiam morandi extra ordinem et officiare ecclesias, sacramenta ministrare, recipere elemosinas, et confiteri omnibus fratribus ordinis de casibus comunibus et ter in anno de omnibus; et propter debitum vel grave delictum subicitur priori in cuius terminis etc. In aliis nullus inferior. Datum Rome, xxij ianuarii 1475 a nativitate.
Frater Iohannes Bartholomei de Florentia, conventus Ananie, fuit assignatus in conventu Civitatis Vetule. Datum Rome, xxij ianuarii 1474 ab incarnatione.
Frater Paulus de Corneto, conventus Sancte Marie super Minervam in Urbe, habuit licentiam assumere socium qui secum commedat in cella, cui possit providere in necessitatibus et habere curam anime ipsius, et nullus possit eum occupare. Potest recipere elemosinas, et sunt sibi concessi libri, et similiter data cella sua quamdiu vixerit, et non potest cogi ad aliquod officium ultra suam voluntatem. Nullus inferior. Datum Rome, xxj ianuarii 1474.
<→ Frater Petrus Angelelli de Narnea...>
Frater Franciscus de Viglevano, tertii habitus in monte Magnanapoli in Urbe, habuit licentiam ire Viglevanum et patriam suam ad visitandum parentes et expediendum quedam negocia sua. Datum Rome, xxv ianuarii.
Frater Patroclus de Francia, conventus Sancte Marie super Minervam in Urbe, habuit licentiam retinendi xij ducatos auri, quos habuit ex venditione sui breviarii, donec aliud emat vel trascribi faciat breviarium; et insuper potest retinere in qualibet septimana elemosinam sibi datam pro una missa, nullis obstantibus et??? ordinationibus factis in congregatione perusina, quibus hac vice derogatur etiam si deberet(?) fieri de eis mentio specialis. Datum Rome, 30 ianuarii.
Frater Petrus Petri de Terracena habuit licentiam predicandi in ista quadragesima ubicumque fuerit vocatus, et audiendi confessiones et ministrandi sacramenta et recipiendi elemosinas, sine inferioris molestia. Datum Rome, vij februarii.
Sororo Helena monasterii Sancti Nicolai de Prato habuit licentiam disponendi de camera et bonis sibi ab ordine concessis infra ordinem; et ubi non disponeret, tunc camera et omnia bona dantur sosori Marie Francisci de Tanalliiis sue nepti. Datum Rome, vij februarii.
Frater Thomas de Narnea fuit assignatus in conventu Pitiliani, et mandatur presidenti quod recipiat et det ei tempus et commoditatem exeundi ad scolas grammatice. Datum Rome, 8 februarii 1475.
Magister Laçarus de Eugubio fuit institutus vicarius conventus eugubini cum plenitudine potestatis, ac etiam monasterii Sancte Margherite de Eugubio super capita et membra; a quo vicariatu nullus inferior potest eum amovere vel abolvere. Sunt tamen salva iura ordinaria priori provinciali super dicto conventu et monasterio. Datum Rome, viij februarii.
|64v|
Conventus eugubinus habuit licentiam vendendi vineam quam habuit in solutum pro legato 33 ducatorum, et pretium convertendum est in utitlitatem conventus; et insuper habuit licentiam transigendi et paciscendi cum fratre magistri Lazari de bonis maternis, dummodo interveniat consensus maioris partis fratrum et patrum dicti conventus. Datum Rome, x februarii 1475.
Frater Iohannes Berardus de Eugubio habuit licentiam standi extra ordinem et officiandi ecclesias et recipiendi elemosinas, absque impedimento inferioris; sed ratione debiti vel delicti subsit priori in cuius terminis morabitur; et potest confiteri cuicumque fratri et bis in anno absolvi et dispensari ab omnibus, dummodo pretextu huius gratie. Datum Rome, viij februarii.
Frater Augustinus de Roma conventus Minerve habuit licentiam standi extra ordinem et officiandi et retinendi elemosinas, et confitenti omnibus fratribus ordinis et bis in anno cum auctoritate magistri, et ratione debiti vel delicti subsit priori in cuius terminis; et si repperit priorem voluntarium, potest eum assignare in suo conventu. Nullus inferior etc. Datum Rome, x februarii.
Fuit idem frater Augustinus de Roma assignatus in conventu pennensi provintie Regni. Datum ut supra.
Frater Bernardus de Roma habuit licentiam standi extra ordinem prout habuit frater Augustinus. Datum ut supra.
Priori conventus Montis Policiani precipitur quod satisfaciat fratri Christoforo de Eugubio de expensis quas fecit pro conventu; et non computet expensas sue infirmitatis si presidendo conventui et serviendo incidit in infirmitatem absque sui culpa; et expense taxentur quantum mite fieri potest. Datum ut supra.
Fratri Stephano de Sibinico precipitur quod infra xv dies satisfaciat creditoribus de debitis contractis in conventu calliensi, aut componat cum eis; alias puniatur veluti transgressor precepti a priore calliensi, et bona sua venda<n>tur et de eorum pretio fiat satisfactio. Datum ut supra.
Frater Silvester Quirici de Barbarano, conventus viterbiensis, habuit licentiam stare per biennium in Barbarano in domo parentum vel alibi in locis honestis(?) sine molestia inferioris, sed ratione debiti vel delicti subsit priori in cuius terminis; et datur sibi licentia ut discat grammaticam et provideat suis necessitatibus. Datum Rome, xiij februarii.
Frater Iulianus Antonii Laurentii Peraccini de Sancto Geminiano fuit assignatus in conventu Sancte Marie in Gradibus de Viterbio. Datum Rome, 22 februarii.
Priori et fratribus conventus aretini datur licentia quod dos assignata per magistrum Anselmum Alberone nepti sue, et filie Galitii Bernardi, deposita pene ser Tommam de Martiis, eidem Alberone detur; et quod confirment(?) eam, et sibi hoc etiam precipitur. Datum Rome, 22 februarii.
Frater Creus(?), qui a magistro Martiale dicitur habuisse licentiam morandi extra odinem et officiandi ecclesias, habut confirmationem dicte licentie et de novo concessionem, sine impedimento alicuius inferioris. Datum Rome, 23 februarii.
Omnibus fratribus et presidentibus quorumcumque conventuum totius ordinis fuit scriptum quod caritative recipiant fratrem Gregorium de Chrora nationis Albanie, mona?? ordinis Sancti Basilii, in quantum fratrem ordinis. Datum Rome, die xxiiij februarii.
Magistro Francisco Laurentii Marci de Roma, conventus Sancte Marie super Minervam in Urbe, fuit concessa camera in dormitorio superiori super Minervam veterem, cum orto et turri(?) et aliiis edificiis, et potest eam ornare et edificare et tenere quamdiu vixerit. Item data auctoritas exigendi bona paterna, et proptera in iudicio agendi etc., et recipiendi elemosinas etc.; et de predictis emere libros et alia sibi necessaria et tenere quamdiu vixerit, salva rerum omnium proprietate conventui. Item data facultas exequendi ultimas voluntatates solum parentum et consanguineorum et affinium suorum. Nullus inferior etc., nullis obstantibus, etiam in congregatione perusina ordinat(is). Datum Rome, xxvij februarii.
|65r|
1475
Rev.mus magister ordinis confirmavit sententiam latam per magistrum Dominicum Iohannis, fratrem Santem et fratrem Honofrium de Florentia, commissarios iudices in causa qua vertebatur inter conventum Sancte Marie Novelle de Florentia et magistrum Guillermum de Aquis, cum qualitatibus et modificationibus infrascriptis:
In primis addidit quod magister Guillielmus solvat omnes expensas factas tam in scripturis quam in viatico, quarum taxationem sibi reservavit.
Secundo quod dictus magister Guillielmus a censuris et aliis penis per eum incursis in non parendo meis ordinationibus factis contra occupatores et detentores bonorum dicti conventus, absolvi non possit, nec ad bona et gratias ordinis restitui, nisi prius solutis trecentis libris in quibus per sententiam est condemnatus, una cum expensis iam dictis; et tunc absolutionem et restitutionem huiusmodi sibi reservat; et mandat eidem magistro Guillielmo sub pena gravioris culpe et carceris, privationisque omnium bonorum et gratiarum ordinis, ut dictas trecentas libras infra terminum prefixum in sententia solvat, et omnia alia ibidem contenta adimpleat.
Tertio, quod dictus
magister Guillielmus non possit morari Florentie nec Prati neque in toto dominio florentino, et datur presidenti cuicumque nostri ordinis eum capiendi et incarcerandi facultas, si in dicto dominio fuerit compertus, nisi legitime probaret se habere ab ipso magistro rev.mo specialem redeundi licentiam.De filiatione eius datur
terminus per totum mensem aprilis utrique parti ad producendum quicquid volunt pro iuribus suis; alias elapso termino, per magistrum vel alium cui commiserit sententia decidetur de dicta eius filiatione. Mandatur omnibus quod predicta observent sub pena excomunicationis, a qua non possunt absolvi nisi a rev.mo magistro, mortis articulo dumtaxat excepto. Nullus inferior etc.Datum Rome, vj martii.
■ cf. Creytens, Santi Schiattesi, AFP 27 (1957) 229 nota 149.
Camera quam possidebat magister Guillielmus de Aquis in conventu Sancte Marie Novelle de Florentia, deputatur officio generalatus; super quam debet inscribi infra triduum sub precepto hic titulus: "Cella rev.mi generalis magistri ordinis Predicatorum". Potest tamen prior dare eam custodiendam alicui qui eam habitet et mundam teneat, quamdiu generalis non fuerit in conventu. Item mandatur eidem magistro Guillielmo quod infra tres dies restituat bibliam, breviarium et omnes libros qui sint sibi concessi in conventu, et omnes ponantur in libraria cum cathenis. Nullus inferior etc. Datum Rome die vij martii.
Magister Christoforus Masius translatus fuit de conventu Sancti Marci ad conventum Sancte Marie Novelle, et ibi factus filius nativus ibique assignatus, si maior pars patrum et fratrum dicti conventus assentiat, et non aliter. Nullus inferior, nullis obstantibus. Datum Rome die vij martii.
Fratri Georgio Michaelis de Viterbio precipitur sub pena excomunicationis late sententie quod infra sex dies a notitia presentium satisfaciat fratri Henrico Sigg de Constantia de uno ducato sibi mutuato, ut patet per scedulam manu dicti fratris Georgii; aliter non possit absolvi nisi in articulo mortis et restitutione facta. Datum Rome die viij martii. Vel compareat ad dicendum quare ad predicta non teneatur.
Presidenti et fratribus conventus Campi Regii de Senis, et omnibus aliis presidentibus ordinis, precipit sub pena absolutionis ab eorum officiis quod fratrem Marchionum(?), vocatum fratrem Hieronymum de Castro Serrarum comitatus Senarum, qui fuit frater ordinis Heremitarum, exuant habitu et dimictant, quia apostatavit ab ordine suo et fecit multa scelera. Datum Rome die xj martii.
Frater Angelus de Civitate Castelli habuit licentiam stare extra ordinem et officiare cappellas, recipere elemosinas, bis in anno confiteri de omnibus. Nullus inferior etc. Datum Rome die xj martii.
|65v|
Frater Sebastianus Rubini de Florentia fuit assignatus in conventu pratensi usque ad festum Omnium Sanctorum exclusum, cum hoc quod det conventui sexterna sex frumenti, vel alias satisfaciat priori pro expensis, quia conventus est(?) pauper. Datum Rome 14 martii 1475.
■ cf. f. 129v (11.II.1476) «fr. Sebastianus Rubini de conventu Sancte Marie Novelle de Florentia», f. 298r (1476) «fr. Sebastianus Rubini»;
Frater Stephanus, conventus Sancti Marci de Florentia, habuit licentiam eundi Florentiam ad conventum Sancti Marci vel fesulanum, et etiam ad rev.dum vicarium Lombadie, et commendatur omnibus quod benigne recipiant. Datum Rome xxix martii.
Frater Petrus de Terracena fuit assignatus in conventu tyburtino. Datum Rome, prima aprilis.
Frater Iacobus Mariani de Castro Sancti Iohannis, dyocesis fesulane, fuit auctoritate apostolica et privilegiorum institutus et confirmatus prior conventus Sancti Thomme de Piperno, cum auctoritate prioribus dari solita; et mandatur omnnibus quod obediant. Datum Rome, iij aprilis.
Frater Petrus Secundus de conventu Sancti Dominici de Fulgineo habuit licentiam suscipiendi sacrum ordinem diaconatus, si priori sui conventus secundum suam conscientiam placuerit. Datum Rome, v aprilis.
Frater Franciscus de Urbe Veteri, prior conventus calliensis, qui ad suggestionem quorundam - qui asseruerunt eum petere absolutione<m> et velle proficisci ad studium - fuerat absolutus a prioratu, et in eo institutus frater Nicolaus Malatesta de Castello, sicut patet supra, folio 47, sub die x februarii. Fuit cognita falsitate suggestionis, de novo institutus prior auctoritate apostolica et privilegiorum, super dicto conventu calliensi, et fuit absolutus dictus frater Nicolaus. Datum Rome, vj aprilis.
Frater Iohannes Antonius de Perusio fuit assignatus in conventu Sancte Marie in Gradibus de Viterbio. Datum Rome, v aprilis.
Frater Bartholomeus, conversus, de conventu lucano fuit assignatus in conventu Sancti Miniatis. Sed quia ante mensem augusti ibi recipi non potest, ideo potest interim manere in conventu viterbiensi, vel ubi a priore aliquo recipi poterit. Datum Rome, 14 aprilis.
Frater Leonardus Antonii de Pistorio fuit assignatus in suo conventu pistoriensi ut ibi discat pulsare organa; et si ibi non potest commode discere, tunc habet licentiam eundi ad conventum pratensem vel lucanum vel alium quemlibet, ubi commodius discere possit; et ibi potest per presidentem, auctoritate rev.mi magistri, assignari. Datum Rome, xv aprilis.
Frater Antonius de Tortona, electus canonice in priorem conventus eugubini, fuit confirmatus in dicto prioratus officio cum supplectione et abolitione omnis defectus qui in electione - que fuit unanimis - intervenisset; et fuit data sibi auctoritas consueta, puniendi fratres, incarcerandi, presentandi ad audientiam confessionum etc., et eligendi confessorem et mutandi totiens quotiens etc., cum mandato quod suscipiat officium, et fratribus quod obediant. Datum Rome, xv aprilis.
Frater Iohannes Antonius de Perusio fuit assignatus in conventu Sancti Spiritus de Senis. Datum Rome, xx aprilis.
Frater Petrus Ceppatelli de Chortonio fuit assignatus in conventu eugubino. Datum Rome, xx aprilis.
Frater Thommas Morelli de Bonis de Florentia fuit assignatus in conventu cremonensi. Datum ut supra.
Frater Marianus Claudus de Seggiano, comitatus Senarum, fuit assignatus in conventu Sancti Dominici de Cortonio. Datum Rome, xxj aprilis 1475.