|72r|

Universis et singulis fratribus precipitur sub pena excomunicationis late sententie ipso <facto> quod qui habent vel sciunt aliquid de bonis fratris Francisci de Vetralla, baccalarii licentiati, infra decem dies radda<n>t vel revelent priori sui conventus Sancte Marie in Gradibus de Viterbio, vel componant. Datum Rome, 29 decembris 1478. [segue giunta che sfrutta il poco spazio disponibile, di incerta lettura:] Postea, die x septembris 1479, fuit commissum magistro Thomme Nannis de Viterbio quod exigat et sibi ipsi satisfaciat et?? ? consignet conventui viterbiensi ...???

Rev.do magistro Mathye Angeli de Viterbio provinciali, cui patres sui conventus Sancte <Marie> ad Gradus de Viterbio concesserunt locum in dormitorio inferiori cum cameris ex omni latere et cum sala et cum latrina et lodia et orto, et quod possit facere introitum in claustro, confirmatur dicta concessio et de novo conceditur, et quod possit edificare usque ad tectum, et sit pro sua habitaione dum vixerit, et potest concedere magistro Benedicto Laurentii et magistro Petro Antonio sicut voluerit. Et nullus inferior etc., non obstantibus ordinationibus Congregationis ceterisque aliis contrariis. Datum Rome, 30 decembris.

■ lodia = loggia.

Frater Ludovicus Morelli de Tholosa, conventus reatini, habet licentiam redeundi in patriam et accipiendi bona sua et utendi dum vixerit; et potest per provincialem tholosanum assignari in aliquo conventu in provincia tholosana. Datum Rome, 31 decembris.

Frater Augustinus de Roma habuit licentiam standi extra ordinem, et si invenerit conventum ubi prior vult eum recipere. Datum Rome, ij ianuarii.

Rev.do magistro Mathye provinciali datur plenaria auctoritas super conventibus in Gradibus et de Quercu viterbiensibus, et absolvendi et confirmandi priores, et non derogando auctoritati rev.di vicarii generalis observantie. Datum Rome, 7 ianuarii.

Frater Dominicus magistri Clementis tonsoris de Florentia, conventus Sancti Marci, ad instantiam rev.mi domini Raphaelis cardinalis Sancti Georgii propter infirmitates suas et propter obsequia ipsius domini, potest stare extra ordinem et uti dispensationibus in cibis et ieiuniis ordinis quamdiu et prout placuerit ipsi rev.mo domino cardinali. Datum Rome, viiij ianuarii.

Frater Franciscus de Luca, qui nunc in Grecia moratur, habet licentiam standi ubique extra ordinem etc., et de bonis suis potest fare parentibus et amicis atque egenis; sine inferioris molestia, nullis omnino obstantibus. Datum Rome, xiij ianuarii.

Frater Ludovicus de Datis de Luca, qui erat assignatus Perusie, et per pestem ac propter matrem infirmam non ivit, assignatur in suo conventu lucensi ut subvenire possit matri. Datum Rome, xv ianuarii.

|72v| 

Frater Thomas Petri de Florentia, conventus Sancti Marci, habet licentiam summendi [sic] insignia magistralia ubi vult, habita dispensatione etc., quia est baccalarius formatus et fecit cursum suum etc. Datum Rome, xv ianuarii 1478 ab incarnatione, sed a nativitate 1479.

In monasterio Sancti Dominici de Florentia ordinatur quod nulla recipiatur ultra numerum quadraginta; et quando numerus est minor quadraginta, tunc illa que recipitur detur in discipulam seniori, dummodo habeat 30 annos; et precipitur sub pena asolutionis et gravioris culpe ipso facto priorisse et sororibus quod predicta observent. Nullis obstantibus. Datum Rome, xv ianuarii.

Fratri Sebastiano Rubini, conventus Sancte Marie Novelle, conceditur cella magistri Iacobi Petri que est in declivio intur dormitorium superius et inferius, quamdiu magister Iacobus fuerit in hospitio Montis Lupi; et si magister Iacobus sponte cesserit, dicta cella ispi fratri Sebastiano conceditur ad vitam, sine ullius molestie etc. Datum ut supra.

Magister Dominicus Bartholomei de Florentia fuit factus vicarius super monasterium Sancti Petri Martyris de Florentia, cum plenaria potestate in capite et membris, in spiritualibus et temporalibus, et nullus inferior; et dictum monasterium advocatur ad magistri curam et removetur a cura cuiuscunque. Datum ut supra.

Magister Dominicus predictus potest tenere socium et mutare, et ??? in cella cum eo et cum viro alio, sine alicuius impedimento, nullis obstantibus. Datum ut supra.

Frater Iulianus Amorosi de Tybure habet licentiam standi extra ordinem etc. Datum Rome, xviij ianuarii.

Fratri Christoforo de Senis fuit data plena auctoritas recuperandi bona fratris Philippi, filii domini Francisci de Ariostis, legum doctoris, de Ferraria, qui obiit in castro Repolani; et quicquid recuperaverit, custodiat donec determinetur cuius sint. Datum Rome, xix ianuarii.

Precipitur omnibus sub pena exomunicationis late sententie quod quicquid habent vel sciunt de bonis et rebus fratris Baptiste de Mutina restituant vel revelent sibi, aut fratri Christoforo de Senis, infra sex dies. Datum ut supra.

Frater Iacobus de Castro Sancti Iohannis de Florentia habet licentiam standi extra ordinem. Datum Rome, xx ianuarii.

Sora Nicolosa, priorissa Sancti Nicolai de Prato, habuit literas sue gratiose absolutionis ad peneplacitum, et alteram potest confirmare magister Arna??? de Pisis. Datum Rome, 28 ianuarii.

Frater Albertus de Pistorio fuit assignatus in conventu pistoriensi. Datum Rome, 27 februarii.

|73r|

Frater Marianus de Senis fuit assignatus in conventu reatino. Datum Rome, iij martii 1479.

Frater Benedictus Christofori de Florentia, qui per acta generalis capituli perusini fuit assignatus ad legendum Sententias in sacro palatio, habuit licentiam ibi legendi pro secundo(?) anno, vel alibi ubi sibi placuerit, pro forma et gradu magisterii. Datum Rome, 29 ianuarii.

Frater Benedictus predictus fuit assignatus in studentem theologie in conventu paduano. Datum ut supra.

Frater Benedictus predictus fuit assignatus in studentem honoris in conventu paduano. Datum Rome, vj martii.

Sororibus Sancti Nicolai de Prato datur facultas quod durante peste potest confiteri cuicunque fratri ordinis nostri cum plenaria auctoritate. Datum Rome, xj martii.

Frater Santes de Celano(?), conventus Sancte Marie super Minervam, conversus, fuit assignatus in conventu perusino. Datum Rome, 13 martii.

Frater Dominicus Iacobi de Cortonio fuit assignatus in conventu Sancti Spiritus de Senis. Datum Rome, xv martii.

Frater Mariottus de Prato habuit licentiam officiandi in terra Prati quamdam cappellam sibi relictam sub annua mercede libr. sexaginta, dummodo det conventu pratensi quolibet anno libr. xxiiij^or. Datum Rome, 17 martii.

Sor ??lana de Strozzis potest confiteri cui vult durante peste in terra Prati etc. Datum 18 martii.

Frater Mathyas Silvestri de Pistorio fuit assignatus in suo conventu pistoriensi. Datum Rome, xxiij martii.

Frater Augustinus de Roma fuit assignatus in conventu pennensi, et ibi factus filius nativis cum omnibus bonis suius si maior pars fratrum consenserit. Datum Rome, 26 martii. Et transfertur de conventu Minerve.

Soror Angelica electa unanimiter ab omnibus - duabus exceptis - fuit confirmata in priorissam monasterii Sancti Sixti de Urbe, cum plenaria solita potestate. Datum Rome, 26 martii.

Magistro Ludovico  de Viterbio, qui predicat Terracin(e), committitur quod inquirat de mala fama prioris conventus terracinensis fratris Petrini de Roma; et si opus est, ipsum absolvat et puniat, et alium confirmet in priorem etc. Datum Rome, xxix martii.

Magister Mathyas de Viterbio provincialis, qui est procurator Sancti Sixti ad exigendum bona in territoriis Viterbii et Vetralle, confirmatur; et datur sibi plena auctoriatas, et maxime contra heredes domine Laurentie Christofori de Vetralla. Datum Rome, 19 aprilis.

|73v|

Frater Iacobus Federici de Castello fuit assignatus in conventu reatino. Datum Rome, xx aprilis 1479.

Frater Angelinus de Fulgineo fuit factus vicarius super conventu et monasterio fulginat(e) cum plenaria potestate, citra absolutionem prioris et priorisse, et non derogando provinciali. Et sorores que fecerunt votum eundi ad Sanctam Mariam de Quercu dispensantur, et dicant per unum mensem singulis diebus coronam Beate Virginis et letanias. Datum Rome, 26 aprilis.

■ citra = eccetto(?).

[Magister marg. sin.] frater Dominicus Bartholomei de Florentia fuit factus vicarius conventus et monasterii praten(sis), cum plenaria potestate, etiam absolvendi et expellendi et revidendi compota priorum preteritorum, et maxime fratris Thomme et fratris Mariotti, et expellat a conventu scandalosos et negociatores et beneficiatos; et hoc quousque provincialis sit Florentie. Datum Rome, 30 aprilis. Et potest asignare frates ordinis venientes, et potest velare Iulittam Bartholi de Florentia.

Frater Magister Amadeus, prior conventus pratensis, potest assignare fratres illuc advenientes. Datum ut supra.

Frater Iohannes de Viterbio, conversus, habuit licentiam ire ad fratrem Gasparum, vicarium observantie Regni, qui ei provideat de conventu. Datum Rome, iij maii.

Frater Iohannes Augustini de Sancto Miniate, baccalarius licentiatus, qui a papa Sixto habuit benedictionem quod una cum duobus sociis fratribus, uno clerico alio layco, possit ire in Ierusalem et ad Montem Synai, et portare crucem; habuit etiam ab ??? hanc licentiam, et potest ubique terrarum predicare, celebrare, confessiones audire et recipere elemosinas pro se et sociis, et in via confiteri plenarie ipse et socii, et ipse quinquies in anno plenarie confiteri. Et nullus inferior etc. Datum Rome, 13 maii.

Frater Matheus de Aquila, qui fuit electus in priorem conventus Sancti Dominici de Terracena, et confirmatus per magistrum Ludovicum de Viterbio vicarium et commissarium, confirmatur et preficitur in priorem cunm plenaria auctoritate, supplendo omne defectum etc. Datum Rome, xxv maii.

Magister Ludovicus Angeli de Viterbio potest tenere socium et mutare, et retinere elemosinas et pecunias, et uti lineis ad carnem propter morfeam. Datum Rome, xxv maii.

■ morfeam: cf. Uguccione da Pisa [† 1210], Derivationes II, 767 § M 94/3 «... a morphe quod est est mutatio, unde etiam quedam infirmitas dicitur morphea, scilicet quando aliquis mutatur in alium colorem». Costituzioni OP 1375, I, 10 (De vestitu).

Frater Raynerius Nardi de Pisis, conversus, assisgnatur in suo conventu Sancte Catherine de Pisis. Datum Rome, 28 maii 1479.

Frater Thommas de Urbeveteri, qui alias fuerit asssignatus in biblicum extraordinarium in conventu senensi, iterum assignatur ibidem ad legendum bibliam extraordinarie pro forma e gradu; et insuper in suo conventu iam gaudet gratiis biblici et baccal(arii), et potest tenere unum socium et exire ad predicandum quando invitatur. Et nullus inferior. Datum Rome, xxxi maii.

|74r|

Frater Raymundus Iacobi de Sancto Geminiano, propter infirmitates et indegentias, habuit licentiam standi extra ordinem usque ad capitulum generale, ubique, excepta terra Prati. Datum Rome, xix mensis iunii 1479.

Priori eugubino committitur quod querat bona fratris Bartholomei de Fabriano, qui obiit in territorio Assisii et erat incorporatus conventui eugubino, et ponat sub inventario et custodiat ut dentur cui debentur. Datum ut supra.

Frater Petrus de Ponte Celi de Luca fuit assignatus in conventu aquilano. Datum Rome, iij iulii.

Soror Margarita Pauli Tassini de Florentia, monasterii Sancti Nicolai de Prato, concessa fuit prima camera vacans, dummodo moriendo non reliquerit eam(?) discipule sue. Datum Rome, vij iulii.

Magistro Antonio Schiattesio de Florentia, cui patres et magistri conventus Sancte Marie Novelle concesserunt hospitium Montis Lupi, confirmatur dicta concessio secundum quod patres sibi concesserunt. Datum Rome, viij iulii.

Priori et fratribus conventus eugubini datur facultas vendendi domum positam in platea, eis relictam a magistro Bilio pro solvendis debitis dicti magistri Bilii. Datum Rome, 23 iulii.

Frater Thommas Petri de Florentia fuit auctoritate pape factus magister, ut habes in copia signata P^r. Datum Rome, 30 iulii.

Capitulum generale quod Florentie fuerat assignatum, transfertur ad provinciam Lombardie et ad conventum astensem, celebrandum in festo Pentecostes 1481, ex causis prout habes in copia signata ╪. Datum Rome, die 14 augusti 1479.

■ Capitolo generale di fatto tenuto a Roma, convento della Minerva, Pentecoste 1481: MOPH VIII, 353-73.

Frater Dominicus Angeli de locho de Tybure habuit licentiam standi extra ordinem, et gaudet suffragiis ordinis in vita et in morte. Datum Tybur(i), 26 augusti.

Fratri Simoni Egidii de Tybure fuit concessa cella sita in suo conventu Sancti Blaxii de Tybure, sita(?) in dormitorio versus cisternam, inter cellam fratris Blaxii et cellam fratris Angeli, ad usum toto tempore vite sue. Datum Tybur(i), xxviij augusti.

Frater Marsilius Antonii de A??quis de Tybure fuit assignatus in conventu Minerve in Urbe. Datum Tybur(i), die 29 augusti.

Frater Vincentius Boch de Ruremundis provincie Saxonie, filius conventus Sancte Marie ad Gradus de Viterbio ubi recepit habitum et fecit professionem et suscepit ordines usque ad dyaconatum inclusive, et habet licentiam sacerdotii, potest ire in patriam ad visitandum parentes et amicos, et exigere bona sua et iura, et ibi morari ac manere in aliquo conventu ubi provincialis vel eius vicarius eum assignaverit; et potest redire ad conventum suum viterbiensem, cuius declaratur filius nativus; et potest cantare suam missam primam ubi ult, sive hic sive in patria sua. Et nullus inferior. Datum Viterbii, viiij septembris.

■ de Ruremundis = Roermond, oggi suffraganea di Utrecht, Nederland. Appartenente, nella geografia domenicana, alla provincia di Sassonia; distinta e confinante com la provincia di Teutonia. Mappa dei conventi di entrambe le province: L. Sturlese, Dokumente u. Forschungen zu Leben u. Werk Dietrichs v. Freiberg, Hamburg 1984, cartina geografica nel verso della coperta.

Frater Dominicus Antonii de Valentinis de Viterbio, qui habet xl annos in ordine et fecit multa bona conventui et maxime fontem(?), fit iubilarius, nullis obstantibus. Datum Viterbii, xj septembris.

|74v|

Frater Iohannes ser Uberti de Florentia fuit translatus de conventu Sancti Marci et de conventu pratensi et de omni alio conventu ad conventum Sancte Marie Novelle, et ibi factus filius nativus, si maior pars fratrum consenserit. Datum Rome, j octobris 1479.

Magister Thommas Petri de Aquila declaratur filius nativus conventus perusini, sicut habes in copia signata ϕ. Datum Rome, 4 octobris.

Frater Dominicus Nannis de Narnea habet licentiam standi ubique extra ordinem, etiam in urbe Roma, et tenendi secum frarem suum Moysem; et cella sua sibi reservatur in suo conventu narniensi. Datum Rome, v octobris.

Frater Thommas de Aversa fuit assignatus in conventu perusino in magistrum studentium. Datum Rome, vij octobris.

Frater Spephanus de Gaieta fuit assignatus in conventu perusino ad legendum bibliam ordinarie pro gradu et forma. Datum ut supra.

Pro conventu perusino confirmatur quidam contractus, sicut habeis in copia signat PHL. Datum Rome, x decembris.

Frater Petrus de Berceto de Luca fui assignatus ad legendum bilbiam pro 3° anno, idest pro anno 1480, in conventu perusino pro forma et gradu magisterii, cum gratiis consuetis. Datum Rome, xi decembris.

Idem habet licentiam exire in quadragesima ad predicandum, et recipere elemosinas et pecunias pro subsidio studii et pro necessitatibus suis, sine inferioris molestia. Datum ut supra.

Frater Michael de Bosina, tertii habitus de Penitentia beati Dominici, deputatur in obsequium conventus Sancte Marie de Quercu iuxta Viterbium, ubi dictum habitum suscepit. Datum Rome, xj decembris.

Frater Iohannes ser Uberti de Florentia, qui fuit acceptatus a priore, magistris et patribus de consilio conventus Sancte Marie Novelle de Florentia, approbatur in dicta filiatione, et fit filius nativus dicti conventus Sancte Marie Novelle. Datum Rome, xvij decembris.

Frater Laurentius de Ricciis de Cortonio habet licentiam standi extra ordinem etc. Datum Rome, j ianuarii.

Frater Blasius et frater Iohannes de Anania m<ittu>ntur Perusium ad proficiendum ibidem in literis et in moribus. Datum Rome, vj ianuarii.

Magister Nicolaus de Viterbio fuit absolutus a prioratu conventus Sancte Marie de Quercu et fuit institutus vicarius magister Benedictus de Viterbio usquequo alius prior sit electus. Datum Rome, viij ianuarii.

Frater Petrus de Pisis fuit assignatus in conventu Sancte Marie de Quercu iuxta Viterbium. Datum Rome, x ianuarii.

Frater Iohannes Antonius Zainus de Terracina habet licentiam standi ubique extra ordinem, sed sit sub obedientia provincialis Romani. Datum Rome, x ianuarii.

→|75r|