|72r|

Frater Petrus sive Petruccius de Roma habet licentiam per unum annum stare extra ordinem et omnia facere que post? ?? ?? absolvi de levioribus quotiens fuerit opus absolvi, et plenarie ter in anno etc. In contrarium etc. Datum Rome, iiij februarii 1482.

Frater Lucas de Trano provincie Regni fuit assignatus ad legendum bibliam in sacro palatio pro graddu [sic] et forma magisterii, cum gratiis etc. Datum Rome, prima februarii 1482.

Frater Petrinus de Anania, prior conventus ananini, fuit citatus quatenus a notitia citationis post diem ??? debere arripuisse iter versus Romam ad rev.mum magistrum informandum de aliquibus arduis causis, sub  pena absolutionis ab officio prioratus et excomunicationis late sententie, omni excusatione postposita. Etiam mandatur fratri Nicolao de Anania ut investiget omni passione postposita de vita dicti prioris, et presertim si verum est ?? et fovet partialitates et armatos receptet in conventu et de ist(is) informet rev.mum magistrum. In contrarium etc. Datum Rome, v mensis februarii 1482.

Frater Petrus Charlay de Francia conversus, conventus Sancte Marie super Minervam, est assignatus in dicto conventu, nec inde potest removeri nec potest aliquo officio ultraquam ??? patiatur, graviori sub pena absolutionis ab officio suo. Potest etiam in conventu ordinis nostri regulato vel non, etiam extra ordinem morari, elemosinas recipere et retinere, et lucra que acquiret in sua arte pro suis necessitatibus retinere, et potest confiteri et ecclesiastica sacramenta recipere absque contradictione, presertim cum ab aliis pre<ce>dessoribus idem obtinuerit. In contrarium etc. Datum Rome, prima februarii 1482.

Conventus tyburtinus habuit revocationem littere fratris Mathey de Aquila quoad baptizare et quod non habet nec potest retinere novitium scilicet fratremMartinettum, ac totum fuit factum quod patres conventus petierunt. Datum Rome, 7 februarii. Remanet littera in suo robore quoad alia etc.

Magister Baptista de Polletiis de Mutina, propter absolutionem magistri Thome de Spoleto ab officio prioratus propter manus violentas quas iniecit in magistrum Petrum de Spoleto graviter gladio eum vulnerando, fuit institutus vicarius in dicto conventu usquequo prior fuerit electus et confirmatus; quam confirmationem ipse potest facere; et si eum contingat eligi, commissa fuit confirmatio fratri Stephano de Vio de Gaieta, et mandatur omnibus ut sibi in omnibus vicarium pareant. In contrarium etc. Datum Rome, die octava februarii 1482.

Priori conventus Sancti Marci de Florentia concessum est ut bona immobilia pertinentia ad locum Sancte Marie dello Saxo iuxta Bibienam possit in evidentem utilitatem dicti loci commutare; etiam concessa est confirmatio omnium licterarum precedessoris rev.mi magistri que facere videntur pro utilitate dicti loci sub quacumque forma sint. In contrarium etc. Datum Rome, die viij februarii 1482.

|72v|

Frater Iohannes Iacob Fuschi de Terracena potest stare et servire ecclesie extra ordinem que dicitur Sancta Maria de Surrescha(?) doycesis teracenensis, et bis plenarie absolvi et de aliis peccatis comunibus totiens quotiens opus(?) ?? a patribus nostri ordinis, nec potest Teracene nec in terminis eius questuare; potest tamen elemosinas recipere et retinere etc. Et nullus inferior etc. dummodo vivat honeste. In contrarium etc. Datum Rome, die x februarii 1482.

Frater Clemens de Bavaria, conventus mutinensis provincie Sancti Dominici, habuit licentiam standi usque ad capitulum generale sequens extra ordinem ubicumque potuerit, cum omnibus gratiis quibus tale ??? solet, et quod bis in anno absolvi plenarie; subicitur tamen propter aliquod delictum illi priori in cuius terminis moratur. In contrarium etc. Datum Rome, xvj februarii 1482.

Frater Petrus de Gragniano provincie Regni fuit assignatus in studentem artium in conventu perusino. In contrarium etc. Datum Rome, 19 februarii 1482.

Frater Bernardus de M(isericord)ia de Tuderto potest ordinari dyaconus. Datum Rome, xx februarii 1482.

Fratri Antonio Iohannis Sciapa de Tuderto fuit factum preceptum sub pena excomunicationis late sententie quatenus infra dies quinque debeat omnia bona sibi ab ordine concessa reduxisse in conventu tudertino, sub eius tamen cura et ad usum vite sue, et quod solvat - si ita test - ducat(os) duos dicto conventui, prout provincialis sententiaverit, et hoc infra dies xv. Datum ut supra.

Studio perusino fuerunt confirmata omnia privilegia et gratie, et de novo addita sunt infrascripta, scilicet quod regens non possit occupari in ratiociniis conventus tempore lectionum et circulorum, et similiter graduati et studentes.

Item ??lie novem lectionum pro defunctis dicantur diebus dominicis, nisi festum sequens impediat.

Item quod nullus studens tempore lectionum non possit occupari inter vel extra in celebratione missarum.

Item quod diebus ieiuniorum reficiantur sicut alii fratres conventuales in sero.

Item quod fratres studentes volentes audire lectiones graduatorum in quacunque facultate possint, si vero non sint studentes non dimictat officium. In contrarium etc. Datum Rome, 21 februarii 1482.

Frater Petrinus de Anania, prior Ananie, fuit institutus vicarius cum plenaria potestate conventuum terracenensis et pipernensis, et potest priorem si ibi sit presens electum confirmare, et specialiter fuit factus commissarius super excessibus prioris teracenensis, scilicet fratris Dominici de S??ino, qui dicitur falsificasse rev.mi magistri litteras et finxisse se vicarium rev.mi magistri super conventu pipernensi; si vero prior electus non est presens in conventu, confirmatio remictitur rev.mo magistro, et debet de omnibus excessibus rev.mum magistrum informare per processum etc. In contrarium etc. Datum ut supra.

Frater Thomas Pannivechi de Perusio habuit concessionem condam vinee toto tempore vite sue, ??que posse eius fructus recipere etc., salva proprietate conventui perusino. In contrarium etc. Datum Rome, 24 februarii 1482.

Frater Martinus de Savona et frater Franciscus de Papia sunt assignati in conventu pisano ob gratiam cardinalis Sancti Georgii et comit(is) Ieronimi, quorum dictus frater Martinus est consanguineus, qui potest ordinari dyaconus et completo 22 anno sacerdos; et mandatur priori ut eos recipiat. In contrarium etc. Datum Rome, 23 februarii 1482.

Magister frater Baptista de Polletiis de Mutina fuit confirmatus in priorem conventus spoletani cum gratiis talibus dari consuetis, etiam suscipiendi [susciprendi scr.] ultimas voluntates et conversos induendi. In contrarium etc. Datum Rome, 23 februarii 1482.

Magister Marianus de Roma, sotius ordinis, habet plenitudinem potestatis in commissione sibi facta Tudertii et aliis conventibus et partibus Ytalie. Datum ut supra.

|73r|

Frater Martinus Tulii de Datia fuit per litteras, quamvis etiam per capitulum, assignatus in bachalarium in studio et conventu perusino, et potest legere in conventu in omni facultate volentibus ??? audire. In contrarium etc. Datum Rome, die 24 februarii 1482.

Frater Magnus Petri Roffaldensis provincie Datie fuit assignatus Perusii in studentem theologie, accedente prioris assensu, cun gratiis etc. Datum Rome ut supra.

Frater Barnabas de Modunio provincie Regni fuit assignatus ad perficiendum in studio Perusii. Datum Rome, prima martii 1482.

Frater Ludovicus de Pisis, prior conventus Sancte Chaterine de Pisis, fuit institutus vicarius monasterii Sancti Pauli de Pisis cum plenitudine potestatis, et potest ibidem subsituere unum vel duos secundum quod expedierit pro conservatione dicti monasterii. In contrarium etc. Datum Rome, die viij martii 1482.

Frater Petrus Ludovici de Narnea potest stare extra ordinem cum omnibus aliis gratiis que tales habentur. Datum Rome, 9 martii 1482.

Magister Marianus de Roma, sotius ordinis, habuit plenariam commissionem super conventu perusino et alios conventus ad quos declinabit, cum plenitudine potestatis ac si rev.mus magister esset, presentiando in omnibus locis ad quos ipse declinabit. Datum Rome, 13 martii 1482.

Frater Iulianus Amorosi de Tibure fuit auctoritate officii et privilegiorum ordinis institutus et confirmatus prior conventus terracinensis cum plenaria potestare, quia ibi non erant tot vocales qui possent procedere ad electionem et illi pauci postulaverunt in priorem dictum fratrem Iulianum. Datum Rome, 14 martii 1482.

Fratri Petro alias Petrino Nicolai de Anania, priori conventus ananini, conceditur licentia quod possit recipere ad ordinem et ad habitum ordinis fratrem Antonium Porcello de Piperno apostatam, et eum absolvere et dispensare prout oportet, et penitentia ei debita remittitur in manu ipsius fratris Petrini. Datum Rome, xv martii.

Frater Petrus de Pontalla et frater Nicolaus Frount fuerunt assignati in conventu Sancti Spiritus de Senis. Datum ut supra.

Sententia quam protulerunt venerabiles patres magister Dominicus Bartholomei, magister Stephanus Beninchasa, magister Iohannes Caroli et frater Martinus Donati, commissarii et iudices deputati in causa fratris Benedicti Doni, qui fuit camerarius multo tempore conventus Sancte Marie Novelle de Florentia (in qua sententia iudicaverunt eum debitorem conventus in libris 420, et ordinaverunt ut solveret ante proximum Pasca libras 179, et insuper ducatos decem Andree de Gaburro macellario; residuum vero per totum mensem augusti proxime fut<urum>, et declaraverunt quatuor partitas, que ascendunt ad summam librarum 72, esse dubias, et propterea eas suspenderunt) fuit confirmata, et mandatum quod observetur inviolabiliter sicut iudices iudicaverunt, sine impedimento inferioris. Datum Rome, xxiij martii.

Rev.do domino castellano Terracine et priori nostri conventus terracinensis <da>tur plena auctoritas contra fratrem Vincentium Mathei Parenti de Terracina in causa hereditatis dicti Mathei ut possint eum cogere ad reddendam rationem administrationis dicte hereditatis et ad faciendum omnia ad que de iure tenetur, et possunt cogere eum preceptis, censuris et cancere et modis omnibus. Nullis obstantibus. Datum Rome, xxiiij martii.

|73v|

Conventus Sancti Iacobi de Mevanea potest vendere quandam domunculam que mi<n>atur ruina, dummodo pretium convertatur in evidentem utilitatem conventus et de consilio patrum conventus ac procuratorum, nisi taliter esset condi?? quod si venderetur alteri recaderet. Datum Rome, die 29 martii 1482.

Magister Dominicus Bartolomei de Florentia habet commissionem expellendi illos fratres qui litteras rev.mi magistri interceperunt et quod remictat eos ad rev.mum magistrum, etiam litteras remictat; et circa hoc, habet plenariam auctoritatem usque ad dictorum effectu. Datum Rome, die 30 martii.

Frater Petrus de Pisis fuit assignatus in conventu luchano. Datum ut supra.

Frater Iohannes de Anania fuit assignatus in conventu eugubino, et potest exire ad scolas ut proficiat in gramaticalibus. Datum Rome, die 31 martii 1482.

Magister Iohannes Perdicario, sotius rev.mi magistri, fuit institutus vicarius monasterii Sancti Sixti, cum plenaria auctoritate in capitibus et membris, in spiritualibus et temporalibus, et cum invocatione brachii secularis. Datum Rome, prima aprilis 1482.

Frater Mariottus Viviani de Prato fuit assignatus in conventu suo pratensi, et habet confirmationem cammere quam inhabitabat, et est effectus iubilarius cum gratiis etc. Datum Rome, xj aprilis 1482.

Frater Sebastianus de Spoleto fuit assignatus in studentem honoris in conventu Sancti Dominici in Campo Regio de Senis. Datum ut supra.

Frater Thomas Mathey Boffolo, conventus Sancte Marie Novelle de Florentia, fuit assignatus in conventu predicto in studentem theologie. Datum ut supra.

Frater Dominicus Aiutamechristo de Pisis fuit assignatus in conventu Sancte Chaterine de Pisis, et mandatur presidenti ut omnino remaneat(?). Datum Rome, xj aprilis.

Frater Antonius de provincia Provincie, frater conversus, fuit assignatus in conventu Sancte Marie de Quercu Viterbii. Datum ut supra, Rome, xvij aprilis 1482.

Frater Christoforus Angelini de Fundis provincie Regni potest, usque ad mensem octobris inclusive, stare in servitium Sancte Marie de Surrescha(?) iuxta Teracanam, et semel plenarie absolvi, et omnia potest facere que faciunt similes fratres extra ordinem. Datum ut supra.

Frater Laurentius de Pistorio fuit confirmatus in priorem conventus Sancti Dominici de Perusio, cum ea auctoritate quam habere solent priores conventuales in suis conventibus; et prius fuit absolutus ab officio prioratus conventus pistoriensis. Datum Rome, xx aprilis 1482.

Frater Ieronymus de Pi<stor>io fuit institutus vicarius conventus pistoriensis quousque prior electus sit confirmatus et presens fuerit in coventu; et potest priorem electum confirmare; et casu quo esset ipse electus, confirmatio commictitur fratri Baptiste de Reate. Datum Rome ut supra.

|74r|

Frater Thomas Mariotti Pannivechi potest vendere vineam que sibi concessa est, et que ex hereditate suorum et sui consobrini nomine Antonii Venture Pannivechi, et hoc propter debita que ipse frater Thomas habet et propter hedificationem cammere in conventu suo nativo Sancti Dominici de Perusio et propter suas necessitates; et potest omnia facere que ad talem(?) requiruntur vendicionem. Et nemo inferior, sub precepto etc. Datum Rome, die 22 aprilis 1482.

Magistro Paulo de Corsica fuit facta commissio cum plenaria auctoritate exigendi a conventu perusino ducatos viginti, quos magister Leonardus generalis ordinis debebat magistro Ludovico propter quendam equum pertinentem dicto magistro Ludovico, et de hoc fuit facta alias commissio, ut patet folio 61; quas litteras vult haberi pro express., et suum vult hec sortiri effectum; et de novo conceddo [sic] ut dictus commissarius possit de cammera dicti rev.mi magistri Le(onardi) generalis sparnerium, lintea(min)a, pannos et alia suppellectilia usquequo sit facta debita satisfactio. Datum Rome ut supra.

Frater Petrus de Mayda, conventus Sancte Zite de Panormo provincie Trinachie, fuit assignatus in conventu Sancti Marci de Florentia. Datum Rome, 24 aprilis 1482.

Frater Ugolinus de Cortonio fuit assignatus in conventu Sancti Spiritus de Senis. Datum ut supra.

Presidenti et patribus conventus perusini mandatur sub pena gravioris culpe, quam ipso facto incurrant, quatenus non audeant ad fabri?? sine consilio et consensu omnium, etiam sub eadem pena mandatur ut revideantur rationia conventus quoad fabricam ??? infra quinque dies, et loco [lococo scr.] rev.mi m(agistri) nominatur magister Paulus Corsus, ad cuius ?? sententiam omnes teneantur attendere, et derogatur omnibus que quomodolibet possent allegari. Datum ut supra.

Frater Vincentius de Mayda conventus Sancte Zite de Panormo fuit assignatus in conventu Sancte Marie de Quercu Viterbii. Datum ut supra.

Magistro Andree de Lentino provincie Trinachie mandatur sub penis gravioris culpe excomunicationis late sententie, privationis omnium gratiarum et ipsius magisterii et carceris et habitus, quatenus non loquatur cum aliqua persona seu fratre sine licentia de rebus permaxime que concernunt ordinem et monasterium Sancti Sixti, nec de eius absolutione; quod si secus fecerit, dictas penas incurrat. Datum Rome, 24 aprilis 1482.

Fratres scilicet Theodoricus Scolochter provincie Theutonie et frater Iohannes de Lovania alias de Dyest eiusdem provincie sunt assignati studentes theologie in conventu perusini, pro rata unus scilicet provincie Francie alius provincie Anglie, cun gratiis etc. Datum Rome, 26 aprilis 1482.

Frater Iohannes de Visso conventus perusini habuit confirmationem concessionis sue cammere sub titulo Sancti Thome in conventu perusino, et de novo fuit sibi data et concessa dicta cammera cum orto et pertinentiis suis, et potest elemosinas retinere, et tempore quadragesime et omni tempore quando fuerit requisitus ire predicatum, et fuit eius b??atus confirmatus. Datum Rome, 2 madii 1482.

|74v|

Omnibus patribus conventus perusini, et specialiter magistro Sebastiano Angeli de Perusio, mandatur sub precepto et penis gravioris culpe et privationis omnium gratiarum ordinis, etiam ipsius magisterii, et omnium suffragiorum ordinis, etiam ipsius habitus privationis, et excomunicationis late sententie, quatenus observent litteras que fuerunt facte tempore quo erant provisores in ordine et sententiam latam in capitulo generali per iudices causarum(?) in capitulo generali in favorem Constantini Iohannis de Perusia super quibusdam bonis non vendendis, quas litteras omnes vult rev.mus magister habere hic pro express.; et sub dictis penis mandatur dicto magistro Sebastiano quatenus a notitia presentium ??? infra terminum quinque dierum coram rev.mo magistro. In contrarium etc. Datum Rome, vj madii 1482. Et predicte littere remaneant apud dictum Constantinum postquam fuerint presentate et lecte in sui favorem. Datum ut supra.

Magister Geminianus Laurentii, conventus Sancte Marie Novelle de Florentia, fuit declaratus et approbatus magister; et eius magisterium quod Senis susceperat non peractis principiis, prout in eius licentia continetur, ratione cuius fuerit privatus ipso magisterio et tandem fuit conclusum quod si subiret examen quod eius magisterium approbaretur, sicut fecit, in quo examine fuit repertus ydoneus, et sic fuit ipsum magisterium approbatum; et mandatur omnibus ut ipsum velut [velud scr.?] magistrum ??? habeant et, gaudere potest omnibus gratiis magistrorum. In contrarium etc. Datum Rome, vj madii 1482.

Priori Civitatis Vetule mandatur <sub pena> absolutionis et excomunicationis late sententie quod infra mensem(?) satisfaciat Iohanni Corso de uno ?quo de ... et quindecim milibus ??dinum, in quibus obligatur ei Iacobus domine Anastasie eius? her??? conventus, dummodo ita sit. Datum Rome, xj madii 1482.

Conventui pistoriensi declaratur quod frater Laurentius de Pistorio, qui fuit electus prior in conventu perusino, fuit absolutus, et eius confirmatio sit annullata ad instantiam fratrum et civium pistoriensium; et casu quo ipse esset reelectus, confirmatio commictitur fratri Ieronimo de Pistorio; si autem alius esset electus, tunc dictus frater Laurentius potest illum confirmare. Datum Rome, xj madii 1482.

Frater Dominicus ??pi de Florentia, conventus Sancte Marie super Minervam, habuit licentiam eundi ad visitandum parentes suos Florentiam, et redire a<d> dictum conventum suum. Datum Rome, xij madii 1482.

Conventui perusino declaratur qualiter prior quem ipse elegerant et fuerat confirmatus per rev.mum maigstrum, fuit absolutus, et hoc ad instantiam civium pistoriensium et fratrum hoc petentium propter incomoda que et conventus et civitas passa fuisset de absentia dicti prioris electi, scilicet fratris Laurentii de Pistorio. Et mandatur eis ut procedant ad electionem alterius qui non sit occupatus. Datum Rome, xj madii 1482.

Frater Ieronimus de Pistorio fuit missus visitator et vicarius ad coventum luchanum cum plenaria potestate, etiam confirmandi(?) priorem, si contingat illum qui nunc est absolvi; et casu quo ipse frater Ieronimus esset electus, confirmatio commissa fuit fratri Baptiste de Reate. In contrarium etc. Datum Rome, 12 madii 1482.

→|75r|