|74v|

1487

Frater Ioannes Francisci, supprior conventus Sancte Marie Novelle, absolvitur ab officio supprioratus etc. Datum in Sancto Cassiano, die xix novembris 1487.

Frater Dominicus Iacobi ser Nini de Corthonio eximitur ab ebdomadaria. Et nullus etc., non obstantibus etc. Senis, 20 novembris.

Frater Ioannes Baptista de Senis, conventus de Quercu de Viterbio, assignatur Pistorii; et mandatur ei sub excomunicatione late sententie etc., ut infra 6 dies recedat de conventu Sancti Spiritus de Senis, et recto tramite illuc vadat. Ut supra.

Fratri Laurentio Antonii de Sancto Miniate mandatur sub pena carceris ut infra tres dies recedat a conventu et confinibus Sancti Miniatis. Non obstantibus. Senis, xxi novembris.

Magister Thomas de Reate assignatur regens Senis pro hoc anno, et cassatur omnis alius. Non obstantibus etc. Senis, ut supra.

Fratri Thome Cortesio et fratri Thome de Sancto Geminiano fit eis commissio cum omni potestate circa causam fratris Petri Flexii et prioris conventus Sancti Geminiani; et si frater Petrus non furtim aliquid abstulit a predicto conventu Sancti Geminiani, dimi(cta)tur pacifice. Rome, 2 decembris.

Fratri Innocentio conventus Camporegii mandatur sub pena carceris ut infra spatium trium dierum debeat recedere ab ecclesia Sancti Nicolai de Rocha Strada, nec ibidem amplius divina celebrare, cum ecclesia sit interdicta et plebanus excomunicatus. Rome, 19 decembris.

Frater Georgius de Narnia fit gubernator et cappellanus monialium Sancti Dominici in Cafagio de Florentia, cum omni auctoritate et potestate huiusmodi etc. Mandatur omnibus monialibus ut eidem obediant etc., et sibi in spatio x dierum mandatur ut debeat illuc accedere. Rome, 19 decembris.

Sorori Marie de Puccinis, monasterii Sancti Nicholai de Prato, conceditur quod possit invitare in festo quod annualiter celebrat unum predicatorem, et quater in anno potest absolvi etc. Florentie, 19 novembris.

Universis patribus et fratribus conventus Sancte Marie super Minervam mandatur sub pena excomunicationis late sententie quatenus nullus audeat quascunque elemosinas sibi quocunque titulo vel quavis ratione datas ultra diem naturalem sed infra diem naturalem fideliter in comuni ponere et resignare etc.; alias dictam excomunicationem etc. Non obstantibus literarum(?) etc. Rome, 19 decembris.

Leonardus de Spoleto, qui alias fuit receptus sub habitu clericali in nostro ordine et ante professionem aufugit a conventu, postmodum rediens ad conventum fecit coactam professionem, unde declaratur quod non est frater ordinis et non potest impediri. Rome, 16 decembris.

Frater Dominicus Theutonicus, conventus Minerve, mittitur ad provincialem Ungarie, qui sibi de aliquo conventu iuxta suam devotionem et ter in anno absolvi. Rome, 10 decembris.

Frater Vincentius, conventus tudertini, potest stare quatuor annos extra ordinem et ter absolvi. Rome, 13 decembris.

Fratri Ioanni Dominico, conventus Sancte Marie ad Gradus, conceditur quod possit retinere elemosinas et non alienare extra ordinem. Rome, 30 decembris.

Magistro Dionoro de Viterbio et magistro Nicholao Calanzono commictitur ut disponant cum domino Galeotto gubernatore ariminensi de rebus magistri Francisci Bastardi, quod pecunie per banchum ad magistrum rev.mum consignerur et omnia bona venalia iusto vendantur pretio etc.; alia etiam bona ad rev.mum  portentur et sub inventario ab iis accipiantur etc.; orans predictum gubernatorem etc., mandatur eis ut acceptent huiusmodi commissionem. Mandatur etiam omnibus fratribus sub pena excomunicationis ut predictis commissariis consignent onnia bona. Rome, 30 decembris 1487.

|75r|

1487  -  1488

Fratri Pacifico Viterbiensi conceditur quod possit retinere elemosinas intuitu pro sorte datas, et quod extra ordinem non distribuat. 3 decembris, Rome.

Frater Leonardus de Pistorio potest stare extra ordinem. Rome, 14 decembris.

Donnus Leonardus, ordinis Sancti Benedicti alias conventus pisani, cum multa in ordine acquisierit et postmodum aliqua consumpsit, que nunc habet tenetur ordini restituere. Rome, 18 decembris.

Frater Andreas de Lucha deputatur ad gubernationem et custodiam in spiritualibus in monasterio Sancti Dominici de Pisis, et ??? eidem mandatur ut in spatio x dierum ut debeat illuc accedere. Rome, ut uspra.

Soror Gabriella, priorissa monasterii Sancti Dominici de Pisis, habet literas suspensionie ne debeat sorori Brigide, nunc in monasterio Sancti Pauli dell'Orto existe(nti), aliquam pensionem, dotem vel annum censum usque ad adventum rev.mi g(eneralis) dare. Rome, ut uspra.

Frater Ieronimus de Pisis assignatur in conventu Sancte Katerine de Pisis. Rome, 30 decembris 1487.

Frater Dominicus de Roma, habita licentia a sede appostolica [sic], potet visitare sepulcrum Domini, deinde redire ad provinciam suam, et in omnibus conventibus ordinis potest recipi etc.; et elemosinas pro itinere suo petere etc. Rome, 28 decembris 1487.

Magister Thomas de Reathe pro futura quadragesima assignatur in conventu lucano in predicatorem. In contrarium etc. Rome, prima ianuarii 1488.

Frater Petrus Nicholai de Lucha potet stare extra ordinem et ter absolvi. Rome, 3^a ianuarii 1488.

Frater Alexander Pauli del Ciaripa(?), conventus Sancte Katerine de Pisis, in spatio trium dierum debet recedere a civitate pisana et ad rev.mum magistrum sub pena carceris et excomunicationis venire. Rome, x ianuarii 1488.

Magister Benedictus de Pisis non potest absolvi ab officio prioratus nisi de licentia rev.mi magistri. Nullus etc. Rome, 12 ianuarii 1488.

Frater Andreas Ioannis privatur officio et dignitate bachalariatus, et frater Thomas Bonus et predictus frater Andreas alium non debent tenere locum nisi locum professionis et sibi deputatum ab ordine etc. Rome, 19 ianuarii. Et assignatur studenes theologie in conventu Sancte Marie Novelle.

Frater Petrus Antonii, conventus Sancte Marie Novelle, assignatur in conventu perusino. Ut supra.

Frater Sigismundus de Vechietis assignatur in conventu pisano etc. Rome, ut supra.

Frater Petrus Nicholai, conventus pratensis, potest ubique locorum predicare etc. Rome, xx ianuarii.

Frater Petrus de Sancto Geminiano potest stare extra ordinem, ter a reservatis absolvi. Rome, 15 ianuarii 1488.

Frater Ieronimus, conventus Sancte Marie Novelle, assignatur in conventu tiburtino. Rome, 23 ianuarii.

Frater Georgius de Transillavia [sic, = Transilvania?], conventus Sancte Marie super Minervam, dispensatur in observantiis regule, constitutionum etc., et potest elemosinas recipere, et totiens quotiens etc. potest absolvi. Rome, xx ianuarii.

Frater Thomas de Floriano absolvitur ab officio prioratus conventus floriani etc., et instituitur cappellanus et pater spiritualis monialium monasterii Sancti Dominici de Florentia in temporalibus et spiritualibus etc; et mandatur omnibus nonialibus ut iuxta consuetudinem conventus sibi in omnibus provideant etc., et in omnibus obediant etc., et infra decem dierum spatium debeat versus Florentiam accedere etc. In contrarium etc. Rome, 31 ianuarii 1488.

|75v|

Frater Dominicus della Reda, conventus Sancte Marie ad Gradus, assignatur in conventu Sancte Agnetis de Monte Policiano, et potest ire ad scolas secularium etc., tempore quo lectiones etc., absque etc. Rome, 29 ianuarii 1488.

Frater Benedictus conversus, conventus Sancti Dominici de Neapoli, de consensu presidentis etc.; et si eum habere noluerit, potest ad quemcumque conventum ordinis ubi eum habere voluerint etc. Rome, 4 februarii.

Fratri Cristophoro conventus perusini mandatur sub pena transgressoribus preceptorum debita ut ante quadragesimam debeat personaliter ante rev.mum magistrum comparere etc. In contrarium etc. Rome, 7 februarii.

Magister Petrus Antonii, procurator ordinis, instituitur vicarius, visitator et commissarius generalis in conventu Sancte Marie ad Gradus et Sancte Marie de Quercu etc., cum omni auctoritate etc., super fratribus etc., in capibus etc.; et potest priores et priorissas absolvere etc., et de novo instituere etc.; et mandatur omnibus fratribus ut ei obediant etc. Rome, 10 februarii 1488.

Renovata est pena suspensonis et pena transgressoribus prec(eptorum) que per literas clausas illata fuerat presidenti et patribus conventus mevenatis [menenatis scr.] etc. Rome, 17 februarii.

Conventui urbevetano, priori et patribus, mandatur sub pena excomunicationis ne possint vendere bona stabilia etc., et priori sub pena absolutionis iuxta acta capituli generalis etc. Cassatur omnis venditio facta tempore generalatus magistri ordinis. Rome, ut supra.

Priori et patribus conventus urbevetani mandatur ut debeant omnia restituere, sive consignare debitorem aut locum unde possit exigere suas pecunias fratri Petro de Urbeveteri etc. infra spatium trium dierum etc., ut apparet in hoc conventu per manus magistri Mariani de Roma olim provincialis, et etc.; similiter et quinque alios florenos quos exoposuit pro reparatione dormitaorii etc. Rome, 16 februarii.

Frater Thomas Greg(orii?) de Crapanica [sic] potest stare extra ordinem ubique terrarum etc., et potest sibi assumere et mutare sotium etc., et gaudet privilegiis ordinis etc., absque impedimento etc., nisi de verbo ad verbum etc., et derogatur omnibus aliis ordinationibus etc. Rome, 13 februarii.

Universis fratribus conventus lucensis precipitur sub pena transgressoribus preceptorum debita ne possint audire confessiones mulierum infra 30 annum absque conensu presidentis etc., et quod in festo Resurrectionis omnes elemosinas consignent prelato etc., excepto predicatore qui predicabit per quadragesimam. Rome, 8 februarii.

Frater Pacificus de Viterbio instituitur vicarius conventus et nove electionis, et cassatur omnis alia electio per fratres facta et omnis vicarius conventus etc. Rome, 20 februarii.

Idem quater in anno potest a reservatis absolvi etc., equitare, super culcitras dormire et in aliis rigorositatibus ordinis iuxta conscientiam suam dispensatur. Rome, ut supra.

|76r|

Fratri Ioanni Baptiste de Senis, conventus Sancte Marie de Quercu, precipitur sub pena carceris et excomunicationis etc. ut infra duorum dierum spatium a civitate senensi recedat, et coram me personaliter compareat etc. Rome, ut supra.

Frater Paulus et frater Bartolomeus de Passignano, conventus Sancti Dominici de Perusio, possunt ire ad scolas secularium etc., absque molestia. In contrarium etc. Rome, 20 februarii 1488.

Priorisse, matribus et sororibus de consilio Sancti Nicholai de Prato precipitur et mandatur sub pena transgressoribus preceptorum debita quatenus in spatium decem dierum etc. debeant domino Bernardo de Serzellis restituere puellam, videlicet Camillam quondam Martini aurificis filia<m> etc., que in predicto monasterio posita fuit per magistrum Iohannem de Florentia(?) etc., cum idem Bernardus dit tutor predicte puelle; alias dictam penam etc. Rome, 24 februarii.

Magister Thomas de Viterbio confirmatur in priorem conventus Sancte Marie ad Gradus, cum potestate etc., et mandatur fratribus ut ei obediant etc. Rome, 5 martii.

Frater Valentinus de Viterbio et frater Vincentius de Mugnano, conventus Sancte Marie de Quercu, post vigesimum secundum annum completum possunt ordinari in sacerdotes. Rome, ut supra.

Frater Antonius Michaellis, conventus Sancte Marie Novelle, assignatur Perusii in studentem theologie cum gratiis etc. In contrarium etc. Rome, 8 martii 1488.

Frater Antonius Serazanensis absolvitur ab officio prioratus conventus Sancti Miniatis in nomine .p. [= pape]. In contrarium etc. Rome, 5 martii.

Frater Philippus conversus, conventus Sancti Marci, deputatur [assignatur] in conventu Sancti Spiritus de Senis etc., orans etc. Rome, 18 martii.

Soror Agata de Oddis, monasterii Sancti Sixti, potest capere, recipere et retinere ad usum vite sue omnia bona germane sue sororis Antonie, nuper defuncte, absque molestia etc. In contrarium etc. Rome, 3 aprilis.

Frater Antonius Serazanensis instituitur et de novo declaratur, auctoritate Nicholai quinti, prior conventus Sancti Iacobi de Sancto Miniate etc., et mandatur eidem ut debeat exequi officium etc. Et declaratur qualiter frater Franscischus Ferro Venetus subdole literas istas acceperat a generali per sinistram informationem etc.; et cum deberet illas magistro Gabrieli consignare ut cognosceret veritatem etc., ipse etiam frater Franscischus spretis modis datis non reddens predictas literas etc., magistro Gabrieli personaliter publice in mensa legit etc., unde non sortite sunt effectum; et mandatur omnibus fratribus ut eidem obediant etc. Rome, 5 aprilis 1488.

Patribus et presidenti conventus perusini mandatur sub pena excomunicationis ne possint, sine expressa licentia generalis in posterum obtinenda, v<en>dere seu permutare vel alienare bona stabilia, maxime vero vineam fratris Iuliani de Perusio etc. In contrarium etc. Rome, 8 aprilis.

Frater Augustinus de Roma assignatur in conventu civitatis Penne, et mandatur presidenti ut eidem de cella meliori vacante sibi provideat etc. In contrarium etc. Rome, 9 aprilis.

Fratri Antonio Andreee de Civita Vetula mandatur sub pena excomunicationis late sententie, una pro trina etc.(?), ut in spatio 15 dierum a notitia etc., debeat K<a>terine Sclavone restituere suas pecunias, videlicet ducatos 20 valoris quemlibet(?) illorum baiochos septuaginta quinque, et alios 12 ducatos aureos papales etc. In contrarium etc. Rome, 15 aprilis.

→|76v|