|106v|

497. Frater Cherubinus Petri de Aliottis, vocatus in seculo Ioannes Franciscus, annorum 18, accepit habitum clericorum a fratre Cherubino, priore supradicto, die 17 ianuarii 1528. Infirmatus autem peste obiit in anno probationis hoc, die prima iulii 1528; et sic ante annum, in morte professionem fecit acceptis ecclesie sacramentis, fervens ac devotus filius.

498. Frater Archangelus Andreę Oliverii, in seculo Iacobus nuncupatus, accepit habitum clericorum die 17 ianuarii 1528 a fratre Cherubino; et revoluto anno, 2^a februarii die professus est in manibus fratris Nicolai de Micheloziis, prioris tunc temporis.

499. Frater Michael Blanchi Buti de Emporio, in seculo vocatus Butus, accepit habitum conversorum die 17 ianuarii 1528 a fratre Cherubino; et revoluto anno, scilicet 2^a februarii, professus est in manibus fratris Nicolai de Micheloziis, prioris tunc temporis.

500. Frater Paulus magistri Nicolai chirurgici del Tanfura, in seculo vocatus Ioannes Gual?tus, annorum 18 accepit habitum clericorum a fratre Cherubino die <  .  > februarii 152<7>; et revoluto anno professus est in manibus fratris Nicolai de Micheloziis, prioris huius conventus.

501. Frater Franciscus ser Bartholomei de Monte Rappoli, Franciscus in seculo vocatus, accepit habitum clericorum a fratre Cherubino 2^a februarii 1527; et die 2^a februarii revoluto anno, scilicet 1528, fecit professionem in manibus fratris Nicolai de Micheloziis, tunc prioris conventus.

502. Frater Mauritius Ioannis Clementis de Fanettis, in seculo Bernardus vocatus, annorum 16 accepit habitum clericorum a fratre Cherubino die  <  .   .  .  >; et missus fuit ad conventum Sancti Geminiani die 19 augusti 1528. Professio autem eius habetur in conventu Sancti Geminiani, et ibi pro illo conventu professus fuit.

|107r|

503. Frater Petrus Francisci del Fratino, eiusdem in seculo nominis, annorum 16 accepit habitum clericorum a  a rev.do fratre Nicolao Michelozio, vicario generali Congregationis, die 19 februarii 1527; qui revoluto anno, scilicet 8^a martii 1528, fecit professionem in manibus prefati fratris Nicolai, tunc existentis prioris.

504. Frater Nicolaus magistri Nicolai chirurgici del Tanfura, Bartholomeus in seculo nominatus, accepit habitum clericorum a fratre Nicolao Michelozio, vicario generali, die 7 martii 1527; et anno completo, 8^a martii 1528, fecit professionem in manibus fratris Nicolai supradicti, tunc prioris conventus.

505. Frater Reginaldus ser Bartholomei de Deis, in seculo vocatus Petrus, accepit habitum clericorum die 7 martii 1527 a fratre Nicolao Michelozio, rev.do vicario generali; et revoluto anno fecit professionem in manibus prefati fratris Nicolai, tunc prioris conventus, 1528.

506. Frater Barthalomeus [sic] Dominici aromatarius, eiusdem in seculo nominis. Uxore mortua sine filiis, accepit habitum conversorum die 29 aprilis 1528 a fratre Cherubino, tunc existente priore conventus. Et revoluto anno, die septima maii 1529 professus est in manibus prefati prioris, scilicet fratris Nicolai.

507. Frater Martinus Michaelis de Sancto Columbano, prope Septimum. Mortua uxore et sine liberis, accepit habitum conversorum [segue: a fratre Cherubino] die 29 aprilis 1528 ab eodem fratre Cherubino, existente tunc priore conventus. Et anno expleto, fecit professionem die 17^a maii 1529 in manibus fratris Nicolai pl Micheloziis, tunc prioris.

|107v|

508. Frater Sebastianus Petri de Podio Bonitio, eiusdem in seculo nominis, accepit habitum clericorum a fratre Nicolao Michelozio, priore conventus, die 8^a septembris 1528. Et revoluto anno, fecit professionem 14 septembris 1529 in manibus supradicti fratris Nicolai de Micheloziis, tunc prioris conventus.

509. Frater Thommas Ioannisbaptiste de Florentia de Rembottis, eiusdem in seculo nominis, accepit habitum clericorum a fratre Nicolao Michelozio die 8^a septembris 1528; et 14 die septembris revoluto anno, fecit professionem in manibus supradicti fratris Nicolai, prioris conventus.

510. Frater Dominicus Matthei de Strozziis, Alamannus in seculo dictus, accepit habitum clericorum a fratre Nicolao Michelozio die 25 decembris 1528. Et revoluto anno, ultima die decembris 1529, professus est in supradicti fratris Nicolai manibus, tunc prioris conventus.

511. Frater Ioannes Franciscus, tertii habitus, accepit habitum conversorum a fratre Nicolao prefato, die 25 decembris 1528. Et revoluto anno, die ultima decembris 1529 fecit professionem in manibus supradicti prioris. Nunc vero vocatur frater Iosef.

512. Frater Marcus Francisci de Casa(?), in seculo vocatus Iacobus, accepit habitum clericorum a fratre Nicolao Michelozio die 2^a aprilis 1529, annorum xxviij. Et revoluto anno, die 8^a aprilis 1530 professus est in manibus fratris Nicolai de Micheloziis. Eius autem renuntiationis rogatus fuit ser Iulianus de Ripa.

513. Frater Zenobius Ioannisbaptiste de Rembrottis de Florentia, annorum xiiij, accepit habitum clericorum die 2^a aprilis 1529 a fratre Nicolao Michelozio. Et revoluto anno, prolongata tamen professione per duos menses a priore fratre Nicolao Michelozio. Renuntiationis autem eius rogatus fuit ser Ioannes Simonis, custos puerorum Sancti Marci.

514. Frater Mattheus Matthei de Stroziis, Philippus in seculo vocatus, annorum 17, accepit habitum clericorum  a fratre Nicolao Michelozio die ultima maii 1529. Et revoluto anno, scilicet 2^a iunii 1530 professus est in manibus fratris Nicolai de Micheloziis. Eius autem renuntiationis rogatus fuit ser Petrus Francisci Macha?? die 29.

|108r|

515. Frater Benedictus Francisci de Sexto, 18 annorum, accepit habitum conversorum die ultima maii 1529 a prefato fratre Nicolao priore. Et revoluto anno, scilicet 2^a iunii 1530 professus est in manibus fratris Nicolai supradicti. Non renuntiavit, quia unde renuntiare non habebat, cum esset sextanus villicus et agrestis.

516. Frater Benedictus Roggerii de Flandria, in seculo Vilielmus, indigena civita<t>is Florentie, conversus, fecit professionem in manus fratris Nicolai de Bilioctis, prioris huius conventus, die 2^a februarii 1531, hora noctis prima.

Tempore prioratus fratris Nicolai Biliocti:

517. Frater Dominicus Dominici, in seculo vocatus Clemens, de Marcia(?), plebatus Sancti Stephani in Pane, conversus, fecit professionem dicta die et hora in manus prefati prioris.

Non renuntiaverut, quia nihil possidebant.

518. Frater Mathias filius Leonardi de Municha provincie Bavarie, in seculo vocatus Georgius, recepit habitum conversorum a fratre Nicolao Biliocto, priore huius conventus, die 24 februarii in die Santi Mathie apostoli 1530 more florentino. Postea fecit professionem in manus prefati prioris die 25 martii 1532 post mactutinas. Cui Dominus prestet perseverare.

nel marg. sin.: Hic recessit ex provincia de mense aprilis 1533.

519. Frater Gregorius Iohannis de Tonensi, diocesis aginensis in Gallia tholosana, acccepit habitum conversorum a fratre Nicolao Biliocto Florentino, tunc priore, die 23 iulii 1531, et vocabatur in seculo Petrus. Qui, evoluto anno, fecit professionem in manus eiusdem prioris die 26 iulii 1532, hora noctis prima.

520. Frater Iohannes Maria Iohannis Alexandrini, alias Lanciaio, in seculo vocatus Laurentius, accepit habitum clericorum a fratre Nicolao Biliotto, priore conventus Sancti Marci, die 15 augusti 1531. Qui, evoluto anno, fecit professionem sub eodem priore in manibus rev.mi magistri generalis totius ordinis, videlicet magistri Iohannis de Fenario Morliensis, natione guasco, die xvj^a augusti 1532, circa primam horam noctis. Aderat autem tunc presens prefatus magister in conventu.

Tempore prioratus fratris Francisci de Castilione:

521. Frater Michelangelus Petri de Puntormo, annorum 18 acccepit habitum conversorum die 3^a novembris 1531 a fratre Nicolao Biliotto, priore huius conventus, circa primam horam noctis. Qui, evoluto anno, die 8 novembris 1532, circa primam horam noctis, fecit professionem in manibus patris prioris fratris Francisci Castilionensis. Nec fecit testamentum quia unde faceret non habebat. 1532.

|108v|

Tempore prioratus fratris Francisci de Castilione Aretino:

522. Frater Petrus Pier Laurentii de Federighis, recepit habitum clericorum in conventu geminianensi a fratre Francisco Iuvenci de Medicis, tunc priore prefati conventus geminianensis. Et revoluto anno, fecit professionem in manibus prefati con??. Demum die 22^a novembris 1532 prefatus frater Petrus, de licentia rev.mi generalis magistri Iohannis de Fenario Morliensis, fuit acceptatus in filium huius conventus, consentiente capitulo conventus et de eadem licentia prefati magistri mutavit habitum et factus est conversus.

523. Frater Augustinus Honofrii de Caietanis, eiusdem nominis in seculo, plebanus de Calcinaria in agro pisano, recepit habitum clericorum die xj^a februarii 1531 a fratre Nicolao Biliotto, circa horam primam noctis, natus annos circiter 36, mens(es) quinque. Qui revoluto anno, tempore prioratus fratris Francisci de Castilione fecit professionem in manibus fratris Angeli de Diacceto, tunc provincialis Romane provincie, die vij martii 1532 in die Sancti Thome de Aquino. Fuerat enim sibi prorogata professio ut melius de rebus suis posset disponere. De eius renuntiatione fuit rogatus ser Pierfranciscus de Machalliis, notarius publicus florentinus.

524. Frater Alexander Alexandri de Rinuccinis fecit professionem die 14 martii 1532 more florentino, circa primam horam noctis, in manibus fratris Angeli de Ghiacceto, provincialis romani. Et quamvis habitum recepisset in conventu Minerve de Urbe a fratre Daniele de Aretio, tunc priore dicti conventus, die x^a martii 1531, attamen [eius sequ.] filiatio eius translata est ad hunc conventum, consentiente capitulo conventus et assensu rev.di provincialis. De eius renuntiatione fuit rogatus ser Bartholomeus de Meis, notarius florentinus, die 7 martii 1532.

525. Frater Angelus de Bergomo eadem hora fecit professionem in manibus predicti provincialis pro conventu urbevetano, ubi et habitum receperat.

526. Frater Damianus Marci de Burgo ad Malmanctile, comitatus Florentie, conversus; fecit professionem in manibus fratris Francisci de Castilione die 28 aprilis 1533, hora vesperum.

527. Frater Angelus Lucę de Ubertinis, Bernardus in seculo dictus, acccepit habitum clericorum a fratre Nicolao Biliotto die 9 maii 1532, videlicet in die Ascensionis, circa primam noctis horam, annorum 15, mensium 4. Revoluto annno, fecit professionem die xxj maii 1533, circa horam 23 et dimidiam, in manibus rev.di patris fratris Francisci de Castilione, prioris existentis. Eius renuntiationis rogatus fuit ser Bartolomeus de Meis. Nota quod fuit professus tacitus.

528. Frater Petrus Paulus Iohannis de Serraglis, Petrus in seculo vocatus, acccepit habitum clericorum a fratre Niccolao Biliotto die 6 iulii, circa horam noctis primam; erat annorum 16 et mensium j, 1532. Qui, revoluto annno, fecit professionem in manibus rev.di patris fratris Francisci Castilionensis, prioris pro tempore existentis, videlicet die 13 iulii 1533. Rogavit ser Iulianus de Ripa eius renuntiationem.

→|109r|