|292r|

Frater Petrus Nicolai conventus Sancti Dominici in Campo Regio potest petere iura sua contra fratrem Franciscum Blaxii de Sancto Geminiano et cogere eum, ac secum pacisci, et ferre(?) procuratorem ad agendum etc.; et quicquid exegerit sit ??? sua, salva tamen(?) proprietate conventui suo senensi. Datum Senis, 27 aprilis 1476.

Magistro Bartholomeo Zachio de Vulterris fuit concessa habitatio celle site in conventu Sancti Spiritus de Senis in dormitorio novo, cum lodia et studio et aliis pertinentiis, quam cellam ipse prius inhabitare cepit. Et potest eam habitare toto tempore vite sue quamdiu fuerit in conventu. Nullus inferior molestet, nullis obstantibus. Datum Senis, 27 aprilis.

Frater Michael Angelus de civitate Castelli habuit licentiam standi extra ordinem usque ad sequens capitulum generale, et officiandi ecclesias et cappellas, et recipiendi elemosinas; et confitendi cuicumque fratri, et bis infra hoc tempus de reservatis. Nullus inferior, sed propter debitum vel delictum etc. Datum Senis, 27 aprilis.

Studio conventus senensis fuerunt concessa quedam privilegia, prout habes in copia segnata S. Datum Senis, xxvij aprilis.

Frater Angelus Filippi de Senis fuit assignatus in conventu Sancte Marie Novelle de Florentia. Datum Senis, 27 aprilis.

Frater Thommas Baptiste de Senis fuit assignatus in conventu Sancti Marci de Florentia. Datum Senis, 27 aprilis.

Frater Bernardus Dominici de Senis fuit assignatus in studentem artium in suo conventu Sancti Dominici in Campo Regio. Datum Senis, 27 aprilis.

Frater Augustinus Landi de Cortonio fuit assignatus ad legendum bibliam extraordinarie in conventu perusino pro gradu et forma, cum gratiis consuetis. Datum Senis, die 27 aprilis.

Frater Bartholomeus Petri Ghaccii de Sancto Miniate habuit licentiam ut possit ter vel quater in ebdomada ire ad officiandum cappellam Sanctorum Martyrum Stephani et Laurentii sita in loco Canneto, iuxta Sanctum Miniatem, de beneplacito prioris Sancti Miniatis, qui rogatur ut eum non impediat; et potest tenere elemosinas sibi propter hoc datas. Datum Senis, die 28 aprilis.

Frater Iohannes Bartholomei conventus Sancti Marci de Florentia habuit licentiam eundi ad rev.dum vicarium generalem Lombardie, sine impediemento inferioris. Datum Florentie, die xxx aprilis.

Frater Phylippus de Ianua et frater Michael de Alemania fuerunt assignati in conventu Sancti Spiritus de Senis. Datum Florentie, 30 aprilis.

|292v|

Magister Amadeus de Pisis, prior conventus pratensis, fuit factus vicarius quamdiu est in officio prioratus super monasterio Sancti Nicolai de Prato, cum potestate puniendi, incarcerandi et omnia faciendi oportuna; et precipitur eis quod obediant. Nullus inferior. Datum Florentie, 30 aprilis 1476.

Frater Floridus de Civitate Castelli habuit dispensationem ad sacerdotium infra xxij anno completo. Datum ut supra.

Frater Angelus Bartholomei de Civitate Castelli fuit assignatus in conventu aretino. Datum Florentie, 30 aprilis.

Frater Benedictus Augustini de Pisis assignatur in suo conventu Sancte Caterine de Pisis. Datum Florentie, ij maii.

Frater Nicolaus Mazzuoli fuit factus vicarius super conventu Serezane donec aliud ordinetur, et fuit absolutus omnis alius vicarius. Datum ut supra.

Frater Nicolaus de Florentia fuit assignatus in conventu pennensi. Datum Bononie, viij maii.

Frater Iohannes de Pistorio fuit assignatus in predicatorem future quadrageime in civitate urbinat(ensi?) cum precepto quod vadat. Datum Bononie, xiij maii.

Frater Hieremias Mathei de Scharperia, qui nunc est monachus et rector ecclesie Sancti Petri a Santerno et ecclesie Sancti Bartholomei alle Valle, diocesis florentine, habuit literas commendationis quod recipiatur in conventibus tanquam frater ordinis ac singularis benefactor; et ipse et sui cognati et affines s??? ?? participationem bonorum. Datum Bononie, xv maii. Sub folio 294.

Presidenti et fratribus conventus lucensis precipitur sunb pena gravioris culpe et absolutionis ab officiis quod non vendant bona mobilia conventus sine licentia magistri ordinis, bona immobilia sine concensu omnium patrum de consilio; similiter non fiant expense neque res magne importantie sine consensu predicto. Nullus inferior. Datum Florentie, xviij maii.

Frater Bartholomeus Dominici de Feghino fuit factus filius nativus conventus tudertini et ibi assignatus in conventualem, si maior pars fratrum consenserit. Datum Florentie, xviij maii. Vel saltem si fratres ipsius conventus non contradicant.

Frater Antonius Pauli della Spina de Pisis fuit assignatus in conventu Sancti Dominici de Neapoli. Datum Florentie, xviij maii.

Frater Matheus Panichi de conventu fesulano habuit licentiam ubique predicandi quando fuerit requisituus, et potest assumere unum socium voluntarium non fugitivum, et recipere elemosinas sine preiudicio questuum, et confitendi dum discurrerit(?) cuicunque fratri ordinis et bis in anno de omnibus casibus. Nullus inferior. Datum Florentie, xxj maii.

|293r|

Priorisse et sororibus monasterii Sancti Nicolai de Prato datur facultas quod cum consensu maioris partis sororum possint permutare terras in utilitatem monasterii, et locare ad modicum vel longum tempus, etiam ad vitam, sine inferioris molestia. Datum Florentie, xxij maii 1476.

Fratri Petro Francisco de Sancto Miniate commititur quod visitet conventum vulterranum et absolvat - si upus est - priorem et alium instituat, inventaria faciat etc.; et si opus est, invocet brachium seculare. Omnes obediant. Nullus inferior. Datum ut supra.

Priori et patribus de consilio conventus Sancti Dominici in Campo Regio de Senis precipitur quod incarcerent magistrum Iohannem de Brixia, qui commisit multa furta et alia crimina, nec relaxent sine licentia expressa, et ad???carceri ibi macerandus secundum qualitatem delictorum, iuxta formam nostrarum constitutionium; et potest teneri in carcere seculari, nullis literis ostantibus, nec aliquis inferior impediat. Et revocantur sibi date litere. Datum Florentie, xxij maii. Et debent avisare magistrum rev.mum de iis(?) que gesserint.

Frater Angelus Philippus de Senis fuit assignatus in suo conventu senensi de Campo Regio. Datum ut supra.

Frater Petrus Lotti de Florentia habuit licentiam propter suas infirmitates ire Neapolim, quandocumque voluerit, ad conventum Sancti Petri Maryris, ubi assignatur; et donec vadat, remanet assignatus in conventu suo Sancti Marci de Florentia; et quando voluerit redire ad suum conventum, potest et ibi debet recipi tanquam filius; dum tamen ad predicta omnia interveniat consensus rev.di vicarii generalis Lombardie. Datum Florentie, xxiiij maii.

Locus Sancte Marie del Saxo iuxta Bibienam subiicitur cure prioris Sancti Marci de Florentia, et si quando auferretur ab eis, rehabeant omnes expensas; et potest prior cum consilio patrum permutare bona dicti loci, et locum edificare, prout plene habetur in copia signata M. Datum Florentie, xxiiij maii.

■ Cf. Creytens, Santi Schiattesi, AFP 27 (1957) 311 n. 30. Qui un bell'esempio tra originale epistola in extenso (pp. 309-11) e suo sommario regestato in AGOP IV.3, f. 293r.

Frater Nicolaus quondam Buoni Pieri de Luca habuit licentiam propter suas infirmitates ire ad omnia balnea et stare extra ordinem pro suis negociis quamdiu opus fuerit, et exigere bona paterna prout habet in man(uscrip)to sibi facto hac die manu ser Alexandri Raynaldi olim Alexandri de Gra??sis(?) notarii florentini; et potest officiare ecclesias et cappellas et recipere elemosinas. Et nullus inferior, nisi propter debitum vel delictum. Datum Florentie, j iunii.

Magister Gabriel Dominici de Florentia fuit factus procurator ad exigendum a fratre Francisco Blaxii de Sancto Geminiano duc. xvij  ɫ., et a presbytero Francisco Taddei de Poschis de Sancto Geminiano duc. x  ɫ., quod ipsi debent magistro Iohanni de Neapoli, cuius bona pertinent ad magistrum rev.mum. Datum Florentie, 31 maii.

Frater Thommas Simonis Strade de Florentia fuit translatus de provincia Regni et de conventu aquilano ad provinciam Romanam et ad conventum Sancti Marci de Florentia, si maior pars fatrum consenserit; et fiat de consensu predicto memorialis scriptura in libro consiliorum dicti conventus. Datum Florentie, 31 maii.

|293v|

Priori Sancti Marci, qui est et qui pro tempore fuerit, committitur cura sororum de Penitentia que sunt in Sancta Lucia, et potest eas corrigere et priorissam absolvere et aliam confirmare. Datum Florentie, iiij iunii 1476.

Frater Martinus Donati conventus Sancte Marie Novelle de Florentia, qui habet in ordine ultra xl annos et fuit supprior et pater de consilio et multos labores pertulit, fuit factus iubilarius cum gratiis consuetis, sine inferioris molestia. Datum Florentie, iiij iunii.

Frater Augustinus Thomme de Gherardinis conventus Sancte Marie Novelle de Florentia, qui fuit in ordine per annos et circiter xl, et fuit prior et pater de consilio, fuit factus iubilarius cum gratiis consuetis, sine inferioris molestia. Datum Florentie, iiij iunii.

Frater Dominicus Danielis de Pistorio et frater Petrus Salvatoris de Pisis, qui sunt deputati ad curam monasterii Sancti Iacobi de Ripolis de Florentia, habent licentiam eundi quocunque opus fuerit, soli vel sociati, pro negociis suis et dicti monasterii; et rogantur omnes ut benigne recipiant eos. Datum Florentie, viij iunii.

Frater Dominicus Masii Augusti de Mucello, conventus Sancti Dominici de Fesulis, habuit licentiam accipiendi bona dell'Acqua clara(?) prope Modilianam pro hospitio ordinis, si ordini concedatur; et potest ibi tenere(?) unum socium, dummodo non fugitivum neque recedentem a Congregatione Lombardie sine licentia sui prelati; et potest petere elemosinas, ?? celebrare et edificare locum, confiteri bis in anno. Et subsit correctioni priori<s> conventus fesulani. Datum Florentie, viij iunii.

Frater Franciscus Metti de Pistorio habuit curam loci Sancte Marie de Vinacciano, et potest tenere socios; et duret quantum placuerit rev.do vicario generali cum sonsilio prioris et patrum conventus pistoriensis, cuius obedientie et correctioni subiicitur. Nullus inferior. Datum Florentie viij iunii.

Magistro Dominico Bartholonei de Florentia committitur cura sororum Sancti Petri Martyris de Florentia, et quod possit eas absolvere ab omnibus et dispensare sicut potet magister rev.mus; et potest hoc committere alteri qui placeat priorisse et discretis matribus de consilio. Nullus inferior molestet. Datum Florentie, viij iunii.

Priorisse et sororibus monasterii Sancti Dominici in Cafaggio de Florentia precipitur sub pena transgressoribus precepti debita, privationis veli, vocis, gratiarum(?) et celle ac bonorum ordinis, quas penas incurrant ipso facto et non possint absolvi nisi a magistro rev.mo, quod de cetero nulla introducat per rotam puerum vel puellam maiorem quatuor annis; possunt in(tro)ducere minorem cum licentia priorisse et matrum discretarum, et hoc raro. Similiter quod nulla loquatur ad cratam que est retro altare, nisi forsitan tempore misse; et quod nulla scribat vel recipiat literas nisi prius ostendat priorisse, et priorissa debet ostendere subpriorisse et magistre novititarum. Et nullus inferior in literis dispenset(?). Datum Florentie, viij iunii.

→|294r|