|290r|

 E.      PROVINCIA ROMANA

Frater Nicolaus Angeli  de Viterbio, electus unanimiter ab omnibus vocalibus, fuit confirmatus in priorem Sancte Marie de Quercu iuxta Viterbium, cum potestate solita. Datum Rome, x februarii 1475. Et potest recipere conversos et de tertio habitu pro dicto conventu.

Frater Thommas Leonis de Prato habuit licentiam standi extra ordinem et officiandi etc., et bis in annno confiteri. Et nullus inferior etc., in forma. Datum Rome, xj februarii.

Fratri Tuccio de Bentrovato de Terracena mandatur quod ipsi et adversarius suus compareant Rome infra sex dies a notitia presentium in causa que fuit mota(?) coram episcopo Terracene, et producant generali iura sua. Datum Rome, xvj februarii.

Frater Nicolaus Antonii iunior de Anania fuit assignatus in conventu tyburtino. Datum Rome, xix februarii.

Frater Petrus de Cava de Regno, conventus Sancte Sabine de Roma, fuit assignatus in conventu Sancte Marie de Quercu iuxta Viterbium. Datum Rome, xxj februarii.

Frater Donadeus de Spoleto habuit licentiam standi extra ordinem, et officiandi ecclesias et cappellas, et recipiendi elemosinas et confitendi ter in anno, sine inferiois molestia. Datum Rome, 24 februarii.

Priori urbevetano precipitur quod incarceret fratrem Lucetheum, qui dicitur percussisse fratrem Thommam, si ita est, nec inde relaxet sine licentia rev.mi magistri, et si opus est invocet auxilium brachii secularis. Et declaratur excomunicatus, et non potest absolvi nisi a magistro rev.mo, mortis articulo dumtaxat excepto. Datum Rome, xxvij februarii.

Magistro Christoforo de Viterbio, provinciali romano, datur plenaria auctoritas contra magistrum Nicolaum de Viterbio, qui dicitur legisse libellos famosos contra patres conventus viterbiensis. Citet partes et faciat iustitiam secundum formam constitutionum. Datum Rome, 26 februarii.

Frater Baptista Iusti de Colonia conversus, conventus perusini, fuit remissus ad provincialem Theutonie, qui ei provideat de conventu coloniensi vel alio. Datum Rome, 28 februarii.

Frater Antonius de Ierano fuit assignatus in suo conventu tyburtino. et potest ire ad scolas grammatice. Datum Rome, ij martii.

Frater Thommas Mathei de Aretio habuit licentiam standi extra ordinem usque ad sequens capitulum generale, et officiandi ecclesias et cappellas, et confiteri omnibus fratribus, et ter infra hoc tempus de ommibus. Et nullus inferior etc., in forma. Datum Rome, v martii.

|290v|

Presidenti et fratribus omnibus conventus spoletani precipitur sub pena excomunicationis late sententie, a qua non possunt absolvi nisi a magistro rev.mo, mortis articulo excepto et tunc satisfactione secuta, qualiter infra sex dies resituant fratri Matheo de Iadra [= Zadar, Croazia] cingulum quoddam cum argento, vel revelent quicquid sciunt. Datum Rome, v martii 1475.

Soror Nanna, priorissa conventus seu monasterii Sancti Dominici in Cafaggio de Florentia, propter suas infirmitates ad eius petitionem abolvitur, et datur priori conventus Sancte Marie Novelle magistro Laurentio de Gherardinis ?? confirmet priorissam futuram et ??? sibi commictuntur plenarie vices rev.mi magistri. Datum Rome, ix martii.

Frater Benedictus Doni fuit remissus ad suum conventum Sancte Marie Novelle de Florentia, et precipitur priori quod eum retineat usque ad adventum magistri. Datum Rome, xiiij martii.

Magister Christoforus de Viterbio, provincialis, fuit factus vicarius super conventu viterbiensi, cum plenissima potestate etiam absolvendi suppriorem et alium instituendi etc., usque ad adventum prioris qui est absens; et potest cognoscere de causa magistri Nicolai et cuiusdam novitii, qui suasu dicti magistri Nicolai dicitur habitum dimisisse. Datum Rome, xv martii.

Frater Dominicus Riccius, conventus Sancte Marie Novelle de Florentia, fuit assignatus in conventu Londoniarum provincie Angelie; et potest tempore quadragesime et aliis temporibus exire ad audientiam cvonfessionum, si fuerit requisitus a mercatoribus civitatis London(iarum) et civitatis Ampthone(?) vel alibi; et prior<i> mandatur quod permictat eum sic ire pro consolatione dictorum mercatorum. Datum Rome, xv martii.

Fratri Raymundo de Valle Canonica, priori tudertino, datur licentia permutandi possessiones et bona immobilia dicti conventus tudertini provincie Romane et convertendi in meliores et utiliores possessiones, nullis obsstantibus etc., dummodo convertant in evidentem utilitatem conventus. Datum Rome, xv martii.

Fratri Nicolao de Urbeveteri precipitur sub pena excomunicationis quod compareat coram magistro Mathya de Viterbio ad reddendam rationem administrarionis de conventu tudertino, alias non possit absolvi nisi(?) in mortis articulo, nisi comparuerit ad requisitionem magistri Mathye. Datum Rome, 15 martii.

Priori Sancti Spiritus de Senis precipitur sub pena excomunicationis quod infra triduum restituat fratri Dominico de Burmio ??ltolina, converso, bol. 110, quod habuit in deposito dicti conventus, si ita est. Datum Rome, 15 martii.

Priori et patribus de consilio conventus Sancte Marie Novelle imponitur quod magister Marianus Vernaccius, et socius suus frater Albertus, faciat penitentiam gravioris culpe, alias incarceretur, sicut plenius habes in copia signata Ѫ. Datum Rome, 16 martii.

|291r|

Frater Augustinus de Roma fuit assignatus in conventu pennensi. Datum Rome, xix martii 1475.

Frater Augustinus de Roma habuit licentiam standi pro conventuali in quocunque conventu cuiuscunque provincie ubi priorem et patres invenerit voluntarios. Datum Rome, xix martii.

Priori et fratribus conventus Sancti Iacobi de Anania datur licentia quod possint tres petias terre, positas in loco Fontane Veteris in valle Bassani et in valle Pontis Pape, permutare et commutare in aliquod predium magis commodum et utile conventui; sine molestia inferioris, dummodo omnes fratres consentiant. Datum Rome, xx martii.

Frater Matheus de Aquila fuit confirmatus in priorem Sancte Sabine de Urbe, cum solita potestate. Datum Rome, x martii.

Magister Gabriel Dominici de Florentia habuit licentiam redeundi ad conventum suum Sancte Marie Novelle quandocunque sibi placuerit, et ibi assignatur cum socio suo. Datum Rome, xx martii.

Frater Franciscus Antonii habuit licentiam redeundi ad suum conventum Sancti Marci de Florentia quandocunque voluerit, et ibi assignatur. Datum Rome, xxij martii.

Frater Petrus Antonii de Bevania fuit assignatus in suo conventu Bevanie. Datum ut supra.

Magister Simon Berti de Florentia, prior conventus Sancte Marie super Minervam in Urbe, confirmatur in suo prioratu, et a nullo inferiore potest absolvi, suspendi vel impediri. Nullis obstantibus et derogando omnibus gratiis. Datum Rome, xxij martii.

Rev.dus dominus Dominicus episcopus reatinus, qui a papa mittitur ad provincias Theutonie, Hungarie, Polonie ac Boemie, commendatur omnibus quod cum honore eum suscipiant ob gratiam rev.mi domini cardinalis Sancte ???; et si voluerit unum fratrem probum et doctum, precipitur omnibus quod sibi concedant. Datum Rome, xxiij martii.

Frater Panthaleon de Roma declaratur, et de novo instituitur, prior monasterii Sancti Sixti in Urbe super sorores, cappellanum et servitores, cum plenaria potestate tam in temporalibus quam n spiritualibus, et nullus inferior potest eum absolvere, suspendere vel impedire, aut se de monasterio intromittere. Nullis obstantibus in contrarium. Datum Rome, xxiij martii. Usque ad reditum magistri rev.mi ad Urbem.

Frater Egidius de Bergomo deputatur in cappellanum et confessorem fratrum et sororum Montis Magnanapoli, cum plenissima potestate tam in spiritualibus quam in temporalibus; et nullus inferior potest eum absolvere, vel se de dictis fratribus et sororibus impedire. Nullis obstantibus. Datum Rome, xxiij martii.

Frater Albertus Andree de Perusio fuit assignatus in conventu Sancti Dominici in Campo Regio de Senis. Datum Viterbii, xxx martii.

|291v|

Frater Bartholomeus de Nochis de Luca, alias de Sancto Miniate, fuit electus et confirmatus a rev.mo magistro in priorem conventus Sancti Dominici de Serazana, qui conventus steterat sine priore per quatuor menses. Datum Perusie, die iij aprilis 1476. Cum plenaria potestate.

Frater Vincentius ser Angeli de Perusia habuit licentiam recuperandi bona sua per se vel per procuratorem, et earum que recuperaverit habet usumfructum quamdiu <voluerit?> pro studio, libris et necessitatibus suis, proprietate semper salva conventui suo perusino; et bona recuperata potest commutare in alia bona utiliora <cum consensu> maioris partis fratrum conventus perusini. Nullus inferior molestet. Datum Perusie, xvij aprilis.

Magister Amadeus de Pisis fuit factus vicarius generalis super conventu Sancti Dominici de Castello cum plenissima potestate, etiam absolvendi priorem et alium confirmandi, in forma amplissima, sine inferioris molestia. Datum Perusie, xvij aprilis.

Fratri Angelino de Fulgineo, priori conventus fulginatensis, precipitur sub pena absolutionis ab officio et excomunicationis - quas penas ipso facto incurrat -, quatenus solvat intra tres dies fratri Nicolao de Perusio florenos octo monete nove, sibi debitos ex concessione sibi facta a priore et fratribus perusini conventus de bonis fratris ???? de Perusio, vel saltem cum eo componat. Datum Perusie, xvij aprilis.

Frater Vincentius Christofori de Pisis fuit assignatuus in suo conventu Sancte Katerine de Pisis. Datum Perusie, 17 aprilis. Et habuit dispensationen infra xxij anno(?).

Frater Benedictus Augustini de Pisis fuit assignatuus in conventu Sancti Marci de Florentia. Datum Perusie, 17 aprilis.

Frater Thommas Iacobi Perucci(?) de Cortonio, tertii habitus de Penitentia beati Dominici, commendatur per omnes conventus ordinis cum discurrit. Datum Senis, 23 aprilis.

Frater Baptista de Reate fuit factus filius originalis conventus pistoriensis, si maior pars fratrum consenserit. Datum Senis, xxiiij aprilis.

Frater Paulus de Chianciano, conversus, fuit de putatus in suo conventu Sancti Marci de Florentia. Datum Senis, 24 aprilis.

Fratri Petro de Cortonio precipitur sub pena excomunicationis quod infra tres dies solvat fratri Augustino Landi de Cortonio ducatum unum, vel componat; alias condemnabitur in expensis. Datum Senis, xxvj aprilis.

Frater Anonius Laurentii conventus Sancti Dominici in Campo Regio de Senis, cui a priore et patribus conventus sui fuit concessa cella in infirmitorio, in qua solebat habitare frater Leonardus de Senis - qui nunc moratur extra ordinem -, habuit confirmationem dicte concessionis; et de novo conceditur sibi dicta cella cum omnibus pertinentiis quamdiu vixerit, sine molestia inferioris. Sed si redierit frater Leonardus, tunc reddere debet illam sibi. Datum Senis, 27 aprilis.

→ |292r|