precedente successiva

Regesta litterarum
fratris Leonardi de Mansuetis de Perusio, 1474-1480

■ AGOP IV.3 (1474-79): Provincia Romana ff. 52-69, 125-129, 290-307 ■

    ë  

|300v|

Stylo antiquo 1476, Stylo novo 1477

Frater Dominicus Petri Pauli de Urbeveteri habuit licentiam propter literas et mores sequendi quocunque ierit fratrem Franciscum de Vetralla, qui eum traxit ad ordinem, et ex nunc assignatur in eo conventu ubi ipse erit. Nullus inferior etc. Datum Viterbii, xxv ianuarii 1476.


In cima pagina: all'originale 1476 altra mano aggiunge il resto.


Frater Ambrosius Nicolai de Castello habuit licentiam quandocunque voluerti exire et stare ubique extra ordinem ad officiandum etc. cum uno socio, et potest recipere elemosinas et bis in anno confiteri etc. Nullus inferior. Et donec exierit, remanet cum voce et officiis. Datum Viterbii, xxv ianuarii.

Frater Antonius de Terdona, prior conventus eugubini, habuit preceptum quod incarceret etiam per brachium seculare, etiam in carcere publico civitatis, fratrem Petrum Cieppatelli de Cortonio si inventus fuerit in civitate eugubina vel terminis eius; nec relaxet sine spetiali mandato, sed rescribat statim cum eum reperit. Datum Viterbii, xxv ianuarii.

Conventus florian(ensis) potest vendere de bonis usque ad summam xxij ducat., dummodo appareat quod convertantur pro debitis et aliis necessitatibus edidentibus dicti conventus. Datum Viterbii, xxv ianuarii.

Frater Christoforus de Floriano, senex et antiquus, fuit factus iubilarius cum gratiis consuetis. Datum Viterbii, xxvij ianuarii.

Frater Thomas Leonis de Prato habuit gratias baccalariorum solum in suo conventu, sine molestia inferioris etc. Datum Viterbii, 27 ianuarii.

Conventui Sancte Marie Novelle declaratur quod concessiones cellarum vel breviariorum facte et fiende non teneant, nisi assentiat prior cum maiori parte patrum de consilio, exceptis concessionibus magistrorum et patrum de consilio. Nullus inferior etc. Datum Viterbii, 27 ianuarii.

Priori et patribus et fratribus conventus Sancte Marie Novelle precipitur quod pecunias Sancte Agnetis que ad eos pervenerunt vel pervenient usque ad capitulum generale solvant priori viterbiensi vel eius mandatario propter debita et onera que passus est pro magistro Christoforo provinciali et pro provincia; et ad hoc assensit rev.dus novus provincialis et diffinitores et priores et socii conventuum in capitulo proivnciali congregati. Datum ut supra.

Fratri Salvatori de Terranova fuit concessa cella in suo conventu Sancte Marie Novelle de Florentia, sita in dormitorio superiori inter cellam fratris Damiani et cellam fratris Petri Riccii, si prior et maior pars patrum de consilio assentiat. Datum Viterbii, xxvij ianuarii.

Magister Simon Bertus de Florentia fuit institutus vicarius Congregationis Romane, sicut plene habes in copia signata SR. Datum Viterbii, 27 ianuarii.

|301r|

Stylo antiquo 1476, Stylo novo 1477

Magistro Iohanni de Brixia, qui moratur in ecclesia Sancti Martini de Senis, precipitur sub pena excomunicationis late sententie quod infra sex dies recedat a civitate Senarum et eius districtu et vadat ad magistrum ordinis, alias capitivetur etiam in carcere seculari; et litere remaneant apud priorem Campi Regii et in ampla forma ut puniatur. Datum Viterbii, die xxvij ianuarii 1476.


In cima pagina: all'originale 1476 altra mano aggiunge il resto.


Frater Mathyas Bartholomei deFulgineo habuit licentiam standi extra ordinem ubique, preterquam in diocesi fulignate, usque ad sequens capitulum generale, et officiandi etc., bis in anno confitendi etc. Nullus inferior. Datum Viterbii, xxviij ianuarii.

Frater Thommas Iohannis deFulgineo, qui dicitur positus in penam gravioris culpe a fratre Simone de Viterbio vicario tunc(?) provincialis, absolutus fuit a dicta pena et restitutus ad omnes gratias etc. Nullus inferior. Datum Viterbii, xxviij ianuarii.

Frater Thommas Iohannis predictus habuit licentiam standi ubique extra ordinem, et officiandi et bis in anno confitendi etc. Nullus inferior. Datum Viterbii, xxviij ianuarii.

Frater Dionorus Gallensis de Viterbio fuit assignatus in magistrum studentium usque ad capitulum generale in conventu senensi de Campo Regio, nullis obstantibus etc. Datum Viterbii, xxviij ianuarii.

Frater Dominicus Antonii del Funario de Viterbio habuit licentiam recipiendi et retinendi pecunias acquisitas de opere manuum suarum et e elemosinarum pro se datas, et exponendi pro sui<s> necessitatibus, non obstantibus ordinationibus etc. Datum Viterbii, prima februarii.

Censura fortis de rebus ablatis in camera famulorum rev.mi magistri et de toto conventu Minerve quod infra sex horas etc. Datum Rome, 17 februarii.

Frater Iohannes de Viterbio habet licentiam standi extra ordinem ubique, et officiandi etc., recipiendi elemosinas etc.; et potest recipere de bonis ser Iacobi Gatti de Burrano sui patris adoptivi quantum iura permituunt et quantum sibi dare voluerit, et ire quocunque ipse pater adoptivus iusserit pro negociis suis; et potest bis in anno plenarie confiteri, dummodo etc. Datum Rome, xxi februarii. Nullis obstantibus.

Priorisse et sororibus monasterii Sancti Iuliani de Florentia precipitur sub pena absolutionis ab officiis privationis bonorum et gratiarum ordinis, graviorisque culpe ipso facto, a quibus non possunt absolvi nisi in mortis articulo, quod de cetero nullam recipiant ad habitum vel ad commanendum in monasterio sine expresso licentia in scriptis rev.mi magistri. Datum Rome, xxi februarii.

Sorori Taddee conceditur cela sororis Margherite, magistre sue, in monasterio Sancti Iuliani de Florentia post mortem toto tempore vite sue, sine inferioris molestia etc.; si qua tamen antiquior vellet dictam cellam, habeat servata consuetudine. Datum Rome, xxi februarii 1476.

|301v|

1477

Frater Laurentius Zenobiis de Narnea habet licentiam standi in Roma per totum mensem aprilis futuri ubique, et interim celebrare et officiare sine inferioris molestia. Datum Rome, 27 februarii 1476.

Magistro Simoni de Florentia et magistro Cherubino de Fabriano fuit commissa visitatio et reformatio monasterii Sancte Aure de Roma, cum plenissima potestate in capite et in membris. Datum Rome, 27 februarii.

Fratri Iacobo de Saxonia, filio conventus perusini, datur auctoritas quod posssit recipere dedicationem et donationem Iohannis Macciatelli de Rocha Sinibaldi diocesis aretine, qui vult se et sua dedicate ordini; et possit sibi tradere habitum tertii ordinis et domum pro hospitio recipere, cuius hospitii cura sibi committitur; et ille vult donare bona suo ordini et spetialiter officio magistri ordinis. Et potest questuare et bis in annno confiteri etc. Nullus inferior. Datum Rome, xx martii.

Magistro Thomme de Spoleto imponitur ut quod in eo est, et si sibi videtur, provideat removeri, et removeat procuratores conventus terracinensis et alii eligantur; et de cetero claves casse et depositi et elemosinarum remaneant una vel due apud priorem conventus et aliquem patrem antiquum, alie apud procuratores. Et nihil possit ordinari nisi omnibus partibus presentibus. Et precipitur fratribus quod obediant, et rogatur dominus gubernator et alii quod faveant(?). Datum Rome, xxij martii.

Priori qui est, et qui pro tempore fuerit, datur auctoritas retinendi fratres undecunque advenientes in conventu terracinensi, et potest recipere unum vel duos conversos de consensu capituli, et puniat delinquentes et conventum bene regulet. Et mandatur omnibus quod obediant. Datum Rome, xxij martii.

Frater Iohannes de Petrochinis de Terracena, predicator generalis, habuit licentiam morandi extra ordinem usque ad capitulm generale, et officiandi etc., et semel in anno confitendi etc. Nullus inferior. Datum Rome, xxix martii 1477.


1477 scritto in margine sinistro, della stessa mano.


Magistro Barnabe, procuratori ordinis, committitur cura super sororibus et fratribus Montis Magnanapoli in Urbe quamdiu magistro videbitur. Datum Rome, ij aprilis.

Frater Matheus de Aquila, prior Sancte Sabine, habuit literas sue gratiose absolutionis a dicto prioratu ad beneplacitum, et fit tunc vicarius usquequo alius prior sit electus et confirmatus ac presens in conventu. Datum Rome, 27 martii.

|302r|

1477

In monasterio Sancti Sixti de Urbe ordinatur quod due solum recipiantur in sorores, una que iam est in monasterio, si tamen infra octo dies ab hac solvant parentes dotem; et una alia de honestis parentibus, si tamen solvant dotem; et precipiur omnibus sub pena gravioris culpe et absolutionis priorisse quod de cetero nullam recipiant sine scitu prelati cui commissum fuerit, nisi essset tam digna persona quod ex eo fructus maximus speraretur et nisi - non recipiendo - scandalum immineret; et sub eisdem penis ipso facto, precipitur quod nulla loquatur(?) sine custodia, ut habetur in capitulo de recipiendis, de silentio et de ingressu et egressu domorum. Datum Rome, viij aprilis 1477.

Frater Leonardus Antonii de Pistorio habuit licentiam eundi in Siciliam ad fratrem Iohannem de Pistorio, et si ibi non inveniret eum, potest ibi remanere in quocunque conventu ui re cipi poterit. Datum Rome, viij mensis aprilis.

Frater Angelus Antonicelle de Tybure habuit licentiam exeundi conventum aliquando ad officiandum et redeundi ad conventum, et potest retinere elemosinas, et durat hec licentia quandiu et prout rev.do provinciali videbitur. Datum Rome, viij aprilis.

Magistro Barnabe procutari ordinis et magistro Simoni de Florentia commictitur omnimoda cura monasterii Sancte Aure in Urbe Roma cum plenaria potestate reformandi et incarcerandi etc., et possint simul et sigillatim omnia facere que possit rev.mus magister, et fiunt vicarii dicti monasterii cum plenaria potestate. Datum Rome, viij aprilis.

Frater Iohannes Antonius de Terracina fuit facuts filius nativus conventus narniensis, et sibi sit concessa quinta cella in dormitorio cum una alia iuxta cellam prioris, si tamen interveniat consensus maioris partis fratrum in capitulo; quo consensu secuto, nullus deinceps inferior etc. Datum Perusii, die xiiij aprilis.

Frater Vincentius Horlandi de Perusia debet precedere omnes secundum antiquitatem habitus, post baccalarios formatos immediate ubique, nullis obstantibus etc. Datum Perusii, xv aprilis.

Frater Dominicus de Florentia, conversus, fuit assignatus in suo conventu fesulano si rev.dus vicarius Lombardie asssenserit, et potest recipere certam elemosinam a parentibus pro suis vestibus et aliis necessariis. Datum Perusii, xvj aprilis.

Magister Thomas de Viterbio, prior conventus lucensis, fuit factus iudex inter fratrem Britium de Bergomo conversum et fratrem Iohannem de Varena super pecuniiis et rebus quas petit frater Britius, et potest cogere per censuras arrestationem bonorum et alia remedia ad satisfaciendum; et datur sibi plenaria potestas in hac parte, et precipitur sibi quod diligenter inquirat de veritate. Datum Perusii, xvj aprilis.

|302v|

Frater Iulianus Angeli  de Perusio habet licentiam tempore pestis et aliarum perturbationum et necessitatum, quandocunque voluerit, declinare ad conventum qui sibi placuerit, cum socio suo; et ibi potest per presidentem assignari et stare quandiu voluerit. Datum Perusii, die xviij aprilis 1477.

Frater Thommas Christofori de Frollieri de Perusio assignatur in conventu lucensi. Datum Perusii, die xviij aprilis.

Frater Benedictus de Perusio fuit assignatus in conventu fabrianensi. Datum Perusii, xvj aprilis.

 Frater Christoforus de Eugubio habet licentiam docendi pueros in grammaticalibus prope conventum eugubinum, ut hactenus facit; et confirmatur sibi concessio ecclesie Sancte Marie de Plano quam sibi suus conventus concessit manu ser Moysi Ba??? de Eugubio. Possit rev.dus provincialis de predictis disponere prout vult, et nullus alius eo inferior molestet. Datum Urbini, xxiiij aprilis.

Fratri Marino de Eugubio precipituer sub pena excomunicationis late sententie ipso facto quod infra triduum recedat a castello sive abbatia Sancti Benedicti Veteris et a toto comitatu et districtu egubino [sic], non rediturus sine expressa licentia mea vel provincailis in scriptis; alias post triduum, carceri mancipetur nec relaxetur sine licentia mea vel provincialis. Datum Urbini, xxv aprilis.


Sancti Benedicti Veteris: forse da identificare con "monasterium Sancti Benedicti prope Eugubium", cf. P. Sella, Rationes decimarum Italiae. Umbria, Città del Vat. 1952, I, 174 n° 2606 ecc.; II, 140b.


Omnibus fratribus nativis conventus eugubini, commorantibus ubicunque extra ordinem, precipitur sub pena excomunicationis late sententie ipso facto quod quolibet anno, incipiendo annum a die notitie presentiarum, solvant infra dictum annum conventui egubino [sic] florenos auri quatuor si sint magistri, si non sunt magistri duos; similiter precipitur aliis fratribus qui morantur extra ordinem in comitatu et districtu eugubino; vel componant cum priore et patribus. Et conventus eugubinus teneatur semel in mense eos receptare per diem naturalem in conventu; et qui pluries venerint ad conventum, satisfaciant de expensis. Perpetuo presentibus valituris. Datum Urbini, xxv aprilis.

Andreas Nannis de Prato, clericus, mittitur Perusium ad pulsandum organa, et commendatur per conventus ordinis. Datum Arimini, iij maii.

Frater Christoforus de Mediolano conventus calliensis restituitur ad omnes gratias ordinis et voc(is?) active et passive, et ad usum omnium suorum bonorum; et fit sibi plenaria remissio omnium preteritorum. Et nullus inferior amplius de preteritis molestet. Datum Arimini, iij maii.

Magister Anselmus de Cataneis de Aretio, qui tenet beneficia ecclesiastica de licentia sedis apostolice et cum gratia et benedictione ordinis, potest assumere et mutare unum socium quem voluerit ex fratribus nostri rodinis sine impedimento inferioris etc. Datum Ravenne, vj maii.

Frater Franciscus Pauli de Viterbio, baccal(areus), qui fecit cursum suum, habet licentiam sumendi insignia magistralia Perusii vel alibi, habita dispensatione vel ???  ???; et ipsis susceptis, gaudet omnibus gratiis magistri, absque impedimento inferioris. Datum Ferrarie, ix maii.

Frater Iohannes Augustini de Sancto Miniate fuit assignatus in predicatorem future quadragesime in Minerva. Datum ut supra.

|303r|

precedente successiva