|298r|

Magister Antonius Schiattesius, prior conventus Sancte Marie Novelle de Florentia, habuit licentiam retinendi et assignandi in conventu suo fratres undecunque venientes quos idoneos et conventui utiles iudicabit, et removendi inutiles et scandalosos; et insuper corrigendi fratres qui morantur de licentia ordinis extra ordinem in territorio florentino, si delinquerint, et potest invocare auxilium brachii secularis. Nullus inferior etc. Datum Florentie, iij novembris 1476.

Frater Iohannes ser Uberti de Florentia habuit licentiam predicandi in quadragesima et aliis temporibus quando et ubi fuerit requisitus, sine molestia inferioris. Datum Florentie, iij novembris.

Frater Sebastianus Rubini, conventus Sancte Marie Novelle de Florentia, fuit assignatus in studentem theologie honoris in suo conventu prefato, cum gratiis consuetis. Datum Florentie, 3 novembris.

Fratri Dominico Luce Bruchi de Ancisa, conventus Sancte Marie Novelle de Florentia, fuit concessa  prima camera vacans in suo conventu sibi placita, et similiter primum breviarium vacans sibi placitum, ad usum toto tempore vite sue. Nullis literis vel aliis contrariis obstantibus quibuscunque. Datum in Castro Sancti Iohannis sub dominio florentinorum, die iiij novembris.

Frater Thommas de Floriano fuit suspensus ab officio prioratus sui conventus florianensis et a nullo potest inferiore restitui. Interim fit vicarius cum plena potestate frater Christoforus de Floriano. Et fratri Bernardo, priori arretino, commictitur quod revideat computa et ratiocinia tempore prioratus dicti fratris Thomme, et potest cogere omnes ad reddendam rationem administrationis et condemnare debitores ad solvendum. Et precipitur omnibus sub pena privationis bonorum quod dicto fratri Bernardo obediant tanquam commissario cum plenaria potestate. Datum Arretii, die vj novembris.

Frater Gregorius de Mediolano, conventus lucensis, habuit licentiam ire ad visitandum parentes et morari extra suam provinciam Romanam per annum propter negocia sua, et potest reverti ad dictam suam Romanam provinciam, sine molestia inferioris. Datum Cortonii, vij novembris.

Magister Marianus Dulcis fuit assignatus in predicatorem future proxime quadragesime in suo conventu Sancti Dominici in Campo Regio de Senis, cum gratiis et emolumentis consuetis. Datum Cortonii, vij novembris.

Frater Marianus de Senis fuit electus et confirmatus in priorem conventus pipernensis, cum plena et solita auctoritate. Datum Rome, xv novembris.

Frater Iacobus Federici de Castello, qui dicitur absolutus ab officio prioratus Sancti Dominici de Castello propter non solutas contributiones, restituitur ad officium prioratus et de novo instituitur ex eo quia utilis est, et tota comunitas et eques ac gubernator eum petunt; et precipitur omnibus quod ei obediant sicut priori. Nullis obstantibus. Datum Rome, xvj novembris.

|298v|

Frater Petrus Antonius de Viterbio baccalarius perusinus, qui perfecit cursuum suum et legit Sententias, habuit licentiam sumendi insignia magistralia in universitate perusina vel alia quacunque, habita prius iuramenti dispensatione vel relaxatione; et postea gaudeat omnibus gratiis, privilegiis et exemptionibus magistrorum, sine ullo impedimento. Datum Rome xvj novembris 1476.

Prioribus et omnibus presidentibus conventuum provincie Romane precipitur sub pena absolutionis ipso facto quatenus quicunque aliquid debet Rev.do magistro Christoforo de Viterbio. olim provinciali, pro contributionibus vel aliter, non solvat nisi priori vel presidenti viterbiensi aut suo mandatario, et solvat ad omnem eius requisitionem vel componat, alioquin ultra penas etiam habebit iterum solvere. Nullis obstantibus. Datum Rome xviij novembris.

Magister Thommas de Spoleto fuit missus ad predicandum p?? Terracin. in futura proxima quadragesima. Datum Rome, xviij novembris.

Magister Iohanes de Narnea fuit factus vicarius generalis cun plenaria potestate etiam suspendendi et absolvendi priorem et priorissam et confirmandi super conventu et monasterio Sancte Marie de Populo civitatis Fulginei, et expellendi et fratres ?? et utiles assignandi, et omnia faciendi oportuna ad removendum scandala et querelas de quibus fuit ruomor. Nullus inferior etc. Datum Rome, xix novembris. Et fuit assignatus ibi in predicatorem quadragesime.

Magister Ludovicus de Viterbio fuit assignatus in predicatorem future quadragesime in conventu tyburtino. Datum Rome, xx novembris.

Fratri Iuliano Bernardi Cipperelli de Prato, priori conventus Sancte Marie Camuccie de Tuderto, ac ceteris patribus et fratribus dicti conventus datur licentia quod possint possessiones conventus alienare, permutare et convertere in alias utiliores et commodiores, servatis servandis in capitulo. Et frater Bartholomeus de Feghino removetur a vicariatu et remanet tamen predicator future quadragesime. Et priori precipitur quod di frater Nicolaus de Urbeveteri illuc iverit, capiatur et incarceretur, nec relaxetur sine licentia magistri rev.mi. Et  nullus inferior. Datum Rome, ij decembris.

Frater Iacobus Federici fuit absolutus ab officio prioratus Sancti Dominici de Castello in penam, et sit factus vicarius frater Iohannes Sanctus usque ad electionem novi priori, cuius confirmatio sibi committitur; et si ipse eligereretur, tunc committitur priori conventus aretini. Datum Rome, iij decembris.

Fratri Iacobo de Castro Sancti Iohannis de Florentia, priori conventus Sancti Bartholomei et Sancte Marie Magdalene de Pitiliano, datur auctoritas recipiendi et assignandi fratres undecumque in suo conventu sine iniuria aliorum conventuum, et potest recipere ad habitum clericos, conversos et de tertio ordine, et mictere fratres ad predicandum. Datum Rome, 3 decembris.

Capitulum generale fuit propter pestem prolongatum et translatum a papa in annum 1478, et celebrabitur in civitate Perusii in festo Pentecostes dicti anni. Datum Rome, die viiij decembris.

|299r|

Priori presenti et futuro ac magistris et fratribus universis coventus senensis in Campo Regio precipitur sub pena absolutionis et privationis officiorum et graduum ipso facto et gravioris culpe quod fratem Pe. Paulum propter enormia scandala non recipiant in conventu, nec stare permittant in civitate vel comitatu post unam diem; et prior post unam diem capi eum faciast nec relaxet etiam cum auxilio brachii secularis; et intra decennium non potest redire ad conventum vel civitatem aut terminos eius. Et prior sibi precipiat quod veniat ad magistrum rev.mum etc. Datum Rome, 13 decembris 1476.

Magistro Iohanni de Narnea vicario, et in eius absentia cuicunque presidenti conventus fulginatis, precipitur quod moneant quendam fratrem morantem in Trevio cum scandalo ordinis nostri atque Minorum, ut infra tres dies sub pena excomunicationis late sententie quam proferat in forma, recedat a loco, alias perseverantem post tres dies denuntiet excomunicatum et carceri mancipet, etiam cum auxilio brachii secularis, nec relaxet etc. Et si fuerint contemptores in exequendo, privantur officiis et gradibus et incurrunt penam culpe gravioris, si tamen vera sunt scandala que narrantur. Datum ut supra. Supra fol. 199.

Priori conventus spoletani datur auctoritas recipiendi et assignandi fratres in suo conventu undecunque venientes, sine iniuria aliorum conventuum, et hoc propter pestem. Datum Rome, xx decembris.

Capitulum provinciale pro electione futuri provincialis fuit assignatum in conventu Sancte Marie ad Gradus de Viterbio, celebrandum in proximo festo Conversionis Sancti Pauli die xxv ianuarii proxime futuri. Datum Rome, xxvj decembris.

Fratribus et sororibus de Monte Magnanapoli precipitur sub pena excomuniationis quod infra xv dies restituant vel revelent quicquid habent vel sciunt de bonis dicti loci. Datum Rome, 29 decembris.

Magistro Ludovico Angeli de Viterbio fuit confirmata concessio facta per patres de camera olim magistri Antonii in dormitorio in capite conventus viterbiensis et de novo concessa, sine molestia inferioris. Datum Rome, ij ianuarii.

Magister Nicolaus de Alexandria fuit factus visitator ad inquirendum de quibusdam furtibus factis in conventu tyburtino cum plenissima potestate, etiam incarcerandi, super caput et membra. Datum Rome, ij ianuarii.

Frater Thommas Simonis ser Uberti de Civitate Vetula habuit licentiam standi extra ordinem in castello Cervetri et ubique, et officiandi etc., recipiendi elemosinas etc., tenendi socium fratrem Franciscum Ungarum conversum, et alium habentem licentiam illo deficiente; et potest bis in anno plenarie confiteri etc. Datum Rome, ij ianuarii.

|299v|

1477

Fratri Petro Iusti de Lochio de Sancto Geminiano, qui dicitur se intromisisse in ecclesiis et causis domini Benedicti olim ser Baptiste de Rodulphis de Sancto Geminiano, presbyteri vulterrani diocesis, contra inhibitionem apostolicam, et insuper protulisse verba inreligiosa contra pontificem, precipitur sub pena excomunicationis late sententie et carceris ipso facto quod in capitulo provinciali apud Viterbium aut saltem infra xij dies a notita compareat coram generali ubicunque fuerit ad se purgandum et excusandum et recipiendum iustitiam pro meritis; alias pro excomunicato declaratur, et capi et incarcerari potest ab omnibus. Et interim se non intromittat in dictis ecclesiis seu causis. Datum Rome, iij ianuarii 1476.

Frater Thommas Petri de Florentia, biblicus de conventu Sancti Marci, fuit assignatus ad legendum Sententias pro forma et gradu magisterii sub magistro sacri palatii, cum gratiis consuetis etc. Datum Rome, viij ianuarii.

Frater Petrus Ludovici de Narnea habuit licentiam propter suas recessitates standi ubique extra ordinem, et officiare et recipere elemosinas et bis in anno confiteri etc. Nullus inferior etc., nisi propter debitum et delictum. Datum Rome, xvj ianuarii.

Magister Anselmus de Aretio, ob contemplationem ill.mi domini ducis Urbini, habuit licentiam sequi dictum ill.mum ducem, et quod recipiatur in conventibus ubi fuerit dux, cum cella et sine gravamine vict(us) etc. Datum Rome, xjx ianuarii.

Societati Sancti Vincentii confessoris, que congregatur in conventu Sancte Marie Novelle, confirmatur consuetudo de portanda et reportanda cruce in die Veneris Sancti, sine ulla contradictione vel molestia. Nullis obstantibus. Datum Viterbii, xxiij ianuarii.

Fratri Antonio de Serezana precipitur sub pena excomunicationis late sententie quod restituat infra octo dies unum ducatum sibi mutuatum a fratre Iohanne Antonio de Saluciis, alias non possit a quocunque absolvi nisi in mortis articulo. Datum Viterbii, xxiij ianuarii.

 Priori et fratribus conventus Sancte Katerine de Pisis datur auctoritas vendendi, locandi, alienandi et permutandi bona conventus in evidentem utilitatem pro edificiis et aliis necessariis; et confirmatur venditio facta domine Polisene Gasparris Io(hanni) Corbini de petia terre posita a Patrignone d(i) Val di Serchio, ut patet manu ser Bartholomei magistri Petri della Spina. Nullus inferior etc. Datum Viterbii, xxiij ianuarii.

Fratri Sinibaldo Iacobi de Florentia habuit concessionem primi vacantis breviarii in suo conventu Sancte Marie Novelle, dummodo suum quod nunc habet relinquat conventui; et primum vacans breviarium sibi placens teneat toto tempore vite sue. Nullis obstantibus etc. Datum Viterbii, xxiij ianuarii.

Conventus Montis Molitiani potest vendere et permutare terras minus utiles in terras uberiores et magis utiles etc. Datum Viterbii, xxiij ianuarii.

|300r|

Magister Bartholomeus Zachius de Vulterris potest eligere et mutare socium qui secum vadat quocunque ierit, et potest exercere negocia nepotum  suorum, et propter hoc ire Vulterras et quocunque opus fuerit; et recipere ac retinere elemosinas et comedere in camera et uti aliquando dispensationibus in ieniuniis, et cum fit decanus in sua universitate senensi commedere carnes apud eos, et quater in anno plenarie confiteri. Et nullis ostantibus etc., nisi fiat spetialis mentio de premissis. Datum Viterbii, xxiij ianuarii 1476.

Conventui pratensi datur licentia quod se obliget ad faciendum festum Sancti Petri Martyris, et in die sequenti unum officium defunctorum pro pace Stephani de Prato aromatario, qui dabit ceram(?), et promitit dimittere conventui duc. xx et libras xl, vel circa, quam summam conventus sibi debet. Nullus inferior etc. Datum Viterbii, xxiij ianuarii.

Rev.dus pater magister Mathyas Angeli de Viterbio, qui fuit unanimiter electus in provincialem provincie Romane, fuit confirmatus cum solita auctoritate in presentia omnium eligentium. Datum Viterbii in capitulo provinciali, die xxiiij ianuarii.

Frater Matheus Panichi de Florentia fuit assignatus in predicatorem future proxime quadragesime in conventu cortoniensi. Datum Viterbii, xxiiij ianuarii.

Frater Sebastianus de Florentia fuit assignatus in magistrum studentium pro anno futuro usque ad capitulum generale in suo conventu Sancte Marie Novelle, si regens et prior eum idoneum secundum eorum conscientias iudicaverint, alias de alio providebitur; et precipitur eis quod diligenter examinent. Datum Viterbii, xxv ianuarii.

Fratri Donadeo de Spoleto datur licentia quod possit de bonis suis dare in subsidium studii fratri Vincentio de Spoleto, cum quo dispensatur ad sacerdotium in xxij anno. Datum Viterbii, xxv ianuarii.

Conventui fulginati datur licentia vendendi et alienandi terram positam in contrata putei maioris et terram positam in contrata Temnis, dummodo pretium convertatur in terras meliores etc. Datum Viterbii, xxv ianuarii.

Frater Bartholomeus de Feghino fuit assignatus in predicatorem future quadragesime in ecclesia cathedrali fulginati. Datum Viterbii, xxv ianuarii.

Frater Sensus de Floriano fuit assignatus in conventu perusino ad proficiendum. Datum Viterbii, xxv ianuarii.

Frater Iohannes Santis de Castello habuit licentiam standi extra ordinem ubi et serviendi ecclesiis et officiandi etc. Datum Viterbii, 25 ianuarii.

Frater Augustinus Landi biblicus de Cortonio fuit assignatus in predicatorem future quadragesime in civitate Nursie in ecclesia Sancti Benedicti(?). Datum Viterbii, xxv ianuarii.

→|300v|