|296r|

1476

Frater Bartholomeus del Bullecto de Florentia habet licentiam accipiendi aliquam domum pro hospitio iuxta Pisciam, et ibi manere cum duobus fratribus vel pluribus sub auctoritate rev.di vicarii generalis conventuum reformatorum provincie Romane, et potest officiare ecclesias et cappellas et retinere elemosinas, et possit confiteri ad invicem de levioribus et bis in anno. Nullus inferior me vel rev.do vicario etc. Datum Luce, iiij iulii 1476.

Magister Laurentius Thomme de Gherardinis, prior conventus Sancte Marie Novelle de Florentia, habuit literas sue gratiose absolutionis ad beneplacitum lectis literis in capitulo, et tunc fit vicarius usquequo alius prior sit electus et confirmatus, et presens extiterit in eodem. Datum Serezane, vj iulii.

Magister Laurentius predictus declaratur reddidisse rationem sue administrationis de omnibus expensis factis tempore sui prioratus, et de expensis factis in causa magistri Guilielmi, et in veniendo et mictendo ad Urbem pro causis conventus, et pro edificio rasure et de omnibus aliis, quia patres sic(?) congregati ad rationem quam prior reddidit in presentia magistri Cherubini nihil opposuerunt; non ergo potest cogi ulterius ad reddendum vel aliqualiter molestari. Item habet licentiam commedendi in cella aliquando cum fratre Augustino germano suo vel alio seniore; et semel in mense vel plures, si prelato placuerit, potest ire ad monasterium Sancti Dominici in Cafaggio ubi habet consanguineas. Nullus inferior. Datum Serezane, vj iulii.

Magister Laurentius et frater Augustinus Thomme de Gherardinis possideant bona comuniter, et alter alteri potest tradere et sibi invicem subcedunt, et premorienti superstes subcedit in camera et in omnibus bonis quamdiu vixerint, sine inferioris molestia. Datum Serezane, vj iulii.

Fratri Innocentio <   .    .    .     .   >, conventus Sancte Marie Novelle de Florentia, concessum fuit breviarium quod olim erat concessum fratri Iacobo Iohannis defuncto in Urbe; et mandatur omnibus qui habuerunt illud, quod sibi tradant, et ipse eo utatur toto tempore vite sue, sine inferioris molestia. Datum Serezane, vj iulii.

Fuerunt scripte litere clause ad conventum quibus significatur quod si magister Laurentius non legerit literas sue absolutionis ante festum Sancti Iacobi, tunc legantur in die Sancti Iacobi post completorium litere patentes sue absolutionis, in quibus instituitur vicarius electionis, usqueque prior sit electus et confirmatus. Magister Stephanus Benincase de Florentia. Datum Serezane, vij iulii.

Magister Dominicus Iohannis instituitur vicarius generalis super conventibus et monasteriis non reformatis in Florentia et in Prato quamdiu magister rev.mus absens fuerit a provincia, cum plenissima potestate absolvendi et confirmandi etc., de vocalibus vel non vocalibus terminandi, restituendi ad omnes gratis et vocem, et omnia faciendi oportuna. Nullus inferior etc. Datum Serezane, vij iulii.

Frater Antonius de Serezana habuit licentiam standi extra ordinem usque ad capitulum generale, et officiandi etc., exigendi bona materna, et bis in anno confitendi. Nullus inferior etc. Datum in loco cui dicitur le Spatie, die vij iulii.

Magister Iohannes Nannis Viterbiensis habuit licentiam eundi ad quemcunque conventum voluerit et ad quecunque loca et ad quoscunque dominos ecclesiasticos et ??ales, et morandi ubicumque voluerit et conducendi domum pro se et sociis, et predicandi legendi et ministrandi sacramenta, recipiendi elemosinas, acceptandi cappellas pro se et sociis ad officiandum, procurandi pro se beneficium cum cura vel sine, et habilitationem ad illud, cum gratiis ordinis; |296v| et post beneficia habita, commorandi in conventibus sine tamen voce activa vel passiva. Et confirmantur omnia pacta que faceret cum quibusvis conventibus, et potest uti dispensationibus super esu carnium pro se et pro secum convivantibus ex?? ???? vite regularis, et potest acceptare domos et loca pro ordine secundum iura et privilegia apostolica et ibi est ut prior con(ventua)lis, et potest in dictis locis alium pro se ponere, et potest recipere in dicto loco novitios et conversos, et potest eligere confessorem et mutare pro omnibus casibus; et omnes qui sibi fuerint favorabiles in premissis, recipiuntur ad beneficia et suffragia ordinis. Et nullus inferior impediat etc. Datum Ianue, xxvj iulii 1476.

Magistro Gabrieli et fratri Dominico Antonio de Florentia precipitur sub pena excomunicationis late sententie quod solvant fratri Petro de Auria Ianuensi, vel Gerardo Gianfiglazzi, duc. duos infra xv dies, si vere sunt debitores. Datum Ianue, j augusti.

Magister Mathyas Angeli de Viterbio fuit factus vicarius super conventibus nationis Romane, cum potestate absolvendi priores et non derogandi iurisdictioni rev.di provincialis quin possit libere disponere sicut vult. Datum Ianue, j augusti.

Frater Iohannes Blaxii de Segna de Dalmatia, conventus Sancti Dominici de Fesulis, habuit licentiam stare in quocumque conventu voluerit, vel extra ordinem ???que, et recipiendi elemosinas et pecunias pro sua arte lignaminis, et potest confiteri cui fratri ordinis voluerit(?) et bis in anno. Nullus inferior. Datum Ianue, j augusti.

Frater Franciscus de Bossis de Novaria, conventus Sancti Marci de Florentia, habet licentiam standi extra ordinem et bis in anno confiteri etc. Datum Mediol(ani), 31 augusti.

Universis fratribus presidentibus quorumcumque conventuum provinciarum Romane et Sancti Dominici scribitur exhortando quod recipiant benigne rev.dum inquisitorem bonon(iensem) fratrem Michaelem de Holl(andia) cum socio ad convivendum etc., quia sequitur curiam propter negocia fidei et inquisitionis etc. Datum Mediol(ani), xij septembris.

Magister Simon Bertus de Florentia, prior conventus Sancte Marie super Minervam in Urbe, habuit licentiam - pro conservanda vita regulari in dicto conventu - recipiendi et assignandi omnes fratres advenientes undecunque quos idoneos iudicaverit, et inutiles expellendi, etiam invocato brachio seculari. Nullis obstantibus. Datum Bononie, 30 septembris.

Frater Nicolaus From??t, conversus, de Theutonia, fuit assignatus in suo conventu senensi Sancti Spiritus. Datum Bononie, 2 octobris.

Frater Simon Dominici de Florentia habuit licentiam propter inopiam parentium stare extra ordinem ad officiandum eclesiam Sancti Nicolai de Monte Veteri in partibus Romandiole, et alias ecclesias et cappellas, et confessiones audire etc., recipere elemosinas pro se et pro parentibus suis, et potest confiteri cuicumque fratri etc., et ter in anno. Et nullus inferior etc., nisi propter debitum vel delictum. Datum Florentie, xix octobris.

Frater Thommas Mathei de Florentia habuit concessionem penultime celle in superiori dormitorio sui conventus Sancte Marie Novelle ex parte orti, versus habitationem pape, pro usu totius vite sue, sine inferioris molestia. Datum Florentie, xix octobris.

|297r|

1476

Frater Philippus Dominici Doni de Florentia habuit concessionem ultime celle site in suo conventu Sancte Marie Novelle in dormitorio superiori, iuxta habitationem pape, versus ortum, que cella olim fuit fratris Iohannis Masii. Et dictam cellam potest reparare et habitare toto tempore vite sue, sine inferioris molestia etc. Datum Florentie, xx octobris 1476.

Frater Matheus Iacobi conventus Sancte Marie Novelle de Florentia, qui habet in ordine xlv annos et ultra, fuit factus iubilarius cum gratiis consuetis, sine exceptione et contradictione inferioris etc. Datum Florentie, xxi octobris.

Fratri Matheo Iacobi predicto fuit concessa ultima camera in dormitorio inferiori dicti conventus Sancte Marie Novelle, ex adverso celle fratris Martini Pacini, quam nunc tenet magister Dominicus Bartholomei, et alias fuit concessa dicto fratri Matheo per magistrum Paulum provincialem ex eo quia magistro Dominico fuit concessa alia camera que est generalatus. Quando ergo magister Dominicus dimittet dictam ultimam cameram, tunc frater Matheus habeat pro toto tempore vite sue. Et nullus inferior. Datum Florentie, xxi octobris.

Magistro Simoni Angeli de Senis fuit concessa camera que olim fuit magistri Mariani senioris nuper defuncti, in suo conventu Campi Regii senensi, pro usu totius vite sue. Datum Florentie, xxij octobris. Quia patres eam sibi concesserunt. Nullus inferior etc.

Magistro Guillielmo Simonis de Florentia fuit concessa camera in suo conventu Sancte Marie Novelle que olim fuit ad usum magistri Dominici Bartholomei, sitaque in dormitorio superiori ex parte orti contra cellas iuvenum, cum omnibus suis pertienentiis toto tempore vite sue, sine molestia inferioris; revocando concessionem factam alias magistro Laurentio Thomme qui sponte cessit, nullis obstantibus. Datum Florentie, xxij octobris.

Magistro Mathye Angeli de Viterbio fuit commissum quod exigat a conventu viterbiensi ducatos centum vel circa, quos promisit pro magistro Christoforo provinciali; et precipitur priori, patribus et officialibus sub pena absolutionis ipso facto quod infra tres dies solvant vel se componant de??, et faciat f?? de exactis etc. Datum Florentie, xxij octobris.

Magistro Christoforo de Viterbio datur litera sue absolutionis gratiose ut quandocunque eas legerit sit absolutus. Datum Florentie, xxiij octobris.

Magister Antonius Schiattesius, prior conventus Sancte Marie Novelle de Florentia, habuit commissionem quod visitet monasterium Sancti Nicolai de Prato et conventum etiam pro scandalo c??? [=? converse], cum plenaria potestate puniendi, incarcerandi etc. Datum Florentie, 23 octobris. Et precipitur omnibus quod obediant.

Frater Franciscus Thomme de Florentia fuit assignatus in biblicum pro gradu et forma magisterii usque ad sequens capitulum generale, cun gratiis consuetis, in suo conventu Sancte Marie Novelle. Datum Florentie, xxiiij octobris.

|297v|

Frater Dominicus Antonius Iohannis magistri Petri de Florentia fuit assignatus ad legendum Sententias et in baccalarium pro presenti anno et sequenti in suo conventu Sancte Marie Novelle, cun gratiis consuetis. Datum Florentie, 26 octobris 1476.

Magistro Dominico Bartholomei fuit concessa camera in capite dormitorii inferioris, iuxta scalam, in suo conventu Sancte Marie Novelle de Florentia, que camera est deputata ad usum rev.mi magistri; et potest eam tenere toto tempore vite sue sine ullo impedimento, ita tamen quod adveniente magistro ordinis ad conventum, debeat sibi dictam cameram preparare. Datum Florentie, xxviij octobris.

Frater Nicolaus Mazuoli de Florentia, baccalarius, habuit literas sue absolutionis ab officio prioratus; quas cum legerit aut legi fecerit, statim sit absolutus ab officio. Datum Florentie, 28 octobris.

Frater Matheus de Pisis fuit factus vicarius conventus Serezane quamdiu frater Nicolaus supradictus fuerit prior; quo absoluto, instituitur prior ipse frater Matheus, cum plenissima potestate. Datum Florentie, 28 octobris.

Soror Simona, monasterii Sancti Dominici de Florentia, habuit licentiam quod possit relinquere et donare suum breviarium sue discipule sorori Felici de Medicis, ita tamen quod post mortem utriusque remaneat dictum breviarium monasterio. Datum Florentie, xxx octobris.

Frater Bartholomeus de Fighino fuit factus vicarius super conventu tudertino quousque prior sit presens in conventu, et etiam postea, in omnibus que concernunt conservationem religionis et utilitatem conventus. Et nullus inferior molestet. Datum Florentie, 31(?) octobris.

Fratri Laurentio Bernardi Manetti, conventus Sancte Marie Novelle de Florentia, confirmatur et de novo conceditur cella iam sunt x anni vel circa sibi concessa a priore et patribus de consilio sita in suo conventu, in dormitorio inferiori ex adverso celle magistri Mariani Vernaccia, que olim fuit pro coquina rev.di domini episcopi coronensis; et insuper breviarium quod olim fuit magistri Antonii Schiattesii sibi concessum a magistro Laurentio Thomme tunc priore conventus, ut patet in libro concessionem conventus. Et potest cellam reparare et tenere et breviario uti quamdiu vixerit, sine inferioris molestia vel impedimento. Datum Florentie, xxxi octobris.

Frater Martinus Pacini habuit in suo conventu Sancte Marie Novelle de Florentia gratias et privilegia et exemptiones eorum qui fuerunt aliquando priores in dicto conventu, et quod teneat locum suum sicut hactenus fecit, sine molestia inferioris, nullis obstantibus. Datum Florentie, prima novembris.

→|298r|