|82r|

1489

Conceditur licentia fratri Michaeli, conventus pratensis, quod possit morari extra ordinem, et servire ecclesiis. Florentię, vj martii.

Frater Petrus, conventus lucani, assignatur in eodem conventu. Senis, 29 martii.

Frater Bartholomeus Petri de Ghaccis transfertur de conventu Sancti Miniatis ad conventum Camporegii de Senis, cum assensu maioris. Senis, 29 martii.

Frater Nicholaus Senensis habet licentiam promovendi in 23 ad sacerdotium. Eodem die.

Magister Petrus Riccius de Viterbio fit prior conventus Sanctę Marię de Quercu cum plenaria potestate, cum remotione et absolutione cuiuscumque alterius prioris. Romę, xj aprilis.

Conceditur sorori Brigidę Berghamaschi de Narnia quod casu quod monialies Sancti Dominici noluerint eam in monasteiro recipere quod possit assumere tertium habitum de Penitentia beati Dominici. Romę, 15 aprilis.

Conceditur licentia fratri Luciolo de Urbeveteri quod possit extra ordinem commorari, et servire ecclesiis et ter in anno planarie absolvi. Romę, 21 aprilis.

Frater Sebastianus de Spoleto privatur omnibus gratiis magistrorum, bachalariorum et biblicorum, propter insufficientiam suam, ex eo quod non legit de more Sententias et propter inhibitionem sibi factam; et mandatur omnibus fratribus quod non debeant eum vocare magistrum. Romę, 24 aprilis.

Precipitur fratri Antonio de Pistorio, sub sententia excomunicationis, quod infra 15 dies debeat coram magistro rev.mo comparere. Eodem die.

Frater Sebastianus de Spoleto assignatur studens theologie in conventu papiensi, et mandatur sibi quod infra quidenam debeat de conventu etc. Eodem die.

Dirigitur litera priori et patribus conventus reatini in qua conceditur eis licentia quod possint alienare et commutare quartam partem cuiusdam navis(?) eis derelicte in quecumque alia bona stabilia. Rome, 28 aprilis.

Dirigitur litera Iohanni Mecheronis et eius uxori tertii habitus de Penitentia, et confirmatur consignatio possessionum per priorem et patres conventus Montis Politioni; et declarantur gaudere omnibus gratiis, libertatibus etc. Romę, 30 aprilis.

Magister Petrus Martinus, conventus Civitę Vetulę, habet licentiam extra ordinem commorandi et servire ecclesiis et ministrare sacramenta etc., et 4 [= quater] in anno plenarie absolvi etc., et tenere socium clericum vel conversum vel tertii habitus. Romę, 6 maii.

Soror Iacoba Iacobi tabularii confirmatur in priorissam monasterii Sancti Pauli ad Ortum de Pisis. Romę, 6 maii.

Fratres Melchior et Felix, conventus lucensis, assignantur in conventu Sancti Spiritus de Senis, et precipitur eis quod infra 8 dies a notitia etc. debeant recedere. Romę, 8 maii.

Precipitur universis presidentibus conventuum quod solvant contributiones sub ratione ducatorum aureorum de camera, secundum taxam notatam in libris provincię. Romę, 12 maii.

Purgatur magister Iohannes de Viterbio ab infamia illata a fratribus ianuensibus, asserentibus generalem magistrum multas ordinationes in eodem conventu edidisse propter ipsum; de quibus omnibus rev.mus magister probat contrarium ex eo quod nullam querelam a fratribus neque a quibuscunque aliis habuit. Romę, 12 maii.

Restituitur magistro Iohanni de Viterbio camera in conventu ianuensi, non obstantibus aliis literis etc., et declaratur sive reducitur ad filiationem conventus viterbiensis etc., et nil amplius pertinere ad conventum ianuensem. Romę, 16 maii.

|82v|

1489

Frater Raynerius conversus habet licentiam commorari extra ordinem etc. Conventus pisani. Romę, 18 maii.

Dirigitur litera fratri Pacifico conventus viterbiensis, in qua declaratur quod visis ratiociniis tempore administrationis sui prioratus, repertum est introitum concordare cum exitu. Romę, 18 maii.

Precipitur priori pro tempore et patribus conventus viterbiensis, sub sententia excomunicationis, quod non permictant de cetero aliquem incidere ligna in nemoribus Sancti Antonii, et quod non accommodent iocalia et libros conventus alicui extra obedientiam nostri ordinis constituto. Romę, eodem die.

Frater Sebastianus Lucensis absolvitur ab officio prioratus Montis Policiani, et instituitur prior in eodem cum plenaria auctoritate frater Iohannes bachalarius de Florentia. Romę, 18 maii.

Idem fit nativus prefati conventus, et transfertur cum omnibus bonis suius a conventu Sancti Marci ad conventum Montis Policiani. Eodem die.

Idem fit sindicus et procurator ad exigendum omnia bona sua. Eodem die.

Fratres Dominicus de Anidunio et Dominicus de Urbeveteri assignantur studentes theologie in conventu senensi cum gratiis, et mandatur priori quod recipiat eos. Romę, 19 maii.

Frater Leonardus, conventus cortonensis, habet quod inchoante 23 anno possit ad sacerdocium promoveri. Romę, 22 maii.

Frater Vincentius, conventus perusini, assignatur studens theologie pro rata provincię in eodem conventu. Romę, 22 maii.

Frater Alexander, conventus florentini, assignatur in quocumque conventu sibi grato, dummodo prior illius conventus etc. Romę, 26 maii.

Idem habet licentiam exta ordinem morandi et ministrare sacramenta, et quater in anno plenarie absolvi. Romę, eodem die.

Frater Vincentius de Mugnano, conventus Sancte Marie de Quercu, habet licentiam extra ordinem commorandi et ministrare sacramenta. Romę, 28 maii.

Conceditur fratri Michaeli Angelo converso, conventus viterbiensis, quod possit infra tres menses ascendere ad artiorem regulatm, et quod possit absolvi ab excomunicatione propter apostasiam. Romę, eodem die.

Frater Vincentius, conventus lucani, assignatur in conventu spoletano. Romę, 29 maii.

Conceditur licentia priori et patribus conventus florentini quod possint ubique questuare sive facere fieri questus in quibuscumque locis [segue et mandatur soppresso] pro futuro capitulo provinciali de proximo in eodem conventu celebrando; et mandatur presidentibus sub pena suspensionis ab officiis suis quod non impediant eos. Romę, 28 maii.

Frater Thomas de Fulgineo, prior conventus reatini, fit visitator conventus Mevenate [= Bevagna] cum plenaria potestate. Romę, 30 maii.

Frater Ludovicus de Viterbio habet licentiam extra ordinem commorandi et servire ecclesiis. Romę, die 3 iunii.

Dirigitur litera priori et patribus conventus Montis Politiani, in qua removetur conventus a cura et regimine vicarii gneralis et quorumcumque aliorum vicariuroum, et mandatur autem eis quod de cetero de huiusmodi conventus et fratribus Montis Politiani etc. Romę, 4 ?? iunii.

Frater Sebastianus de Lucha assignatur in conventu lucano. Romę, 8 iunii.

Magister Gabriel de Florentia, vicarius generalis nationis Tuscię, habet auctoritatem visitanti monasterium Sancti Silvestri de Pisis et puniendi eas.

Magister Petrus Paulus confirmatur in priorem conventus senensis. Romę, 16 iunii.

|83r|

1489

Frater Ambrosius de Mediolano, conventus Sancti Marci de Florentia, habet licentiam recipiendi domos sive quecumque loca pro ordine, et in eis sive cum quibuscumque personis extra ordinem cum socio sibi grato commorari etc., et servire ecclesiis et ministrare sacramenta, et recipere ad Tertium habitum unum vel duos. Romę, die 27 iunii.

Conceditur priorisse et sororibus Tertii habitus de Penitentia beati Dominici quod monasterium Sancte Lucie de Florentia super hereditate quondam Symonis Rotę, et Symonis de Campestri de Mugiello, possint facere compromissum. Romę, eodem die.

Magister Thomas de Reate fit regens in conventu florentino. Romę, 4 iulii.

Magister Andreas de Sicilia confirmatur in priorem conventus spoletini. Eodem die.

Precipitur fratri Iohannis de Nursia, sub pena carceris et privationis habitus, quod infra diem terminalem debeat recedere a conventu spoletano, et ad conventum Sancti Petri de Esculo se conferre. Romę, 8 iulii 1489.

Frater Iohannes conversus, conventus cortoniensis, assignatur in conventu Minervę. Die viij° iulii, Romę.

Magister Vincentius de Reate assignatur studens theologię in conventu patavino. 8 iulii, Romę.

Frater Iohannes de Flandria, p(rior?) conventus Minervę, habet licentiam extra ordinem commorandi et ministrare saramenta. Romę, eodem die.

Concessum est sorori Iohannę, suppriorissę monasterii Sancti Sixti, quod possit ire ad balnea. Romę, 8 iulii.

Frater Hieronymus Tinghi, conventus florentini, potest morari extra ordinem et servire ecclesiis. 9 iulii.

Magister Benedictus de Pisis fit prior Pontis Curvi. x iulii, Romę.

Prolongatur capitulum generale usque ad annum 91 in festo Pentecostes de mente sanctissimi domini nostri pape, et ita per provincias intimatur. Romę, viij° iulii.

Frater Dominicus de Monte Policiano habet licentiam extra ordinem commorandi. Neapoli, die 22 iulii.

Frater Angelus de Roma assignatur in conventu neapolitano. Neapoli, 20 augusti.

Magister Benedictus de Pisis fit prior conventus Sancti Spiritus de Senis. Neapoli, 22 augusti.

Fratres Rosatus de Sutrio et Dominicus de Ancona assignantur studentes theologie cum gratiis in conventu perusino. Floriani, vij septembris.

Frater Mattheus Botticellus, conventus florentini, assignatur studens artium in conventu perusino pro rata provincię suę. Eodem die.

Frater Hieronymus de Brixio, conventus Eugubii, potest predicare ubique et tenere unum socium. Eodem.

Frater Bartholomeus Petri, conventus Eugubii, potest estra ordinem morari et servire ecclesiis. Eodem.

Frater Thomas de Fulgineo potest ire ad Sepulcrum. Eodem die.

Frater Alexander, conventus lucani, assignatur in eodem. Eodem die.

Magister Iohannes Baptista de Neapoli assignatur predicator pro futura quadragesima in conventu lucano. Eodem die.

Magister Hieronymus de Venosa absolvitur a vicariatu conventus Sancti Spiritus de Senis, et ad beneplacitum prioris scilicet Petrus de Roma fit vicarius in eodem.

|83v|

1489

Frater Thomas de Cortonio potest ire ad conventum Lombardię. Floriani, 7 septembris.

Frater Petrus Mattheus de Eugubio assignatur in conventu ferrariensi, et potest morari extra odinem. Eodem die.

Frater Michael Angelus de Cortonio assignatur in conventu lucensi. Eodem die.

Frater Laurentius de Sancto Miniate potest extra ordinem morari et servire ecclesiis. Eodem die.

Conceduntur fratri Andreę de Narnia omnia bona fratris condam fratris Petri  de Narnia avunculi. Eodem die.

Magister Augustinus Spiga, conventus cortoniensis, assignatur pro futura quadragesima in conventu aquilano. Eodem.

Fratres Petrus et Cathaldus de Sicilia et Curradus de Allamania assignantur studentes theologie in conventu senensi. 9 septembris, Floriani.

Frater Iacobus de Cassianellis, conventus aquilani, confirmatur biblicus in conventu perusino usque ad capitulum generale. Floriani, eodem die.

Dirigitur litera conventui perusino in qua declaratur quod nullus debeat interesse pitantiis studentium theologie quando recipiuntur, nisi publico examini interfuerint. Eodem die.

Frater Antonius, conventus florentini, assignatur studens theologie in conventu perusino pro rata provincie suę. Eodem.

Visa fuerunt ratiocinia fratris Thomę de Floriano super administratione sui prioratus, et mandatur sibi quod infra festum Pascę proxime futurum teneatur eidem conventui dare x ducatos. Eodem die.

Frater Christoforus, eiusdem conventus, potest vendere et alienare bona sua. Eodem die.

Frater Iohannes faber, eiusdem conventus, potest alienare 3 sestaria terre pro vestitu suo. Eodem die.

D(ominus) Lebanus Castillioni Aretini potest retinere secum duos vel tres fratres ordinis. Eodem.

Fratres Paulus et Bartholomeus de Perusio assignantur in conventu Sancti Spiritus de Senis. Florentię 13 septembris.

Frater Franciscus Bernardi, conventus florentini, assignatur studens honoris in conventu papiensi, cum gratiis. Florentię 20 septembris.

Frater Gaspar de Perusio potest morari Perusii vel Senis per sex menses, ibique petere medices. Florentię, 20 septembris.

Frater Vincentius de Monte Politiano assignatur in conventu pistoriensi. 22 septembris, Florentię.

Frater Petrus Antonius de Sancto Miniate assignatur studens artium in conventu perusino. Eodem die.

Conceditur conventui fesulano quod possit propter inopiam questuare ubique. Florentię, 23 septembris. [aggiunge:] Fesulis, 20 s(eptembris).

Conceditur fratri Petro Benedicti, conventus florentini, quod possit derelinquere Chiaro Bartholomei del Chiaro  171 libras, solidos 11, et denarios 4, quas sibi accommodavit, ita ne unquam super huiusmodi molestari possit. Florentię, 25 septembris.

Confirmatur venditio cuiusdam domus per moniales Sancti Dominici de Florentia pro 50 ducatis. Florentię, 25 septembris.

Soror Leonarda, priorissa monasterii prefati, potest recipere pro moniali neptem suam cum dote consueta, ita quod infra triennium integram dotem monasterium habeat. Florentię, eodem die.

Mandatur fratri Mariano de Spoleto, sub sententia excomunicationis et privationis habitus, quod vadat ad conventum cingulanum, ubi per acta capitulis provincialis Floriani celebrati fuit confirmatus; et confirmantur ea que circa ipsum in dicto capitulo facta sunt. Ultima septembris, Florentię.

Frater Petrus de Loctis, conventus Sancti Marci, fit vicarius domus Liccieti, et potest recipere novitios et duos conversos et facere fieri questus ubique nomine dicti loci et predicare et exponere sub subditos ad confessiones. Eodem die, Florentię. Et recipere fratres undecumque advenientes.

Mandatur monialibus Sancti Iacobi de Ripolis quod nulla possit morari in officiis monasterii ultra tirennium. Eodem die.

Magister Marianus de Vernacciis fit prior conventus florentini. Florentie, 23 septembris.