|80r|

1488

Priori et fratribus conventus lucani conceditur ut possint instituere procuratorem fratrem Petrum Damascum de Luca in suis bonis paternis et maternis. Luce, die 8 septembris.

Magister Ludovicus de Luca fuit assignatus in conventu Sancti Spiritus de Senis. Luce, die 8 septembris.

Fratri Vincentius de Gasano fuit eiectus a conventu lucensi et civitate et territorio, non rediturus infra x annos, nisi magister rev.mus aliter ordinaverit. Luce, 8 septembris.

Frater Laurentius Bartholomei de Sancto Geminiano fuit admissus ad participationem omnium beneficiorum et gratiarum ordinis. Apud Sanctum Geminianum, die x septembris.

Frater Tomas de Floriano citatur ad instantiam conventus Floriani ut personaliter compareat responsurus super obiectis in administratione sui prioratus, sub pena excomunicationis late sententie et sub pena carceris et ??? criminis. Senis, die 14 septembris.

Fratri Iohanni Baptiste de Senis concessum est posse stare extra ordinem, et officiare cappellas et ecclesias, habita licentia dyocesani. Senis, die 16 septembris.

Priori et fratribus conventus Sancti Spiritus concessum est ut possint vendere pro reparatione ecclesie unam domum et pecuniam de Monte. Senis, die 16 septembris.

Item etiam est concessum, sub pena excomunicationis late sententie, ut nemo possit <si>bi retinere aliquam d??m infra annum. Senis, die 15 septembris.

<  .   .   .  > Sancti Thome de Floriano restituta fuit quedam vinea fratris Thome et sibi perpetuum est inpositum silentium super hac vinea, neque conventus sibi in aliquo debetur solvere. Senis, die decima septima mensis septembris.

Frater Iohannes Bernardus de Eugubio fuit assignatus in conventu Camporegii de Senis, et quod consignetur sibi camera quam solebat inhabitare. Senis, die 2° septembris.

Frater Bartholomeus Fabiani optinuit posse vendere illam domum quam magister Alexander sibi reliquit, cum eo honere ut sibi fuit relictum scilicet faciendi duo aniversaria, unum Senis, aliud Bononie, duc. 4. Senis, die 20 septembris.

Frater Bernardinus de Reate sub pena excomunicationis removetur de conventu perusino, et assignatur in conventu proprio reatino. Senis, die 2° septembris.

|80v|

1488

Frater Bonardinus de Senis optinuit posse stare extra ordinem, et afficiare cappellas et ecclesias et retinere elemosinas. Senis, die 21 septembris.

Frater Sebastianus Godeschi fuit assignatus in conventu mediolanensi. Senis, die 20 septembris.

Magister Augustinus Spi? de Cortonio fuit assignatus in predicatorem pro futura quadragesima in conventu ravennate. Senis, die 20 septembris.

Frater Ambrosius de Senis fuit assignatus in studentem in conventu papiensi. Senis, die 21 septembris.

Frater Ansanus de Senis fuit assignatus in conventu pistoriensi. Die xxj septembris.

Frater Benedictus de Senis fuit assignatus in conventu urbinate. Die 21 septembris.

Frater Placidus Senensis fuit assignatus in conventu lucano. Die 21 septembris.

Frater Baptista de Reate fuit institutus vicarius super priore in conventu lucensi. Die xxiij septembris 1488.

Factum fuit preceptum fratri Sebastiano de Luca, sub pena absolutionis ab officio prioratus Montis Politiani, de restitutione cuiusdam pecunie exposite per fratrem Dominicum de Cortonio tempore sui prioratus. Die 23 septembris.

Concessa est cella fratri Andreę Senensi quę primo fuit fratris Antonii, et ipse frater Antonius recepit cellam ilius fratris Andreę. Die 23 septembris.

Frater Nicholaus de Gabrielis de Luca fuit institutus sindicus in eodem conventu. Die 23 septembris 1488.

Magister Ludovicus Lucensis assignatur in quocunque conventu ubi fuerit receptus. Die 23 septembris.

Frater Vincentus de Garzano Lucensis assignatur eodem modo. Die 23 septembris 1488.

Frater Iohannes Franciscus conventus Sancte Marie Novelle de Florentia obtinuit licentiam commorandi extra ordinem. Die 23 septembris 1488.

Frater Thomas de Floriano fuit institutus capellanus monasterii Sancti Dominici; quod nullus possit eum molestare seu removere a prefato loco. Die 26 septembris 1488.

Concessa est cella sorori Mag^e de Buondelmontibus prefati monasterii, que olim fuit soror Ginevre, cum precepto et pena privationis veli quod nulla possit eam molestare; cum pertinentiis ad dictam cellam. Die 26 septembris 1488.

Directa est litera priorisse predicti monasterii quod infra sex menses, cum precepto et pena suspensionis ab officio, debeat exigere bona delegata a matre sororis Agnesine, et cuiuscunque alterius; cum precepto et pena privationis veli ceteris monialibus quod nulla audeat circa hoc priorissam impedire. Die 26 septembris 1488.

Concessa fuit cella magistro Guilielmo Simonis conventus Sancte Marie Novelle cum assensu magistrorum et patrum, quę olim fuit magistri Silvestri, demum magistri Mariani de Vernaccis. Die 26 septembris 1488. Cum omnibus pertinentiis.

|81r|

Concessa fuit cella, quę olim fuit magistri Bartholomei de Lusinbardis conventus Sancte Marie Novelle, magistro Mariano de Vernaccis cum assensu magistrorum et patrum, cum omnibus pertinentiis. Die 28 septembris 1488.

Data est litera Philippo de Strozzis de Florentia quod possit tenere, in loco qui dicitur Leccieto, quot fratres voluerit voluntarios. Die 28 septembris 1488.

Frater Bartholomeus conversus, conventus pisani, die 28 septembris fuit assignatus in conventu perusino. 1488 Florentie.

Monasteria Sancti Dominici et Sancti Pauli ad Ortum dantur sub cura in spiritualibus tantum prioris pisani, cum sententia excomunicationis ne quis sine licentia possit accedere ad predicta monasteria. Die 28 septembris 1488.

Eodem die absolvitur magister Sebastianus de Buontempis a regentia conventus Sancte Marie Novelle de Florentia, et instituitur pro isto anno inmediate sequente magister Iohannes Caroli cum omnibus gratiis et provisionibus regentibus conventus dari consuetis. Florentie.

Frater Peregrinus conventus Floriani obtinuit licentiam eodem die extra ordinem commorandi.

Frater Iohannes Baptista, conventus Sancte Marie Novelle, obtinuit eandem eodem die. Florentie.

Frater Dominicus de Tuderto fuit assignatus in conventu Sancti Spriritus senensi cum voluntate et assensu prioris. Bononie, die prima octobris 1488.

Frater Dominicus iunior, conventus Sancte Marie Novelle de Florentia, assignatur in conventu spoletano, cum precepto et pena privationis omnium bonorum quod infra tres dies debeat recessisse de conventu florentino et ad conventum sibi deputatum se conferre. Parme, die ut supra. (reg. die 5^a).

Frater Iulianus conversus, conventus florentini, assignatur in conventu narniensi, cum precepto et pena ut supra. Parmę, eo die ut supra 1488.

Frater Ambrosius conventus senensis fuit assignatus in conventu perusino. Die xv octobris, Mediolani, 1488.

Frater Leonardus Francisci, conventus Sancte Marie Novelle de Florentia, assignatur in eodem conventu. Mediolani, die xxj octobris 1488.

Directa est litera priori pisano cum auctoritate expellendi omnes et singulos fratres qui morantur exta conventum, non obstantibus aliis literis in contrarium etc., invocato etiam si opus fuerit etc. Mediolani, die vij novembris.

Quietatur et solvitur conventus pisanus a solutione 50 librarum monasterio monialium predictę civitatis Sancti Dominci, ex eo quod repertum fuit alias sibi fuisse satisfactum. Die qua supra, Mediolani etc.

Absolvitur frater Sebastianus de Monte Catino ab officio prioratus conventus lucani. Die xv decembris, Ianue. Et frater Baptista de Reate fit vicarius electionis etc.

Commictitur fratri Baptiste de Reate auctoritas confirmandi priorem lucanum electum a maiori parte omnium eligentium. Ianue, die xvij decembris etc.

Eximitur conventus lucanus obedientia vicarii generalis et subicitur inmediate sub cura rev.mi magistri, vicario conventus reservato. Ianuę, eodem die etc.

Frater Ambrosius de Mediolano, conventus Sancti Marci de Florentia, habet licentiam exeundi de Congregatione Lombardie, et quod possit commorari in quibuscunque conventibus reverendis provincialibus subditits; et instituitur gubernatori loci de Liccieto cum eadem auctoritate quam habuerunt predecessores illius loci. Alexandrię, die xviij decembris.

|81v|

1489

Absolvitur frater Ieronimus de Florentia, prior pisanus, ab infamia quorundam fratrum qui dixerunt eum quesivisse a magistro generali auctoritatem removendi fratres de conventu Sancti Marci et in eodem assignandi etc. Venetiis, 16 februarii.

Conceditur eidem auctoritas super locum qui dicitur Liccietum, et removetur frater Ambrosius de Mediolano a cura predicti loci. Et datur auctoritas priori prefato quod possit dictum fratrem Ambrosium assignare ubicunque sibi placuerit. Eodem die.

Magister Symon de Bertis habet auctoritatem instituendi Societatem Sancte Marie de Rosario in quibuscunque locis, et substituere quoscunque voluerit loco sui, qui valeant omnes in prefata Societate ingredi volentes utriusque sexus recipere et ascribere. Venetiis, x martii.

Commictitur magistro Gabrieli Dominici de Florentia, vicario generali nationis Tuscię, causa vertente [sic, = vertens] inter conventum Floriani et fratrem Thomam eiusdem conventus super administratione tempore sui prioratus, cum plenaria auctoritate. Florentie, 27 martii.

Precipitur fratri Raymundo conventus Sancti Geminiani, sub pena transgressoribus preceti debita, quod ultra non debeat publice exercere negocia secularia. Florentie, eodem die.

Dirigitur litera priori et fratribus sarezanensibus in qua approbatur vendicio vineę sive commutatio in campum facta. Florentie, 27 martii.

Dirigitur litera priorisse et monialibus de Ripolis de Florentia, in qua revocantur omnes gratię quibuscumque monialibus dicti monasterii facte. Eodem die.

Frater Sebastianus Balthassaris conventus lucesis fit capellanus et confessor monialium Sancti Silvestri de Pisis. Eodem die.

Frater Franciscus Bartholomei de Pistorio assignatur in conventu pisano. Eodem die.

Frater Venturinus et frater Bartholomeus, conventus Sanctę Marię Novellę de Florentia, habent licentiam eundi ad scolas extra conventum. Florentie, eodem die.

Conceditur fratri Laurentio Clementis, e(iusdem) conventus, licentia quod inchoante 23 anno promoveri possit ad sacerdotium.

Frater Franciscus Bernardi, e(iusdem) conventus, assignatur studens theologie in conventu papiensi. Eodem die.

Frater Bernardus, conventus Sanctę Marię Novellę de Florentia, assignatur in conventu pisano. Florentię, die 27 martii.

Dirigitur litera priori et patribus conventus florentini in qua deputatur cella sequens portam conventus pro choquis et famulis conventus; et mandatur priori quod infra quindenam debeat eis cum effectu consignasse. Florentię, die 27 martii.

Conceditur licentia sorori Katherine, priorissę sororum tercii habitus de Prato, quod possit ire ad balnea et loqui cum sororibus Sancti Pauli ad Ortum de Pisis; et mandatur priorisse quod infra diem terminalem debeat restituisse eidem sorori Katherine ea que dimisit in materitio. Eodem die.

Precipitur monialibus pratensibus, sub pena excomunicationis et privationis omnium gratiarum ordinis, quod non audeant scribere vel loqui cum secularibus et personis alterius religionis, affinibus et consanguineis usque ad tertium gradum inclusive exceptis, nisi in presentia priorisse et duarum sororum ex antiquioribus. Eodem die.

Confirmantur omnes gratię fratri Iohanni de Pistorio per predecessores sibi concessę. Romę, 6 aprilis.

Precipitur priorissę monasterii Sancti Dominici, sub pena absolutionis ab officio, ne recipiat aliquam puellam sine dote C florenorum, 50 secum, et alios 50 infra annum cum bona securitate. Florentie, die 27 martii.

→|82r|