|84r|

1489

Precipitur sorori Palumbę de Reate, Tertii habitus, sub pena excomunicationis latę sententię, quod debeat redire ad civitatem reatinam. Florentie, 29 septembris.

Soror Catherina de Pisis, Tertii habitus, potest morari cum quacumque vidua honesta. Prati, 3 octobris.

Conceditur monasterio Sancti Nicholai de Prato quod, de consensu maioris partis sororum, possint commutare aliqua bona stabilia in alia bona stabilia. Eodem die.

Precipitur priorisse et suppriorisse prefati monasterii pro tempore existentibus dicti monasterii quod pitantiam quam facere solebant debeant commutare pro laminis claustri et reparatione monasterii, videlicet 40 libr. priorissa et 20 <sup>priorissa. Eodem die.

Frater Nicholaus de Prato potest extra ordinem morari. Eodem die.

Conceditur priori et fratribus conventus pistoriensis quod possint vendere aliqua bona stabilia in aliqua alia bona stabilia commutando. Pistorii, 6 octobris.

Conceditur monasterio Sancte Lucie de Pistorio ut possint convenire cum canonicis super facto ecclesie Sancte Marię Novę, et de consensu duarum partium commutare de bonis monasterii in recompensatione dictę ecclesię; et eodem modo etiam convenire cum Apostolis(?) super conventum eorum. Pistorii, eodem die.

Frater Vincentius conventus lucani assignatur Prati. Luce, 12 octobris.

Magister Augustinus de Cortonio fit prior conventus lucani. Eodem die.

Frater Vincentius de Suvero(?), conventus pistoriensis, potest extra ordinem morari. Luce, eodem.

Frater Vincentius de Civitate Vetula assignatur in conventu lucano. Pisis, 15 octobris.

Magister Stephanus de Vio de Cayeta fit prior conventus perusini. Pisis, 16 octobris.

Domina Nicholosa de Lupis de Pisis potest quatuor in anno cum una socia ingredi monasterium Sancti Pauli ad Ortum. Eodem die.

Soror Palumba de Reate, Tertii habitus, potest ire Senas, et suspenditur censura quod debeat redire Reate. Eodem die, Pisis.

Confirmatur compromissusm factum, cum potestate ipsum prolongandi et in alios compromictendi, in dominum Marcum priorem Sanctę Marię Mag(dalen)e de Castro Franc(isc)o super litigium inter conventum Sancti Miniatis et Franciscum ser Antonii ser Pieri de Rossis. Pisis, 17 octobris.

Confirmatur hospitium concessum per priorem et patres conventus florentini fratri Nicholao Tedeschino. Pisis, eodem die.

Frater Hieronimus, conventus Sancti Marci de Florentia, fit vicarius generalis conventuum reformatorum eiusdem provincię. Pisis, 18 octobris.

Commictitur cura monasterii Sancti Dominici et Sancti Pauli ad Ortum de Pisis presidenti pro tempore conventus Sancte Katerine de Pisis. Pisis, 21 octobris.

Frater Petrus de L [voce rimasta così, incompiuta].

Magister Iohannes de Sancto Miniate assignatur in predicatorem pro futura quadragesima in conventu capuano, cum eisdem provisionibus. Luce, 22 octobris.

Mandatur presidenti lucano quod non recipiat fratrem Vincentium de Cassano nisi ad carceres. Eodem die.

Frater Sebastianus de Monte Catino, conventus lucani, fit capelanus, confessor et sindicus monasterii Sancti Silvestri de Pisis. Prati, 24 octobris.

Conceditur monialibus Sancti Pauli ad Ortum de Pisis quod possint aliqua bona stabilia in alia bona stabilia commutare, et quod possint claudere superiorem partem ecclesie a choro et supra, non obstantibus. Pisis, 17 octobris.

|84v|

1489

Commictitur eidem quod videat locationes et alienationes bonorum dicti monasterii. Eodem die.

Conceditur eidem monasterio quod possint aliqua bona stabilia in alia bona commutare. Eodem die.

Conceditur sorori Giuliette, monasterii Sancti Nicholai de Prato, quod possit succedere in bona stabilia sororis Magdalene et in unam petiam terre de melioribus ex hereditate quondam sororis Iohannę de Manasseis. Prati, eodem die.

Frater Dominicus, conventus lucani, potest extra ordinem morari. Eodem die, Prati.

Frater Leonardus Blasii, conventus florentini, potest extra ordinem morari. Florentie, 25 octobris.

Confirmatur concessio camere fratris Martini Pacini per magistrum Barholomeum Comatum predecesssorem facta magistro Sebastiano de Buontempis. Florentie, 27 octobris.

Magister Thomas de Reate assignatur predicator pro futura quadragesima in conventu ferrariensi. Florentie, 28 octobris.

Precipitur sorori Agneti, monasterii Sancti Iacobi de Ripolis, sub pena excomunicationis latę sententię quod infra quindenam a notitia debeat fratri Leonardo bona sua restituisse. Florentie, eodem die.

Magister Marianus de Vernaccis, prior conventus florentini, fit sindicus et procurator monasterii sororum Sancti Dominici de Florentia. Florentie, 29 octobris.

Frater Albertus de Ciglianis fit sindicus monasterii Sancti Nicholai de Prato. Eodem die.

Frater Thomas de Floriano dedit generali octo ducatos pro conventu Floriani pro ratiociniis super administrationem sui prioratus, et absolvitur a persolutione x ducatorum, non obstantibus aliis literis. Florentie, eodem die.

Frater Zenobius, conventus florentini, assignatur in conventu Miniatis. Florentie, eodem die.

Frater Dominicus de Sancto Geminiano potest morari extra ordinem et servire ecclesiis. Senis, 3 novembris.

Frater Innocentius, conventus Camporegii de Senis, habet eandem licentiam. Eodem die.

Precipitur magistro Guilielmo de Novaria, sub pena excomunicationis latę sententię quod infra mensem a notitia debeat conventui S(ancti) S(piritus) de Senis restituisse 54 libras vel circa, quas idem conventus solvit pro quadam promissione quam idem magister Guilielmus fecit. Senis, 4 novembris.

Precipitur fratri Io(hanni) B., conventus S(ancti) S(piritus) de Senis, sub eisdem censuris quod infra mensem a notitia debeat exisse Senas, et illuc ultra non rediisse. Eodem die.

Confirmantur et approbantur ea que fecit frater Iohannes Dominicus de Cortonio circa dotem 50 ducat., pro sorore sua Pantasilea, Iohanni Angeli de Floriano infra certum tempus promissam. In Monte Politiano, 7 novembris.

Frater Antonius, conventus pistoriensis, potest morari extra ordinem et servire capelle ecclesie maioris Montis Politiani cum eidem provisionibus et terris per magistrum Thomam de Viterbio, tunc vicarium generalem, sibi dato. In Monte Politiano, 8 novembris.

Conceditur priori et fratribus Montis Politiani ut possint, de assensu maiori partis, vendere quandam particulam orti hospitii, commutando pretium in alia bona stabilia. Eodem die.

Frater Bonifatius, conventus viterbiensis, potest morari extra ordinem et servire ecclesiis. Viterbii, 12 novembris.

Frater Iohannes Dominicus de Viterbio potest singulis annis tempore quadragesime predicare ubique, et audire confessiones et elemosinas recipere. Eodem die.

Frater Christoforus de Viterbio assignatur in conventu spoletino, et potest ire ad scolas extra conventum. Eodem die.

Dirigitur litera priori sive presidenti conventus Sancti Spiritus de Senis, in qua magister Guilielmus de Novaria, magister Hieronimus de Venosa et frater Antonius de Mantua privantur filiatione dicti conventus, et reducuntur ad provincias et conventus unde traxerunt originem. Romę, 25 novembris.

Frater Iacobus de Anania et frater Federicus de Eugubio habent preceptum sub pena excomunicationis quod infra tres dies debeant assumere iter et comparere coram magistro. Romę, 6 decembris.

|85r|

1489

Frater Dominicus de Florentia, conventus Minerve, potest exigere bona sua a quibuscumque personis, et instituere procuratores. Romę, 7 decembris.

Frater Marianus de Spoleto assignatur in conventu fulginati, non obstantibus. Romę, 8 decembris.

Frater Iohannes de Vetralla assignatur in conventu Sancti Spiritus de Senis. Romę, x decembris.

Precipitur fratri Antonio, priori Civitevetulę, sub pena excomunicationis latę sententię et absolutionis ab officio, quod infra mensem a notitia debeat restituisse priori Minerve pro magistro Petro Antonio, procuratorie ordinis, duos ducatos quos accommodavit conventui pro contributionibus solvendis provinciali. Romę, 13 decembris.

Confirmatur venditio cuiusdam domus sitę in Tulfa, facta per fratrem Thomam de Civitavetula. Eodem die.

Suspenduntur omnes gratię fratribus conventus spoletani concesse usque ad adventum magistri, et mandatur eis quod de cetero usque ad illud tempus uti dictis gratiis non possit. Romę, 17 decembris.

Conceditur priori conventus spoletani , videlicet magistro Andree Siculo, quod possit iuvenes sibi subditos ad sacros ordines usque ad sacerdotium in 23 promoveri facere possit. Eodem die.

Conceditur eidem ut de consensu maioris partis fratrum et operariorum possit aliqua bona stabilia alienare ut creditoribus conventus satisfieri possit. Eodem die.

Conceditur eidem priori facultas absolvendi fratrem Sebastianum et fratrem Vincentium de Spoleto a censuris contra eos per capitulum provinciale illatis, et conceditur eidem fratri Sebastiano quod in eodem conventu usque ad quadragesima exclusive morari possit, sub pena in easdem censuras ricidivandi. Et mandatur fratribus sub pena transgressoribus precepti quod non possint accommodare extra conventum res sacristię, et quod hostium sacristie in capite dormitorii teneatur clausum. Eodem.

Conceditur fratri Sebastiano de Spoleto quod possit morari in quocumque conventu et possit predicare, confessione<s> audire, hac conditione quod non possit morari morari in conventu prefato et terminis eiusdem nisi usque ad futuram quadragesimam exculsive, sub pena recidivandi in easdem censuras contra eum illatas.

Frater Bernardus Lombardus assignatur in conventu spoletano, et fit confessor et vicarius monasterii Sancte Catherine tertii habitus de Penitentia beati Dominici, sub priore tamen. Eodem die.

Conceditur fratri Thomę, conventus Mevaneę, cella que olim fuit fratris Petri Antonii ex eo quod vacua existat, cum potestate eam reparandi.

Precipitur priori sive presidenti conventus urbevatani, sub pena excomunicationis latę sententię, quod infra mensem a notitia presentium debeat dedisse magistro Andreę Siculo, olim priori dicti conventus, 3 ducatos aureos pro una tunica iuxta ordinationem magistri rev.mi pro labore suo. Eodem die.

Conceditur fratri Nicholao, priori conventus urbevatani, quod recipiat ad ordinem fratrem Antonium de Businis de Florentia, qui apostatavit ab ordine. Romę, 19 decembris.

Frater Iohannes Dyonisii de Nursia restituitur provincie, et assignatur in conventu reatino, non obstantibus. Romę, eodem die.

Conceditur magistro Stephano de Vio de Cayeta, priori conventus perusini, quod recipere possit quoscumque fratres advenientes eosque in eodem conventu assignare. Romę, 21 decembris.

Conceditur magistro Gabrieli Dominici de Florentia quod eiciat de monasterio Sancti Silvestri de Pisis sororem Federam et sororem Franciscam tanquam rebelles et contumaces. Romę, 8 ianuarii 1490.

Frater Antonius, prior conventus eugubini, fit vicarius in spiritualibus et temporalibus monasterii sororum Sanctę Margaritę de Eugubio. Romę, die xiij ianuarii 1490.

Frater Petrus de Eugubio potest predicare ubique, audire confessiones et retinere elemosinas, et 4 in anno plenarie absolvi. Romę, 14 ianuarii.

Frater Martinus de Eugubio potet morari extra ordinem et servire ecclesiis. Eodem die, Romę.

→|85v|