■ 27.II.1475/6. «Priori urbevetano precipitur quod incarceret fratrem Lucetheum, qui dicitur percussisse fratrem Thommam, si ita est, nec inde relaxet sine licentia rev.mi magistri; et si opus est, invocet auxilium brachii secularis. Et declaratur excomunicatus, et non potest absolvi nisi a magistro rev.mo, mortis articulo dumtaxat excepto. Datum Rome, xxvij februarii» (AGOP IV.3, f. 290r).

■ 16.III.1475/6. «Priori et patribus de consilio conventus Sancte Marie Novelle imponitur quod magister Marianus Vernaccius, et socius suus frater Albertus, faciat penitentiam gravioris culpe, alias incarceretur, sicut plenius habes in copia signata Ѫ. Datum Rome, 16 martii» (AGOP IV.3, f. 290v).

■ 22.V.1476. «Priori et patribus de consilio conventus Sancti Dominici in Campo Regio de Senis precipitur quod incarcerent magistrum Iohannem de Brixia, qui commisit multa furta et alia crimina, nec ??? etiam sine licentia expressa, et ad??datur carceri ibi macerandus secundum qualitatem delictorum, iuxta formam nostrarum constitutionium; et potest teneri in carcere seculari, nullis literis ostantibus, nec aliquis inferior impediat. Et revocantur sibi date litere. Datum Florentie, xxij maii» (AGOP IV.3, f. 293r).

■ 16.IX.1478. «Vicario presenti et futuro loci Sancti Vincentii de Nursia datur facultas capiendi et incarcerandi eos qui questuant in terminis suis, vel faciant scadala, etiam cum auxilio brachii secularis; et precipitur ei sub pena absolutionis quod nullum fratrem recipiat nisi gratia hospitii pro uno die tantum, exceptis his quos vicarius generalis ibi assignaret, quia locus ille est commissus vicario observantie Tuscie. Datum Reate, 16 septembris» (AGOP IV.4, f. 70v).

■ 8.II.1480. «Priori conventus urbevetani disctricte precipitur quod cogat fratrem Nicolaum Valentini preceptis, censuris, ablatione bonorum et carcere et omnibus modis, quod restituat domino Ioakino et domino Blasino, heredibus domine Tharsie ser Petri Pauli de Casinis, coronam margaritarum super qua mutuavit duc. 4, ad rationem bol. 62 pro duc., receptis primo dictis sibi debitis(?) 4 ducatis. Datum Rome, viij februarii» (AGOP IV.4, f. 75r).

■ 14.VII.1481. «Fratribus omnibus conventus perusini et totius ordinis districte precipitur sub penis gravioris culpe, privationis graduum, gratiarum ???, absolutionis, carceris, excomunicationis quod infra tres dies restituant vel revelent quicquid habent(?), sciunt de mula, vestibus, tazzis veteris cus??, pecuniis et rebus magistri Leon(is) prel??oris, magistro ordinis vel magistro Thomme Nannis de Viterbio, cui datur plena auctoritas ad de??? predictorum. Datum Rome, xiiij iulii» (AGOP IV.6, f. 61v).

■ 23.X.1481. «Priori conventus Sancti Romani de Luca datur facultas quod fratrem Ludovicum <de Dathis de Lucha > predictum si ultra prefatum terminum staret Luce vel in comitatu quod possit eum carcere et censuris ecclesiasticis coercere, presertim expediret suis negotiis, et si scandalo ?? fuerit isto interim potest eum punire etc. Datum Pisis ut supra» (AGOP IV.6, f. 65r).

■ 30.X.1481. «Frater Philippus Petri de Taurino, conventus Sancti Dominici de Prato, habuit concessionem camme<re> in dicto conventu, quam olim habitavit fater Blasius de Prato, sitam in dormitorio inferiori in ultimo(?) p?? dormitorii versus carcerem (...). Datum Florentie, die 30 octobris 1481» (AGOP IV.6, f. 66r).

■ 11.XI.1481. «Frater Symon Dominici, conventus Sancti Dominici de Fesulis, habuit licentiam standi extra ordinem et bis in anno plenarie confiteri et elemosinans pro se suisque parentibus exponere, et confirmata fuit littera rev.mi magistri Leonardi pro simili causa; et si erraverit aliquo crimine vel alicui esset obligatus, tunc in hiis duobus(?) subiatur carcerationi conventus(?) in cuius terminis ???. Et quod nemo inferior etc. Datum Florentie, xj novembris 1481» (AGOP IV.6, f. 68r).

■ 4.XII.1481. «Magister Antonius de Floriano fuit citatus ut infra terminum triginta dierum debeat recessisse de conventu burgensi et tota portione pec???ie et venisse ad rev.mum magistrum sub penis gravioris culpe et privationis omnium gratiarum et omium graduum ordinis et magisterii, et carceris et exco<mun>icationis late sententie, a qua non possit absolvi ab aliquo inferiore etc. Datum Rome, 4 decembris 1481» (AGOP IV.6, f. 69v).

■ 12.I.1482. «Magister Thomas de Spoleto fuit de novo citatus quatenus infra xv dies debeat comparere coram rev.mo magistro sub penis scilicet transgressionis precepti gravioris culpe, privationis omnium gratiarum et graduum ordinis, etiam ipsius maigsterii, et omnium bonorum ab ordine concessorum et filiationis conventus spoletani et carceris et privationis habitus et excomunicationis late sententie, debeat conmparere etc.; quod si secus fecerit, omnes predictas penas ipso facto incurrat. In contrarium etc. Datum Rome apud Sanctam Sabinam, xij ianuarii 1482» (AGOP IV.6, f. 70v).

■ 24.IV.1482. «Magistro Andree de Lentino provincie Trinachie mandatur sub penis gravioris culpe excomunicationis late sententie, privationis omnium gratiarum et ipsius magisterii et carceris et habitus, quatenus non loquatur cum aliqua persona seu fratre sine licentia de rebus permaxime que concernunt ordinem et monasterium Sancti Sixti, nec de eius absolutione; quod si secus fecerit, dictas penas incurrat. Datum Rome, 24 aprilis 1482» (AGOP IV.6, f. 74r).

■ 1.VII.1482. «Fratres scilicet Symon, frater Franciscus et frater Vincentius de Tuderto sunt citati sub pena carceris et excomunicationis late sententie quatenus infra diem naturalem a notitia presentium accipiant iter versus rev.mum magistrum, qui tendit Senas deinde Florentiam, et hoc propter eorum scelera. Datum Rome, die prima iulii» (AGOP IV.6, f. 76r).

■ 19.VIII.1483. «Priori conventus Sancti Dominici de Senis in Campo Regio datur facultas ut ubicunque in territorio senensi inveniat fratres questuantes vel commorantes extra ordinem sine licentia rev.mi magistri, capere eos faciat et carceribus intendat, et illos detineat donec placeat pirori predicto et patribus. In contrarium facientibus non obstantibus quibuscunque. Datum Senis, die ut supra» (AGOP IV.6, f. 81r).

■ 3.IX.1483. «Fratri Pacifico, priori conventus Viterbii Sancte Marie ad Gradus, et magistro Dyonoro, priori conventus Sancte Marie de Quercu, comuniter ut videant causam fratris Marci de Tyano qui est in carceribus, et habent auctoritatem compellandi ipsum et fratres utriusque conventus viterbiensis quod veritatem investiga??; et quia frater Iohannes Baptista de Senis inculpatur de eodem defectu sicut frater Marcus, debeat etiam causam ipsius examinare; et mandatur ipsis in virtute Spiritus sancti et sancte obedientie ac sub pena excomunicationis late sententie quatenus nullum secularem admittant pro commissario in hac causa, nec permittant quod aliquis invocet seculares, alia puniant ipsos. In contrarium facientibus non obstantibus quibuscunque. Datum Rome, die ut supra» (AGOP IV.6, f. 81r).

■ 21.XI.1487. «Fratri Laurentio Antonii de Sancto Miniate mandatur sub pena carceris ut infra tres dies recedat a conventu et confinibus Sancti Miniatis. Non obstantibus. Senis, xxi novembris» (AGOP IV.9, f. 74v).

■ 22.X.1489. «Mandatur presidenti lucano quod non recipiat fratrem Vincentium de Cassano nisi ad carceres. Eodem die» (AGOP IV.9, f. 84r).

■ 4.VII.1490. «Mandatur fratri Sebastiano de Spoleto, sub penis carceris, privationis omnium gratiarum ordinis, filiationis conventus et excomunicationis latę sententę, quod non possit morari in eodem conventu et civitate et in terminis eiusdem, et mandatur etiam priori provinciali et priori conventus pro tempore quod non permictant dictum fratrem Sebastianum in predictis locis morari absque licentia generalis magistri in literis ostensa, cum invocatione auxilii brachii secularis. Spoleti, 4 iulii» (AGOP IV.9, f. 86v).

■ 22.VI.1492. «Mandatur priori conventus spoletani et patribus ut precipiant fratri Sebastiano de Spoleto ut compareat coram rev.mo magistro in spacio dierum trium; et si obedire contrapserit(?), carceribus mancipetur, invocato auxilio brachii secularis, a quibus liberari non possit absque rev.mi magistri licentia; et fiat ei preceptum sub excomunicationis et carceris pena» (AGOP IV.10, f. 75v).

■ 6.II.1495. «Excomunicantur omnes qui posuerunt, composuerunt, affixerunt se sp(a)rserunt per conventum Sancte Marie Novelle libella informatoria atque deputantur ad carceres, a quibus penis non possint absolvi ab aliquo inferiore; si vero aliquis sotius sciverit, precipitur ei sub eisdem penis si non revocaverit in terminis quindecim dierum a notitia literarum(?); si vero mihi notificaverint, parcetur illis et tenebitur in secreto, cassando omnes literas absolutionis a me concessas» (AGOP IV.11, f. 65v).

■ 21.II.1496, carcere cittadino! «Mandatur priori Sancte Marie Novelle de Florentia quod si frater Hyeronimus Tingho et frater Iacobus Malegonelle venirent ad civitatem, debeat illos carceribus civitatis mancipari facere; quos non valeat inde liberare sine mea licentia. Magistris autem et patribus mandatur, sub pena gravioris culpe et privationis gratiarum ordinis, quatenus nullus eos ad cameras eorum recipiat, nec favore<m> aut auxilium eis conferat. Alios vero fratres extra asignatos, ultra unam diem recipi in conventu nolo» (AGOP IV.11, f. 67v).

□ frater Hyeronimus de Tinghis, OP 1465 † 1511 (Cr SMN n° 765); frater Iacobus Melchioris de Malegonnellis † 1523 (Cr SMN n° 791).

■ 27.X.1496. «Comittitur provinciali et diffinitoribus capituli provincialis Arecii celebrandi causa que vertitur inter fratrem Franciscum Ferrum Venetum, inculpatum quod co<n>signaverit 7 fratres in conventu Eugubii per fratrem Petrum vicarium Egubii, et ab eo incarceratum...» (AGOP IV.11, f. 70v).

■ 1507. Regula et constitutiones fratrum OP, ed. Venetiis (per Lazarum de Soardis) 1507: cf. tabula f. 94v, voce "carcere", che rinvia ai medesimi capitoli di quelle trecentesche; minuscolia differenze testuali.

Poi altre edizioni a stampa, fino a quella di Vincenzo Giustiniani Romae 1566, testo costituzionale che rimarrà immutato, mentre le innovazioni legislative sono rimesse alla fascia editoriale delle declarationes.

■ 12.X.1536, Firenze, convento SMNovella. «Rev.dus pater prior frater Laurentius Clementis, in cella magistri Archangeli infirmi convocavit omnes magistros et patres, et omnes intefuerunt dempto magistro Raphaele. Quibus proposuit necessitatem examinandi fratrem Taddeum de Marucellis iam incarceratum; nolebat enim per seipsum examinare eum. Et conclusum fuit quod daretur facultas fratri Victorio baccalario conventus et fratri Martino Nicholai et fratri Alexio Strozza, patribus, ut possent rigorose eum examinare; factoque diligenti examine, omnia deberent referre priori et patribus. Et sic acceptarunt, cum omni auctoritate que sole dari simillibus» (ASMN I.A.5, Libro de’ consigli A (1521-1549), f. 62v).

17.X.1536. «Rev.dus prior qui supra convocavit omnes patres... in loco carcerum in quibus manebat frater Taddeus Marci; et educto eo de carceribus interrogatoque an ea que dicerat in examine, vi, prece, minis, pretio, aut quovis alio colore dississet [sic], responsoque ab eo quod tantum(?) timore divino ductus ac propria conscientia astrictus insinuasse omnia; et quod quia nesciebat scribere, iccirco rogaverat fratrem Victorium baccalarium ut scriberet sua manu omnia. Quod cum fecisset, et ab eodem Taddeo fuissent propria manu subscripta, tunc frater Victorius prefatus incepit legere coram omnibus aliis vocatis totum examen ab eo subscritptum et confirmatum. Quod lecto et ab eodem fratre Thaddeo iterum voce et ore proprio confirmato, propriaque manu subscripto, ac singulorum patrum manibus subscripto, tunc relicto eo in eodem loco, a carceribus libero, omnes in cella venerabilis patris fratris Zenobii convenerunt. Ibique facto diligenti ac rigoroso examine, beneque ac optime omnibus pensatis, conclusum fuit inter omnes quod cum pluries a diversis prelatis fuisset de eisdem rebus reprehensus, correptus et punitus, deberet tamquam incorregibilis puniri, punireturque exuitione habitus ordinis. Quod et factum fuit in sero, hora quarta noctis, facta primo restitutione aliquibus personis de certa pecunie quantitate» (ibidem, f. 62v).

□  fra Taddeo di Marco dei Marucelli, espulso dall'ordine (exuitione habitus = svestizione dell'abito domenicano), non censito da Cr SMN.

■ 14.I.1537/8. «... proposuit quod expediens erat, existente fratre Constantino Iacobi in carceribus archiepiscopi, consentire ipsum transferri de carceribus supra dictis ad carceres que dicuntur "le Stinche", cum depositione habitus nostri ad tempus...» (ASMN I.A.5, Libro de’ consigli A, f. 75r).

 □ Cr SMN n° 715, † 1569: «Fuít supprior et magister novitiorum multoties, deinde confessor monialium Sancti Nicholai de Prato, ubi obiit anno quando ipse moniales reiette sunt ab ordine, videlicet 1569 die 9 iulii. Sepultus est in ipsa ecclesia Sancti Nicholai».

□ le Stinche: cf. Giovanni Villani  XIII, 17, 80-81; ed. G. Porta, Parma 1990-91, III, 333.

■ Stefano da Borgo San Lorenzo OP († 11.XII.1562, 83enne). «Hic cum in subita ira (fuerat enim in seculo miles) fratrem quemdam |f. 154v - 1565| coram priore - apud quem ab illo accusatus fuerat - gladio necasset, carceri iuxta sacras Constitutiones addictus, complures ibidem annos in maxima penitentia et cordis contritione peregit. Illud vero minime pretereundum censeo quod ob solitudinem ac tẹdium in ipso carcere, mentis stultitiam incurrens, mira quedam - etiamnum e carcere eductus - de se predicabat: nimirum quod fuerat ipse Noe, Isaac ac alii multi ex patriarchis et prophetis Veteris Instrumenti, quodque sẹpius interemptus fuerat et revixerat» (Cronica conventus Sancti Dominici de Fesulis, f. 154r-v).

■ 3.XI.1621. «Rev.dus prior frater Raphel qui supra [= Raphael de Columbis], convocatis patribus, proposuit eis hec infrascripta. Primum quod carcer situm prope cemiterium tanquam inutile destruatur. Quod placuit omnibus» (ASMN I.A.7, Liber consiliorum A, f. 69v).

 □ Prima del 1621, dunque, il carcere conventuale in SMNovella era situato nell'area del cimitero dei frati (correntemente chiamato "chiostrino dei morti"), luogo insano ed esposto ad invasione delle acque. Successivamente, e a seguito d'intervento del governo granducale, si provvede a una più decente stanza nell'ospiteria.

■ 12.X.1667. «Eadem die patres sanxerunt fratrem Ioseph conversum esse extrahendum a publico carcere huius conventus propter eius infirmitatem et prędicti loci pessimas qualitates, et detrudendum in alio carcere melioris conditionis» (ASMN I.A.7, Liber consiliorum A, f. 158r).

■ 1690. Constitutiones OP ed. 1690: index, voce "carcere"; cf. I, 18 § IV: p. 133; I, 19: p. 146a, 148b ; ecc.

■ 25.X.1709. «Decreverunt aduc non esse liberandus a carcere frater Angelus Parissi sed in carceribus detinendus propter suos excessus; interim eius bona inventarientur, ut in alio consilio possint decernere quid de illis faciendum sit» (ASMN I.A.7, Liber consiliorum A, f. 260v).

■ 1770. «Ricordo come essendo stati fatti vari ricorsi a S.A.R. intorno ai maltrattamenti che solevano praticare alcune delle più osservanti comunità verso coloro che, avendo difettato, ritenevano nelle carceri fuori dello zelo della carità, desiderando provvedere ad un simile inconveniente, ordinò con suo regio editto che le dette carceri fossero per l’avvenire visitate dai ministri del tribunale degl’Otto; e questa visita pur seguir dovesse ogn'anno, inibendo nell'istesso tempo ai religiosi d'intromettersi a far processi contro de' religiosi delinquenti senza la deputazione del ministro secolare, che si dovea eleggere dalla R.A.S. acciò si camminasse a termini di giustizia, lasciando la sentenza economica da darsi dai respettivi superiori: con che la medesima fosse approvata dalla R.A.S., con quel di più o di meno che ad esso paresse conforme si rileva dal sopradetto editto. Cosiché a tenor del detto regio editto si tolsero le carceri, che erano in luogo umido e cattivo, e deputossi una camera dell’ospiteria con un buon serrame al di fuori.

E coll’occasione d’esser seguito un disordine per un religioso che tolse buona somma di denaro dal noviziato, con scasso, prima di inquisirlo bisognò intendersela col sig. senatore Giulio Rucellai, segretario del regio diritto; il quale avutane parola con la R.A.S., deputò il cancelliere Paoletti, che formò il processo. E al termine, dal padre priore fu data la sentenza di cinque anni di carcere, privato di voce attiva e passiva. Qual sentenza fu confermata da S.A.R. Sebbene poi, per esser forestiere, fu fatta supplica per rimandarlo al suo paese e convento; il che seguì dopo otto mesi di abitazione nella detta carcere, essendo egli stato il primo ospite che ne prendesse in possesso dopo la suddetta visita» (ASMN I.A.33, p. 29).

■ Constitutiones OP 1871, ed. Parisiis 1872: cf. I, 18 §IV, p. 200-01; p. 213 n° 7 (rinvii ai cap. gen. 1271-1350); I, 18 § IX, p. 203; p. 687, primo rigo (rinvia a §,  non a pagina!).

□ Per seguire più minuziosamente il percorso legislativo in materia di carcerazione, leggiti qui le relative sezioni chiamate "Declaratio".

□ Importante nota dell'editore in calce a  p. 2001: «Solet hodie [1872] pro carcere deputari totus Conventus, aut camera clave non clausa, cum vix supersint aliquae regiones in quibus lex civilis carcerem formalem a Religiosis adhiberi permittat».

finis