| ⌂ |
Chronica conventus Sancti Marci de Florentia OP ■ Firenze, Bibl. Laurenziana, S. Marco 370 ■ |
||
|
|
|
||
| ⌂ |
Chronica conventus Sancti Marci de Florentia OP ■ Firenze, Bibl. Laurenziana, S. Marco 370 ■ |
||
|
|
|
||
|167v|
239. Frater Pacificus Gualteroctus, Parme infirmatus graviter, inde revertens versus Florentiam in itinere obiit, receptis omnibus sacramentis, die . . ianuarii 1525. Cuius anima requiescat in pace.
240. Frater Laurentius Corsii de Columbis, assignatus in conventu pratensi, obiit die 8 februarii 1525 in hoc conventu, nocte precedenti, ante horam nonam, receptis omnibus sacramentis. Cuius anima requiescat in pace.
241. Frater Ioannes Dominicus del Magreça, factus olim filius huius conventus, obiit in conventu Sancte Chaterine de Pisis, peste percussus, die 18 martii 1525.
242. Frater Bernardus Francisci de Florentia, conversus, obiit Pisis peste percussus, die N. martii 1525 more florentino. Cuius anima requiescat in pace.
243. Frater Petrus Antonius de Colle obiit peste extra Congregationem tanslatus ad Siculam, et die N. iunii 1526, Girgenti - ut dictum est - e vita migravit.
■
die N. iunii = die nonis iunii(?) = 5 giugno; Girgenti = Agrigento.244. Frater Cosmas de Comis de Florentia, mortuus est peste in conventu Sancti Dominici de Prato de mense decembris 1526, filius nativus huius conventus, sacerdos. Vixit autem in ordine annos xvjm. Cuius anima requiescat in pace.
Frater Bonifatius Landini, diu podagra chiragraque confractus ac contractus, obiit die 16 ianuarii 1526. Cuius anima requiescat in pace.■ AFP 56 (
1986) 68, 75.246. Frater Franciscus Bartholomei ser Baptiste, conversus, de Florentia, filius huius conventus. Obiit die 4 februarii 1526, hora 14a, longa et morosa infirmitate confossus et attenuatus » (c. 167v).
Defuncti tempore pestis ex peste 1527 in stabulo comunitatis, iuxta Sapientiam, contra conventum, priore fratre Cheru(bino) Nicolai de Florentia.
247. Frater Leonardus Dionysii de Nasis, sacerdos et sacrista maior. Obiit peste die 29 iunii 1527, in die apostolorum Petri et Pauli, crca meridiem.
248. Frater Balthasar Bonsius, sacerdos. Obiit die 12 iulii 1527, 2a hora noctis, duabus tertianis; et quia dubitabatur an erat peste infectus, ad eundum stabulum missus, et mortuus est.
249. Frater Iacobus de Piscia, sacerdos. Obiit peste percussus, die 17 iulii 1527, 12 hora diei, cum egrotasset per xvm dies.
|168r|
250. Frater Franciscus, conversus, faber lignarius, missus ex obedientia ad serviendum fratribus peste infirmis in stabulo predicto. Obiit peste percussus die 21a iulii 1527, in aurora.
251. Frater Paulus Soglianus, conversus, ex obedientia missus ad serviendum supradictis infirmis. Obiit peste percussus die 30a iulii 1527, circa vesperarum horam.
252. Frater Hieronymus, tertii habitus, de Mugello, ex obedientia missus ad supradictis serviendum; peste percussus die 3 augusti, hora 14a.
253. Frater Ioannes Baptista Nerinius, conversus, missus socius sacerdotis ministrantis sacramenta infirmis peste per civitatem. Obiit peste percussus die 27 augusti 1527, hora 2a noctis.
254. Frater Franciscus Iustini, pater antiquus et lxxrius. Missus ex obedientia ad ministranda sacramenta per civitatem, rogatu Dominationis et vicarii archiepiscopi. Obiit peste percussus die 29 augusti 1527, xiij hora diei.
255. Frater Augustinus, conversus et senex. Missus ex obedientia ad serviendum eisdem infirmis, obiit peste percussus die 30a augusti 1527, hora diei xvja.
256. Frater Basilius de Burgo, sacerdos. Infirmatus peste in conventu, missus fuit ad eundem stabulum. Obiit autem peste ibidem die 7a septembris 1527, hora noctis xvija.
In Sancto Miniate percussi peste filii conventus videlicet:
257. Frater Benedictus Francisci, sacerdos, dictus dell'Octonaio. Obiit hoc supradicto tempore 1527, peste percussus, in conventu Sancti Miniati<s> al Tedesco.
258. Frater Nicolaus de Bandinis, iuvenis sub cura magistri novitiorum. Obiit peste percussus, traductus ad oratorium Iliceti ex Sancto Miniate, hoc eodem tempore 1527.
259. Frater Iordanis, sacerdos, iam fere Lxxxrius, missus ex obedientia ad ministranda sacramenta novitiis Sancti Miniatis in oratorio Iliceti, peste percussus obiit 24 augusti, ibidem. 1527.
260. Frater Ioannes Baptista Bartholinus, sacerdos, hoc tempore Pisis obiit peste percussus. 1527.
261. Frater Michael de Sancto Miniate, hoc eodem tempore peste obiit in conventu Sancti Miniatis. 1527.
|168v|
262. Frater Vincentius de Sancto Geminiano totiius ordinis procurator et vicarius magistri ordinis obiit peste percussus die . . . 1527 Romę.
■ Biografia in debito luogo di successione necrologica († 4.VIII.1527), ma che era già stata anticipata in n° 195
.263. Frater Ioannes ser Batholomei de Piscia anno 1527 mortuus est peste, non tamen in Congregatione sed inter conventuales, lector grammatice in conventu cortonensi.
264. Frater Bernardus Thommę de Sartinis obiit peste in conventu die 17 septembris 1527. Egrotavit autem per diem unum et dimidium, suffocatus ab illo veneno nequissimo. Inventus est mortuus sine sacramentis, sedens super latrinas. In pace requiescat.
265. Frater Reginaldus magistri Ioannis chirusici, filius huius conventus. Infirmatus peste venit ad nostra supradicta stabula ubi morantur peste infecti, et infra 4or die, videlicet die 24, hora 4ta, septembris 1527, diem clausit extremum. Lector erat in grammaticalibus et sacerdos ac bonus religiosus.
266. Frater Franciscus Iuliani de Cambinis, mortuus est peste in supradictis stabulis die 4 octobris 1527. Cuius anima requiescat in pace.
267. Frater Alexander de Sancto Miniate, obiit peste die . . septembris 1527, huius conventus filius, in conventu Sancte Marie de Quercu.
268. Frater Laurentius, conversus, de Mugello. Peste cecidit die 9 octobris 1527, in supradicto comunitatis stabulo, sepultus autem in cimiterio conventus.
269. Frater Hieronymus de Ferraria, sacerdos, obiit peste in conventu Sancti Spiritus de Senis die . . septembris 1527, filius huius conventus.
270. Frater Iulianus Raphaellis del Sevaiolo, obiit peste in conventu Sancte Marie de Saxo, filius huius conventus, die . . octobris 1527. Requiescat in pace.
271. Frater Iacobus de Puris, confessor sororum Sancte Lucie. Infirmatus peste apud sorores, ibi mortuus est die 14 novembris 1527. Requiescat in pace. Erat tamen filius conventus Sancti Dominici de Fesulis.
272. Frater Lucas Petri de Bettinis, qui recesserat a Congregatione et religione; vitam autem agebat cum domino Ioanne Francisco, domino mirandulensi, eius negotia pertractans. Et mortuus est die 22a iulii, in Alba in Piamonti. 1527.
273. Frater Benedictus Christophori de Alexandrinis Florentinus. Iuvenis 20 annorum, subdiaconus, peste obiit in conventu Sancti Marci Florentię die 19 aprilis 1528. Qui vixit in religione annis 5, mensibus 4. Quiete litteris deditus, devotus et omnibus gratiosus et amabilis, unde suis bonis moribus ab omnibus diligebatur. Circumspectus enim admodum erat. Defunctus est summo cunctorum merore, ipse vero letus et haudens, regnum eternum percepturus.
|169r|
Frater Petrus, tertii habitus, de Novoli, mortuus est die 14 decembris 1527. Cuius mors dubia fuit, ac ex peste ductus fuit ad stabula supradicta et altera nocte vitam ibi finivit inter fratres ibi commorantes. Frater Mauritius Raynerii de Tosinghis, longa infirmitate - que dicitur phthisis - attenuatus, die 4 februarii 1527 animam suo reddidit Creatori. Sacerdos, iuvenis, nobilis genere nobiliorque moribus. Frater Bernardus Iacobi de Aldobrandinis, iuvenis, mortuus est peste in conventu Sancti Geminiani die 25 februarii 1528, professus huius conventus. Frater Tomas Caianus, sacerdos et predicator generalis precipuus, qui in principalibus Italię urbibus - et etiam extra Italiam - egregie et cum maximo favore et fructu predicavit. Obiit die 2 maii 1528 in Urbeveteri apud monasterium Sancti Pauli ordinis Predicatorum, huius conventus filius. Requiescat in pace. Frater Cherubinus de Primeranis Florentinus, sacerdos, predicator famosissimus, quippe qui predicaverat in multis et precipuis Italię civitatibus cum fructu et favore precipuo. Obiit peste die 28 maii 1528 in conventu Sancti Marci Florentię, huius conventus filius. Requiescat in pace, et pro nobis oret et Congregatione pro qua multum desudavit.279. Frater Marianus de Ughis [Uhgis scr.] Florentinus, sacerdos, obiit die 7 iunii 1528 in conventu Sancti Marci Florentię, huius conventus filius.
280. Frater Alexander Benedicti, conversus, vere religiosus et in exterioribus negociis procurandis valde idoneus et oportunus. Obiit Pistorii die . . mensis iunii 1528, huius conventus filius. Requiescat in pace.
281. Frater Hieronimus domini Francisci de Gualterottis sacerdos ac dialeticę lector in conventu nostro fesulano. Cum esset triginta et unius annorum, peste in prefato conventu premature moritur 22 iulii 1528. Hic iuvenis, nobilis e genere, utpute de primoribus civitatis florentinę sed nobilior moribus, accepit habitum nostrę religionis in hoc conventu cum esset 15 annorum, et perseveravit usque ad diem sue mortis, scilicet 22 iulii 1528 cum regulari observantia. Religionis zelator, deditus litteris, in prudentia pollebat non mediocri, omnibus humanissimus; et cum omnes diligeret, ab omnibus diligebatur. Unde suis bonis artibus, cum in precipua expectatione esset, Dominus suo eterno et nobis occulto iudicio illum ad se vocavit. Requiescat in pace, et pro nobis oret et nostra Congregatione, cui maxime ut bonus ipsius filius affectus erat.