| ⌂ |
Chronica conventus Sancti Marci de Florentia OP ■ Firenze, Bibl. Laurenziana, S. Marco 370 ■ |
||
|
|
|
||
| ⌂ |
Chronica conventus Sancti Marci de Florentia OP ■ Firenze, Bibl. Laurenziana, S. Marco 370 ■ |
||
|
|
|
||
|162v|
177. Frater Philippus de Reginopoli de Casentino, conversus, obiit die . . decembris 1515 in conventu Annuntiationis de Sancto Geminiano. Requiescat in pace.
178. Frater Petrus Lottus de Florentia, nobilis civis, obiit Pistorii die 5 februarii, hora nona noctis, illucescente die 6, qui fuit eo anno dies Cinerum. Hic multis annis anachoriticam vitam duxit in nostris hospitiis, hoc est in oratorio Magdalenę et Iliceti et Vinacciani. Parcissimus super quam dici possit, ita ut solis herbis vesceretur, et orationibus continue inhiaret. Correptus autem dissenteria dum esset Vinacciani, reductus est Pistorium, ubi intra quatriduum absumptus est, devote susceptis sacramentis omnibus. Obiit autem die supradicto, anno 1515 more florentino. Requiescat.
■
A. Zucchi, Gli Ospizi Domenicani in Toscana, Firenze 1946-47, pp. 71-84 per quelli dipendenti dal convento San Marco. Originale in MD 64 (1947). Quello di Santa Maria della Grazie in Vinacciano (montagne presso Pistoia) è stato allegato al convento pistoiese fino a qualche decennio fa. Da studenti vi risiedevamo durante i mesi estivi, negli anni 1950-60. Per qualche estate vi feci anche il "sindaco" (ovvero economo)!179. Frater Iulianus de Adimaris, nobilis florentinus, diem clausit extremum in conventu Sancti Marci die xij februarii 1515, hora 16. Hic longevissimus fuit in ordine, bonus pater et quietus. Obiit susceptis sacramentis.
180. Frater Ioannes Dominicus Antonii de Azurrinis Florentinus, sacerdos parrochialis ecclesię Sancti Eusebii de Certaldo, et professor grammaticę in saeculo. Diem clausit extremun anno vitae suae lx, die xxiija iulii 1516, hora 13a, cum fuisset in relligione annis 4or et xxti, febre continua correptus. Erat pater optimus et quietus; et audiendis confessionibus pro animarum zelo promptissimus, cum etiam prius non inefficaciter predicationibus operam dedisset. Susceptis sacramentis omnibus evolavit. Requiescat in pace.
181. Frater Andreas Nicolai de Anselmis de Florentia, cum per quinquaginta et quinque annos in ordine fuisset, ac predicando per villas et castella et urbes circuisset, tum monasterium ripolense per xxti et tres prudenter gubernasset, translatus demum ad conventum fesulanum, in quo fere semper podagra et chiragra dirissime vexabatur usque ad non modo suspiria et gemitus sed clamores validissimos; tandem susceptis sacramentis, bono fine, bonus pater ibidem quievit die 27 augusti, hora 2a noctis, in vigilia beati Augustini 1516. Requiescat.
|163r|
182. Frater Sanctes Ioannis de Cambis Florentinus. Bonae arboris malus fructus; et qui melius satisfecisset patri non nascendo quam natus ita perdite vivendo. Cum ob flagitiosam vitam, post annos nescio quot in ordine exactos, habitu - ex mandato rev.mi generalis magistri Thome Caietani - per vicarium generalem fratrem Philippum Strozium privatus esset, totum se ad furta et latrocinia tum impudicitias et latrocinia et crapulas dedit, ut qui pluries in furtis deprehensus per conventus nostros est; et carceri publico - qui Stinche appellatur - etiam inclusus. Post solutus, Faventiam applicuit; ubi in furta recidens, a publico civitatis ministro captus, carceri est addictus donec scopis cum maximo dedecore et flagris, tergum et humeros percutiendus esset, nisi interventu cuiusdam nobilis florentini ligatus esset. Tandem in hospitale veniens ubi languentes curabantur, eodem quo advenerat die, ita crapula et vino distentus est ut medius crepuisse dicendus sit. Expiravit tandem ibidem eo ipso die s(cilicet) . . septembris 1516.
Hoc autem ad posterorum exemplum duximus scribendum, ut qui venturi post nos sunt, angelos potius pacis quam huiusmodi monstra naturae imitentur.
■ altra mano nel marg. destro: Nota diligenter, lector, et exemplum ab isto sume, ne tibi ita contingat sicut et illi.
■ Fra Sante
(Bernardo, al secolo) aveva vestito l'abito domenicano il 2.II.1509/10; aveva emesso professione il 17.VIII.1511 (III.406), dopo che questa era stata prorogata per meglio verificare la vocazione religiosa dell'aspirante («ad maiorem probationem»).■ Le Stinche = antico carcere fiorentino (borgo San Pier Maggiore, presso chiesa Santi Simone e Giuda). Cf. Giovanni Villani [† 1348], Nuova cronica IX, 75.96; XIII, 17 rr. 80-81; e rispettivi indici.
183. Frater David Perozii de Verinis Florentinus, bonus pater et quietus, qui etiam predicationibus non vulgarem operam dederat. Tamen in ordine annos circiter xviiij sine querela vixisset, hydropisi affectus, susceptis sacramentis omnibus, octava octobris 1516 diem clausit extremum. Requiescat in pace.
184. Frater Laurentius de Macciagninis Florentinus, optimus lector vel predicator admodum egregius. Susceptis sacramentis omnibus, diem clausit extremum in conventu pisano die 13 novembris 1516. Cuius anima requiescat in pace.
|163v|
185. Frater Petrus Franciscus de Salviatis Florentinus, pratensis conventus filius, diaconii officio insignitus, morbo gallico pluribus annis laborans adeo ut corporis membra paulatim deciderent. Patientię exemplum omnibus se prebuit. Susceptis tandem sacramentis omnibus, diem clausit extremum 18 novembris, hora noctis 12, 1516. Cuius anima in pace requiescat.
186. Frater Barnabas de Cantis, Compagni, nobilis florentinus, clericus, nullis ordinibus sacris initiatus. Febre pisana correptus, diem clausit extremum in conventu miniatensi die 29 novembris 1516, hora noctis 6a. Cuius anima in pace requiescat.
Frater Sebastianus de Nuccis Florentinus, simplex sacerdos ac bonus cantor. Febre pisana correptus, migravit ad Deum in conventu pisano, sacramentis omnibus receptis, die . . decembris 1516.188. Frater Bernardus Symonis, de domo natia nobilis florentinus, ac prior pisani conventus. Susceptis ?? devotione omnibus sacramentis, diem clausit extremum in conventu fęsulano, ubi prioratus officio functus(?) fuerat, die 30 ianuarii 1516. Erat autem pater hic bonus, et virgo adhuc ex utero matris suę, devotione plenus, caritate insignis, omnibus gratus et amabilis, literis autem theologicis apprime eruditus. Cuius anima in pace requiescat.
189. Frater Iustus Benedicti Sandri de Franceschis, officio diaconii insignitus, bonus Dei servus. Susceptis ex more omnibus sacramentis, diem clausit extremum in conventu querquensi die 25 februarii 1516. Cuius anima in pace requiescat.
190. Frater Anastasius, sacerdos, de Florentia, conventus fesulani filius. Toto tempore vite sue extra claustrum, honeste tamen conversatus, diem clausit extremum die 29 martii 1517. Hic pater deditus erat ???tati erga omnes, precipue autem erga nostrę Congregationis fratres. Cuius anima in pace requiescat.
191. Frater Zenobius Iohannis Cappucc<i>arii de Florentia, filius istius conventus, sacerdos, bonus Dei servus. Obiit die 12 iunii 1517, circa horam 13am diei, receptis prius omnibus sacramentis.
|164r|
192. Frater Hieronymus de Rubeis de Pistorio, civis florentinus, obiit in hoc conventu die . . mensis septembris 1517, professus in hoc conventu. Qui cum iam senex ingressus fuisset ordinem - nam quasi sexagenarius erat -, nihilominus labores ordinis, videlicet ieiunia et vigilias, ferventer exercebat. Et quia erat etiam sufficienter literis eruditus et optimis moribus adornatus, electus prior lucensis, dictum prioratum biennio administravit. Deinde immediate per alios duos annos fuit prior in conventu pistoriensi; a quo assumptus fuit in priorem huius conventus. Demum factus fuit vicarius generalis. Quo officio per 5 menses diligenter et religiose administrato, cum reversus fuisset ex Urbe, febribus decumbens, paucis diebus vita functus est, receptis devotissime omnibus sacramentis. Cuius obitus non parvam iacturam attulit Congregationi nostre.
193.
Frater
Bartholomeus Pauli Iacobi de Florentia, professus in conventu
pratensi, sua etate in pictura et perspectiva supremum locum tenens,
sicut testantur plura opera ab eo facta Florentie, Luce, Pisis, Rome; tum etiam
ad Gallias ac Flandriam misit tabulas ab eo pictas. Cum redisset ex balneis
Sancti Philippi, mortuus est in hoc conventu die ultimo ottobris 1517.
Cuius obitus, propter eximiam eius virtutem in arte pictoria, magno fuit omnibus
detrimento. In omnibus benedictus Deus! Obiit autem etatis sue ann(orum) 46. Erat
autem dyaconus.
■
ex balneis Sancti Philippi: nel comune di Castiglione d'Orcia, in provincia di Siena.■ Suo è il famoso dipinto del Savonarola, conservato nel museo di San Marco.
194. Frater Franciscus Andree de Florentia, literis satis eruditus et eximius predicator et gratiosus procurator ordinis et vicarius magistri Iohachini Veneti. Quo defuncto [† 1.VIII.1500], per Alexandrum vjm factus est vicarius ordinis. Qui ante capitulum vita functus est. Sepultus apud Sanctam Sabinam in urbe Rome. Qui si vixisset, nulli dubium quin factus fuisset generalis magister. Hic post obitum fratris Hieronymi Savonarole, addidit Congregationi Sancti Marci conventum lucanum, pistoriensem, geminianensem et viterbiensem videlicet Sanctam Mariam de Quercu. Donavit etiam conventui reliquiam Sancte Caterine de Senis, in pulchro vasculo argenteo inclusam. Mortuus est autem anno salutis MD, die xxviij novembris.
■
Qui il cronista di turno non scrive in contemporanea; riscrive, per errore e fuori luogo, biografia necrologica già trattata in debito luogo dal primo cronista Roberto degli Ubaldini: «Frater Franciscus Andreę Dominici Mei de Mheis de Florentia ... obiit Romę in conventu Sanctae Sabinę die 28 novembris MD°» (n° 118, f. 158v).195. Frater Vincentius Iohannis de Mainardis de Sancto Geminiano, vir literis secularibus grecis ac latinis apprime eruditus et sacris literis mediocriter instructus. Qui in sermonibus recitandis supremum tenebat locum, unde sepius oravit in capitulis provincialibus Congregat(ionis), videlicet Florentie, Luce, Pistorii, et in capella summi pontificis, et in capitulo generali Rome celebrato in assumptione magistri Garzię Hyspani. Qui cognoscens virtutes eius et aptitudinem, ascivit eum in socium fecitque eum provincialem Terre Sancte; duxitque eum secum in Hyspaniam, ubi biennio ibi manens, tandem a pręfato magistro missus est Romam procurator ordinis et vicarius generalis magistri in Italia. Demum post depopulationem urbis Rome et post multa incommoda, crassante ibidem peste, cum accepisset multa antidota pro remedio pestis, febris eum iam debilem invasit; et post paucos dies, diem clausit extremum die 4 augusti 1527, etatis sue anno 45 vel circa. Hic reliquit pecuniam pro construenda cappella in conventu geminianensi; et [iter.] nisi ab immatura morte ablatus fuisset, multa bona de eo sperari poterant. Gratus enim erat summo pontifici Clementi vij°. Preterea, pulchra facie et decorus aspectu et omnibus amabilis. Sed mors iuvenem rapuit.
■ Il cronista di turno anticipa la voce; seccamente ripetuta in n° 262.
■ A.F. Verde - E. Giaconi, Epistolario di fra Vincenzo Mainardi da San Gimignano domenicano 1481-1527, MD 23 (1992); sua biografia in pp. XXXIV-LXVI; muore
in Roma, Santa Maria sopra Minerva, il 4.VIII.1527. A.F. Verde, Cinque orazioni di fra Vincenzo Mainardi da S. Gimignano O.P. (1481-1527), "Studi in onore di Arnaldo d'Addario", vol. III, Lecce (Conte Editore) 1995, pp. 907-935.|164v|
196. Frater Angelus Vectorius de Florentia, obiit in conventu Sancti Marci die xa iulii 1518, circa decimam horam diei, receptis prius omnibus sacramentis.
197. Frater Raphael Iohannis Cappucc<i>arii de Florentia, prior tunc Sanctę Catherinę de Pisis, bonus Dei servus et optimus predicator. Obiit die 13 octobris 1518, circa 24tam horam noctis, receptis prius ex more omnibus sacramentis.
198. Frater Thomas Antonii de Guidis de Florentia, lector bonus et predicator. Obiit die 28a octobris 1518, circa horam nonam noctis, receptis prius omnibus sacramentis.
199. Frater Angelus Angeli, cartarii, de Florentia. Obiit in conventu miniatensi die 17 novembris, circa tertiam horam noctis, habitis prius omnibus sacramentis.
200. Frater Thomas de Monteregio, conversus, valde utilis in cultura horti. Obiit in isto conventu die xvj maii 1519, hora x. Cuius anima in pace requiescat.
201. Frater Petrus Petri de Prato, iuvenis nullis adhuc ordinibus initiatus. Post emissum votum religionis, tisi arrectus, post sex menses diem clausit extremum, die scilicet decima augusti 1519, hora diei decima, receptis prius omnibus sacramentis. Cuius anima evolavit ad celum pro sua puritate et in egritudine patientia.
202. Frater Hyeroninus de Fortinis, iuvenis admodum levis atque obbediens, religioni vehementer insuper affectus, sub ma(gistr)i adhuc custodia deputatus. Die xja octobris 1519 terminum sue vitę faeliciter posuit, prius omnibus receptis sacramentis, hora circiter undecima, ante diem fere per horoam. Cuius anima cum coronis subdiaconibus, quatenus et ipse benemerito erat, semper in pace domini Dei nostri requiescat.
203. Frater Peregrinus Iohannis de Crespoli, comitatus Pistorii, conversus. Obiit in conventu miniatensi die < . . > iulii 1520. Fuit valde humilis et optimus hortulanus, multum laborans pro bono comuni et fratrum. Mortuus est profluvio ventris. Qui devotus senper fuit, et devote animam reddidit Creatori.